هل هى حملة لوقف انتصارات الزمالك.. شكوى ضد شيكابالا وتهديد بالقضاء!

[حياتي ذكريات]

في موقف غريب .. تقدم رئيس نادي أسوان ويدعى حسين الناظر بشكوى إلى المجلس القومي للرياضة واتحاد كرة القدم المصري والجهاز الفني للمنتخب المصري ضد لاعب نادي الزمالك والمنتخب الوطني محمود عبد الرازق "شيكابالا" ابن مدينة أسوان.


وادعى الناظر ان شيكابالا قد تهجم عليه بألفاظ مسيئة خلال اتصال هاتفي، بسبب خبر منشور في احدى الصحف على لسان رئيس النادي الصعيدي بأن شيكابالا لم يقدم شئ لأسوان حتى يتم تكريمه بعد فوز المنتخب المصري ببطولة كأس الأمم الأفريقية الأخيرة بأنجولا.!


وهدد حسين بتصعيد الأمر إلى القضاء، في حال عدم حصوله على حقه.. مؤكداً انه قام بتسجيل اتصال شيكابالا به.!!


ويبدو ان البعض يريد افتعال المشاكل حول لاعبي الزمالك والفريق ككل، بعد توالي الانتصارات البيضاء وانتفاضة المارد الأبيض من جديد.!


وإذا ربطنا هذا الخبر بما قاله وليد صلاح الدين أحد مسئولي الكرة بالنادي الأهلي على شاشة قناة "مودرن سبورت" قبل مباراة الزمالك وبتروجيت الماضية.. بطلبه "علانية" من جميع الصحفيين والاعلاميين الاهلاويه بعمل حملة اعلامية جماهيرية كبيرة لتوضيح الموقف الحالي لفريق الأهلي وما يعانيه حسام البدري من نقص في الصفوف واعادة بناء فريق جديد من الشباب.. يوضح ان مسئولي الأهلي يسخرون أتباعهم دائماً لشن حملات اعلامية مع أو ضد، على حسب الصالح العام للنادي الأحمر.!

[a m i r a]

لالالالالالالا طبعا شبكابالا مش ممكن يعمل كيده بس هو هيتهم اتهم باطل ليه وايه السبب اممممممممممممم مش عارفه تحير بجد شكرا علي الخبر

[حياتي ذكريات]

اقتباس المشاركة الأصلية كتبت بواسطة منه الله لالالالالالالا طبعا شبكابالا مش ممكن يعمل كيده بس هو هيتهم اتهم باطل ليه وايه السبب اممممممممممممم مش عارفه تحير بجد شكرا علي الخبر

الله العالم إذا كان شيكابالا عمل كده ولا لأ
شيكا عصبي شوية بس ما أعتقدش انه يعمل كده
وبعدين هو بيقول انه مسجل الإتصال وده شيء غريب
وكأنه كان متوقع ردة الفعل ده !!

[اتيتو]

مش غريب .. سبحان الله كل ماالنادي يستقر شوية يطلعلنا الف حوار!!!!

شكرا ع الخبر

[ARAGON]

الله اعلم هل هو تسليط فعلا

أو لا....


بس مش عايزين الشك

ثم ان الاهلي ها يستفيد ايه من تعثر الزمالك

لو قادر يحافظ على تقدمه وتصدره في الدوري

الله اعلم

بس ياريت ما يكونش فيه شكوك

وهو لو غلط في الراجل ده يتعاقب

[حياتي ذكريات]

اقتباس المشاركة الأصلية كتبت بواسطة اتيتو مش غريب .. سبحان الله كل ماالنادي يستقر شوية يطلعلنا الف حوار!!!! شكرا ع الخبر

ربنا يصلح الحال ما حدش عايز يسيب الزمالك في حاله
تسلم على المرور
نورت الموضوع

[حياتي ذكريات]

اقتباس المشاركة الأصلية كتبت بواسطة technical الله اعلم هل هو تسليط فعلا أو لا.... بس مش عايزين الشك ثم ان الاهلي ها يستفيد ايه من تعثر الزمالك لو قادر يحافظ على تقدمه وتصدره في الدوري الله اعلم بس ياريت ما يكونش فيه شكوك وهو لو غلط في الراجل ده يتعاقب

أكيد هو لو شيكابالا غلط وتبين اللي عمله
لازم يتعاقب وأغلب الإعلامين بيطلعو تصريحات خاطئة عن نادي الزمالك
وكأنهم مش عايزين النادي يستقر
شكــراً على المرور الكريم