ادينى فى الهايف وانا احبك يا فننس

[big bốss]

موضوع النهاردة :-

بالنسبة للهيافه اللى احنا فيها ..... !!!!

أما شفت امبارح حته فيلم جامد مووت ملوش قصة بس ضحكنى اوى سمعت أغنية نوسه ؟اسكت امبارح حرقت دم الواد احمد فى البلاى ستيشن أنا روحت أعمل نفس اللوك بتاع هيفا الجديد كلفنى كتير اووووى بتقرا ايه يا عم هتعملنا فيها مثقف اعملى account على جروب " محبى التشيز كيك " الجروب ده روش طحن يلا نفتح البلوتوث نتسلى شويه جبتلك سى دى عليه شوية العاب من الأخر هتلعبها وهتدعيلى أما التليفزيون بقى ممل بشكل كل ما أمسك الريموت الاقى برامج حوارية ونشرات أخبار مفيش فيلم جديد ولا اغنيه جديده .... ؟ باليه أيه... ما تيجى نروح ديسكو او اى سايبر نعمل شات .....

اللى فات ده حوارات بتدور بين اغلبنا ومن هنا هنتكلم عن التفاهه لكن مش بتفاهه !



إدينى فى الهايف وأنا أحبك يا فننس ... !!!

فاكرين الجمله دى ؟ ... لما قالها محمود عبد العزيز فى فيلم الكيف




سؤالى ليه تفكيرنا اصبح عقيم كدا والشباب اغلبيه بينظر للحياه على انها مرح وتسليه ومفيش جد خالص



ليه فقدنا الامل والاحباط معانا ؟ من المسئول ؟

[حفيدالفراعنة]

يعنى ايه اولا ادينى فى الهايف انا عاوز التفسير العلمى ليها

[fula]

السلام على من اتبع الهدى.......اولا انا طبعا عارفة الجملة اللى قالها محمود عبد العزيز....هو كان قصده كلام اغانى تافهة.....اما بخصوص التفاهة والهيافة اللى انت بنتاقشها انا شايفة من كلامك انك بتجمع نفسك من ضمن الشباب دول ...وان الله لا يغير ما بقوم حتى يغيرو ما بأنفسهم يبقى ابداء بنفسك وبطل الحاجات دى وانصح اصحابك بكدا وحاولو تغيرو من اهتمامتكم ..وتنظرو للامور نظرة جدية اكتر من كدا ومع الوقت لو كل واحد بداء بنفسة اكيد هتتقدمو وهيبان منكم نتيجة ..ومشكور على طرح الموضوع..

[رووكه]

الشباب من ساعه مكبرو وحاسو قد ايه المسؤليه اللى وقعت على دمغهم ابتدو يدور على الحاجات الهايفه
اسألك سؤال انت شاب اكيد كنت ومازلت بتسمع اغانى بتقول كلام متروش مع اصحابك بتلعب بلاي استيشن صح
عارفه ان دة مش على طول
بس انت بتعمل كدة ليه اكيد بتكون مخنوق وعاوز حاجه تطلع فيها اللى جواك صح ولا
الغلا اللى وصلناله خالى الكل بقى مفيش مخ مفيش تركيز كل متفتح صغرة تلاقى اكبر منها قدامك

اسفه على كلامى بس هى ديه الحقيقه الناس بتهرب من الواقع اللى بقى معقددددددددددددددد على الاخر