المستحيله ضيفة كرسى الاعتراف

[المستحيله]

هلا دلوعه مصريه

ميررررررررسى بجد ادمن على مجهوووووودك الجامد

ويلكم هبه منورررررره الكررررررررسى

النور نورك يا قمر

شويه اسئله خفيفه كده:vb36:
اتفضلى

انتى ساكنه فى اى محافظه فى مصر
محافظة البحيره

لونك المفضل
البنى و الاخضر الغامق

اكلتك المفضله
السمك المشوى

بتمثلك ايه الكلمات ديه
الحب
الاخلاص و الوفاء و الصدق

الحياه
رحله نهايتها اما جنه او نار علينا ان نحترس فيها و نعمل لنهايتها

الام
مصدر العطف و الحنان

الاهل
هم الاصل و السند لكل شخص

حاجه اتمنيتيهاااااا فى حياتك واتحققت
انى انجح بتقدير معين و الحمد لله نجحت بيه

ترتيبك بين اخوااااتك ايه
الاولى

اكتر كلمه تحبى انك تسمعيهاااااا
ربنا يسترك فى الدنيا و فى الاخره

فناااانك المفضل
لا يوجد

كفاااااايه عليكى كده

الحمد لله كتر خيرك على كدا
تسلمى يا قموره على اسئلتك
تحيتى لك

[Mahmoud Kamel]

السلام عليكم
اخبار الكرسي وياكي يا مستحيله ؟؟

ان شاء الله الاسبوع يعـدي عليكي بالخير << في المشمش ههههه

1) نبذه مختصره عن مستحيله ؟ هواياتها ؟
2) حكمتك المفضله ؟ ووشاعرك المفضل ؟ فنانك المفضل ؟
3) ما ذا تعني لك الكلمات الاتيه :-
الزواج 000 الصداقه000 الاخوه 000 الاعضاء اللى همهم اذيه البنات 000 العدل 000 الامانه 000 المنتدى 000
الحب 000 شارون 000 الاقصى 000 الوحده العربيه 000 الليل 000 القمر 000 السكينه
4)لمن تعطي هذه المسميات :-
القلم الذهبي000 مكنسه 000 شهاده تقدير 000 ورده حمراء 000 ورده بيضاء 000 ورقه بيضاء 000 مع ذكر الاسباب؟
5)ما رايك بهذه الاسماء :-
هيثم بيه ابو الدهب000 فارس العماري 000 كارميلا 000 ابو ادهم 000 مـــحـمـود 000 قلب فاضي 000 عاشق الاحزان 000 بوسي الدلوعه 0000 السمسمتين اللي معانا 000 اميره القمر 000 الفراشه
6) ما هي سلبيات المنتدى برايك ؟. وكيف يمكن تجاوزها ؟
7) المشرفين ؟!!!! من برايك يستحق تلك الكلمه من مشرفين منتدانا ؟ لماذا؟
8) ساعطيك ورقه وقلم مع القليل من الالوان الخافته واريد منك ان ترسمي لوحه معبره عن حال العالم العربي ؟ ماذا ستفعلين ؟
9) ايـه السؤال اللي عمـركـ ما عرفتي تجـاوبي عليه <<< اذكريـه وحاولي تجاوبي عليـه ؟؟


10) ماهي الفائدة الذي جنيتيها من جلوسك خلف شاشة الكمبيوتر على النت؟؟
11) مارايك في أن من يجلس على النت بالساعات هل هو سحر أم أدمان أم تضييع وقت فراغ أم أكتساب معلومات والتزود من أنواع المعرفة؟؟
12) ما هو الموقف الاكثر احراجا الذي تعرضتي له في حياتك ؟؟
13) ما هي الاشياء التي ندمت عليها في حياتك؟؟
14) ما هو مبدأك في الحياة
15) الى اي مدى انت طموحه
16) ماذا تعني لك الاسره والاولاد
17) ايه القراءه بالنسبه ليكي
18) أريد أن تقييمي كل عضو من هؤلاء
1) احضان ( عبدو )....
2) smsma666.....
3) ملاك وطن......
4) مني خالد.....
5) هيثومه.....
6) فارس العمـاري.....
7)رانومه......
8 ) نورهـان

نقــول هاجيلكـ تاني

[المستحيله]

الفرااااااااااااااشه

اهلا اهلا

اسئلتك خفيفه اوى

ربنا يستر

حارجعلك تانى بس لما اقوى نفسى عشان اقدر على اسئلتك هههههههههههههههههه

مشكوره يا عسوله

لى عوده

[A7meD]

أختي المستحيلة إزيك
أنا هسألك سؤال واحد و إن شاء الله تجاوبيه
إيه أكبر موقف صعب مر بحياتك حتى الأن
وربنا معاكي

[Karamela]

هههههههههه

ماشي يامستحيلة

واهي فرصة نتعرف عليكي اكتر

خصوصا انك غامضة شوية

هههههههههههههههههههه

منورة الكرسي ويارب تتبسطي عليه

لي عودة بالاسئلة

[المستحيله]

المستحيله منوره الكرسي يا جميله
لقينهم مش جيبنلك كرسي ولا حاجه
وهيثم شكله ناوي ينتقم منك
فجبتلك كرسي تقعدي عليه
اتفضلي يا قمر

تسلميلى على الكرسى المريح دا و كتر خيرك انك افتكرتى تجيبى كرسى
لانهم باين عليهم عاوزين يقعدونى على الارض من غير كرسى ههههههههههههه


نبداء بئا شويه اسئله خفيفه كدا
اما شوية اسئله خفيفه بشكل

يالا بينااااااااااااا
يلا يا عسل

1/هل تعرضتي لخيانه من قبل الاصدقاء او حبيب او من اى شخص كان ؟

الحمد لله لا

2/ هل اخطئتي فى حق انسان ورفضت الاعتذار مع انك مصره على انك مش غلطانه؟
لا

3/ ثلاث كلمات لا تغادر لسانك ابدا؟؟
يارب ارضى عنى

4/ ثلاث اشواك قاسية أين تغرسيها؟؟
فى قلب كل حاقد و خائن و عاق لوالديه


5/ ثلاث اصدقاء اصبحوااعداء ليكى
لا يوجد الحمد لله

6/ لمن تقولى لو سمحت اسكت
اقول للسانى

7/ ماهى عيوبك ؟
متردده جدا و معرفش اخد حقى

8/ اوصفى نفسك فى سطر واحد
بنت طيبه و فرفوشه تحب الخير للناس

9/ اسوء خبر سمعتيه
احتلال العراق

10/ ايه هى اصعب لحظاتك
اصعب لحظاتى عند مرض امى ربنا يخليهالى لما كنت فى اخر سنه و هى تعبت اوى بس الحمد لله عدت على خير


11/ اية شعورك لما عرفتى انى اللى رشحك للكرسى هو هيثم ؟؟؟؟
استغربت بصراحه لان هيثم مش مندمج مع اغلب الاعضاء و استغربت انه اختارنى انا

12/ اية اخر نيك نام كتبتية؟؟؟ ولية دة بالذات ؟؟
النيكنيم هو
جرحت قلب الغرام و زدت فى عنادك تبغى الصراحه ترى ما كان له داعى
و اختارته لانه اغنيه جديده لمحمد عبده عجبتنى اوى لما سمعتها

13/ ممكن انى اى حد يقنعك بموضوع بسهولة ولما بتفضلى تعاندى معة؟؟؟
مش فاهمه السؤال اوى بس اعتقد انك تقصدى انى سهل اى حد يقنعنى بشىء معين ايوه ممكن اقتنع بسرعه لكن ممكن اندم بسرعه على نتيجة اقتناعى برضه

14/ لو خيروكى انك تعيشى فى مكان غير مصر طبعا هتختارى اية ؟؟؟
السعوديه

15/ رقمك المفضل اية ؟؟؟ ولية طبعا ؟؟؟
رقم 3 و ليه لانه الشهر اللى انا اتولدت فيه شهر مارس

16/ أكله تحبيها من قلبك ؟؟؟
هو السمك المشوى و الفراخ المشويه مع بطاطس بس مبحبش البطاطس

17/افضل الأسماء عندك ؟
اسمى اول حاجه و اسم ريناد و رانيا و مى

18/نصيحة توجهها لبنات مصر؟؟
لازم نكون الافضل دائما امام كل الناس

19/ موقف محرج حصلك ومش ممكن تنسية ؟؟؟؟
امممممم هى مواقف كتيره و منها ان مره لما كنت فى الكليه كنا بنمتح فى خيام و كان جنبى كولمان مياه و كان مياه كتيره على الارض و كان طالب ماشى من جنبى رايح على مكانه عشان يمتحن و وقع بسبب ان الارض عليها مياه و مسك فى كتفى و هو بيقع على الارض انا وقتها بصيتله و انحرجت و هو كمان بس الحمد لله ما وقعش على الارض لانه مسك فيا ههههههههههه

20/إذا أعطيناك ممحاه فماذا تمسحي ؟ من التاريخ من القوانين من من الأمثال لك حرية المسح .
امسح من التاريخ ظلم القاده و الحكام و القوانين امسح كل قوانين الفيزياء ههههههههه
و الامثال مش فاكره حاليا شىء معين



21/إذا كنتي شمعه .. فلمن تضحي بإحتراقك ؟
لامى اضحى من اجلها

22/_ما أجمل زهرة في حياتك؟
امى

23/_ماذا تحب أو تكره في شخصك؟
احب طيبتى و اكره ترددى

24/_هل تجدين روح التعاون بين طاقم الاشراف والاعضاء في بنات مصر
نعم تعاون فوق الوصف بصراحه


25/- اقرب الاعضاء والعضوات لقلبك في المنتدى
كاراميلا عضوه حبوبه اوى


26/عضو أو مشرف تعتبريه أنسان مثالي في منتديات بنات مصر
ابو ادهم


27/ من هو الشخص او ما صلة القرابة الذي تعتبريه هو الاول والاخير في ارشادك الى الصواب وتأخذين برايه على محمل الجد؟؟
انا غالب اقتنع براى فقط و لكن لى صديقه اخذ برايها احيانا

وكفايه كدا مش هتقل عليكي

لا ابدا و لا تقلتى و لا حاجه انتى بس كنتى حتموتينى باسئلتك الخفيفه دى ههههههههههههه

مشكوره اوى على اسئلتك بجد اسعدنى تواجدك
تحيتى لك

[المستحيله]

اقتباس المشاركة الأصلية كتبت بواسطة ملك الحركات سلا م عليكي منوره الكرسي يا قمررر مين ممكن يكون فتي احلامك؟

و عليكم السلام و رحمة الله
النور نورك اخى
مين ممكن يكون فتى احلامى
انسان يكون صادق و وفى و مخلص جدا و رومانسى و يكون ذو شخصيه قويه ايضا
بس هو دا اللى بحلم بيه
و شكرا ليك على سؤالك
تحيتى لك

[المستحيله]

هلا يا عسل منوره

بصى بقى عشان انا قلبي قلب خساية مش هتقل عليكي :500:
لا ابدا واضح جدا انك مش متقله عليا
ربنا يعين

ماذا تعني لك الكلمات الاتية:
الحياة
سبق و ذكرتها

الموت
ربنا يرحمنا منه و من عذابه هى نهاية طبيعيه لنا جميعا

الحقيقة
هى اساس لنجاح كل شىء حتى يكون هناك عدل

الخيال
عالم جميل نعيش فيه عندما لا نستطيع عيشه فى الواقع

المراة
مخلوقه جميله و لكن تريد من يفهماه و يقدرها حتى تعيش سعيده

الزواج
هو الحب الحقيقى و النهايه السعيده

الاولاد
هم الامل فى الغد

المال
نعمه و نقمه

الصحراء
مكان موحش جدا

البحر
مكان يريح النفس و يخيفها ايضا

الشمس
هى الاحساس بالحياه و الدفء

القمر
ما اجمله و ما احلى هدوءه

النجوم
اشياء كلما ننظر اليها نحتار فى تواجدها و اعدادها

إذا استعرضنا معـــــًا أجمل محطاتك في :الطفولة ،اصحابكـ، الدراسة فماذا سنجد في جعبتك من مواقف لم تزل قائمة في الذاكرة ؟
طفولتى كانت هادئه جدا لانى بطبعى انسانه هادئه جدا يعنى لما كنت تلميذه كنت اهدى بنات الفصل و الحمد لله كان لى اصدقاء كتيره اوى و كانوا بيحبونى و حصلى موقف و انا فى الصف الخامس الابتدائى عمرى ما انساه هو ان مدرس الالعاب قال ان البنات كلها تخلع الحجاب و محدش يلبس الحجاب تانى و لكن انا كنت لابسه حجابى و مستحيل انى كنت اسمع كلام المدرس و اخلع الحجاب و بالفعل كل المدرسه خلعت حجابها الا انا و طبعا المدرس شافنى و نادى عليا فى المايك بصوت عالى انى اخلع الحجاب و لانى كنت خجوله جدا بكيت بشده و لكن لم اخلع حجابى بعد و جاء ناحيتى و كان مصمم انى اخلعه و لكنى بكيت و لم اتكلم و جاء مدرس اخر و استسمحه و طلب منه ان يتركنى لحالى و لكنى استغرب على نفسى من اين جئت بتلك القوه و التصميم لانى مثل ما قولت خجوله و هادئه و كنت بخاف من المدرسين جدا

لمــــاذا كان اسم المستحيلة اختيار لك ولم يقع الاختيار على اسم آخــــر ؟
اولا اسم المستحيله شوفته فى احد المنتديات و عجبنى الاسم اوى و من يومها و انا اخذته لى كاسم فى كل منتدى اشترك فيه و احس انه قريب من شخصيتى جدا

عبارة نسمعها { الطيب مالهوش مكان في الدنيا دى } ما رايك فيها ...؟
فعلا مقوله صحيحه و لكن الطيبين هم الكسبانين فى هذه الدنيا هم صحيح لا ياخذون حقوقهم من الاقوياء و لكن وجودهم شىء ضرورى حتى نمنع الشر

متى تقول لا وبدون تفكير ومتى تقول نعم وبدون تفكير بمعنى { لا و نعم } قطعياً ...?
لا و نعم فى مواقف لا تحتاج تفكير حتى نتردد فيها بنعم او لا و خاصه اذا كانت تخص حياتى الشخصيه مثلا كالزواج لانه ارتباط العمر و ليس لعبه

من هو المستحيلة في ثلاث كلمات ؟
فتاه هادئه اجتماعيه

تواريخ كثيره يمر بها الانسان البعض منها يأثر في شخصياتنا اذكر تاريخا غير شيء من شخصيتك او اثر فيك ؟
من فترة دخولى النت تغيرت شخصيتى كثيرا اصبحت اتحدث كثيرا و احل مشاكلى بسهوله

للمنتديات سلبيات وليها ايجابيات كثيره في رأيك ماهي السلبيات والايجابيات للمنتديات.؟؟
اجابياتها فى انها تقدم معلومات جميله جدا و انا شخصيا استفدت منها جدا
اما السلبيات فهى كثيره و منها الاعضاء الذين يدخلون باهداف التعرف على البنات فقط دون تقديم ما يفيد و كمان الموضوعات الخارجه عن الحياء التى يقدمها بعض الاعضاء

ماذا تعني لك :
دمعه الطفل
الاحساس بالعطف

دمعه المرأة
صادقه فى اغلب مواقفها لان المراه انسان حساس جدا

دمعه الرجل
دمعه عزيزه جدا لا تخرج من الرجل الا فى المواقف الشديده

منصب تتمنى أن تصل إليه ماهو ؟
انا عاوزه بس اكون اخصائيه اجتماعيه يعنى اشتغل بمؤهلى فقط

شغل في دماغكـ من كتيييييييير تتمنى انكـ تعمله ايه هو ؟
شغل البيت امتى يخلص من دماغى و ارتاح
ههههههههههههههههه

هتقول ليه للى بينادوا بمساواة المرأة بالرجل وانت ايه رأيكـ في الموضوع ؟
اقولهم انتم ناس فاضين لان مينفعش المراه تتساوى بالرجل مهما كان
لكل منهم دوره و حياته و الاسلام اوضح حقوق المراه و الرجل و لا داعى لتلك المظاهر الكدابه ابدا

ما رأيك في الحب ؟
الحب شىء جميل و لو نهايته الزواج يكون اجمل

ما هو رأيك في ما نحن بصدده من تشتت يعوق نصر أمه نبيها دينها الأسلام ونبيها خير الاّنام؟
الامه حاليا لا تهتم كثيرا بما يحدث كل فرد منشغل فى حاله و لا يهمه نصرة نبيه الا القليلون فقط الذين يفكرون فى ذالك و نصرة النبى لا تاتى الا باتباع سنته

مفضلاتك :
شاعرك المفضل
هو احد اعضاء احد المنتديات كان يكتب شعر جميل جدا و انا معجبه بكتاباته هو فقط لانى لا احب الشعر كثيرا

فنانك المفضل
لا يوجد

أغنيتك المفضلة
لا يوجد

البلد المفضل
السعوديه

مكان الراحة
البيت بتاعنا هو مكان راحتى

الوقت المفضل للراحة
بالليل يعنى بعد العشاء

ماركة مفضلة تحب شراء منتجاتها
لا يوجد ماركه معينه

يومك المفضل
الخميس

عطرك
لا استخدم العطر خارج المنزل و داخل المنزل اى نوع اشتريه و احط منه

طب وفي المنتدى:
عضو مثير للشغب

انا اللى كلى جراح

عضو حساس
عاشق الياسمين

عضو رومانسى
عاشق القلم

عضو مكار
لا يوجد

عضو طيب
احلام

عضو صريح
dr.nody

عضو شغله صح
برنس السعوديه

مشرف مثير للشغب
ليتل برنسيس ههههههههه

مشرف حساس
رهف المشاعر

مشرف رومانسى
فارس العمارى

مشرف مكار
كاراميلا ههههههههه

مشرف طيب
الفراشه

مشرف صريح
لا يوجد

وأخيرا مشرف شغال صح
الكثيرون

المراقبين برضه
مراقب مثير للشغب والمتاعب
فتى المدينه المنوره هههههههههههه

مراقب حساس
اميرة القمر

مراقب رومانسى
فتى المدينه المنوره عشان متزعلش ههه

مراقب مكار
لا يوجد

مراقب طيب
همس الروح

مراقب صريح
نزف الذكريات

مراقب برتبة مدير عام
نزف الذكريات

مراقب ردوده قليلة بس واصلة للدماغ عدل
همس الروح

وطبعا ممكن أى حد يتكرر أو تسيب اللى مش عايز تجاوب عليه

المقربون :
أقرب الناس لقلبك في النت؟
ابن خالتى هو اصغر منى و اعتبره مثل اخى

أقرب الناس لقلبك خارج النت؟
افراد عائلتى

أقرب الأصدقاء لك على النت؟
صديقتى ******************يه

أقرب الأصدقاء لك خارج النت؟
صديقتى من ايام الدراسه

أصدقائك معدودين ولا لأ ولو معدودين كم عدد أصدقائك؟
كان زمان لى اصدقاء كثيرن و لكن كل منهم توجه لحاله و حاليا لى صديقتان فقط من ايام الدراسه

متى آخر كتاب قرأته وماهو ولمن كان ؟
الرحيق المختوم
للعلامه المباركفورى

متى آخر مرة بكيت من قلبك؟
من كام يوم بس

أين تجد نفسك من المجتمع الذي يدور من حولك؟
اجد نفسى مع نفسى لا اجد لى مكان

هل انت طيب أم شرير؟
الحمد لله طيبه

ناديك و لا عبك المفضل؟
الاهلى و ليس لى لاعب مفضل

موضوع قريته وماحبيتهوش في المنتدى؟
لا اذكر

دايما بتاخد قراراتك بمزاج ولا لأ؟
احيانا كثيره

بتتعصب على أى شخص يخالف رأيك؟
لا احاول افهم هو عاوز يوصل لايه يمكن يكون عنده الحل

ما هو الشي اللذي تمنيت أن تمتلكه وامتلكته؟
الكمبيوتر و النت ههههههه

ماذا تعني لك كلمة أخ؟؟
احساس بالامان

هل هناك تسمية اخرى لكمة صديق؟
نعم اخ او اخت

مارايك بردود لاخواننا في المنتدى هل ترضيك؟
ليسوا كلهم متميزين فى الردود و ياريت الردود تكون بمناقشه الامور المطروحه

اوعى تخنصري سؤال

اخنصر ايه بس حرام عليكى طلعتى روحى ههههههههه

انا عداهم واحد واحد
عديهم تانى يلا لو تقدرى
:Sh_027:

يلا سلامات

سلامات يا عسل
نورتى
تحيتى لك

[المستحيله]

السلام عليكم
و عليكم السلام و رحمة الله

اخبار الكرسي وياكي يا مستحيله ؟؟
ربنا يعين

ان شاء الله الاسبوع يعـدي عليكي بالخير << في المشمش ههههه
بالسئله دى مش باين

1) نبذه مختصره عن مستحيله ؟ هواياتها ؟
انا بنت عاديه و طيبه و مرحه و هواياتى النت و القراءه و غسيل المواعين ههههههه


2) حكمتك المفضله ؟ ووشاعرك المفضل ؟ فنانك المفضل ؟
لا تؤجل عمل اليوم الى الغد و الشاعر و الفنان سبق ذكرهم



3) ما ذا تعني لك الكلمات الاتيه :-
الزواج 000
سبق ذكره

الصداقه000
سبق ذكرها

الاخوه 000
سبق ذكره

الاعضاء اللى همهم اذيه البنات 000
حسبى الله و نعم الوكيل فيهم

العدل 000
هو اساس الحياه

الامانه 000
هى اهم ضروريات الحياه

المنتدى 000
شىء يجمع بين الشرق و الغرب عباره عن جريده يوميه



الحب 000
سبق ذكره

شارون 000
عبره و عظه لمن ياتى بعده

الاقصى 000
ربنا يرده

الوحده العربيه
لا وجود لها

الليل
الهدوء

000 القمر

سبق ذكره

000 السكينه
راحة البال



4)لمن تعطي هذه المسميات :-
القلم الذهبي000
ابو ادهم

مكنسه
ههه لا يوجد

000 شهاده تقدير 000

لاحلام على مجهودها

ورده حمراء 0

لارانومه عشان الاهلى

00 ورده بيضاء 0

لنزف الذكريات عشان زملكاوى

00 ورقه بيضاء 0

لكل الاعضاء ليعبروا عما بداخلهم من مشاعر


00 مع ذكر الاسباب؟



5)ما رايك بهذه الاسماء :-
هيثم بيه ابو الدهب0
مدير ناجح بس ردوده قليله

00 فارس العماري

شاعر متالق و رومانسى

000 كارميلا

شعلة نشاط

000 ابو ادهم

الاخ الحنون

000 مـــحـمـود

مشاغب جدا هههه دمه خفيف

000 قلب فاضي 0

عضو متالق

00 عاشق الاحزان

اساس المنتدى و جوه المرح


000 بوسي الدلوعه 0

عسوله و حبوبه

000 السمسمتين اللي معانا 000

متميزات و نشيطات


اميره القمر 00

عضو واثقه فى نفسها

0 الفراشه

مشرفه رائعه و متميزه


6) ما هي سلبيات المنتدى برايك ؟. وكيف يمكن تجاوزها ؟
الحمد لله يتم القضاء على السلبيات اولا باول



7) المشرفين ؟!!!! من برايك يستحق تلك الكلمه من مشرفين منتدانا ؟ لماذا؟
لا يوجد من يستحقها



8) ساعطيك ورقه وقلم مع القليل من الالوان الخافته واريد منك ان ترسمي لوحه معبره عن حال العالم العربي ؟ ماذا ستفعلين ؟

سوف ارسم طفل مهزوم و حاله يبكى هؤلاء هم العرب



9) ايـه السؤال اللي عمـركـ ما عرفتي تجـاوبي عليه <<< اذكريـه وحاولي تجاوبي عليـه ؟؟

هههههههههههههههههههه
هو السؤال دا





10) ماهي الفائدة الذي جنيتيها من جلوسك خلف شاشة الكمبيوتر على النت؟؟
بصراحه استفدت حاجات كتيره و اتعلمت اشياء كثيره و كسبت صداقات من دول مختلفه



11) مارايك في أن من يجلس على النت بالساعات هل هو سحر أم أدمان أم تضييع وقت فراغ أم أكتساب معلومات والتزود من أنواع المعرفة؟؟
البعض يجلس لقضاء وقت فراغ و البعض يجلس للاعمال
و لكل منهم هدفه




12) ما هو الموقف الاكثر احراجا الذي تعرضتي له في حياتك ؟؟

سبق ذكره



13) ما هي الاشياء التي ندمت عليها في حياتك؟؟
مرحله الطفوله لانى كنت هادئه مكنتش زى باقى الاطفال اجرى و العب و اتشاقى



14) ما هو مبدأك في الحياة
رضاء الله هو سر السعاده



15) الى اي مدى انت طموحه

الى اقصى حد لان الامل فى الله كبير



16) ماذا تعني لك الاسره والاولاد
استقرار و امن



17) ايه القراءه بالنسبه ليكي
استفاده و ثقافه



18) أريد أن تقييمي كل عضو من هؤلاء
1) احضان ( عبدو )....
عضو جديد متالق جدا و طموح

2) smsma666.....
عضوه صغنونه و نشيطه



3) ملاك وطن......

عضو مختلف عن الاخرين



4) مني خالد.....

حبوبه اوى و عسل


5) هيثومه.....
غامض



6) فارس العمـاري.....

شاعر متالق


7)رانومه......

نشيطه و من غيرها المنتدى و لا شىء



8 ) نورهـان

عسوله و رقيقه جدا



نقــول هاجيلكـ تاني
الله يخليك ما تجيش تانى كفايه كدا عليا ههههههههههههه

تحيتى لك و احترامى

[المستحيله]

اقتباس المشاركة الأصلية كتبت بواسطة عاشق الياسمين أختي المستحيلة إزيك أنا هسألك سؤال واحد و إن شاء الله تجاوبيه إيه أكبر موقف صعب مر بحياتك حتى الأن وربنا معاكي

الله يسلمك
عاشق الياسمين
اهلا بيك اخى
اكبر موقف صعب مر بحياتى هو مرض امى لما كنت فى اخر سنه دراسيه و دا فعلا اثر على نفسيتى و مستواى الدراسى و لكن الحمد لله عدت على خير

مشكور على سؤالك الجميل
تحيتى لك