احلي النكت

[sayer]

1- مرة واحد عداه العيب خد اللي بعده.

2- مرة واحد دماغه لفت قابلها من الشارع التاني.

3-واحد اتجوز واحدة اسمها نعمة باسها وش و ضهر

4-مدير مدرسة عمل فرح وزع على المعازيم أرقام جلوس.

5-واحد شحات راح لواحد عجلاتي قال له أعطيني مما أعطاك الله، قال له العجلاتي خد لك لفة.

6-مدرس جغرافيا جاب لمراته هدية سلسلة جبال.

7- واحد بلدياتنا نزل محطة مصر لقى بتاع الأنابيب بيخبط عليها، قال له افتحلي واحدة ساقعة لو سمحت.

8-مرة اتنين مساطيل قاعدين بيحششوا قدام نشرة الأخبار في التليفزيون فنشرة الأخبار طولت، راح الأول قال للثاني: هيه ليه نشرة الأخبار طولت النهاردة كدة؟ رد عليه الثاني و قال: معلش أصل شكلها كدة النهاردة آخر حلقة.

9-مرة سواق تاكسي قابل واحد مسطول قال له تاخد كام و توديني فين؟؟ السواق رد عليه و قاله: هات اللي تجيبه و انزل هنا

10-مرة ثلاث مساطيل راكبين عربية ففجأة العربية وقفت فواحد قال للتانى :”انزل شوف العربية مالها” فنزل مطلعش فنزل التانى يشوفه مطلعش فنزل الثالث قال لهم :”فيه إيه ؟؟” فقالوا له :”هسسسسس العجلة نايمة

11-مرة واحد ماشى مع خطيبته واخر انسجام فقالها “عارفة اية هو الحب واية الجواز؟” قالته “لا” قالها: “الحب زى النجوم الجميلة اللى فى السماء” قالتله”طب والجواز؟” قالها:”دى البلاعة اللى واحنا بنبص على النجوم بنقع فيه

12-واحد مسطول ركب تاكسي فالسائق قال له ممكن تشوفلي الاشاره اليمين شغاله ولا لا فطلع المسطول رأسه من الشباك قال للسواق شغاله مش شغاله، شغاله مش شغاله، شغاله مش شغاله!!!

[m$m$]

ههههههههههههههههه
ميرسي أوي جامدين

[الجميله الباكيه]

11-مرة واحد ماشى مع خطيبته واخر انسجام فقالها “عارفة اية هو الحب واية الجواز؟” قالته “لا” قالها: “الحب زى النجوم الجميلة اللى فى السماء” قالتله”طب والجواز؟” قالها:”دى البلاعة اللى واحنا بنبص على النجوم بنقع فيه
ههههههههههههه
حلوين اوى ميرسى

[هاجر الاسمعلاوية]

واحد بلدياتنا نزل محطة مصر لقى بتاع الأنابيب بيخبط عليها، قال له افتحلي واحدة ساقعة لو سمحت

ههههههههههه
حلوين اوووووووووووى