بالفيديو: زمالك العميد يضرب بقوة ويمتع ويتألق.. ويكتفي بثنائية في الانتاج الحربي

[حياتي ذكريات]

حقق نادي الزمالك فوز مهم ورائع على فريق الانتاج الحربي، بهدفين دون رد.. وأضاع لاعبوه العديد من الفرص التهديفية المحققة، في المباراة التي انتهت منذ لحظات مساء اليوم الأربعاء وأقيمت على ستاد القاهرة الدولي وسط ما يزيد عن 25 ألف مشجع زملكاوي احتشدوا في ملعب المباراة.


أحرز هدفي الزمالك الحاوي الأبيض حسين ياسر المحمدي في الدقيقة 35 من الشوط الأول من انطلاقة رائعة له من منتصف ملعب الانتاج، ويراوغ ويسدد ليتقدم للزمالك ويحرز أولى أهداف البيضاء.. ثم عزز محمود فتح الله في الدقيقة 72 تقدم الزمالك بهدف ثاني في من ركلة جزاء جلبها الصاعد حسام عرفات.


ولعب الزمالك أفضل مبارياته من حيث الأداء والامتاع والانتشار داخل الملعب، خاصة في الشوط الثاني، وفتحت مدرسة الفن والهندسة أبوابها من جديد.. وأضاع لاعبوه دستة أهداف محققة.. في مباراة قد تنضم إلى عجائب الدنيا السبعة من كثرة وسهولة الأهداف الزملكاويه الضائعة.


وواصل الزمالك مزاحمته وضغطه على منافسه الأهلي على صدارة بطولة الدوري، حيث رفع بهذا الفوز رصيده إلى 43 نقطة.. بفارق ثلاث نقاط عن الأهلي


هدف حسين ياسر المحمدي الاول للزمالك



هدف محمود فتح الله من ضربة جزاء

[ARAGON]

شكرا على الخبر
ومبروك للزمالك

وبكره ماتش الاهلي ها يفرق كتير

لو حصل دروب للاهلي

خالص تقديري وامتناني

[اهلاويه جامده]

مبروك للزمالك

وان شاء الله الاهلي يفوز

تحياتي ليكي

[M@HMOUD]

مبروك للزمالك
وان شاء الله الاهلى هايخسر بكره
تسلمى يا دعاء على المجهود

[Ќonto]

مبروووووووووووك للزمالك

واللاعيبة كلها النهاردة بجد كانت نجوم

برغم اننا ضيعنا فرص كتير اوي (مهرجان الفرص الضايعة العالمي هع هع )

بس الحمد لله على المكسب

وان شاء الله نستمر في الانتصارات

واحنا معاك يا عميد

وشكرا يا دودو ع التغطية الجميلة

[countess]

مبروك لزمالك


بس محدش يدعي على الاهلي ده نااادي القرن :icon30:

تشكرات يا دعاء على الخبر

[حياتي ذكريات]

اقتباس المشاركة الأصلية كتبت بواسطة technical شكرا على الخبر ومبروك للزمالك وبكره ماتش الاهلي ها يفرق كتير لو حصل دروب للاهلي خالص تقديري وامتناني

أكيد الماتش هيفرق
وخصوصا ان الأهلي هيشد حيله ويحاول
يفوز بشتى الطرق ويبعد عن الزمالك
بالتوفيق ليه بكرة
شكراً على المرور الكريم
أرق التحيات

[حياتي ذكريات]

اقتباس المشاركة الأصلية كتبت بواسطة اهلاويه جامده مبروك للزمالك وان شاء الله الاهلي يفوز تحياتي ليكي

الله يبارك فيكي
وبالتوفيق للأهلي بكرة
يقدم مستوى طيب
تسلمي يا اهلاوية على مرورك الجميل

[حياتي ذكريات]

اقتباس المشاركة الأصلية كتبت بواسطة m>i>d>o مبروك للزمالك وان شاء الله الاهلى هايخسر بكره تسلمى يا دعاء على المجهود

الله يبارك فيك
وكل واحد أقله مبروك للزمالك يقولي بس
الأهلي يخسر بكرة هههههههه الزمالكاوية
حاطين الامل كله في خسارة الأهلي
تسلم على مرورك
كل تقديري

[حياتي ذكريات]

اقتباس المشاركة الأصلية كتبت بواسطة haறs sṬaЯ مبروووووووووووك للزمالك واللاعيبة كلها النهاردة بجد كانت نجوم برغم اننا ضيعنا فرص كتير اوي (مهرجان الفرص الضايعة العالمي هع هع ) بس الحمد لله على المكسب وان شاء الله نستمر في الانتصارات واحنا معاك يا عميد وشكرا يا دودو ع التغطية الجميلة

ههههههههههه
عندك حق بجد كان مهرجان عالمي النهاردة
بس يلا كويس عملو اللي عليهم وزيادة
ودايما ان شاء الله في انتصارات
تسلمي على مرورك يا قمراية
كل الشكر ليكي