حل مسابقة كسر باسورد العضو و اعلان الفائزين

[SiLver Spectra]

بعد مرور قرابة ال12 يوم عن انطلاق مسابقة كسر باسورد العضو
اليوم سيتم تكريم الفائزين في المسابقة
و قبلها سأقوم بعرض طريقة حل المسابقة
لمن يريد نقلها لمنتدى آخر
(طبعا مش هينفع لأن ليها علاقة بالمنتدى :vb12

أغلبكم ترجم الحروف و ما عرفش يترجم الارقام!!
و البعض فكر ان المسابقة عبارة عن ترجمة حروف و خلاص!!

شرح الحل :

نبدا أو حاجه باستخراج الحروف من الصورة التالية


هنا عندنا كل الحروف ما عدا
(خ) و (ذ) و (ص) و (ض) و (ط) و (ء) و (ى) ألف مدوده مش ياء
طبعا بتقدر تستنتجهم من خلال فكك للرموز
لأنها حروف مميزه و ليست حروف كثيرة الاستخدام

نبدأ في فك رموز الرسالة الأولى
الحروف الي هكتبها باللون الاحمر هي الحروف المستنتجه و الغير موجوده في الصورة السابقة
تطاردني الكوابيس
كل ليلة
لا لسبب كان سوى أنني و قد
تربية على قاعدة الأخلاق
و عندما كسرت القاعدة لم
يرحمني ضميري و صار يطاردني
كل شيء بدأ في يوم عيد ميلادي

من شهر يوم عيد ميلادي
أي قبل من رمضان
تشاهجرت مع زمليلي لسبب تافه
قمت بعدها بتغيير باسورد عضويته
انتقاما منه و نشرت المخالفات
حاول الإتصال بهاتفي و تجاهلته

(الرسالة الثانية)

إلى أن تم ايقاف عضويته
شعرت حينها بإنطفاء نشوة غليلي
بعد دقائق جاءني نبأ صاعق
أسقطني أرضا
لقد توفي صديقي في حادث سير
بعد دقائق من إتصاله بي
لقد قتلت صديقي خالد بعد أن حظرت عضويته توتوناو
كل شيء حدث يوم عيد ميلادي
هل جربت شعور السقوط من فوق بيتك؟
سأجربها الآن

ذكرى باسورد الموت :

(انتهت الرسالة)

تعمدت طبعا أسيب الارقام كما هي
عشان هنفكها لواحدها دلوقتي
قبل ما نفك الارقام
السؤال دلوقتي
ايه هو المطلوب!!

كتير منكم مش فاهم هو لازم يعمل ايه!!
مع انه لو قرأ عنوان المسابقة
كسر باسورد العضو
هيفهم ان في اسم عضوية و رقم باسورد في الرسالة
و أنا كنت موضح انه هيدخل بيهم عشان يكمل المسابقة
و دا اقتباس من موضوع المسابقة نفسه و أنا بوضح النقطة دي



اقتباس

اقتباس ملاحظة هامة جدا : خلال حلك للمسابقة ستقوم بفك شفرات لباسوردات عضويات حقيقية انشأت خصيصا للمسابقة المطلوب هو الدخول بها للوصول في النهاية إلى الكود السري (هيكون مكتوب بالعربي مش برموز) (مش هقدر أوضح أكتر من كدا عشان غموض و جو المسابقة)

نيجي للارقام
طبعا الارقام عشرة (من 0-9)
عندنا 3 ارقام جاهزين من الصورة


كدا انت عارف 4 و 3 و 6
نيجي للرسالة
الرسالة فيها 4 ارقام منهم رقم متكرر مرتين
يعني 3 ارقام

طبعا مش هتقدر تعرفهم غير لو فكيت الحروف و الا كدا الحروف مالهاش لازمه!!

كان بيقولك ايه بقى :

كل شيء بدأ في يوم عيد ميلادي

من شهر يوم عيد ميلادي
أي قبل من رمضان

طبعا العربي و الانجليزي الارقام بتتكتب من نفس الاتجاه يعني مش فارقه
بس في ناس غاوية تلخبط نفسها


لما بيقولك قبل كذا من رمضان
دا معناة انه في شهر 8
يعني عيد ميلاده في 8
يعني الرمز هو 8

باقيلك رمزين
واحد فيهم متكرر مرتين

رمضان كان امتى؟
بالتقريب كان يوم 20
يبقى عيد ميلاده امتى؟
ايه هو الرقم الي هيفصله عن رمضان و هيكون رقم آحادي هو نفسه رقم يوم عيد ميلاده؟
مافيش غير يوم 5 و قبل 15 يوم من رمضان
(الرقم الأحادي متكرر)
و لو حبيت تفكر فيها باي شكل مش هتزبط غير في يوم 5 و قبل رمضان ب15

حتى لو مش متذكر رمضان امتى بالظبط مثلا 20 و لا 21 و لا 22
لأنه مش يوم 20 بالظبط
بس مش هتقدر توزنها غير ب5 و 15 و هي اقرب شيء ل20


كدا يبقى معاك 6 ارقام
باقيلك 4 ارقام هتحلهم من العادلة الحسابية (عملية الضرب) الي هي الرسالة التالته
و هي معادلة سهلة جدا مش س و ص



ناخدها جزئية جزئية
كام في 4 =

و دا رمز فكيناه و ال4 جايه جاهزة من الصورة بتاعت الشارع
يعني كام في 4 =8؟

يبقى الرمز الي بنضرب بيه الي هو دا

هو 2

طيب
2 في كام = اتنين؟
يبقى الرمز التاني دا

هو الواحد
و دا فكيناه من الرسالة
و حتى لو ما اتفكش ممكن تجيبه بسهولة من الضرب زي ما عملت
رقم مضروب في نفسه و بيطلع نفسه يبقى الواحد

طيب نكمل الجزء التالت

2 في 5 = 10
يعني صفر و معانا الواحد

الرمز دا

هو الصفر

و آخر حاجه
2 في 3 =6 ومعانا الواحد يعني الرمز الأخير

هو 7

كدا انت معاك كل الارقام ماعدا واحد بس
طبيعي هيكون هو ال9

و تيجي للباسورد الي مكتوب في اخر الرسالة التانيه و هتكفكه و هيكون
23590

و اسم العضوية هي توتوناو
و الكلمة مكتوبه تحت لون واحد
(كل كلمة و مفصولة عن التانيه بلون مختلف) الي هي الشفرة

عشان البعض كان بيدخلها توتو ناو
هي من غير اسبايس
توتوناو

بتخش بالعضوية
هتلاقيها محظورة و سبب الحظر حاطت فيه لينك لصورة عشان تنسخه
هيطلعلك الرسالة دي

طبعا هتترجمها بكل سهولة
بيقولك اسم العضوية : التربيني
باسورد العضوية : عدد مشاركات أبو أدهم
يعني 10025
بتخش بالعضوية التانيه
و هتلاقيها محظورة و مكتوب مبروك انتهت المسابقة و الكود السري هو 10001
و بيقولك ابعته في رساله خاصة
أنا غيرته بعد ما حلها 3 أو 4 تقريبا عشان نعرف الي بيغشوا
و خليته
10011
و الحمد لله مافيش ولا واحد كان بيغشش

بس خلاص
ممكن تحسوا بتعقيد عشان دا شرح
لكن الطريقة سهلة جدا بس عايزه تركيز شوية
الي حلوا المسابقة هما 10
نحييهم بصراحة على مجهودهم و دماغهم العالية
هذكر أسماءهم بالترتيب

الفائزين :
whisperer
rona el tota
الفتاه الحائره
ملاك الجنة
اميره الحب والعذاب
br0ken he@rt
اجمل بناتـ حواء
الفتاة المغامرة
hams star
The princess of beauty
sereen

------------------
تم تزويد كل واحد فيهم 200 مشاركة
و نحييهم تاني على مجهودهم و اصرارهم و ذكاءهم
في منهم ناس بصراحه ما سألوش و لا استفسروا عن أي حاجه
بس بعتلي الحل

و بالتوفيق ان شاء الله في مسابقات أخرى
مسابقاتي ليها متعتها الخاصة بس للناس الي بتحب تحليها


موفقين...

[Rona el Tota]

الف مليوووووووووووووون مبروووك لكل اللى فازوا
ونفسي اعرف ياطارق مين اللى مسألش ولا سؤال لانى عن نفسي
كان ناقص اقولك هات الكود وخلصنى
هع
عارفاك كنت مبقوق منى يومها
ماحلينا
المهم اتحلت
ثانكس للشرح والمجهود ومستنيين مسابقات تانية
تحيآآآتى

[ملاك الجنة]

بجد انا فوزت
لوووووووري
بجد الفرحة مش سيعاني
الله يبارك فيك يا طارق
واحب احيي كل اللي حلوها
وبجد انا ادمنت مسابقاتك

[حنونة]

هههههههههههههههههه

كل ده يا طارق؟

:tears: :tears:

بس بجد المسابقة حلوة اوي

و حلها اللي يركز شوية يجيبه بسرعة

يعني لما حلتها انت دلوقتي عرفت ان انا غبية

:cv18:

الف مبرووووووووووووووووك للفائزين

[big bốss]

اااااااااااااالف مبرررررررررررررروك


للفائزين انا عرفتها بس لقتها



مش فى مستوى زكائى هع


هههههههههههههههههههههههه



كل دا يا طارق حله سهل اووووى



الف مبروك للفائزين


وفى انتظار المسابقه الى جايه

[رحيق الجنه]

مجهود رااااااااااااائع يا طارق فى شرح حل المسابقه
دى ولا اللوغاريتم اللى عمرى ما درسته

الف مبرررررررررررروك للفائزين وان كانوا اثبتوا الموضوع بنفس طريقه شرحك يا طارق يبقى الحمد لله المنتدى فيه اذكياء كتير اطمن

تحياتى ليك يا طارق وتحياتى لكل الفائزين دوام التوفيق

[ARAGON]

مبروك لكل الفائزين ف المسابقة

طبعا.. أنت بعد ما حليتها يا طارق

والله لسه مش داخله في دماغي

بس مش عارف ليه.. لغاية دلوقتي

لاني بصراحه ما ركزتش فيها إلا اول مرة

وشويه المشاغل اللي عندي هيا اللي منعتني

بس الله يخليك لما تنزل مسابقه

عرفني .. عشان ابقى اجهز نفسي

... مليون مبروك للجميع....

[SiLver Spectra]

اقتباس
المشاركة الأصلية كتبت بواسطة rona el tota





الف مليوووووووووووووون مبروووك لكل اللى فازوا
ونفسي اعرف ياطارق مين اللى مسألش ولا سؤال لانى عن نفسي
كان ناقص اقولك هات الكود وخلصنى
هع
عارفاك كنت مبقوق منى يومها
ماحلينا
المهم اتحلت
ثانكس للشرح والمجهود ومستنيين مسابقات تانية
تحيآآآتى

هههههههههههه
لا كتير حلوها من غير اسئلة
أول واحده رفيف
و عندك تالت واحده الفتاة الحائرة
و بروكن هارت و لا سؤال ممتاز بصراحه
ملاك الجنه سؤال تقريبا
اجمل بنات حواء سؤالين
أميرة الحب و العذاب ممتازه برضو
برنسس أوف بيوتي سألت مره
الفتاة المغامره سألت مره أو اتنين مش متذكر

أما انتي و سيرين سألتوا خمسميت مره
ههههههههههه

(فضحت الدنيا )

بس المهم انكم حليتوها
انتي بالذات كنتي معصلجه في الارقام مش عارف ليه مخك وقف
هههههههههه

مبروك تاني لكل الي فازوا تستاهلوا بصراحه
حتى الي بيسأل بيكون استفسار مش تغشيش
و بيكون واقف على استيضاح معين

موفقين...

[SiLver Spectra]

اقتباس
المشاركة الأصلية كتبت بواسطة ملاك الجنة





بجد انا فوزت
لوووووووري
بجد الفرحة مش سيعاني
الله يبارك فيك يا طارق
واحب احيي كل اللي حلوها
وبجد انا ادمنت مسابقاتك

لا تستاهلي يا ملاك يا جنه
و في مسابقة جديده نازله قريب
حضري نفسك
هتبقى حسابية
^_^

[SiLver Spectra]

اقتباس
المشاركة الأصلية كتبت بواسطة حنونة

هههههههههههههههههه

كل ده يا طارق؟

:tears: :tears:

بس بجد المسابقة حلوة اوي

و حلها اللي يركز شوية يجيبه بسرعة

يعني لما حلتها انت دلوقتي عرفت ان انا غبية

:cv18:

الف مبرووووووووووووووووك للفائزين

ههههههههه
لا غبيه و لا حاجه
بس المسابقة دي ما يجبهاش غير عالم مصري
هههههههههههههه

نورتي يا حنونه و يكفينا شرف مرورك و متابعتك
المره الي جايه تيجي و معاكي حلك بقى
^_^