ارخم بنت فى العالم

[ღsandiღ]

السلام عليكم ورحمة الله وبركاته

فى يوم من الايام قرر محب انه يعزم(حببته) على الغدا وياريته ما عمل كده لان البنت دى مش عاجبها العجب ولا الصيام فى رجب زى مابيقولو شوفوا الحوار واحكموا بنفسكوا

هو: تطلبى ايه؟
هى:مش عارفة انت هاتطلب ايه؟
هو: انا هطلب بيتزا
هى:ماشى وانا كمان
هو:طيب
هى:ولا اقولك بلاش
هو: ليه عاوزة حاجة تانية
هى: لا مش عارفة
هو: انتى جعانة
هى: اممممم مش عارفة
هو: يعنى ايه مش عارفة اكيد الواحد بيعرف هو جعان ولا لآ
هى: نص نص
هو: يعنى اطلبلك معايا
هى: لآ
هو: خلاص
هى: ولا اقولك يمكن اجوع كمان شوية
هو: خلاص هاطلبلك وعقبال ما يجى الاكل تكونى جوعتى
هى: طيب افرض لما يجى الاكل اكون لسه ماجوعتش
هو: خلاص خلى الاكل قدامك ولما تجوعى ابقى كلى
هى: ما كده الاكل هايبرد
هو: خلاص نطلب اكل تانى
هى: بس كده يبقى تبذير
هو: نبقى ناخد الاكل البارد معانا تيك اواى ونبقى ناكله بعدين
هى: طيب افرض ما كنش ليا للبيتزا بعدين
هو :خلاص اكلها انا
هى: وانا مأكلش
هو: جننتينى،يعنى اطلبلك ولا بلاش
هى: بلاش احسن
هى: بس اطلب بيتزا بالتونة
هو: بس انا مابحبش البيتزا بالتونة
هى:بس انا بحبها
هو:بس انا اللى هاكلها
هى:ما يمكن على ما يجى الاكل اكون جعت واكل معاك
هو: هو انتى عاوزة تاكلى ولا لآ
هى:احتمال
هو:يعنى انا لازم اطلب بيتزا بالتونة علشان انتى(احتمال) تاكلى معايا
هى:ايوه بالظبط
هو: طيب لو انتى جوعتى واكلتى البيتزا بتاعتى انا هاكل ايه؟
هى: ما انا ممكن ماكلش اصلا معاك
هو: رحمتك يارب
هى: مالك فيه ايه؟؟
هو:يعنى دلوقتى لو انتى مأكلتيش انا هاكل بيتزا مش بحبها
هى: يعنى انت تاكل وانا ماكلش؟

تحياتى،،،،،،

[حبرالقمر]

هههههههههههههههههه مش عارفه صعب عليه اوي الولا ده بس هوه السبب محدش اله يعزم واحده زي ديه
مرسي تقبلي م ر و ري اختك حبــــــــــــــــــــر القمــــــــــــــــــر

[نور الساهر]

هههههههههه

دي ارخم مخلوق كمان

مش ارخم بنت وبس

تسلمي اميرة

[دلوعه]

ههههههههههههههه
يا عيــــــني .... ^_^
ده انا ضغطي ارتفع وانا بقرا
ما بالك هو بقى ههههههههه ربنا معاه

[بحار فى بحر الحب]

هههههههههههههههههههههههه

دى رخمه اوى لو البنات كلهم

كده يبقااا عاوزين اعدام ونرتاح

[لؤلؤة المصرية]

هههههههههههههههههههههههههههههههههههههههههههههههههه هه

معلشي بقا كنت خليه يطلبها بالجبنة واجي انا اكل معاة ههههههههههههههههههههههههههه

تحياتي جميلة قووووووووووووووووووي المحادثة دي بس يا ترى سابها ومشي وهي دي النهاية ولا ايه

لؤلؤة

[ღsandiღ]

اقتباس المشاركة الأصلية كتبت بواسطة حبرالقمر هههههههههههههههههه مش عارفه صعب عليه اوي الولا ده بس هوه السبب محدش اله يعزم واحده زي ديه مرسي تقبلي م ر و ري اختك حبــــــــــــــــــــر القمــــــــــــــــــر

ميرسي يا قمر على مرورك نورتى التوبيك

[ღsandiღ]

اقتباس المشاركة الأصلية كتبت بواسطة نور الساهر هههههههههه دي ارخم مخلوق كمان مش ارخم بنت وبس تسلمي اميرة

ههههههههه
ميرسي على مرورك

[ღsandiღ]

اقتباس المشاركة الأصلية كتبت بواسطة دلوعه ههههههههههههههه يا عيــــــني .... ^_^ ده انا ضغطي ارتفع وانا بقرا ما بالك هو بقى ههههههههه ربنا معاه

دى تجيب ضغط وسكر وكل حاجة
ههههههههههههه
سلامه ضغطك
ميرسي يا قمر على مرورك

[ღsandiღ]

اقتباس المشاركة الأصلية كتبت بواسطة بحار فى بحر الحب هههههههههههههههههههههههه دى رخمه اوى لو البنات كلهم كده يبقااا عاوزين اعدام ونرتاح

ههههههههههه
شوف انت بقى لو حبيت واحدة زى دى تجيبلك شلل
نورت التوبيك