مسطول كاتب قصيده شعر تحفه

[شوشه ومربوشه]

نفسى فى صنف حشيش

ينمل الدماغ وينضف النخاشيش

علشان انسى طابور العيش

واخش فى الغيبوبه وانسى مشكلة الانبوبه

وانسى بلدنا المنهوبه

وانسى اللى بيجهزوه علشان يبقى رئيس للمخروبه

وابقى مسطول

وانسى اى مسئول

من اللى سابوا الناس فى السيول

وانسى ان نظيف اتجوز وبقى بيعول

وانسى مجلس الشعب وفتحى سرور

وانسى البرادعى وايمن نور

وانسى شوبير ومرتضى منصور

وانسى تعديل الدستور

وانسى اللى ساكنين فى القبور

وانسى انفلونزا الطيور

وانسى مشاريعنا الفاشله

فى توشكى وابو طرطور

واخش فى الاستهبال

وانسى علاء وجمال

وانسى التوريث

و النيل اللى نازلين فيه تلويث

وانسى ان منتخبنا كويس زى ماقال الريس

وانسى تصدير الغاز

واحناعندنا ازمة بوتاجاز

وانسى الاضهاد واللى بيحصل للاقباط

وانسى قطر العياط

وانسى قطر الصعيد

وانسى احمد عز واحتكار الحديد

وانسى زحمة المواصلات

وانسى الانتخابات

وانسى فتاوى الفضائيات

وانسى العشوائيات

وانسى فشل التعليم

وانسى هشام طلعت وسوزان تميم

وانسى الاهرام وانسى الاخبار

وانسى ثروة الريس ال40 مليار

اللى مش بالجنيه المعفن لا بالدولار

وانسى انه خلى بلدنا افقر من زنزبار

وانسى المعارضه وانسى الاحزاب

وانسى تامر حسنى وعمر دياب

وانسى مشكلة النقاب

وانسى ارضاع الكبير وشرب بول البعير

وانسى انفلونزا الخنازير

وانسى اوربا وامريكا وانسى الصين

المتقدمين عننا بسنين

وانسى البيت بيتك و تامر امين

وانسى ان كيلو اللحمه بقى بتمانين

وانسى اننا فى الزباله غرقانين

وانسى الماده سته وسبعين

والماده سبعه وسبعين

وانسى فريق الساجدين

وانسى الزمالك والاهلى

وانسى اليسا وهيفاء وهبى

وانسى الفول والطعميه

وازهى عصور الديموقراطيه

وجامعة الدول العربيه

والجماهيريه الليبيه

والكفيل فى السعوديه

وانسى بطرس غالى و الضريبه العقاريه

وانسى الطلعه الاولى الجويه

والمصالحه الفلسطينيه



وانسى فتح وانسى حماس

وانسى هنيه ومحمود عباس

وانسى العراق وافغانستان

وانسى ايران و انسى باكستان

وانسى ماما سوزان

وانسى الاخوان

وانسى محمد ابراهيم سليمان

وانسى ان حد من 0900 يطلع كسبان

وانسى انى مديون

وانسى ان كل واحد بيعتدى على كنيسه

بيطلعوه مجنون

وانسى كل ممثله حيزبون

بتاخد فى المسلسل كام مليون

وانسى ايامنا السوده

واحضان طنطاوى والبابا شنوده

وانسى القذافى والبشير

وانسى كل ملك وكل امير

اللى حاكمين من سنين

من غير تغيير

وعلشان اعرف ان الصنف كويس

لازم ارشح نفسى وابقى الريس



بيتهيألي انها بجد جامده ....انا معرفش مين الي كاتبها بس جاااااااااامد


ويارب تعجبكو

[ندى الحب]

هى جامده وعند حق فى كل الى قالوا يسلمووووووووو يا قمر ننتظر جديدك

[شوشه ومربوشه]

اقتباس المشاركة الأصلية كتبت بواسطة ندى الحب هى جامده وعند حق فى كل الى قالوا يسلمووووووووو يا قمر ننتظر جديدك

مرسي ياندى والهي كلك زوء
وعلطول منوره موضيعي دمتي بخير

[خارج عن القانون]

ههههههههههههههه

تسلم الانامل شوشه

توبيك اكثر من رائع

فى تقدم مستمر باذن الله

[شوشه ومربوشه]

اقتباس المشاركة الأصلية كتبت بواسطة محمد عكاشه ههههههههههههههه تسلم الانامل شوشه توبيك اكثر من رائع فى تقدم مستمر باذن الله

ثانك يو يامحمد مننحرمش
مرسي على مرورك
دمت بخير

[لحظة عتآب]

هههههههههههههههههههههههههههه

جامدة أوي

هههههههههههههههههههههههههههه

تسلم أيدك

[A7la Bent]

ههههههههههههههههههههههههههههههههه
ثااانك يو يا قمر

[شوشه ومربوشه]

اقتباس المشاركة الأصلية كتبت بواسطة لحظة عتآب هههههههههههههههههههههههههههه جامدة أوي هههههههههههههههههههههههههههه تسلم أيدك

مرسي كلك زوء
نورتي التوبيك
دمتي بخير

[شوشه ومربوشه]

اقتباس المشاركة الأصلية كتبت بواسطة a7la bent ههههههههههههههههههههههههههههههههه ثااانك يو يا قمر

مرسي على مرورك ياقمرين
نورتي التوبيك
دمتي بخير

[A7la banota]

رائعة احنا لو مسكنا كل سطر من اللي مكتوب نعمل مواضيع

للنقاش الجاد و ياخدو شهادة تميز كمان بجد الكلمات جميلة اوي

و جاااامدة اخر حاجة تسلمي يا احلى شوشة اسمك سووو كوول