الفرق الحقيقى بين الولد والبنت .. ومفيش بنات تزعل

[abdelmola]

ازيكم انشاءالله تمام
نخش في الموضوع
انا عايز اوضحلكم شوية حاجات كدة
زي مانتو عارفين دايما الولد بيكون احسن من البنت
طيب لية ؟
لازم تعرفو كل حاجة
نبدأمن البداية
الفرق بين البنت والولد
دي قصة بسيطة فيها بعض المميزات
يعني لو اتخيلنا ان كان في اتنين متجوزين
عباس الاب توفيقة الام
الام كانت بتولد
الاب يارب ولد ياااااااااااااااااااااااارب
الام جابت بنت
الام :ها ياعباس هتسميها اية
الاب: البنت امها تسميها
وخرج زعلان من المستشفى
(وظل وجهه مسودا وهو كظيم)الولادة التانية
كانت ولد
عباس: ياااااااااااااااااه انا فرحان فرحان اوي
عندي ولد عندي ولد
هسميه احمد عشان يشيل اسمي
وهعملو احسن سبوع في العالم
(الموضوع دا من زماااااااااااااان في حجات اتغيرت كتير اوي من زمان لغاية دلوقتي الاموضوع الولد)
(يعيني البنت حتى مارضيش يسميها
وتلقية نام من غير عشى في سبوعها )
عشان بس تعرفو يابنات قمتنا
ولو مش مصدقيني
روحي اسألي بباكي قوليلو ياترى يوم ماتولدت فرحت ولا فرحت اكتر يوم ولادة اخويا
اكيد الجواب هيكون واضح

وكمان متنسوش موضوع الاضحية للولد 2 والبنت واحد بس
بعد ماكبرو
الولد : انا خارج مع صحابي البنت: وانا يابابا نفسي اخرج مع صحابي
الاب : اخرج يابني ومالو اهو شم شوية هوا الاب: اية انتي اتجننتي مفيش بنات تخرج (يعيني هتتحبس)
يعني الولد يخرج وقت مايحب ويرجع وقت مايحب
الاب اكتشف ان ابنو لية علاقة مع بنت

الاب : عادي طيش شباب العيب ع البنت الي رضيت على نفسها
لو البنت هي الي كان ليها علاقة الاب: انتي فضحتيني ومرمغتي شرف العيلة في التراب
يالا العار انتي لازم تموتي
لو الاب مات
الورث هيبقى للذكر مثل حظ الانثيين
يعني احمد ياخد قد نفيسة مرتين
يعيني يابنات
ملكمش مميزات خالص
لافلوس ولا راحة ولا اية نيلة


لما البنت تتجوز وتخلف هتروح لعيلة تانية خالص
انما الولد لما يخلف هيحمل نفس اسم العيلة وتتكاثر العيلة وتكبر
دي شوية مميزات للولد عن البنت
عشان تعرفوان الولد هو الافضل
على رأي المثل يامخلف البنات ياحامل الهم للممات
واهم ميزة بقى هي القوامة
الرجال قوامون على النساء
يعني المفروض محدش يفتح بقو معانا
يمكن تكون القصة الي ذكرتها مبالغة شوية
(ولكل قاعدة شواذ )
بس برضو مايمنعش ان برضو الولد بيتميز عن البنت في حجات كتيييييييييييير
وبالادلة
يعني انا عايز أي بنت تدخل هنا تخرج تقول
يارتني كنت ولد
ههههههههههههههههه

[M@HMOUD]

هههههههههههههههههههههه
تسلم
بس ليه كده
هتكره البنات فينك يا مان

كل سنه وانت طيب

[عطر الاحزان]

اعمل فيك ايه اعما فيك ايه
مش عارفه
قولو يابنات نعمل فيه ايه
اقتلووووووووووووووووووووووووه
اقيمو عليه الحد

[britny spears]

انا من رأيى ان احنا نقتله احلى

ههههههه

[BatoOota]

لما البنت تتجوز وتخلف هتروح لعيلة تانية خالص
انما الولد لما يخلف هيحمل نفس اسم العيلة وتتكاثر العيلة وتكبر

كلهم حاجات عادية الا دى
اهئ اهئ
هههههههههه
ميرسى ليكــ
بس معدتش تتككرر

[احلى ما فى الكون]

الرجال قاومون عن النساء ياريت مانهزرش بالقراءن يا جماعة

وكمان اولا حكاية خروج البنت دى لأننا فى مجتمع متخلف فأحنا بنفضل البنت عن الولد فى حاجات كتير زى دى
والله البنت ماتخرجش يبقى الولد مايخرجش
اللى يمشى عليها يمشى عليه

المفروض ماتبقاش فى تفرقة عنصرية

لكن فى حاجات فى الدين زى الورث دا ربنا عايز كدا

ثانيا بقى
البنت هاتتجوز هتروح عيلة تانية لكن الولد ابنة هيبقى بأسمة

يوم القيامة الولد والبنت هينادوا بأسم امهم

يعنى للبنات ميزة كبيرة جداااااا
دى ماتجيش حاجة جنب اللى انت قولتوا عن الولاد

فى الاخر بقى مش عايزين نزعل من بعض واكيد الموضوع هزار

بس ياريت مانهزرش فى المواضيع دى

[لؤلؤة الوديان]

يمكن الولاد ليهم مميزات اكيد طبعا


والبنات كذلك ليهم مميزات

اقتباس ولو مش مصدقيني روحي اسألي بباكي قوليلو ياترى يوم ماتولدت فرحت ولا فرحت اكتر يوم ولادة اخويا اكيد الجواب هيكون واضح

أه طبعا الجواب واضح جدا

انا بابا كان هيموت من الفرحة لما عرف انى بنت مش ولد

لان اخوى الكبير لما بابا فرح بيه عشان ولد اخويا طلع عينة

ووراه الويل

انما انا كنت هادية والحمد لله


والحمد لله انى بنت



على العموم مش هنختلف وتسلم ايدك على الموضوع

[مسلمة]

:hayth1:ههههههههههههههههههههههههههههه
عبدالمولى اعرف حاجة وراء كل رجل عظيم امرائة عظيمة
هههههههههههه يادبة :680:

[ميما الشقيه]

منقول من احدى المنتديات
طيب............... انا هقولك مميزات البنات علشان احنا متواضعين بتعملوا فينا كده اوك
1-البنت بتتكلم براحتها فى التليفون و ابوها او جوزها بيدفعوا الفاتوره
2-البنت مش ملزومه تجهز نفسها ابوها او البيه خطيبها هو الى بيدفع ده قلبه
3-محدش بيبص على بدله العريس كله بيبص على فستان العروسه
4-لو بنوته عملت مخالفه و عيطت شويه للضابط هيعديها انما لو راجل هيحطه فى دماغه
5-لو واحده مدتش عديه فى العيله مش هيقولوا عليها بخيله هيقولوا العيب على جوزها
6-لو بنوته اتاخرت عن المحاضره الدكتور هيدخلها انما لو ولد هيقولوا روح يا بابا كمل نوم
7-لو حصل زعل بين البنت و باباها مش هيقولها روح باتى بره انما لو ولد ؟؟؟؟؟؟؟؟؟؟؟؟؟
8-دلع البنات (يا ختى كميله سنتين _يا عسوله 5 سنين_يا عروسه 12 سنه_يا قمر 18 سنه_يا هانم 40 سنه_يا ام العيال 50 سنه_يا ست الكل 60 سنه )
9-دلع الولاد(انت ياد 10 سنين _انت يا شحط بقيت طول الباب 18 سنه_يا راجل 40 سنه_يا راجل يا عجوز منخيرك اد الكوز 60 سنه)

[ميما الشقيه]

اى خدمه يا بنات متزعلوش