الفرق بين الاسكندرانيةوالقاهروية((تبع حملة معا ضد البنات والغلاء))

[DID MAN]

( من غير زعل)

نهارده موضوع عباره عن شويه فروق بينا كأسكندرانيه وبين اخواتنا وحبايبنا المصاروه "اللى من القاهره يعنى"

فى القاهره : ايه ده الحاجه دى "جامده اخر حاجه"

فى اسكندريه : ايوووه الحاجه دى جامده اوى

فى القاهره : انا مش نمت من امبارح "تحس انك بتكلم طفل"

فى اسكندريه : انا منمتش من امبارح "ناس جد الجد"

فى القاهره : انا هشوف الموضوع ده

فى اسكندريه : انا حشوف الموضوع ده

فى القاهره : استيكــه "اللغه العربيه واخده حقها شويه معاكم" وقال كمان مساحه "بلدى بلدى يعنى"

فى اسكندريه : جومه عادى خالص جومه

فى القاهره : صباعى "ياعينى عليك يابنى"

فى اسكندريه : صوبعى اهى مفيهاش مشكله فله شمعه منوره اهى

فى القاهره : الزمالك عمل ايه النهارده الاجابه كيسب

فى اسكندريه : عادى الزمالك كسب ليه نزود حروف وخلاص مش لما نقدر على الكام حرف اللى عندنا نبقى نزود

فى القاهره : جلابيه "كلمه مبالغ فيها"

فى اسكندريه : عبايه "زى الفل"

فى القاهره : يقولك ميكروباص "ثقافتك انجليزى اوى يا عمنا micro bus"

فى اسكندريه : بنقول مشروع "شجع لغه بلدك"

فى القاهره : قال ايه اوطه يااااااااااااااى "دى كلمه من السبيعينات اصلا واتلغت بقالها "100سنه

فى اسكندريه : طماطم "جايه من كلمه توماتوز يا جماعه لازم يكون عندك ثقافه انجليزى برضه"

فى القاهره : خمسين قرش "الرياضه واخده معاكم حقها اوى يا اخواتى"

فى اسكندريه : نص جنيه "اهى يا جدعان فيها ايه زى العسل اهى"

فى القاهره : قال ايه يا اخويا يقولولك لبان " والنبى انا لو دخلت سوبر ماركت اقوله هات لبانه ليكرشنى بره"

فى اسكندريه : مستيكه "شايفين الاسم كله مازيكا"

فى القاهره : (سد الحنك) على رأى عادل امام يا خراااااااااااابى وبيجيلكم نفس تاكلو حاجه اسمها كده

فى اسكندريه : (حلاوه دقيق) شايفين الاسم متدلع ازاى يعنى دى الحلاوه بتاعه الدقيق

فى القاهره : يقولولك ايه (جبنه نستو) نستو ده اصلا كان فراش فى مدرسه الانشطار النووى الاعداديه بنات

فى الاسكندريه : جبنه مثلثات عادى ماهى شكلها كده مش بنتفلسف احنا

فى القاهره : (جبنه رومى) دى على اساس انها بنت عم الديك الرومى

فى اسكندريه : الجبنه مصدرها من تركيا يبقى اسمها جبنه تركى ولا ايه يا جماعه

فى القاهره : قال ايه طعميه ويجى واحد يتفلسف ويكتبلك طع100 ناس فاضيه

فى اسكندريه : فلافل معروفه طول عمرها زى ما فى روميو وجوليت فيه فول وفلافل

فى القاهره : يقولوا ايه فول بالزيت حار "اكيد بيجيبو الزيت ده من العربيات"

فى اسكندريه : فول بالزيت والليمون مش بنحب ننكر حق حد زي ما نقول الزيت نقول الليمون

فى القاهره : يقولك ايه على البمبونى (ارواح) انتم الاطفال عندك طالعين من بيت الرعب ولا ايه عادى دى المفروض حاجه للاطفال يعنى اسمها يبقى لايت بمبونى زى عندنا فى اسكندريه

ولا فى الصيف بقى ينزلو بسلطاتهم ببابا غنوجهم ويقرفونا بقى زحموا القاهره لغايه لما عملوا دوله مع حالهم جوه القاهره واتقسمت 4 محافظات باين ولا ايه مش عارفلهم الصراحه وجايين يبوظوا بقى احسن حته فى مصر ويزحموها ولا لما ينزلو البحر البحر بيبقى عادى زى باقى البحور لونه ازرق فله شمعه منوره فجأه وبقدره قادر يبقى لونه بنى حاولت جاهدا ان اجد تفسير للحكايه دى مش لاقى

فى النهايه احب اقولكم القهراويه جدعين اخر حاجه ومحديش يزعل بجد

[KaarrWWaaN]

✿✿

يعطيك الف عآآآفيييه
تحيآآآـتووو

✿✿

[Mysterious]

ثااااااااااااااااانكس عالتوب

انا اسكندراانية اوى على فكرة

بس القهراااوية اجدع ناااس

[لحظة عتآب]

أيوة

انا اسكندرانية

بس القهراوية أجدع نـــــــــــاس

وميرسي يا did man

[ندى الحب]

ايه ده بس يا دبر مان



انت نسيت ان محمد عكاشه من القاهره ومش هيرض على بنات بلاده بكده








اضربهم فى بعض علشان الحمله بتاعتهم تفشل هههههه

[هاجر الاسمعلاوية]

هههههههههه
شكرا على الموضوع
بس القاهروية جدعين اة بس كمان الاسكندرية جدعين اخر حاجة

[DID MAN]

هههههههههههههههههههههههههههههههههههههه

ماشى يا قمامير

[Rogena]

هههههههه
ليه بس كده ده احنا
بنحب الاسكندريه جااامد
وبعدين كل منطقه
وليها لهجه معينه عااادي يعني
وبعدين ما الولاد بيتكلمو نفس الكلام ده
ولا انت خايف يقلبو عليك ههههه
ثانكس على التوبيك
تحياااااتي

[ڪــــبرياء الروح]

ههههه

عيال بلد واحــــــــــــــــــــــــــــــــــــــــــد
هذآآآآآ اهم شيءءءء



يعطييييك الف عااااافيه

[oggy]

ههههههههههههه

انت خليت فيها اجدع ناس خالص

يقولك ايه على البمبونى (ارواح)

انت جبت المعلومه دي منين ههههههههههه

وبعدين دا انتو تلات الربع الكلام عندكو جاااااامد جدااا

الجنيه تقولوعليه جني

دا غير نفسي اهرف بتجمعو الكلام ليه

ياعني تقولو هاننزلو هانجيبووو

وتلاقي اللي هاينزلو في الاخر هو واحد بس

هههههههههههه

بس ع فكره انا بعشق اسكندريه

وكل قرايبي فيها وبجد بلاد جامده جدااااااا

ثاااااانكس did man

توبك جامد اخر حاجه <<<مصراويه ههههه