~عليا وعلى اعضائي ~

DID MAN · منذ /05-20-2010, 07:45 PM

فكرة نقل الاعضاء مش بنت امبارح ولا النهاردة

مش لطفي ابو اشناق هو اللي اتبرع لوحدو كدة

ومن غير محد يضغط علية

وقال خدوا عيني شوفو بيها

ياسيدي متشكرين

ولا التاني عبد الباسط حمودة اللي داخل على حبيبتو يساومها

ويقولها اديني قلبك وخد قلبي .. ليه؟؟

وعبد الحليم نفسو مش هو اللي قال

أنا لك على طول خليك ليا خد عين مني وطل عليا وخد الاتنين

واسال فيا

طبعا عبد الحليم مكتبش ورقة بالكلام دا

ولكن بعد مارحل تعرض لنقل الاغاني مش نقل الاعضاء

اخدوا اغانية وغنوها هما

وشادية لما قالت مقدرش احب اتنين علشان مليش قلبين

الكلام دا كان زمان

دكتور الاعضاء في القرن اللي جاي لو سمعو هيضحك

لا تقدري تحبي اتنين ياشادية

في ثانية ينقلولها قلب تاني وبكدة ممكن شادية تحب شكري

سرحان وكمال الشناوي في فيلم واحد ومتبقاش خيانة

وفي السينما بقا الافلام الكوميدية بالذات هيعملو عمايل سودة

هيشتغلوعلى دا شغل جامد اوي

الناس عاوزة نيولوك زهقت من الممثلين اللي هما البني ادمين

العاديين عايزيين الجديد

هيهرش المخرج في راسو

ويقول للمنتج : ايه رايك نجيب الواد الجديد المطقطق دا ونغير

اعضاء نعملو رجل طويلة ورجل قصيرة ... ياخرااااااااابي

ملايين هنكسب ملايين

يرد المنتج : ياعم نروح لبنك الاعضاء ونشوف حاجة تانية حاجة

جديدة

ايه رايك لما ناخد نص وش جورج بوش اليمين ونركبو على نص

وش كلينتون الشمال يبقى حكاية

يرد المخرج :هو احنا بنعمل فيلم سياسي ياريس دي كوميديا

انا رايي ان احنا نغير رقبتو ونركبلو بدالها رقبة وزة ... الله لما

تبقى دماغو دي راكبا على رقبة وزة هتبقى رقبتو زي السمسمة

ونشيل درعاتو ونركبلو جناحات

ونسمية الرجل الوزة

وسلسة افلام بقا الرجل الوزة في البوليس وبعدين في الجيش

وبعدين في مسشتفى المجانين وعيش يامعلم

وشوف الناس هتعمل ايه في الصالة

والبطل بقا ننقلو عين خضرا وعين حمرا

شايف المشهد

كل عين بلون غير التاني

العين الحمرا عشان ينفعنا في مشهد العصابة وهو بيوريهم العين
الحمرا طبعا

والعين الخضرا هيوريها لحبيبتو مش في مشهد رومانسي في

الرواية

وحماتو بقا ننقلها عين صفرا.. ليه ؟؟ عشان قرارة وحسودية

~~~~~~~~

واحد بقا في القرن اللي جاي حس ان رجلية بتوجعو وبيزك بيها

دااااااااااااااخ عــ الدكاترة

كولهم قاللولو هتوجع دماغك ليه

رجليك مش شغالة روح المول هتلاقي الرجلين اللي تعجبك
اشتريها وسيب دول وخد الفرق واحنا نركبهملك

وراح فتحولو التلاجة

وقالولو :

شوف دي رجلين مرادونا

ودي رجلين شوارذ نجر

قلهم: بس انا راجل على ادي

الرجلين دي عايزا تشيل حد يستاهلهم

اومال الرجلين اللي هناك دول بتوع مين

قالولو : لا دي رجلين حريمي

قالهم: طب ممكن اخد فكرة بس

وطقت في دماغو يركب رجلين مادونا

ياسيدي ماينفعش هيبقى شكلها عليك غلط

ابدا دا راسو الف سيف ما يمشي الا على رجليم مادونا

وركبولو رجلين مادونا وكل يوم بليل يلاقي نفسو قايم من النوم

ولا بس ونازل في نص الليل رايح فين مايعرفش

مطرح مارجليه تودية اهو رايح

مافيش اسبوع ورجعلهم وهو منكسر محبط منهار

قالهم انا اخلاقي متسمحليش اني امشي على دول اخلعوهم

وركبولي رجليا الاولنيين

ازك ازك بس بشرفي

~~~~~

وفي القرن بعد اللي جاي بقا وعليكم خير

هتقول جيجي لسهى : دراعك دا يجنن جايباه من فين ياسهى

ترد سهى : دا دراع فرنساوي بس ملقتش غير دراع يمين بس

فركبت دا

تبص جيجي على دراع سهى الشمال وتقولها: بس دراعك الشمال

مش قصير شوية

تقولها سهى : اصلو دراع يباني اللي ركب بقا

يارب ما نعيش لحد ما نشوف الايام دي

~~~~~~~~~
بعد اذنكم اريح المفاصل واشفكم بعد الفاصل

The heart · منذ /05-20-2010, 07:56 PM

ههههههههههههههههههههههههه ههههههههههههههههههههههههههههههههه
ااااه يابطني وجعتني من الضحك ايه يابني دا حرام عليك هتموتنا من الضحك

لحظة عتآب · منذ /05-20-2010, 08:17 PM

ههههههههههههههههههههههههههههههههههههههه

هههههههههههههههههههههههههههههههههههههه

تحفة

تسلم ايدك يا did man

tha game · منذ /05-20-2010, 08:31 PM

هههههههههههههههههههههههههههههههههه

جامده يامان

انتظرك بعد الفاصل

DID MAN · منذ /05-21-2010, 01:04 AM

نورتو والله التوبيك

بس المفاصل عمالى الفاصل

game010 · منذ /05-21-2010, 02:11 AM

ههههههههههههههههههههههههههههه
جااااااااااااااااااااااااااااااااااامده مووووووووووووووووووووووووت
شكرا يامااااااااااااااااااااااااااااااااااااااااااااااا اان.

ميرنا1 · منذ /05-21-2010, 03:46 AM

ههههههههههههههههههههههههههههههههههههههههه
حلوة اوي بجد بطني هههههههههههههه
شكرا على الموضوع

Bright Brain · منذ /05-21-2010, 11:07 AM

يسلموووووووووووووووووو
صحيح دي بقت مشكله كبيره اليومين دول

DID MAN · منذ /05-22-2010, 12:14 AM

تسلمولى يا عساسيل

غاوى حب موت · منذ /05-22-2010, 03:36 AM

هههههههههههههههههههههههههه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فيلم chicken little مترجم وعلى رابط واحد وعلى اكثر من سيرفر	haytham ali	أفلام الانمى - مسلسلات الأنمي - تحميل أفلام كرتون	0	07-09-2011 03:30 PM
صور عليا التركية بطلة المسلسل التركى عليا	sεηυσяιтα ησOση	صور فنانين - فنانات - ممثلين - ممثلات	8	07-07-2011 07:08 PM
شكرا لهم وشكرا لكم اعضائى الكرام	Mo chahin	مواضيع عامة - ثقافة عامة	5	05-24-2010 05:17 AM
يأأأبخت من بكأنى وبكى عليا .ولا ضحكنى وضحك ألنأس عليا	big bốss	قسم مناقشة المواضيع المتداوله والمنقوله	0	04-21-2010 12:15 PM
لماذا يقولون علي الولد بوي وعلي البنت جيرل وعلي السيده الكبيره نينه	الاختين الحلوين	قسم مناقشة المواضيع المتداوله والمنقوله	10	09-08-2009 10:58 PM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

~عليا وعلى اعضائي ~

نكت - طرائف - وناسة - فرفشة