< مهمة مستحيلة في جامعة البنات >

[فاقد حنان]

السلام عليكم
اسرد امامكم هذه القصه الشيقه وهي واضحة من عنوانها نبدا بسم الله::::::::
الجز الاول::

< مهمة مستحيلة في جامعة البنات >

بدأت قصتي عندما دخل صديقي المعاق فكرياً ( بدر الشوق ) في عالم الحب ..ذلك العالم الغامض الذي لا ينيره أي مصباح حتى لو إقتربت الشمس نفسها من ظلمته فلن تنير إلا جزء يسير لا يسمح بمن كان بصره مثل بصر زرقاء اليمامة أن يرى ما يجول في داخله .. فكيف بحالنا ونحن نعاني من ضعف في النظر رغم أكلنا لكميات كبيرة من الجزر ..
لقد حضر إلي وهو يروي لي قصة حبه المشئومة وعن ظروف صديقته التي لا يستطيع رؤيتها فحارت نفسه النتنة لتسول له بأن يزور شهادتي ثانوية بإسمي وإسمه ويقدمها لجامعة الملك سعود التابعة للفتيات لنكون أحد منسوبيها كي يستطيع أن يحقق رغبته وأن يرى حبه الذي نمى مع كثرة المكالمات وشحن البطاقات ( والله يا فيه ناس رهنت بطاقات الأحوال ) ..فقد ألبسني ملابس نسائية وأزال شعر جسدي بالنير لأصبح وكأنني دجاجة نزع ريشها ... لأشترط عليه والغضب يشتعل في خلايا جسدي بأن ألبس اللون الأحمر ولكنه نهاني وقال بأن إدارة الجامعة تمنع الملابس ذات الألوان الفاقعة والجذابة وأننا سوف نمر من خلال بوابات التفتيش والتي تحمل الأرقام التالية : ( 2، 5 ، 4 ، 7 ) ..وهناك سننال كماً من التوبيخ غير البصاق في حالة المخالفة..لا أريد أن أطيل عليكم في الحديث وسأدعكم مع هذه القصة التي سأسردها لكم باللهجة العامية بعد أن تفصلوا الاشتراكات

* * *

(( البـــدايـــة ))

وقفنا عند باب الجامعة بعد ما نزلنا خوينا وحنا لابسين عبايات مخصرة وكل واحد ردفه يوقف عليه بقره حامل وأنا أقول:
-يا ( بدر الشوق ) أنا خايف .. قال:
-جمد قلبك يا ( أبو هديب ) .. قلت:
-أحس بألم ..
وهو يقول:
-لا تخلي الألم يدخل قلبك .. قلت:
-الألم مهوب في قلبي الألم في رجلي من ضيق الجزمة.. قال:
-إسمها شوكه مهوب جزمة لا تفضحنا .. قلت:
-شكلك جايع وش شوكته.
تنهد وهو يقول:
-تحمل وعشان تتناسى الوجع تخيل أنك تتطيول عشان تطل من ورى جدار على سكن أمريكيات وهم يسبحون ..
قلت:
-أبو الإقناع اللي تعرفه ..
تنهد وهو يقول:
-وش تبيني أسوي فيك ..
طنشته وتقدمت خطوة وأنا أترنح .. وهو يمسكني ويقول:
-زبط مشيتك كذا بيقولون جايه سكرانة .. قلت:
-ولا يهمك أبصرفهم وأقولهم أني شاربه بور هاورس منتهي تاريخه وسبب لي مشاكل في الأرحام ..
نغزني بكوعه وهو يقول:
-يا ( شهيرة ).
وقفته وقلت:
-منهي شهيره قال:
-أنت يا أبو هديب أسمك شهيره قلت:
-لا ياخوي إسم شهيرة قريب من كلمة فطيره أبي إسم زي الناس.
قال:
-مافيه مجال نغيره مكتوب في الأوراق كذا ..
قلت:
-طيب وأنت وش اسمك.
قال وهو يسبل بعيونه اللي ملطسه كحل:
-إسمي يارا.
-قلت نفس الشي قريب من كلمة بياره أنا أحسن منك..
دخلنا من بوابة رقم ( 2 ) ولقينا شؤون الطالبات يفتشون وعتقنا منهم بشق الأنفس .. وحنا نمشي متجهين لمبنى (24 )قسم التربية الخاصة في الجامعة وحنا نمشي نقزقز هالبنات اللي يضحكون وكل ثلاث مع بعض وهم يتوجهون مجموعات للقاعات وأنا أناظر الجدول وأقول:
-وش علينا هالحين قال بدر الشوق:
-علينا مادة سلم.
وحنا نمشي وقفت وأنا أقول:
-مو معقول التنورة ضيقة أحس بتصلب في شرايين رجليني كذا بتجيني غرغرينا لو أستمر الوضع كذا ..
مسكني بدر الشوق وهو يقول:
-وش فيك مطير التنورة إلى نصف صدرك نزلها شوي طالع كنك هندي لابس وزار .. قلت:
-طيب.
وهو يمسكني بسرعه:
-خلنا نلحق على المحاضرة .. مشيت بالحسرة كأني طفله فيها كساح وأنا أقول وحنا نمشي:
-مهوب المشكلة في التنورة المشكلة بعد في الملابس الداخلية ضيقه ليش ما جبت أكبر من كذا.
تنهد وهو يقول:
-ياخوي وقسم بالله هذا أكبر مقاس لقيته في نعومي وأحمد ربك أننا شرينا قبل ما يطبقون نظام سعودة المحلات وقلبها نسائيه وإلا كان نمش خشومنا ..
قلت:
-مهوب مشكلة.
وأنا أأشر وأقول:
-هذي القاعة رقم ( ) .

دخلنا وجلسنا على الكراسي وقلت:
-من اللي بتدرسنا ..
قال:
-الدكتوره حليمه
قلت:
-معقوله حليمة بولند تدرس في الجامعه هذي ..
قال:
-هي قديمه من سنة 1405هـ موجودة ومعها دكتوراه وماجستير من مصر بس خلك ساكت لا تلفت الانتباه.
وحنا جالسين دخلت وحده فيها غررو وشوفة نفس وكأنها بتستفرغ من نفسها وأنا اتمتم:
-وين حليمه تأخرت ودي آخذ منها توقيع بعد المحاضرة .. نغزني وهو يقول:
-حليمه قدامك المدرسه السودانيه اللي دخلت ..
قلت:
-معقولة هذي حليمه هذا تزوير في أسامي الدلع كيف يجي هالإسم الزين على بقايا عظام الضبعه اللي قدامي ..
وأنا أعلق سمعتني اللي جنبي وقامت تضحك وهي تقول:
-شكلك فله ومنسمه .. قلت بحيا:
-ليش شايفتهم حاطين راسي في برميل مويه ويشوفون من وين التنسيم ..
ضحكت ونشخف قلبي وهي تقول:
-معك هدى وش رايك نتواعد بعد المحاضرة في البوفيه .. قلت:
-مهوب مشكله لو تبين نتواعد في الصناعية ...
و( بدر الشوق ) جنبي يقول بصوت واطي:
-أجل في الصناعية تسمع بالحب
7
7
انتظرو الجز الثاني

[منى خالد]

انتظار الجزء الثانى

[دموع]

[فاقد حنان]

منى خالد
دموع
مرسي على المتابعة

[هانونة]

ميرسى فاقد الحنان قصة جميلة وفى انتظار الجزء الثانى

[فاقد حنان]

تفضلو الجز الثاني
خلصت المحاضره بشق الأنفس وإستهلكنا فيها كمية كبيرة من السعابيل والسبات النوم الغلط .
طلعنا من المحاضرة مصابين بآلام في الظهر وتنمل في الرجلين وأنا أقول لـ بدر الشوق:
-وين البوفيه.
قال:
-في مبنى 12.
قلت:
-طيب خلنا نروح البنت مواعدتنا هناك ...
قال:
-طيب شف أنا أبخليك معها في البوفيه وبحاول أقابل خويتي. قلت:
-مهوب مشكله.
وحنا نمشي قلت:
-ثواني تكفى شوي وقف أحس بأن الكلون نزل.
يعني الشراب للناطقين بغير اللهجة النسائيه وقفت ورفعت التنوره شوي وجلست اضبط الكلون وما نتبهت لوحده كانت تشوفني ثمن جتني وهي تقول:
-عفوا.
قلت:
-مرحبا ..
قالت:
-خويتي تبغى تتعرف عليك .. قلت:
-مهوب مشكله خليها تجي نتشرف والله ..
شوي راحت ورجعت مع خويتها وأنا لاهي أزبط الشراب هالبايخ اللي بدون مغاط كل شوي يطيح وأنا ازبط سمعت صوت غريب قريب من صوت أحتكاك الأشجار في بعضها إذا هبت رياح شماليه رفعت راسي وأشوف هذيك البنت السوداء الخاله اللي تقول لليل وخر وأنا أجي مكانك مدت يدها وهي تقول:
-السلام عليكم.
سلمت عليها وأنا مندهش وهي تقول:
-أنا إسمي شروق.
إبتسمت وأنا أقول:
-غريبه مع العلم إن وجهك يوحي بالغروب.
إبتسمت السوداء شروق وهي تقول:
-مقبوله منك يا عسل قلت:
-آمري.
قالت:
-معليش بس أنا شفتك وأعجبت فيك وحابه أتعرف عليك وتكونين صديقه لي خاصه .. قلت لها:
-آسفه أنا من زمان بطلت أقتني الحيوانات وثاني شي أنا مش بتاعة الحركات هذي إني أكون لك الحنان والدلع..
إبتسمت شروق وهي تدلع:
-بس قلبي تعلق فيك ..
صرخت في وجهها:
-من زين قلبك هاللي كنه مكينة كرسيدا .. وبعدين سوري إسمحيلي ما أقدر أنا أسوي الحركات هذي ألزم ما علي سمعتي بكره يجي واحد يخطبني ويدري أني وقفت وتكلمت معك ممكن يغير رايه فيني كيف لو سويت معك علاقه إسمحيلي ..
مدت يدها شروق وهي تصافحني وتقول:
-طيب ممكن أطلب طلب أخير. قلت:
-ليش أنت بتموتين ..
قالت:
-لا بس أتمنى تكتبين لي إهداء على يدي بخطك وتكتبين أول حرف من أسمك بعد ..
قلت:
-مافيه مشكله معك طامس عشان أكتب ..
قالت:
-معي قلم.
قلت:
-هاتي بس أخاف ما يبين على بشرتك هالبايخه..
أخذت القلم وجلست أكتب لمدة عشر دقايق وهي تسولف مع اللي جنبها وأنا أكتب قلت:
-خلصت ..
ناظرت شروق وجلست تقرا بصوت عالي وهي تقول:
-عاش أبو رايش ، أبو هاجوس مرعب النفوس ، ياروحي ياشارع Xl ، الرجاء عدم المرور الطريق مغلق للصيانة بين قوسين (فندق الوحده). سكتت شروق شوي ثمن قالت:
-وش هذا قلبتي يدي جدار مدرسه وبعدين وش تقصدين بكلمة بين قوسين ( فندق الوحده).
قلت وأنا أبتسم:
-مدري وش معناها بس أشوف الشباب دائما يكتبون كذا على براميل الزبايل ( فندق النصر ، فندق الهلال ) قلت اكتب هالكلمه في المكان المناسب وما لقيت أنسب من يدك عشان أكتبها.
بعدها رحت وخليتها واتجهت للبوفيه وجلست على الطاوله وأنا أشوف البنات يروحون ويجون ومتجمعات مع بعض اللي كاش وغنيه ، واللي فقيره ومنزويه على حالها ، واللي تستهبل وتضحك بصوت عالي يعنني منسمه واللي حامل ويا الله تشيل نفسها ..
وأنا جالس على الطاوله مستمتع بالريحه المعفنه حقت البوفيه جاني بدر الشوق وجلس معي وهو يقول:
-شف اتصلت عليها تقولي بتخلص وبتجي للبوفيه بس أتمنى ما تقوم معي انتظرني هنا قلت:
-ليش خلني أشوف هالجمال اللي مسحبنا عشانه للجامعه. وأنا أسولف جات هدى البنت اللي كانت جنبي في المحاضره ومعها شلتها وابتسمت في وجهي وهي تقول:
-ممكن نجلس معكم ..
قلت وقلبي يخفق:
-إجلسي على الكراسي وإن ما كفت الكراسي مستعد أتعلم السحر وأسحر زميلتي يارا عشان أحولها لك كرسي.
أنا قلت أسم ياره طاحوا البنات ضحك وهم يقولون لـ بدر الشوق:
-بالله إسمك ياره.
ثمن إلتفتت البنت وهي تقولي:
-وأنت وش أسمك.
قلت:
-أنا إسمي شهيره ويدلعوني أم هديب.
أنا قلت كذا على طول طاحوا ضحك ووحده منهم تقول وش هالأسامي أسامي لبنانيين .. قلت وأنا ألعب بخصلة من خصلات شعري:
-إيه الوالده جدها لبناني عشان كذا نعود لبنانيين من عائلة الأطرش ..
قالت وحده منهم:
-غريبه مع أن أشباهك أشباه يمنيه طاقها الجوع ..
إبتسمت وأنا أقول:
-قصدك عشان بشرتي لا اللي مخرب بشرتي هو لأننا نسافر كثير لليمن وأنت تعرفين اللي يسافر لليمن ويشرب من موية النيل حقهم لازم يرجع لهم. شوي جاني كوع من بدر الشوق وهو يقول:
-وش نيلته النيل في اليمن نعنبو خيرك ما درست جغرافيا ..
قلت:
-من زين هالجغرافيا اللي درسنها كلها عن طقس المملكه من الإبتدائي الين الجامعه والطقس ما تغير هو هو ..
جلسوا البنات وهم يضحكون ووحده منهم تقولي
-أنت تحفه هبال دمك خفيف ممكن أتعرف عليك وإذا ما عندك مانع تكونين من شلتي .. قلت:
-أنا في الخدمه مستعده لو تبين تتبنيني وإلا تسكنيني في غرفة السواق حقكم ما عندي مشكلة ..
ضحكت وهي تقول خلاص أجل بس إعملي حسابك ترى البنات يجتمعون عند الشيخه في القصر وهي تحب الضحك .. وأنا أبعرفك عليها بتنبسط عليك ..
دق جوال بدر الشوق ثمن قال بصوت ناعم:
-عن إذنكم مواعده وحده وإن شاء الله أخلص وأجي قلت:
-مهوب مشكله بس لا تتأخرين. قام وخلاني معهم ووجهي يحرقني من النير ووحده من البنات تقول وهي تأشر علي:
-أنا أبروح أجيب شي نشربه أنت وش تحبين تشربين ..
قلت وأنا متحمس:
-علي الطلاق محد يجيب الطلابات غيري ..
وقفوا البنات يناظروني وهم مستغربين وإستوعبت إني جبت العيد ثمن قلت:
-الله يلعن أخوي علمني هالكلمه وعلقت في لساني .. ابتسموا ووحده منهم تقول:
-تحفه .. تحفه جنان هالبنت .. قلت:
-معليش وش إسمك من اليوم تقولين تحفه تحفه ... شكل تخصصك آثار ومرسلينك الإداره تقنعيني عشان يحطوني في متحف الجامعة ..
هنا البنت أنسدحت على الطاوله وغطت وجهها وهي ميته ضحك ..
قلت:
-يا جماعه شوفوا خويتكم ليكون جاها هبوط ودخلت في غيبوبه ..
رفعت راسها وهي تضحك وتقول:
-خلاص خلاص ...
قلت وأنا مرتبك:
-عن إذنكم أبروح أجيب لكم شي تشربونه وتاكلونه وش تبون قالت وحده يا حسره وش عندهم غير الكوفي والكرواسون.
قلت:
-حلو نعمه.
ثمن رحت للبوفيه وأنا أمشي أسمع سواليف البنات في الجلسات .. بنات يتكلمون في الميك أب وفي اللبس وبنات يحشون في الدكاتره وفي مبنى المعلمات رقم 15 وبنات يتكلمون عن سوء الزفلته الداخليه بين المباني وعن كمية الحصى اللي تكسر الجزم والرجلين وفيه بنت تأشر علي وهي تقول:
-شوفوا جسمها كيف شكله طالعه كأنها غسالة بابطين. ووحده جالسه على الكرسي حابسه دمعتها وهي تكلم بالجوال
يتبع الجز الأخير