عيوب البنات ال ملايكه ال

[ozy]

بسم الله الرحمن الرحيم

قبل اى ضرباو كلام ( انا مش بتكلم على كل البنات طبعا )..انا بكمل على موضوع اتنشر فيه 7 عيوب للبنات ومن بنت زيكم يعنى لما البنت تقول 7 يبقى الشباب يتبحبحو شوية عشان احنا شباب جدعان والكرم عندنا صفة اساسية والى يحب يضيف يتفضل ده اوبن بوفيه

نبتدى فى اول صفة


1- النكد

مشفتش اى بنت مش بتحب النكد والنكد ليه صور كتير

الخناق عمال على بطال وتنكد على جوزها او خطبها الى يعينى بيكون غلبان وبيستحمل ( اى والله احنا مظلومين بقينا زى الجمال من الى بيحصل فينا )

طيب مفيش خطيب ولا جوز يبقى التليفزيون وكام مسلسل درامى او فيلم وعلبتين مناديل وهات يا عياط

حتى الدراسة بعد اى امتحان لازم تخرج تعيط فى ايه يا بنتى مالك اصلى محلتش النقطة الاخيرة فى الامتحان هسسسسسسسقط ( مع العلم ان النقطة دى فى سوال اختيارى وهى حلته زيادة تاكيد)




2- الميول العدوانية

عمرك شفت بنت بتتفرج على مصارعة ؟؟؟

ايوة والله فى بنات كتير بتتفرج على مصارعة وحافظين اسماء المصارعين كمان وحركتهم ...غير ان فى بنات كتير بطلات رفع اثقال- وتايكوندو- والعاب عنيفة كتير ( يارب لما تعاكس متقعش فى ايد وحدة منهم)


3- الاصراف

بيحبو يشترو اى حاجة مش مهم هى ايه او بتعمل ايه او فايدتها ايه بس هى حاجة جيدة وخلاص غير اللبس والميك اب والجيم..الخ الخ

تعالى فى مرة اعمل دور جنتلة وقول لبنت انا عزمك فى اى مكان تحبيه بس تكون عامل حسابك وبايع بيتكم قبلها عشان تسدد الفاتورة
لان مفيش بنت هتدخلك محل كشرى ولا مطعم فول


4- الغيرة

الغيرة للبنت حاجة عادية للولد تبقى شك
طيب والبنت الى بتبص للبنات الى فى الشارع او الكلية او الشغل عشان تشوفهم بيعملو ايه وتعمله ( تلقيها ديما تقولك هى فلانة حلوة كل ده ميك اب بس / علانة دى اصلا كانت كذا وكذا وكذا ...)

5- العند

العند ده صفة منتشرة جدا بيحبو يعندو عشان يحسسو الشباب انه بيتفقو عليهم تعالى كلم وحدة فى التليفون وقولها اقفلى تقولك لا انت الاول انت تصر انها تقفل الاول هتعند معاك لحد مارصيدك يخلص والخط يقطع من عندك ( مهو طبعا انت الى متصل ...يا جنتل )

6- البراءة المصطنعة والهدوء

البنت ديما تلقيها فى اول مرة تتعرف عليها بتكون هدية ولذيذة ودمها خفيف ولو زعلتها بتسكت وممكن تعيط كمان...بعد فترة لو لمحت من غير ماتقصد وزعلتها هتتمنى لو كنت فى قفص الاسد دلوقتى على الاقل ممكن يتفاهم معاك عنها


كفايا كده عشان طولت اوى بس انا مش عايز دمى يروح هدر لو مجتش المنتدى لمدة يومين ..علشان لسة فى حلقات تانية للموضوع

[aya1994]

يعينى علينا
احنا كدا ديمن مظلومين

ههههههههه

تسلم ايدك

بس مش كل البنات

[ozy]

مانا قولت مش كل البنات

لكن الاغلبية العظمى طبعا

انا عايز اكون هتلر للبنات

هههههههههههه

[2hlaoy4ever]

هههههههههههههههه

اديهم يا معلم وحيااااااااااة ربنا كلامك صح اقسم بعزة جلالة الرحمن كلامك صح ههههههههههههه

كل كلمة من القلتها صح ودية عيوب خفيفة كدة

دة يجى حوالى فية 500 الف عيب انت شيلهم كدة ههههههههههههه

اصلى يمااااااااان وريهم وريهم

[ملاك الجنة]

بقى كده
انتو ناويين تولعو الحرب تاني
انصحكم بلاش
لا بجد البنات حلوين
هم فيهم حاجات صغنونة اوي وحشه
بس رغم من كده احسن من الصبيان

تحياتي

[ozy]

هههههههههههههههههههههه

ماشى يا اهلاوى

من هنا ورايح تأديب وتهذيب واصلاح هههههههههه

[ozy]

اقتباس المشاركة الأصلية كتبت بواسطة ملاك الجنة بقى كده انتو ناويين تولعو الحرب تاني انصحكم بلاش لا بجد البنات حلوين هم فيهم حاجات صغنونة اوي وحشه بس رغم من كده احسن من الصبيان تحياتي

حتى لو فى حرب نحن لها

والى بيقول مبيعملش والى بيعمل مابيقولش

وانا محامى ربنا يرزق بقا

هههههههههه

[لمسة سحرية]

ايه الكلام اللى يزعل دة
لالا مش كل البنات
انا كدة زعلت
ومش هسكت ع الانقلاب اللى هعمله
غير لما تصلحنى

[ozy]

منورة يا لمسه

[ozy]

شوفتى بقا ازاى


على العموم منورة يا خليجيه