مسآبقة أجمل عروسة..!!!

[Sєяєєη●•ʚɞ]

OoO مــــــــــــــسابــــــــقة أجـــــــــمل عروســــــــــــة OoO





هالوهات على اجمل بناتيت ... ازيكم ووحشتونى واخباراتكم وكل حاجة حلووووه
النهاردة انا جايلكم بمسابقة بناتيتى (يعنى المشتركات بنات بس أى ولد هيدبح هههههه)

المسابقة من غير رغى كتير عبارة عن " إختيار أجمل عروسة"

..


شرح المسابقة ببساطة:

هيتم اختيار بنوته واحدة بس من 12 متسابقة من البنات (زودتهم اتنين) ..... كل بنوته هتتخيل نفسها عروسة وهتجهز نفسها فى مهله يومين فقط وسوف يتم اختيار البنوتة الفائزة من خلاص حصولها على اعلى نسبة تصويت.... داكووور يابناتيت

يلا بقى نشوف المطلوب من البناتيت فى المسابقة غريبه الشكل والاطوار دى>>>>

..

مطلوب من كل بنوته تبعتلى على الخاص فى خلال يومين من بدايه المسابقه الاتى:


1- صورة فستان فرح

2- صورة الشوز ال هتلبسيه عليه (لازم يكون لايق على الفستان طبعا)

3- صورة تسريحة الشعر أو التحجيبة

4- صورة طرحة الفرح

5- صورة الميك آب (صورة بنت حاطة المكياج اللى عاجبك)

6- صورة الشبكة والدبله

7- صورة بوكية الورد

8- صورة القاعة او الكوشة

بس كدة خلاويص



..

شروط المسابقة:

1- المتسابقات من بنات فقط (تفرقه عنصرية بكا)
2- الا تقل عدد مشاركات العضوة عن 100 مشاركة
3- أن تلتزم المتسابقات بالمدة المحددة فى ارسال المطلوب منهم وأى تأخير من اى متسابقة سنبدأ التصويت بدون مشاركتها
4- أن يتم ارسال الطلبات من خلال الرسائل الخاصة
5- عدد المشتركات هم 12 فقط وتكون الاولوية لاول 12 متسابقة سارعوا فى التسجيل
6- المدة المحددة لارسال المطلوب هى يومين فقط من بداية بدأ المسابقة بعد تحديد أسماء المشتركات



..


الجائزة:


..


100 مشاركة ستحصل عليها البنوتة صاحبة أعلى تصويت


..


ملحوظة:

..


هينزل التصويت والفساتين فى توبيك مستقل وسيتم وضع لينك توبيك التصويت هنآ (علشان الكل يصوت ومافيش حد يتوه مننا)

البنوتات ال هتشترك معايا تتابع الموضوع دا علشان تعرف امتى هنبدأ (بمجرد اكمال العدد هنبدأ على طول مع مهلة يومين)

البنوتات ال هتشترك معايا تبعتلى الصور كلها فى رساله واحدة ( علشان مافيش حاجة تضيع وعلشان وماشدش فى شعرى أنآ)

التصويت هيكون له عدد محدد من الايآم..



..


قوانين قسم المسابقات بكا
ادخلوا هذآ اللينك

http://forums.msryat.org/showthread.php?t=24221

..


أخيرااااا


..



كل بنوتة تجهز نفسها حلووو علشان تعجب( حماتهآ )ال قاعدلها على الكرسى تحت ههههههه( هى شكلها مابيعجبهاش العجب أصلآ ههههه)





أنآ نصحتكم اهو بدل اما تلاقوا نفسكم (شايلين عتريس بالشكل دا ههههههه)



بناتيت كونوا متميزين ومتألقين فى إختيار صوركم>> دى نصيحة صغنونة منى<<

يلا يابناتيت اسرعووووووووووووا وورنونى الشطآرة

بشــــــــــــكركــــــــــــم

ســــيريــــــــــــن

[beauty angel]

فكـــــــــرة روعة ياسيرين
وأنا أول مشتركة
معاكي طبعااااااااا ياقمــــر
تسلم الايادي

[Loyalty]

جامدة جدا سا سيرين

كل افكارك جميلة يا سويتى

معاكى يا قمر

[الأميرة منة]

هههههههههههه

ميرسى ياقمر عالمسابقة الجامدة وانا معاكى سجلى اسمى

[ندى الحب]

فكره جميله اوى وانا معاكى

[I'm Me]

مسآبقة روعة يآ شووجرآية

معآكي شوور ...

[جميلة مصر]

انامعاكى اعملى حسابى
ميرسى

[Dr.nour]

مسابقه تحفه يا قمر

معااااااااااااكى

بالتوفيق للكل يارب

[ŘǾnỳ ĊŰtỷ-Xx]

أنا معاكى يا عسل لو طولتى المده شويه يعنى الاسبوع الجاى زى انهارده علشان امتحاناتى حتخلص الاسبوع الجاى
لو مينفعش يبقى متعمليش حسابى المره دى المره الجايه انشاء الله

[رشه جريئه]

انا معاكى يا قمر بس انا هعمل 100 مشاركه حالا
تحياتى ليكى