بخصوص جريمة قتل المواطن خالد محمد سعيد

[خارج عن القانون]

إننا كبشر وكمواطنين مصريين، لنا كامل حقوق الإنسان المواطن، نستنكر بشدة الجريمة البشعة التي أضيفت لسجل الانتهاكات الصارخة لحقوق المصريين على يد بعض عناصر من الشرطة كان من المفترض أن تكون في خدمة للشعب.

وإن ما وقع من عناصر الشرطة هذه لم تكن جريمة واحدة، بل تعددت مظاهر الانتهاك والتجاوز حيث شملت الآتي:

1- تعمد سوء معاملة المواطنين في مقهى الإنترنت بمنطقة كليوباترا ارتكازاً على قانون الطواريء.

2- ضرب وسحل المواطن حسن السمعة "خالد محمد سعيد" ضرباً مبرحاً مصحوباً بإهانة غير مقبولة في حق أي مواطن، حتى ولو كان مجرماً.

3- إهمال إسعاف المواطن رغم نزيفه وصراخه بين أيديهم، والاستمرار في استخدام العنف على مرأى ومسمع من الجيران والمارة، بما أفضى إلى مصرع المواطن.

4- خطف المواطن خالد محمد سعيد رغم احتضاره إلى قسم شرطة سيدي جابر.

5- تواطؤ قسم شرطة سيدي جابر للتغطية على الجرائم السالفة، وتلفيق محضر غير صحيح اعتماداً على شهادات زور من بعض المسجلين الخطرين.

6- إلقاء جثة المواطن في الشارع واستدعاء سيارة إسعاف في محاولة للتهرب من المسؤولية الكاملة عن كل ما سبق.

وفي ضوء هذه الفاجعة التي حدثت لمجرد مطالبة مواطن بحقه في المعاملة الكريمة، نؤكد على الآتي:

1- أن مثل هذه الجرائم لا يمكن وقوعها في أي بلد ديمقراطي تحترم فيه كرامة المواطن وإرادة الشعب ورقابتهم على أداء السلطات التنفيذية.

2- وأن النظام المصري الحاكم كاذب في ادعائه قصر استخدام الإجراءات الاستثنائية الطارئة على حالتي المخدرات والإرهاب.

3- وأن الشعب المصري – كغيره من الشعوب – قادر على ردع مثل هذه الانتهاكات والجرائم باتخاذ المواقف الإيجابية وكسر حاجز الخوف.

4- وأننا كمصريين لا يمكن أن نغض الطرف عن مثل هذه الانتهاكات التي يتجاوز التصدي لها مجرد محاسبة المجرمين، وإنما يمتد للتغيير الجذري الذي يضمن استقلال القضاء وإلغاء حالة الطواريء وحرية المصريين في اختيار ومحاسبة وعزل من يحكمهم.

وبناء عليه، فإننى كشاب مصرى من اب وام مصريين اطالب بالآتي:

1- تقديم كل من ارتكب الجريمة أو ساعد في التغطية والتستر عليها من عناصر الشرطة ومن شهود الزور للمحاكمة العادلة العاجلة.

2- ضرورة تكاتف المواطنين للتصدي لمثل هذه الانتهاكات والتجاوزات للدفاع عن حقوق أي مواطن وكرامته حال حدوثها.

3- ضرورة المشاركة الشعبية في وقف مسلسل الانتهاكات بالضغط المباشر من أجل التغيير الجذري لدعائم هذا النظام غير المحترم لحقوق المواطنين، وهو ما اتفق عليه أبناء الوطن وتمثله مطالب التغيير السبعة الواردة في بيان التغيير.

عاشت مصر كريمة حرة بأبنائها الأحرار

ولمن لا يعرف بتلك الواقعه هذه هى الصورة

[نانـــــو]

لا حول ولا قوة الا بالله العلى العظيم
ربنا ينتقم منهم يارب
بس العيب فينا احنا
كل واحد ساكت المهم عنده يامن ولاده ونفسه بس
انما الى بيحصل حواليه يقلك وانا مالى يكشى تولع ماهى خربت
على فكرة ده مش كلام منى
ده كلام الشعب كله
الاحوال دى هتنهى والبلاد هتحترمنا
لما بلدنا تحترمنا
بلد شايفة انى شعبها طالع عينه وبيقول امين
منتظر ايه منهم
حسبى الله ونعم الوكيل
مشكور محمد على موضوعك المؤلم
ملحوظة مش كل رجال الشرطة بالوحشية دى
اخويا وكيل نيابة ومتقى ربنا الحمد لله

[الأميرة منة]

لا حول ولاقوة الا بالله العلى العظيم
انا فعلا حزنت اوى لما شوفت الصورة ومش قادرة اقولك ايه غير حسبى الله ونعم الوكيل فى اللى عمل كده
وطبعا كل ظباط الشرطة مش زى بعض فعلا

ميرسى محمد عالطرح المميز

[♥..pure]

لا حول ولا قوة الا بالله

انا لله وانا اليه راجعون

لا تعليق بجد

ربنا يرحمه

[عازف الاحساس]

تحيااااااااتي لك يا محمد يا كبير

ولكن الوضع دا بقى شيء عادي جداااا
هما حرفين فوق القانون
حرف الفــــ يعني فلوس
وحرف الواو وهي الوسطة
الي ممعهوش الحاجه ديه بياخد على دماغة
عشان كده عمرنا ما هنتقدم هنكون همجيين
بتقتل ونسرق ونرشي ونرتشي
هي البلد هتكون طول عمرها كده
ولكن كله دلوقتي بيخاف انه يقول الحق ويقول الصراحة
لانه عارفه انه لما هيقول الحق مش هيكون ليه وجود اصلا
ولعلمك من المفروض ان الموضوع دا ميتسكتش عليه
زي غيره شباب كثير ماتت
ولكن الحكومة مش هتغلط نفسها وهيبقى الوضع كما هو عليه
ولى في اي حاجة هتتعمل في موضوع خالد عادي هيقولك كلب وراح
زي غيره كثيررررررررر جدااااااااا
دا الواقع وديه الحقيقة
وانا قولت الواقع والحقيقة
واعرف ان ممكن ردي يتحذف لانه في حقيقة وواقعية
لكن هيقولك مش من حقك تقول كده وتتكلم
بس كل الي هقدر اقوله

حسبي الله ونعمل وكيل
وربنا يرحمه ويدخله الجنة يارب


تحيااااااااااااااااااتي

فـــF@reSــــام

[Loyalty]

لا اله الا الله

اية دا مش معقول

ربنا ينتقم منهم بجد

وربنا يرحمه

[صافي]

ربنا يرحمه

مش في ايدينا غير نقراله الفتحه وندعيله بعد صلاه الجمه بكرة ان شاء الله

[*الدلع*]

لا اله الا الله وربي حرام ليه كذا وكمان الشرطه وربي حرام
بس يامحمد الي مايخاف من ربه ينخاف منه
وخالد الله يرحمه ويعوضه بشبابه بالجنه ويغفرله ذنبه
وعن الي عمل فيه كذا ربي لا يسامحه ونشوف عجائب الله فيه
عن جد الصوره هزت كياني الله يرحمه
تحياتي لك

[ZoZa 2010]

لا حول ولا قوة ألا بالله

ربنا يرحمة ويدخله فسيح جناته

ويصبر أهله

وحسبنا الله ونعم الوكيل

[ŘǾnỳ ĊŰtỷ-Xx]

اللهم اغفر له وارحمه وعافه وأعف عنه وأكرم نزله ووسع مدخله واغسله بالماء والثلج والبرد
ونقه من الخطايا كما ينقى الثوب الأبيض من الدنس وأبدله أهلا خيرا من أهله

مش عارفه أقول ايه غير حسبى الله ونعم الوكيل فى كل ظالم حسبى الله ونعم الوكيل
يارب ثبت أهله بجد عينى دمعت من الصوره