اتنين مخطوبين بس بيحبو بعض مووووووووووووووووووووووووت

[دقات قلب]

الخطيب : من اخر مره وانا بافكر فيكي ( يارب تغوري من وشي )





الخطيبة : يا حبيبي وانا كمان ما بطلتش تفكير فيك ( الهي اصبح الصبح الاقيك متنيل بعيد عني )





الخطيب : امال فين حماتي مش شايفها يعني ( الحربايه الكبيره )




الخطيبة : موجوده اندهها لك ( علشان تسم بدنك )





الخطيب : اه طبعا يا حبيبتي وانا اقدر استغني ( يارب تتكعبل في السجاده وهي جايه )





الخطيبة : ماما تعالي كلمي ( علي الله تقولك حاجه ترفع لك الضغط )





الخطيب : اهلا يا حماتي ازيك ( الهي ما تكوني بخير )




الحماة : اهلا يا خطيب بنتي ( بلا نيله )





الخطيب : عندي ليكو خبر حلو انا لقيت شقه ( الهي ما توعوا انتي وبنتك تشوفوها )




الحماة : الف مبروك يا حبيبي ( ياما جاب الغراب لامه )




الخطيب : حنروح نشوفها بكره ايه رايك يا حبيبتي ( علي الله تتكعوري عالسلم وانتي طالعه )





الخطيبة : وماله طبعا لازم نشوفها ( اكيد قد الحق وفي منطقه معفنه )




الخطيب : علي فكره يا حماتي ( جتك حمه )




الحماة : ايه يا خطيب بنتي ( خطيب الشوم والندامه )




الخطيب : انا كنت عاوز اقابل عمي علشان كتب الكتاب ( عمي قال عمي قال ده انتي اللي عمي )




الحماة : وماله يابني بس مش لسه بدري ( جتك نيله مستعجل علي ايه )




الخطيب : ما هو خلاص يا حماتي احنا قربنا ( يا ريت ترفض علشان افركش ام الجوازه دي )





الحماة : طيب يابني لما يجي عمك حاقوله ( جتك نيله علشان نستريح من زيارتك الغلسه )




الخطيب : طيب يا حماتي انا حامشي دلوقتي ( افففففف انا اتخنقت من الوليه دي )




الحماة : ماهو لسه بدري ( في ستين داهيه )




الخطيب : باي يا حبيبتي ( حبك برص )




الخطيبة : مع السلامه يا حبيبي ( البلد اللي تودي )




الخطيب : كلميني في التليفون ( يا رب يقطعوا الحراره )




الخطيبة : اكيد يا حبيبي ( غور بقي )


ههههههههههههههههههههههههههههههه

[فرولة]

ايه ده
ايه الرومانسيه دى روميو بيكلم جوليت
ياخواتى عليهم قطقيط
ههههههههههههههههههه
تسلم ايدك

[جميلة مصر]

ههههههههههههه

امال لو مكانوش بيحبوا بعض كانوا عملوا فى بعض ايه؟

هههههههه بجد عجبنى اوى لفظ الحرباية الكبيرة ضحكنى الحوار اوى

ميرسى اسيا على الطرح

[βзήŦ ℓǻẑĨήǻ]

ههههههههههههههههه
احم احم
ايه الحلاوة دي سوكر ياخواتي سوكر
بيموتو في بعض مووت
ياخراشي عليهم
تسلمي اسيا توبيك دمه خفيف اوي

[RoSita]

ههههههههههههههههههههه
عثاثيل خلاص
مشاء الله
ربنا يحميهم لبعض
هههههههههههههههه
توبيك روووووووووعه

[queen of my time]

هههههه
حلوة ميرسي

[Loyalty]

ههههههههههههه

اية الحلاوة دى

دول هيموتوا بعض كمان شوية من كتر الحب

هههههههههههههههههه

ماشاء الله يتحسدوا

ههههههههههههه

ثانكس على التوبك يا اسيا

[shaza2020]

هههههههههههههههههه
ياه ايه الحب الكبير ده
دول فعلا بيموتو فى بعض
ربنا يحميهم
ثانكس يا اسيا على التوبيك

[me mooo]

هاهاهاهاهاهاهاهاهاهاهاهاهاهاهاها


تجنن


مشكوووووووووووووووووووووووووورين:Sport-043:

[عاشقة الظلام]

ههههههههههههههههههههههههه
تجنن انا اتقلبت من كتر الضحك