لقيط .. ولكن ما ذنبه ؟!

[حياتي ذكريات]

السلام عليكم ورحمة الله وبركاته


طفل اتولد نتيجة علاقة غير شرعية .. اترمى في أي مكان يمكن في الشارع

او اتحط في أي دار يكمل حياته فيه والواقع اللي هيصحى عليه

كبر شاف كل نظرات الاحتقار بتتوجه ليه .. حاول يعيش حياته لكن كل محاولة

أحيان كتيرة بتكون نتيجتها .. الفشل

كتير بيحلم انه ياريت كان ما اتولدش .. او اتولد بطريقة شرعية زي باقي الناس

لكن ما حدش بيختار حياته او العيشة اللي بيحلم بيها والظروف احيانا اقوى من

ان الانسان يسعى ويحاول يغيرها ..

الخطأ من البداية مش خطأه لكن دايما أخطاء الآباء يدفع ثمنها الأبناء

فعشان هو لقيط فلازم يتحمل أخطاء اللي أنجبوه !!

لما تكون لقيط صعب جدا انك تكسب محبة وموده انسان .. في المقابل

سهل جدا انك تكسب عداوة وحقد جميع الناس

فحاليا الجميع بيفسرو اسم اللقيط بمعني .. إنك غير مرغوب ما بيننا

غير ان مجتمعنا مجتمع يهتم جدااا بالنسب ويسأل دايما من أمك ومن أبوك ؟

وجدك الفلاني وجد جدك الفلاني اظاهر لحد ما نوصل للجد العاشر

حتى لما يكبر يخش الجامعه لو حد عرف أصله تلاقي الكل بيحاول يبعد عنه

ولو راح يقدم في وظيفة لو سأل اسم والدك او شغله ايه .. وهو بيكون مجهول النسب ولو عرف

انه لقيط او انه طالع من الدار يبقى الوظيفة كده راحت عليه

وطبعا اللقيط فرصته في الزواج او تكوين أسرة زي حلم أي انسان ضئيلة جدا

لانه لو جه يتقدم لواحده مش بعيد أبو البنت اللي رايح يتقدملها يطرده من البيت اول ما يعرف نسبه

مش ببالغ والله بس هي دي الحقيقة اللي بتحصل قدامنا ونشوفها

الحقيقة ان الانسان لو كان مجهول النسب في المجتمعات العربية يبقى ما لهوش مكان ما بينا

ولا ينفع يعيش معانا ..

حقه مهضوم وياريت لو كان هو الغلطان

ولكن ذنبه الوحيد انه شاف النور لكن بطريقة مختلفة غيرنا وعلى خطأ فادح

ارتكبه رجل وإمرأة مستهترين

الآباء يرتكبو أخطاء ولكن يدفع ثمنها الأبناء ؟ وليه اللقيط مالهوش الحق

انه يعيش في الدنيا ويفضل يتعاير بنسبه لحد ما أجله ينتهي

وليه احنا بنعامله بالطريقة دي ؟ وبننظر ليه نظرة احتقار

مفروض ما ننظرش ليه كنظره احتقار ولا شفقة .. لكن ننظر ليه كأي انسان عادي

لكن احنا جردناه من المشاعر والأحساسيس ونسينا في النهاية انه .. بشر

أسئلة كتير بتدور في ذهني وشغلت تفكيري كتير ولكن ليكم القلم

وليكم ينتقل حرية التعبير والنقاش عن الموضوع ..

خالص تحياتي

[game010]

كل ما استطيع ان اقوله هو (حسبى الله ونعم الوكيل) فى من يفعل هذا.

وشكرا على الطرح المميز ده .

[فيروزه]

	اولا انا بحيكي بجد علي الموضوع وانا شايفه انهم بجد ملهمش اي ذنب في الي بيحصلهم دا مش ذنبه انه اتولد في شارع واترمي في ملجأ ومش المفروض انه يتعامل بالطريقه دي وبيحس انه مرفوض من الكل من الناااس ومن المجتمع كله انا شايفه ان احنا الي عملنا الحواجز دي ما بينا وبينهم المفروض نتعامل معاهم كاشخاااص عادين جداا زيهم زينااا وانا شايفه ان بعض البلاد بدات تخلي الاطفااال دول يتأقلمو مع اللاطفال التانيه في المدراس مثلا ودي حصلت في السعوديه بقوا يخلوهم يختطلو بالاطفال ويتعلمو ا مع بعـــــض داخل المدارس بجد نفسيه الاطفــــال دي بقت افضل بكتيــــر ودي خطوه كويـــــــــــسه اوي بس مش كفايا برضوو وشايفه ان المفروض كله يبدا بنفسه ونبدا نساعدهم بجد مش مجرد كــــلام بس تسلــــــــمــ الايـــــــــــــادي علي الموضوع الرائـــــــــع

[fankosha]

صراحة الطفل ملوش اى ذمب ومينفعش حد يبصلة بصه وحشة
لانه ضحية وحسبى الله ونعم الوكيل فى الى يرمى ابنة
تسلم ايدك يا قمررررررر توبيك مميز
تقبلى مرورى

[ماتركس]

السلام عليكم ياااستاذه دعــــــــــــــــــــاء
تسلمي علي موضوعك الجميل ده
في الاول عاايز اقووالك انتي كلامك صح مش احناا اللي بنختار دنيتنااا
احناا بنتوالد علي وجهه الارض وكل واحد بيبقي ربناا كاتبلوو هيكوون
ايه وعايش فين وسعيد والا حزين
بس موضوع اللقيط ده بيحددووه الاب والام
والله النااس ياا دعااء بقت قلبهاا ميت بتحس انوو خلاص النااس معندهااش دين
نسيت ربناا ومبقتش تعمل ليه حسااب
اللي يتزوج في السر واللي واللي واللي
والله احناا ربناا يلطف عليناا والله
احناا غلطناا في حق ربناا كتير
وربناا يلطف بعبااده يارب
ومنتحرمش من موضيعك الهادفه ياا دعااء

[شاعر واسير الحب]

الطفل لا ذنب عليه ولو كان الانسان بيختار الاباء والامهات ماكان اختار هؤلاء العابسين المستهترين بروح لا تعرف الا الله
الطفل برئ اما المذنبون هم الذين اشتركوا في الجريمة من الاول الا وهي جريمة من الكبائر ولم يستروا علي انفسهم بالزواج حتي يعلم الناس بان المولود ابن فلان فيما بعد ولكن اشتركوا مرة اخري موت طفل بالقاؤة امام مسجد في خرابة في شارع عام الرحمة انزعت والقلب مات بالبعد عن الدين والايمان بلا شك لا يوجد
وقد تعرف فيما بعد بان الولد اللي لقية في المكان الفلاني عند فلان اخذة يربية لله وعاوزة
فين قلبها يا العار
اللقيط مظلوم نعم
كتير بيحلم انه ياريت كان ما اتولدش .. او اتولد بطريقة شرعية زي باقي الناس

لكن ما حدش بيختار حياته او العيشة اللي بيحلم بيها والظروف احيانا اقوى من

ان الانسان يسعى ويحاول يغيرها
اشكرك حياتي علي طرحك للموضوع فلك تقديري وودي

[I'm Me]

موضوع جميل يا حياتي ذكريات
واللقيط فعلا الناس كلها بتبعد عنه ومبيكنش مرغوب بينهم برغم انه ملوش ذنب
بس هو بايده يكسب حب الناس باي كان الطريقة أو السبب بس بامكانه
لانه معندوش حل تاني .. محدش بيختار حياته زي ما قولتي
وبامكانه انه يفضل مكروه من الناس لو استسلم وفضل يقول انا مكروه وانا لقيط وانا مش مرغوب وهكذا
شكرا على الموضوع يا جميل

[حياتي ذكريات]

اقتباس المشاركة الأصلية كتبت بواسطة game010 كل ما استطيع ان اقوله هو (حسبى الله ونعم الوكيل) فى من يفعل هذا. وشكرا على الطرح المميز ده .

السلام عليكم

ونعم بالله .. ربنا يعفو عننا

تسلم يا كابتن على مرورك الكريم .. منور

[حياتي ذكريات]

اقتباس المشاركة الأصلية كتبت بواسطة فيروزه اولا انا بحيكي بجد علي الموضوع وانا شايفه انهم بجد ملهمش اي ذنب في الي بيحصلهم دا مش ذنبه انه اتولد في شارع واترمي في ملجأ ومش المفروض انه يتعامل بالطريقه دي وبيحس انه مرفوض من الكل من الناااس ومن المجتمع كله انا شايفه ان احنا الي عملنا الحواجز دي ما بينا وبينهم المفروض نتعامل معاهم كاشخاااص عادين جداا زيهم زينااا وانا شايفه ان بعض البلاد بدات تخلي الاطفااال دول يتأقلمو مع اللاطفال التانيه في المدراس مثلا ودي حصلت في السعوديه بقوا يخلوهم يختطلو بالاطفال ويتعلمو ا مع بعـــــض داخل المدارس بجد نفسيه الاطفــــال دي بقت افضل بكتيــــر ودي خطوه كويـــــــــــسه اوي بس مش كفايا برضوو وشايفه ان المفروض كله يبدا بنفسه ونبدا نساعدهم بجد مش مجرد كــــلام بس تسلــــــــمــ الايـــــــــــــادي علي الموضوع الرائـــــــــع

السلام عليكم

انا عايشة في السعودية بس ما سمعتش ان هنا بيخلو الأطفال يختلطو

مع الاطفال العاديين يمكن في مناطق غير اللي انا فيها او في أماكن معينة

هنا في الغالب بيحطوهم في دار الأيتام عشان يدارو عليهم

يعني تروحي دار أيتام تلاقي الغالبية والله لقطاء مش أيتام آباء وأمهات

يمكن اما يكون صغير هيكون في دار هيراعوه لكن اما يكبر هيضطر يعتمد

على نفسه بس صعب جدا انه يفرض نفسه في مجتمع مش عايزينه وسطهم

هيحس انه متضطهد جامد ويحس بصعوبة الحياة

شكراص ليكي يا فيروزة على مرورك الأروع .. منورة يا قمر .. تحياتي ليكي

[حياتي ذكريات]

اقتباس المشاركة الأصلية كتبت بواسطة sweety emy صراحة الطفل ملوش اى ذمب ومينفعش حد يبصلة بصه وحشة لانه ضحية وحسبى الله ونعم الوكيل فى الى يرمى ابنة تسلم ايدك يا قمررررررر توبيك مميز تقبلى مرورى

السلام عليكم

هو أكيد الطفل ما لوش ذنب بس الواقع أفرض عليه ذنب

ما ارتكبوش ولكن هيفضل يدفع ثمنه لحد ما ينتهي أجله ويتنسي

شكراً ليكي يا ايمي على مرورك العطر .. تقبلي خالص تحياتي ..