العصمه في ايد الزوجه

[تيا]

صباح الخير |مساء الخير
موضوعي النهارده موضوع خفيف وظريف ولطيف
من كام يوم كنت بتفرج ع التليفزيون وشفته حبيت نتكلم فيه
وهو العصمه في ايد الزوجه
طبعا عارفين يعني الست هي اللي بتطلق
يعني آخر ما الواحده تزهق من زوجها مثلا تقوله انت طالق و بالثلاثه كمان
حاجه آخر حلاوه

كلنا عارفين ان ممكن الزوجه تكون العصمه في ايدها وزى ما بنشوف فى الافلام والمسلسلات طبعا ان العصمه فى ايد الست وتلاقى يا عينى الراجل بيتحايل عليها طلقينى المعالجه الدراميه للمفهوم ده جعلت اغلب الناس تفهم غلط مع الاسف اصبح اغلب العامه فاهمين ان كون العصمه فى ايد الزوجه انها هى بس اللى تملك الطلاق يعنى لو عاوز يطلق لازم هى اللى تطلقه ومينفعش هو يطلقها بس ده غلط طبعا
العصمه فى ايد الزوجه ده معناه ان الزوجه ليها الحريه او السلطه فى تطليق نفسها اذا ارادت دون المساس بحق الزوج فى الطلاق بمعنى اخر هما الاتنين ممكن يطلقوا بعض
وفى حاله ان العصمه فى ايد الزوجه بيحتفظ الزوج ايضا بحقه فى ارجاعها فى شهور العده
يعنى مش اكتر من انها ليها الحق فى تطليق نفسها دون اللجوء للمحاكم او انتظاره هوه لايقاع الطلاق
فى النهايه هل تقبل ان تكون العصمه فى يد زوجتك ام لا ؟؟؟؟؟
وهل تقبلى ان تكون العصمه بيدك ام لا ؟
واذا رفضتوا العصمه فى يد الزوجه هل السبب الاعتقاد ان هذا فيه انتقاص للرجوله؟
وان شاء الله الموضوع الجاي عن الخلع ولا إيه رأيكم

ومش معنى اني بطلت تهديد انكم متردوش
يلا ردوا بسرعه أحسنلكم
يا جماعه عايزة أعرف رأيكم يلا وروني

[قلـــــــــــــــــم]

فى النهايه هل تقبل ان تكون العصمه فى يد زوجتك ام لا ؟؟؟؟؟



هههههههههههههه ده الي ناقص ال العصمة في ايد ست خابت

فعلا ايه نمردك يا نمرود قال ما حد عرف يلمني


ما اقصدك في التعبير مش قد الحروب

ودي اخرة الافلام الهيافةوتقليد الاعلام التافة



واذا رفضتوا العصمه فى يد الزوجه هل السبب الاعتقاد ان هذا فيه انتقاص للرجوله؟


ههههههههههههههههههه يعني هو ناقص ايه تاني

ممكن تبقلب الست الي حنفي متولي غدنفر وتربي شنب وتلبس بنطلون


ههههههههههههههههههههههههههههه ملحوظة

ما في راجل يقبلها على نفسه


موضوع فكاهي جميل

دمت بود وتقدير

[hema elngm]

بصى يا تيا نقطة العصمة طبعا هى من الافضل انها تكون فى اد الزوج لاسباب كترررررررررررة

وانا عن نفسى شاف ان الموضوع اتساوى دلوقتى بموضوع الخلع يعنى بدل ما تطلقة ممكن تخلعة صح؟

اما بقا عن اسئلتك فانا ارفض ان العصمة تكون معاها

واعتقد فها جزء من الرجولة ..لان الراجل لازم هو المسئول وااللى بتحكم

وادينى رديت اهو من غير بلطجة هههههههه

موضووع جاامد ا تيااا

[هيموو]

فى النهايه هل تقبل ان تكون العصمه فى يد زوجتك ام لا ؟؟؟؟؟

من الطبيعي بأقول لا لكن المفروض على الرجل يكون حقاني مع زوجته علشان

ترضا بالحال وتكون الحياة سعيده

واذا رفضتوا العصمه فى يد الزوجه هل السبب الاعتقاد ان هذا فيه انتقاص للرجوله؟

أسمحيلي في أشياء الزوجه ما تقدر تقوم بها والعكس صحيح

المرأه إنسانه جميله إذا أعطيتها تعطيك وإذا لم تعطيها فلن تعطيك

أنا أرى بأن التعامل السليم سبب نحاج الزوجين وتحمل مشاق الحياه

موضوعك جميل برقي حرفك النقي

دمتي متألقه

[special girl]

السلام عليكم ورحمته الله وبركاته:-

موضوع جميل يا قمر

الدين الاسلامي قال ان العصمه الفمروض تكون في يد الرجل مش لأن

الرجل احسن ولا المرأه سيئه لا طبعا

ولكن لأن الله عز وجل قال(الرجال قومون علي النساء)

وطبعا ده احترام للرجل ولرجولته

انا شخصيا موفقه تكون العصمه في يدي ولكن لو بصيت

لمشاكل الي هتقابلني اكيد هرفض وبعدين انا مع الدين طبعا

والدين مش حرم ده ولكن الافضل ان تكون في يد الرجل

وانا لو في تزوجت من رجل هيكون مش اي اختيار فأكيد هيقدر الزواج

والعصمه لما تكون معاه هيقدرها ويحافظ عليها

ولو فعلا كل زوج راعي ربنا في زوجته اكيد العصمه هتكون بدون اي مشاكل.

ربنا يهدي الجميع.

تحيات لكي يا تيا.

[đΘόđΘό]

اييه الموضيع الجامده دي انا خفت ههههههههههههههههههه
بصي هوا لو العصمه في ايدي هافتري عليه وهاحس اني اقوى مني وكده يبقى مش هايبقالو لزمه
خلي العصمه معاه وانا لو اديقت منو اخلعو
ميرسي ياقمر ع التوبيك

وانتي هاتخلى العصمه في ايد مين؟؟؟

[دمعة مبتسمة]

وهل تقبلى ان تكون العصمه بيدك ام لا ؟
لا أقبل ها الشئ راح تصير مشاكل كتيرررررررررررررررر
لان المرأة ما تعرف تسيطر على نفسها وأقل مشكلة ممكن تتعصب وبالتالى تنهى الحياة الزوجية ببساطة

واذا رفضتوا العصمه فى يد الزوجه هل السبب الاعتقاد ان هذا فيه انتقاص للرجوله؟
لا سيما ان جعل العصمة بأيد الزوجة فيها انتقاص للرجوله لكنه ليس السبب الوحيد الذى جعلنى اقول فيه راى
لكن قلت راى كما ذكرت فى السؤال الاول المرأة ليس عندها تمسك اعصابها وبتقدم طبيعتها من التسرع على كل شئ على العكس من الرجل

وان شاء الله الموضوع الجاي عن الخلع ولا إيه رأيكم
ماشى مستنين الموضوع على أحر من الجمر

مشكووووووووووووووووورة

[تيا]

اقتباس
المشاركة الأصلية كتبت بواسطة قلـــــــــــــــــم





فى النهايه هل تقبل ان تكون العصمه فى يد زوجتك ام لا ؟؟؟؟؟



هههههههههههههه ده الي ناقص ال العصمة في ايد ست خابت

فعلا ايه نمردك يا نمرود قال ما حد عرف يلمني


ما اقصدك في التعبير مش قد الحروب

ودي اخرة الافلام الهيافةوتقليد الاعلام التافة

طب يا عم انت مزعل نفسك ليه
اهدى شويه أجيبلك عصير ليمون
فيها ايه يعني لما تبقى العصمه ف ايدها
طالما الراجل وافق انت معصب نفسك ليه كده


واذا رفضتوا العصمه فى يد الزوجه هل السبب الاعتقاد ان هذا فيه انتقاص للرجوله؟


ههههههههههههههههههه يعني هو ناقص ايه تاني

ممكن تبقلب الست الي حنفي متولي غدنفر وتربي شنب وتلبس بنطلون


ههههههههههههههههههههههههههههه ملحوظة

ما في راجل يقبلها على نفسه


موضوع فكاهي جميل

دمت بود وتقدير
مفيش راجل يقبلها
مين قالك كده
على فكره فيه ناس هم مش كتير بس بيقبلو



انت واخد الموضوع على انه كرامه وكده
وهتبقى يعني وحشه ف حق الرجل
بس على فكره انت غلطان
أكيد انت عارف ان المرأه مؤخرا شغلت
عدة وظائف يعني زي ما تقول كانت قاصره
على الرجال بس ومكنش حد يتوقع ده
يعني الست دلوقتي بقت قاضي وبقت مأذون
هتيجي على العصمه يعني
لازم نتقدم وطالما هنتقدم يبقى لازم العصمة تبقى ف ايد الزوجه هههههههههههههههههه
اوعي تحدفني بحاجه
ده رأيك وانت حر طبعا فيه
نورت التوبيك

[تيا]

اقتباس
المشاركة الأصلية كتبت بواسطة hema elngm





بصى يا تيا نقطة العصمة طبعا هى من الافضل انها تكون فى اد الزوج لاسباب كترررررررررررة

وانا عن نفسى شاف ان الموضوع اتساوى دلوقتى بموضوع الخلع يعنى بدل ما تطلقة ممكن تخلعة صح؟
صح
وأحسنله تطلقه بينها وبينه بدل ما تخلعه وفضيحته تبقى بجلاجل ولا ايه رأيك
يعني مفيهاش مشكله الحكاية دي
اما بقا عن اسئلتك فانا ارفض ان العصمة تكون معاها

واعتقد فها جزء من الرجولة ..لان الراجل لازم هو المسئول وااللى بتحكم
ماشي عندك حق هنا
طب انت لو بتحبها ممكن توافق ولا لا؟؟
مفيهاش حاجه على فكره
بس احنا اللي ف مجتمع غريب دايما
يبقى ضد المرأه وبيحلل كل حاجه للراجل
وبس
وادينى رديت اهو من غير بلطجة هههههههه
خلاص براءه المرة دي
موضووع جاامد ا تيااا
منا عارفه ده العادي بتاعي ههههه


منور يا هيما بردك ده
وعلى فكره أنا على الحياد يعني موافقه ومش موافقه
اختارو بقى لحد ما أكون رأيي ههههههههه

[تيا]

اقتباس
المشاركة الأصلية كتبت بواسطة هيموو

فى النهايه هل تقبل ان تكون العصمه فى يد زوجتك ام لا ؟؟؟؟؟

من الطبيعي بأقول لا لكن المفروض على الرجل يكون حقاني مع زوجته علشان

ترضا بالحال وتكون الحياة سعيده
تمام كده
كلامك مظبوط
واذا رفضتوا العصمه فى يد الزوجه هل السبب الاعتقاد ان هذا فيه انتقاص للرجوله؟

أسمحيلي في أشياء الزوجه ما تقدر تقوم بها والعكس صحيح

المرأه إنسانه جميله إذا أعطيتها تعطيك وإذا لم تعطيها فلن تعطيك

أنا أرى بأن التعامل السليم سبب نحاج الزوجين وتحمل مشاق الحياه

موضوعك جميل برقي حرفك النقي

دمتي متألقه

مع اني مفهمتش الإجابة الأخيره دي بتاع السؤال اللي هنا
ولا سؤال تاني يعني
بس رأيك يحترم طبعا
نورت التوبيك