عمرك غمضت عنيك????

[yara5]

عمرك غمضت عنيك

و فتحت بيبان أحلامك ع الايام

وطفيت الشمس فى بحر سماك

وسمعت إحساسك يترجاك إلحقنى اوام

ووقفت بروحك بين جبلين

وسألت دموعك هتروح فين

وسكنت بقلبك برج حمام

عمرك غمضت عنيك

ورميت بسنين العمر فى قلب البحر

وكفيت أشواقك قسوة وصبر مغمسه مر

بكيت الحضن المفقود

وعطشت شربت الحنضل خمر وسكر

وحفظت كل ميثاق محمود

وصبغت بلونك كل أبيات الشعر

عمرك غمضت عنيك

لفيت بين الطواحين اللى مسافرة

بهواها لحد الصين

وصرخت فى وش الغربه

بعلو الصوت وخدانا لفين

وسكنت أكفان الحلم المدفون

فى الارض البور من قبل عصور

وسافرت بعقلك فوق السور.. عديت

لكن مكسور ورجعت حزين

عمرك غمضت عنيك

وركبت حصانك بتحارب مع جيش مهزوم

كان فِكرك إن النصر فى صفك

والرايه المرفوعه تدوم

سيوف العدل بتتساقط يوم ورا يوم

وانت المسكين فى ميدان مزحوم

واقف بالسيف بتلم جراح وهموم

عمرك غمضت عنيك وبقلبك كنت بصير

انا عمرى ما فتحت عنيا

وعشت حياتى وعمرى ضرير

مسحت الحزن بأستيكه

وزرعت بداله غيطان الخير

كنت أغنى الناس برضايا وحبى

مع انى فقير

[جميلة مصر]

كلماتك رائعة يارا
وطرحك مميز

بالتوفيق

[قد كلمتي]

كلمات اكثر من رائعه مشكوووووووووووووووره

[واد حبيب]

كلمات جميله جداااااااااااااا

تسلم يدك علي ابداعك

ودي وتقديري لكي

الحبيب