ذكريات العذاب

[dr.marmar]

بسم الله الرحمن الرحيم

ده أول موضوع ليا بعد غيابي مده طويله بسبب الإمتحانات
ولازم يكون ليه علاقه بالإمتحانات طبعا
اصل بيني وبينكوا كنت ناويه أكتب مذكراتي في الإمتحانات السنه دي
لانها فعلا مش زي اي سنه فاتت
وكنت ناويه أحتفظ بيها للمستقبل ان شاء الله علشان تبقي ذكري
بس لاقيت إن أحسن مكان احفظ فيه ذكريات العذاب هو المنتدي
هنا هفتكر معاكوا الشهرين الي فاتوا ان شاء الله
إمتحانات نظري وعملي
نضحك علي خيبتي شويه
وأصعب عليكوا شويه
يعني حبه حبه
إنتظروني بعد الفاصل

[dr.marmar]

تعالوا معايا أرجع لورا بالذاكره
أول ماده
أول إمتحان عملي عندي كان crown and bridge
إلي هو امتحان التركيبات الثابته يعني
المهم المفروض اني بجيب حاله عاوزه تعمل تركيبه
كوبري يعني بلغه عامه الشعب
وأمتحن عليه انا وحد من أصحابي
وكنت متفقه مع واحده ست كانوا أصحابي عملولها تركيبه
قبل كده بس في الايام العاديه مش إمتحانات يعني
وخلاص مظبطه نفسي انا وواحده صاحبتي خلاص ومجهزين كل حاجه
الإمتحان المفروض كان يوم 7/4/2010
وخطوبتي يوم 8/4/2010
بقيت محتاره افكر في ايه ولاايه
اجهز نفسي للخطوبه
ولاافكر في الامتحان ده
قمت كبرت دماغي من موضوع الخطوبه ده
المهم يوم 6/4/2010
لاقيت صاحبتي الي هتمتحن معايا بتكلمني وانا راجعه للبيت في الطريق
تقولي ان الست مش هتيجي نمتحن عليها
ليه يابت الحلال
أهو كده مش راضيه وخلاص
دخلت البيت بنفخ وشكلي يقرف طبعا
وماما اول ماشافتني قالت أعوذ بالله
مالها دي داخله علينا من بره ووشها عليه الغضب كده ليه
ماما سبيني في حالي الله يكرمك انا مش نقصاكي
قالتلي روحي بالله عليكي بصي في المرايه كده
ده منظر واحده خطوبتها بعد بكره
دي واحده عندها 70سنه وجايه من عزاء
ماما حلي عن دماغي بدال مااخليه يوم مش معدي النهارده
قالتلي يارب عريسك يكلمك وانتي كده علشان يتفرج علي الفضايح
قلتلها يتكلم ولاعنه مااتكلم بقي انا في ايه ولاايه
وجري جبت موبايل بابا لاني طبعا خلصت رصيدي كالعاده
وكلمت الست دي
ايه ياست الكل مالك مش عاوزه تيجي ليه
تقولي كده اصل انا ضروسي لسه بتوجعني من ساعه مااصحابك عملولي
التركيبه الي فاتت
طيب ياماما الوضع مختلف احنا في امتحان وبنعمل احسن حاجه علشان ننجح
طيب خلاص هعملهولك علي حسابي وهدفعلك فلوس المواصلات كمان
تقولي ولوووووو
مش جايه يعني مش جايه
اقولها يمين تقولي شمال
أخر مازهقت قمت قفلت السكه في وشها وقلتلها ان شاء الله عنك ماجيتي
الناس مبتفكرش غير في نفسها وبس
اقولها عندي امتحان تقولي وأنا مالي
فضل الغضب علي وشي طول النهار ومش طايقه حد يكلمني
هعمل ايه الامتحان بكره
ايه الحل
يارب
يارب
المهم لاقيت بنت جارتنا خلعه سنه
فضلت اتحايل عليها تيجي معايا علشان اعملها التركيبه
وكله علي حسابي حتي المواصلات وفلوس المعمل وكله
بعد ماطلعت روحي وافقت
وجه اليوم الموعود يوم الامتحان
7/4/2010
البنت قالتلي انا مش جايه معاكي غير النهارده بس
قلتلها مش مشكله
نعدي الامتحان وهبقي اجبلك التركيبه وابعتك لدكتور اعرفه يركبهالك
المهم ربنا كان مسهل الحمد لله في بدايه الإمتحان
وإشتغلنا أنا وصاحبتي كويس
والدكتور كان مبسوط مننا
نيجي بقي ناخد المقاس نلاقي الدنيا اتقلبت
كل شويه المقاس يتقطع
اكتشفنا ان الماده الي بناخد بيها المقاس أصلا expired
المهم وقت الإمتحان خلاص خلص نعمل ايه نعمل ايه
عدنا البتاع كذا مره ومافيش فايده
بيني وبينكوا لجأنا لمنطق التزوير
اخدنا المقاس بماده تانيه وبعتناه للمعمل وزرونا في تصحيحه
هو كده كده مش فارق معاهم المهم انك تاخده وخلاص
الراجل بتاع المعمل قالي تعالي استلمي التركيبه المؤقته كمان ساعه
أروح اجبعا وعينك ماتشوف الا النور
مش راضيه تركب علي السنه ولا بالطبل البلدي حتي
الله يخرب بيتك ياراجل
وغير ده وده ان بعد مالبنت مشيت
تاني يوم اكتشفت انك لازم تجيبي المريض تلزقيله التركيبه في الكليه
يااما الإمتحان يعتبر لاغي
والبت قالتلي مش جايه معاكي طنطا خلاص انتهي
حطوا بقي نفسكوا مكاني
هتعملوا إيه؟

[ماتركس]

ههههههههههههههههههههههههههههههههه
والله ياا دكتوره مرمر دي حكاايتك حكاايه
انا بطلق علي الموضوع ده المنحووس منحوس حتي لو حطوو فووق
دمااغوو فانووس يعني العجوزه مش رااضيه تيجي وكماان
في الامتحاان مقدرتووش تخلصوو
والله لو منك كنت كتفت البنت واخدها بالعاافيه
انتي لوو قوالتيلي يا مرمر انا كنت طقم رجاله وحريم من غير سنان خالص
ههههههههههههههههههههههههههههه
علشاان تاخدي راحتك في الامتحاان
يلا ياادكتوره الف مبرووك علي خضوبتك
ومنتظرين بااقي الحكاايه

[dr.marmar]

هههههههههههههههههههههههههههههه
دي ايه الشماته دي ياعمنا
فعلا المنحوس منحوس
امال بقي لما تسمع الي حصل في باقي الإمتحانات هتقول ايه
مش منحوس بس
الله يبارك فيك يااحمد
انتظرنا فاصل ونواصل

[dr.marmar]

الحمد لله أول يوم ده عدي علي خير
وخلص امتحان الcrown المنيل ده
تاني يوم كان خطوبتي
زي ماقلتلكوا 8/4
الحمد لله كان يوم معقول وعدي علي خير
ببص في الموبايل اخر النهار بعد اليوم ماخلص
لاقيت واحد صاحبتي متصله بيا كتير
قلت عادي جايز متصله بيا علشان تباركلي
وانا ماسمعتش الموبايل من الدوشه وكده
بكره هبقي أكلمها
تاني يوم بتصل بيها
أزيك يامي
عامله ايه ؟
الحمد لله يامروه تمام
معلش ماسمعتش الموبايل امبارح
انتي أكيد كنتي بتتصلي بيا علشان تباركيلي
معلش انتي عارفه الدوشه بقي والموبايل مكنش معايا
وردها كان مفجأه ليا
قالتلي لأ يااختي انا مش بتصل بيكي أباركلك ولاحاجه
أنا بتصل بيكي علشان اقولك ان درجات الترم الأول طلعت
: الله يوجع بطنك يامي
وخير إيه الي حصل
ماشاء الله يامروه انتي جايبه في الميدسن 3
قلتلها نعم ياختي 3
3إيه يابنتي وانا حليت في الإمتحان ده احسن واحده فيكوا
أجيب 3من 40إزاي يعني
تقولي هو انا هقولك بصراحه هو ممكن يكون قدامها صفر بس ممسوح
بس أنا أعتقد انه 3
:الله يخرب بيتك يامي
هو انتي اخبارك كلها زي وشك كده
عمرك ماتجبيلي خبر حلو أبدا
طيب وبقيت المواد قالتلي معرفش غير دي والبروسيزس
كلنا ماشاء الله جايبين درجات زي النيله الدفعه كلها بلاإستثناء
زعقت في وشها وقلتلها إقفلي يامي
حرام عليكي وربنا الي بتعمليه فيا ده
مانا راجعه الكليه بكره وهعرف كل حاجه
فيه حد في الدنيا يكلم حد يوم خطوبته علشان يبلغه الأخبار الجميله دي
وكان يوم مايعلم بيه إلا ربنا
مبقتش طايقه حد يكلمني وكل ماحد يتصل بيا يباركلي علي الخطوبه
مابردش عليهم
حاولت اتصل بأصحابي يكون حد شاف النتيجه
ويطمني
ولاحياه لمن تنادي
مافيش حد رد عليا خلاص
طبعا إنهيار لان الماده تبقي ضاعت
لان الماده دي درجات سنتين مع بعض
واحنا السنه الي فاتت مضيعين خالص
وكان يوم مايعلم بيه إلا ربنا
منك لله يامي
أشوف فيكي يوم
أصلوكوا ماتعرفوش اني لما رحت الكليه لقتني جايبه 30
والصفر باين يسد عين الشمس
وبقيت المواد الدرجات فيها كويسه
لكن هما دول أصحابي اخبارهم دايما تفقر زي وشهم
بفكر أقطع علاقتي بيهم للأبد
إيه رأيكو؟؟؟؟؟؟؟؟؟؟

[ماتركس]

هههههههههههههههههههههههههههه
ايه ياا مرووه ده وحده يووم خضووبتهاا
يحصل ليهاا كده برضووه يطلق عليكي المثل
اممم ............ امممم ................. امممم ...............
ههههههههههههههههههههههههههههه
بس كده انتي بقي عارفه المثل
الحمدالله انوو ربناا جااب الموضوع علي الصفر
هههههههههههههههههههههههه
والله اليومين دووال تتخيليكل حاجه ياا مرمر
ممكن يكوون سالب اربعه
يلا ربناا يكرمك بقي في بااقي اليوومياات
والله يوومياات جميله ياا مرمر
ومنتحرمش من جديدك
والمثل بيقووال ايه
يااتري هيطلق عليباقي اليوومياات
والا المنحووس هيشغل الفنووس
ههههههههههههههههههههههههههههههههههههه

[đΘόđΘό]

هههههههههههههههههههههههههههههههههه
والله زكريات جميله بغض النظر عن المشاكل دي
بس صدمه 3 من 40 انتي كده كتبتي اسمك بس ههههههههههههههههههههه
انا لو كانك اقتلها مش اقطع علقتي بيها >>> بهدي النفوس ههههههههههه
مبرورك يا دكتوره على النجاح

[dr.marmar]

ههههههههههههههههههههههههههههههه
دي باقي اليوميات منحوس منحوس منحوس منحوس
امال بقي لما تعرف الي حصل بعد كده في امتحانات العملي وامتحانات النظري
هتعرف قد ايه كان سنه جميله
جميله جميله يعني
ههههههههههههههههههههه

[dr.marmar]

اقتباسالمشاركة الأصلية كتبت بواسطة đΘόđΘόهههههههههههههههههههههههههههههههههه
والله زكريات جميله بغض النظر عن المشاكل دي
بس صدمه 3 من 40 انتي كده كتبتي اسمك بس ههههههههههههههههههههه
انا لو كانك اقتلها مش اقطع علقتي بيها >>> بهدي النفوس ههههههههههه
مبرورك يا دكتوره على النجاح

ههههههههههههههههههههههههههه
انا بقول كده بردوا المفروض اقطع علاقتي بالعيال دول
لسه بدري اوي يادودو علي كلمه مبروك دي
لسه النتيجه فاضل عليها 20يوم
دي بس كانت درجات الترم الأول
احنا عندنا النتيجه كلها علي بعضها اخر السنه
دعواتك
منوره ياجميله

[yasmine refat]

هههههههههههههههههههههههههههههههههههههههههههههههه

أده يامروه موتني من الضحك

أول مره أعرف أن لسانك بينقط عسل:005:


يابنت أده هدي شوية بس يلا إن شاء الله تجبي درجات روعه زيك


شكرا على الضحك ياعسل

أختك