نكت شديدة.. مش هتقد متضحكش (ههههههههه)

[دولى]

السلام عليكم ورحمة الله
اليكم مجموعة نكت شديدة بس اوعى متضحكش

تلاته اندال اتفقوا يشوفوا مين اكتر نداله الاول شاف راجل عجوز عايز يعدي الشارع مسك ايده و سابه في نصف الشارع والتاني عداه وضربه التالت ضحك وقال انا اكتر نداله الراجل ده يبقي ابويه


خبيث دخل أحد المطاعم وطلب طبق فول، وبعدما أنتهي من آكله سأل الجرسون: كم تريد ثمناً للفول، اجابه: 13 قرشاً..مد الخبيث يده في جيبه وأخرج ال13 قرش ورماها على الارض.. وتكرر المشهد 3 أيام متتالية. وفي اليوم الرابع دخل المطعم ومش معاه فكة فاعطى الجرسون ربع جنيه(25) قرش وقال له واحد فول، طبعا الجرسون حب ينتقم منه فاحضر الباقي(12)قرش ورماهم على الارض وقال له خذ الباقي، فاخرج الخبيث قرش من جيبه ورماه فوق ال( 12) قرش وقال للجرسون كمان واحد فول لو سمحت


مره واحد بلديتنا اتغاظ من مراته ولع فى نفسه وحضنها


واحدة عاوزة زوجها يحبها من اول ليله قالته : اسكت .. مش انا حامل



واحد غبي معاه 150 جنيه. قاعد يقسمهم ويقول 50 جنيه للسكن، 50 جنيه للأكل، و50 جنيه للبانجو. الباب خبط. مين. افتح بوليس. راح مقطع الخمسين جنيه بتاعة البانجو



مرة 3 تلاميذ تأخروا عن الحصة الأولى، ولما وصلوا المدرسة قالت لهم المعلمة أنتوا كنتوا فين؟ الأول قال أنا ضاع منى الخاتم بتاعي، الثاني قال وأنا كنت بدور معاه، فسألت الثالث وأنت كنت فين؟ قلها كنت دايس علي الخاتم!


عملوا جائزة مليون جنيه للي عنده 10 عيال.واحد عنده تسعة قال لمراته أنا كنت متجوز عليكى ومعايا ولد أروح أجيبه ونكمل العشرة ونكسب الجايزة.راح ولما رجع ملقاش العيال سأل مراته فين العيال قالتله كل عيل أبوه جه خده



واحد بيسأل خطيبته : حد قبلي لمس يدك ؟ سكتت قالها : زعلتي قالت لا : بأعدهم :



واحد اشترى طبق دش ، اكبر حجم وحطه فوق السطوح.. وعلشان خايف عليه من السرقه نزل قال للحته كلها أن فيه كلب كبير جدا فوق السطوح ، فاتنين من اهل الحته خادهم الفضول .. فواحد بيقول للتاني تقدر تطلع تشوف الكلب قاله أيوه أقدر أنا مش بخاف... فطلع الراجل وشوية نزل يجري ... صاحبه بيقوله شفت الكلب قاله لا شفت الطبق اللى بياكل فيه


مرة واحد موظف ماشى الصبح رايح شغلة وهو ماشي شاف جماعة بلدياتنا واقفين فوق كوبري قصر النيل مهيصين و بيسقفو و بيصفروا ويرقصوا ويهللوا وينادوا هاريدي هاريدي هاريدي ,تاني يوم شاف الموظف نفس الحكاية ,ثالث يوم شاف نفس الحكاية فراح يسأل حد من الجماعة دية ونبي يا بالادينا شايفكوا بتسقافوا و مهياصين علىالأخر هو في أية قالوا أحسن غطاس عنديكم بيجعد جد اية تحت المية قالوا ثلاث دقائق قالوا هريدي ولدعمي !!!!بجالوا تلات تيام في المية


مرة طفل بلدياتنا راح للبقال فقال لة عمو عندك الشوكلاتة ام ربع جنية قال لة البقال نعم عندى فقال الطفل طيب بكام

مرة اتنين أغبيه عندهم حصانين.. فكانوا عايزين يعلموهم علشان ما يتلغبطوش بينهم .. الاول قطع اذن حصانه وراح قال للتاني ، فالتاني قاله ااه يخرب بيتك انا بردكعملت كده.... فالاول راح فقع عين حصانه ، و راح قال للتاني.... فالتاني قاله ااهيخرب بيتك انا بردك عملت كده.... فالاول قاله انت هتصدعنى في دماغي... خدت انتالحصان الاسود وانا الحصان البيض

[OUFA]

ايه دا؟ محدش رد؟ والله جامدين اوى؟ جامدين جدااااااا كمان

[neemo]

تسلم ايدك والله نكت تجنن بجد ومنتظرين منك المزيد

[دولى]

ميرسى لمروركم الرائع
وانشاء الله يوجد المزيد

[amona]

ههههههههههههه

مرة طفل بلدياتنا راح للبقال فقال له عمو عندك الشوكلاتة ام ربع جنية

قال له البقال نعم عندى فقال الطفل طيب بكام؟

هههههههههههه

ما شاء الله ذكى جدا

والله حلوين أوى

تسلمى ياقمر على النكت الجميله

ودمتى بخير

[**لسة صغيرة**]

هههههههههههههههههههههههه
بجد كلها نكت تجنن والله ميرسي جدا
تسلم الايادي شكرا جدا يا
دولي

[الجنرال]

بجد شوية نكت جامدين موووووووووت
وكلهم أحسن من بعض

تسلمى يادولى على الضحكة الجميلة

[صافي]

واحد غبي معاه 150 جنيه. قاعد يقسمهم ويقول 50 جنيه للسكن، 50 جنيه للأكل، و50 جنيه للبانجو. الباب خبط. مين. افتح بوليس. راح مقطع الخمسين جنيه بتاعة البانجو
هههههههههههههههههههه بجد كلهم احلي من بعض

[Little princess]

اقتباس واحد اشترى طبق دش ، اكبر حجم وحطه فوق السطوح.. وعلشان خايف عليه من السرقه نزل قال للحته كلها أن فيه كلب كبير جدا فوق السطوح ، فاتنين من اهل الحته خادهم الفضول .. فواحد بيقول للتاني تقدر تطلع تشوف الكلب قاله أيوه أقدر أنا مش بخاف... فطلع الراجل وشوية نزل يجري ... صاحبه بيقوله شفت الكلب قاله لا شفت الطبق اللى بياكل فيه

ههههههههههه جامدين النكت
يسلموو

[قلب برىء]

جامدين بجد ههههههههههههههههههههه
تسلمى ياريت تدخلى البهجه علينا دايما