صباح المخـدرات : صبري سراج: كيف سيشارك جدو مع الزمالك في البطولة الأفريقية .. ؟!

[ღ Gի๐sτ ღ]

صباح المخـدرات : صبري سراج: كيف سيشارك جدو مع الزمالك في البطولة الأفريقية .. ؟!





أكد صبري سراج عضو مجلس إداة نادي الزمالك أن القرار الذي صدر بإيقاف محمد ناجي جدو لاعب الأهلي بالأمس الأربعاء يثبت صحة موقف الزمالك والمستندات التي تقدم بها.
وتابع سراج في تصريحات تلفزيونية أن القرار برغم عدم عدالته إلا أنه يعتبرمؤيداً لموقف الزمالك، حيث تعجب سراج بشدة من السماح للاعب بالمشاركة مع الأهلي أفريقياً، وقال إذا ما تم الحكم لصالح الزمالك وتم تنفيذ العقد بين النادي وجدو فكيف سيشارك اللاعب في البطولة الأفريقية، حيث تمنع اللوائح مشاركة لاعب مع ناديين في بطولة واحدة !
واختتم سراج تصريحاته مؤكداً أن الزمالك لا يتحدث سوى بالأوراق والمستندات الرسمية ولا يتحدث في الهواء، مضيفاً أنه من حق ناديه أن يعترض على تواجد عضو بلجنة شؤون اللاعبين، حيث سيخاطب الزمالك اتحاد الكرة الرسمية بشأن استبعاد الكابتن مجدي عبد الغني.
بقى أن نذكر اللواء صبري سراج عضو مجلس ادارة نادي الزمالك، أن النادي الأبيض لا يشارك في البطولة الأفريقية لهذا العام، فالأهلي والاسماعيلي هما ممثلا الدوري المصري عن هذه النسخة، ويبدو أن صفعات الأهلي الأخيرة والمتمثلة في جدو وحسام غالي وأبو السعود قد أثرت على ذاكرة عضو مجلس إدارة نادي الزمالك.




وقال إذا ما تم الحكم لصالح الزمالك وتم تنفيذ العقد بين النادي وجدو فكيف سيشارك اللاعب في البطولة الأفريقية، حيث تمنع اللوائح مشاركة لاعب مع ناديين في بطولة واحدة !

-----------

اديك قلتها بنفسك يا صبرى ياسراج

لا يحق لاى لاعب ان يشارك فى بطولة افريقيا فى بطولة واحدة


اوك مينفعش يشارك فى بطولة افريقيا مع ناديين وان الزمالك هايندم لو لعب مع الاهلى لانة بالطريقة دى مش هايلعب مع الزمالك فى بطولة افريقيا

ولكن ياصبرى ياسراج فى سؤال .. هو اصلا الزمالك بيلعب فى بطولة افريقيا عشان تقول ان جدو لو لعب مع الاهلى مش هاينفع يلعب مع الزمالك فى افريقيا .. واصلا محدش من مصر بيلعب فى افريقيا غير الاهلى والاسماعيلى

ولا يكون الزمالك بيلعب فى افريقيا وانا مش واخد بالى



رسالتى الى صبرى سراج ...



انت قلت الكلام دة وانت فى حاجة من التلاتة

1- شارب حشيش ومهييس

2 - سكران

3- جالك صدمة من صفقات الاهلى اثرت على ذاكرتك



لان الزمالك مش بيلعب فى افريقيا ياعسل ....

وكمان فى حاجة

متفرحش اوى بوقف جدو .. لان جدو متوقفش

ولكن موقوف مؤقتا كاجراء روتينى لحد التحقيقات ماتخلص وفى النهاية الكل عارف ان الاهلى هايكسب القضية
لانكم بتتعاقدو مع لاعب بدون اخطار نادية الاصلى وفى الحالة دى هايتم عقوبات ع الزمالك

وثانيا .. اقل شىء وببساطة الاهلى لو فى دماغه العند مثلكم ممكن يقدم شكوى لاتحاد الفيفا

لان مش من حق اتحاد الكورة انة يوقف اللاعب لان مفيش قوانين بتقول كدة وثانيا اتحاد الكورة بنفسة هو اللى اكد على ان الاهلى يتعاقد مع جدو عادى ومفيش اى مشاكل

بدليل لو كان اتحاد الكورة عندة القدرة على وقف حد ... كان اوقف عصام الحضرى وحسنى عبد ربه لانهم بنفس الموقف


بالله عليكم يا اعضاء المنتدى قلولى انتو ردكم اية ... عشان انا هاتشل من الغباء والجهل

[queen of my time]

اولا شكرا ليك بس الزمالك فعلا ليه حق وان شاء الله هياخده من جدو واي حد يحاول يضلل ويضيع حق الزمالك

[ღ Gի๐sτ ღ]

اقتباس
المشاركة الأصلية كتبت بواسطة queen of my time





اولا شكرا ليك بس الزمالك فعلا ليه حق وان شاء الله هياخده من جدو واي حد يحاول يضلل ويضيع حق الزمالك

انتم عملتو العقد مع جدو

ولكن ماخدتوش الاستغناء من الاتحاد ومبلغتوش ادارة الاتحاد وبذلك لن يعتبر انتقال

لان لو بكدة

يبقى كل نادى يتعاقد مع اللاعب وميكلمش الادارة

صح ولا انا غلطان

وعلى فكرة

تشلسى الانجليزى تم فرض عليه عقوبات عشان بيتفاوض مع لاعب بدون اخطار نادية

فما بالك الزمالك بيتعاقد مع اللاعب بدون اخطار ادارة نادية وليس تفاوض

وثانيا ادارة الزمالك بتعمل كدة لية

لية تنصبو ع الراجل وتقول 30 مليون شرط جزائى

وثانيا انتم تتعاقدون مع اللاعب وكاتبين التعاقد يوم 1-1

ازاى يوم 1-1 وفى اليوم دة جدو كان فى الطيارة ومعسكر المنتخب


ثالثا : الموضوع كلة متلخبط وانا من وجهة نظرى

عقوبة ع الزمالك + عقوبة على جدو

وفى نفس الوقت جدو يفضل فى الاهلى لان الزمالك تعاقد بدون اكمال الصفقة واستلام الاستغناء

[ღ Gի๐sτ ღ]

ومعلومة تانية

القوانين الكرة تقول

لما النادى يتعاقد مع اللاعب يتم توثيق العقد فى نفس الشهر اللى تعاقد فية

والكل عارف ان الزمالك وقع توقيع ليس لة لزمة

ولكن كمثال وقع توقيع صحيح ومظبوط ... لماذا لن يتم توثيق العقد فى شهر يناير

[ღ Gի๐sτ ღ]

:shiny01:اقتباسالمشاركة الأصلية كتبت بواسطة queen of my timeاولا شكرا ليك بس الزمالك فعلا ليه حق وان شاء الله هياخده من جدو واي حد يحاول يضلل ويضيع حق الزمالك

الحمد لله الزمالك انسحب بنفسة بعد الخوف من انكشاف القضية بعدما اعترف اداريين الزمالك بان جدو ماخدش حاجة :shiny01: