عريس من عالنت ......عريس يا ماااااااااى

بـقـآيـآ ح ــڻيـڻ დ · منذ /07-22-2010, 02:49 AM

اهلا بيكم فى اولى حلقات مسلسل عريس من عالنت يلا استعدوا هاتو الفيشار وتعالو
الحلقة الاولى

وموضوع الحلقه وكام حلقه بعديها (عريس من على النت)
كاميرا 1..................استعد
2............................صور
سباعى هات الشاى
اكشــــــــــــــــــن
تركت عفاف الكمبيوتر التي تقضى عليه معظم وقتها فجأة
وصرخت بصوت عالى

مااااما ..... يا ماماااااااااااااااا .....يا ماماااااااااااااااا

الأم : فيه إيه يابت بالراحة إخواتك نايمين
عفاف: معلش يا ماما أصلى فرحانة ....

فرحانة اوي اوي

الأم: خير يا بنتى فرحينى معاكى كدا ربنا يفرح قلبك

عفاف: عريس يا ماما عريس

الأم : يا ألف نهار أبيض يا ألف نهار مبروك
لولولولولولولولولولولولولولوى
وبعد دقيقتين أحضان وقبلات تذكرت الأم

الأم: ألا قوليلى يابت

عريس مين دة اللي هيتقدملك

وماقلتليش من ساعة ما جيتى من الجامعة ليه ؟

عفاف: لأنى لسة عارفة دلوقتى حالا يا ماما

الأم بإستغراب: عارفة دلوقتى حالا؟؟؟؟؟؟

عارفة منين يابت دة انتى لسة قايمة دلوقتي من قدام الكبورر....

عفاف : ههههههههههههه كبورر ايه بس يا ست الكل

اسمه كمبيوتر

الأم:مش مهم

المهم عرفتيه ازاى ؟ ومين أصلا العريس دة يعنى جاى منين؟

عفاف:من النت يا ماما

ظلت الأم المسكينة تنظر لابنتها باستغراب

وهى تراجع كل ما تعرفه من كلمات

ولم تجد لكلمة النت أثر بينها

فسألت عفاف..........

الأم: النت ؟ ودى تبقى فين دى يا بت؟

عفاف: فين ازاى يا ماما؟

الأم: يعنى فينها من الوايلى الى احنا فيها؟

تركبيلها مترو ولا اتوبيس ولا تأخديها تاكسى

اوعى يابت يكونوا بيروحولها بالقطر؟

عفاف : هههههههههههههههه ايه يا ماما الى انت بتقوليه دة؟

مترو إيه وقطر إيه؟! دة النت

الأم: أيوة يا بنتى عرفنا انه الزفت

بس دة موقعه فى انه بلد بالظبط ؟

عفافى كل البلاد يا ماما

الأم باستغراب : انتى اتهبلتى يا بت؟

يعنى إيه فى كل البلاد؟

عفاف: يا ماما النت دة عبارة عن كمبيوترات كتير

في العالم وفيه معلومات كتير اوى

الأم:معلومات ايه يابت انتى

هو انتى هتتجوزى دايرة المعارف؟؟؟؟؟؟

عفاف:المهم يا ماما ان فى واحد متقدملى عن طريق النت

الأم: ودة اتقدم ازاى يعنى؟؟؟؟؟

عفاف: بعتلى إيميل

الأم فى ذهول : ايميل؟

بعتلك إيميل جارنا المسيحى؟

وإزاى يا بت تقبلى تتكلمى مع الى اسمه إيميل ده

وهو مين عشان الزفت بتاعك ده يبعته لينا!!!!!

عفاف فى سرها طب افهمها ازاى دى بقــــــــــى ؟؟؟

عفافا ماما اهدى إيميل جارنا مين بس ...!

الأم: مش انتى الى بتقولى يابت

عفاف:إيميل يعنى جواب بس على النت

الأم: برضه هتقوليلي عالزفت

يابنتى أنا مش فاهمة البتاع الى بتتكلمي عليه دة

عفاف:النت دة ياماما حاجة فى الكمبيوتر

ممكن نبعت فيها رسائل لناس برة

ونستقبل منهم رسائل برضه دة غير حاجات كتير

الأم:أنا ماليش فى الكلام دة

اللي انا عايزة أعرفه هو مين ومعاه شهادة ولا لأ ؟

واصله ايه وفصله ايه ؟؟

عفاف:هو اسمه حاتم

وطالب فى هندسة حاسبات و قاطعتها الأم

الأم : طالب؟؟؟؟؟؟؟؟؟؟

عفاف: أيوة ياماما بس فى آخر سنة

الأم : بصى أنا ماليش دعوة بالموضوع دا أنا هتصل بأبوكى وهو يتصرف

اتصلى بيه انتى عالموبايل وأنا أكلمه

زمانه عالقهوة

وفى قهوة المعلم حسنين

رن الموبايل بتاع عم حلاوة العنتبلى الجزار

cut

ها اكمل ولا بلااااش

Loyalty · منذ /07-22-2010, 03:02 AM

يالاهوى اية الام الحجرية دى

ههههههههههههههههه

حلقة جامد جدا يا سويتى

وكملى يا حنونتى

ثانكس على التوبك يا سويتى

سووزي · منذ /07-22-2010, 03:11 AM

ههههههههه تسلمي ياهدوء حلقه تجنن

نورا ❤ · منذ /07-22-2010, 07:55 AM

yaslaaaaaaaaaaaaaamoooooooooooooooooooo

احضان الحبايب · منذ /07-22-2010, 08:06 AM

هههههههههههههه
حلوه حكاية دايرة المعارف دى
ههههه
كملى يا هدوء
بجد جاااامده
بالتوفيـــق
وانا هتابع معاكى
" ع ــبـــده"

هند الجزائرية · منذ /07-22-2010, 09:18 AM

شكرا على القصة الممتعة اقصد المضحكة هههههههههههههههههههههههههههههههههه

yara5 · منذ /07-22-2010, 03:29 PM

هههههههههههههههههههههه ايه القصه دي بس بجد جاااااااااااااامده يابت يا حنون

Princess Noda · منذ /07-22-2010, 04:32 PM

هههههههههههههههههه
يسلمووووووو على الموضوع

بـقـآيـآ ح ــڻيـڻ დ · منذ /07-22-2010, 09:33 PM

اقتباس

المشاركة الأصلية كتبت بواسطة pretty angel


	يالاهوى اية الام الحجرية دى ههههههههههههههههه حلقة جامد جدا يا سويتى وكملى يا حنونتى ثانكس على التوبك يا سويتى

ههههههههههههههه
مالها يا لولو زى الفل الست
تسلمى يا لولو ع المرور الجميل
نوورتى

بـقـآيـآ ح ــڻيـڻ დ · منذ /07-22-2010, 09:34 PM

اقتباس

المشاركة الأصلية كتبت بواسطة سووزي


	ههههههههه تسلمي ياهدوء حلقه تجنن

تسلمى سوزى ع المرور الجميل
نورتى يا جميل

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عريس فى الباص x باص فى عريس	Sєяєєη●•ʚɞ	منتدى يوميات الاعضاء	21	05-15-2012 01:13 AM
قصة عريس غزاوي	ابن غزة وأفتخر	قصص - روايات - حكايات ...منقولة	3	03-14-2012 04:59 PM
عريس يما ا ا ا ا ى . . . حلو قوى يامى . عاوزه تصطادى عريس وتتجوزيه	big bốss	نكت - طرائف - وناسة - فرفشة	20	08-15-2011 05:54 PM
عريس غير شكل	غزاوية وافتخر	نكت - طرائف - وناسة - فرفشة	2	03-11-2011 07:23 PM
عريس ناصح !!	dr.mishmisha	نكت - طرائف - وناسة - فرفشة	8	09-28-2008 05:16 AM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

عريس من عالنت ......عريس يا ماااااااااى

نكت - طرائف - وناسة - فرفشة