يومياتى

[جميلة مصر]

السلام عليكم ورحمة الله وبركاته
ازيكوا انا هنا ان شاء الله هكتب يومياتى وملاحظاتى فى كل اللى بيحصل معايا
وطبعا هكلم بالعمية مش هعرف اكلم باللغة العربية الفوصحى لانى لسه عندى 16 سنة بس هكلم على قدى يعنى
وهكلم باذن الله عن كل حاجة بتقابلنى سواء بالاعجاب او النقد عشان فى مظاهر كتير هنا بشوفها وبحب ابدى رايى
فيها
بأتمنى ان تكون صفحاتى خفيفة عليكم وما اتملوش منها ابدا
تحياتى
دمتوا بود

[جميلة مصر]

السلام عليكم ورحمة الله وبركاته
سلبيات فى الشارع المصرى
انا ان شاء الله اول ما هكلم هكلم عن عادات خاطئة بنعملها كل يوم وبشوفها وانا ماشية فى الشارع
يعنى مثلا ابقى ماشية انا وصحبتى وفجأة اسمع صوت خناق وادور وشى عشان اعرف ايه السبب
الاقى سبب تافه اوى زى ان واحد داخل بعربيته فى طريق الاول وخارج من نفس الطريق واحد تانى
فكل واحد يعند ويقول انه مش هيتحرك غير لما التانى ما يتحرك مع ان ابسط شئ اشوفه مثلا انهم المفروض ناس كبار يعنى المفروض يبقوا قدوة للصغار اللى ماشيين مثلا بس طبعا ازاى لازم كل واحد يعند وكإ نه لو بدا ووسع لأ خوه الطريق هيبقى انسان مش كويس وتشتد الخناقات فى الشارع طب هما مابيراعوش ربنا ولا بيراعوا كيفيه المعاملة فى دينهم طب يراعوا طيب ان مصر بيجيلها سياح لو شافوا المناظر دى ولو عرفوا كمان السبب هيقولوا علينا ايه ولا هيعملوا ايه
بجد حاجة بتنرفزنى اوى بالذات انى ما باشوفهاش مرة وتعدى لا دى مرات كتيرة وانا ماشية الاقى خناقات من النوع ده
وبرجع اسأل ليه عشان الانسان بقى مخنوق من عيشته للدرجاتى ولا ايه
انا عارفة انى بدأة بدايه عنيفة بس هو ده للى بيحصل كل يوم وده بيضايقنى اوى وكنت محتاحة اكلم فى الموضوع ده اوى