طلــب:رسائل الزوار

[~..a7la smile..~]

وانا معاكي في كلامك يا مهارات الحياه
وميرسي لرأيك يا جميل

[~..a7la smile..~]

ميرسي ليك يا محمد
بس بصراحهه انا اول مرة اسمع عن كلامك
مش فهماك

[ღ Gի๐sτ ღ]

عادى يا ايمان

دة مش مطبق علينا اوى هما عاملينة عامة عشان اللى يعمل اعلان للمواقع الاخرى دى اهم حاجة وبعدين بقى لو واحد بيسب ويشتم وديانات مش اكتر

انما الاعضاء بينهم وبين بعض خصوصيات ملهمش دعوة بيها

[Đ σ ρ e s τ]

بسم الله الرحمن الرحيم
اولا حآبه اقول اللي جنسيته غير سواء كان سعودي او لا يتكلم بلغته زي جادك انا مفهمتش حآجه
من كلامه ((المفروض تاخد دورة تعليم اللغه المصريه)):ju4:
المهم
انا مش معاكم ابداً سوآء من الطرف ده او ده...
حابه اقولكم ان كلا الفكرتين رسائل الزوار والخاص بتجيب المشاكل...
انا عن نفسي اتعرض عليا كتير من بنات واولاد اني اديهم ايميلي لكن انا مكنتش بوافق لأني عارفه المضاعفات اللي بعد كدآ
انا بحترم رأيكم وكل حآجه بس ده مش معناه اننا ناخد كل حاجه بالساهل يا ايمي
افرضي يا ايمي اننا عملنا دي الخاصيه اووكي ودخل عليكي زائر عمال يخدش في حياء الناس
ويغازل فيكي هتعملي ايه اولا هتشتميه وهتقعدي تأنبيه ومش هيكون ليكي الحق انك تحذفي رسالته ولا هوه مش هيقدر لأني جربت دي الخاصيه في منتديات تانيه وبصراحه مقدرتش اتأقلم مع الوضع مهو اللي خلاني ابقى هنا في ده المنتدى...
كمان احنا مش ناقصين مصايب كفايه انه عيني بتزغلل على قائمة الاعضاء الجدد عماله مسبله للشآشه براقب((عامله فيها حارسه يعني))^_^
وبمسك في اليوم يجي 10 اعضاء مخالفين للقوانين
ودي حاجه مش تشرف اتمنى الكل انه ياخد الموضوع كفكره مسليه وينسى الموضوع لأنها فكره غير
مقبوله ابداً
واتمنى انك تعيدي التفكير انتي وجآدك فكروا كويس اووي ايه المضاعفات اللي ممكن تحصل...
وانا بحترم وجهة نظركم واسفه على المداخله دي سامحوني...

[جادك الغيث]

اقتباس المشاركة الأصلية كتبت بواسطة Noshaεïз بسم الله الرحمن الرحيم اولا حآبه اقول اللي جنسيته غير سواء كان سعودي او لا يتكلم بلغته زي جادك انا مفهمتش حآجه [/COLOR][/SIZE][/FONT]

إيه رأيك تفتحي قسم ونسميه ( إتقانُ اللهجةِ المصرية ) ويبقى نِديكي الاشراف عليه :038:

طيب ازاى فهم عليه ماتركس يبئى يست انتي عندك مشكلة مش حتنفعي في الاشراف
بتاع القسم الجديد :crybaby:

[Đ σ ρ e s τ]

بسم الله الرحمن الرحيم
كآآي نفتح يآعم وليه لا...
مآتركس فهمك لأنه من الصعيد وتقريباً كلام الصعآيده يشبه كلام السعوديين في حجات كتيره
انا مش تفرق معايا منا اقدر اكلمك سعودي لأني متعلماه وعايشه في السعوديه
كآآآي...
اهم حآجه انه الفكره غير مقبوله وخلاص على الموضوع
ويتقفل كمآن لأن على ما اعتقد كدآ اتحلت الفكره كويس اوي....

[SiLver Spectra]

السلام عليكم
نسلم عشان في ناس كتير شاركت
^_^

أنا قولت رأي قبل كدا في موضوع كول
النسخة بتاعت المنتدى أول ما طورناها
كان فيها رسايل زوار
تقريبا في شهر يناير 2009
و فضلت لحاد اخر فبراير أو أول مارس
مش متذكر

الأول طبعا كنا فرحانين بالخاصية
بعد كدا لاقيناها كلها شكاوي و مشاكل
بتقلب شات
و اي حد بيسجل جديد بيبعت مواقع و صور و ايميلات و ارقام
ما هو اكازيون مفتوح

أي حد بيسجل بيراسل أي بنت
زي الي بيرمي شبكة في البحر
و زي ما تيجي معاه
يصطاد بنتين تلاته...

رسايل الزوار ما ينفعش تتراقب
الرسايل الخاصه سهل تراقبها و سهل تسيطر عليها
و بتبقى للضرور و محكومة
حتى عندك خواص بتتحكم فيها بتحددي عدد معين للمشاركات قبل المراسله
هتقولوا طب ما نحدد كمان لرسايل الزوار!!

الموضوع مش بيجي كدا
بس احنا جربنا و شوفنا الواقع ايه
يعني أنا مش بقول كلام نظري

فعلا كانت كلها مشاكل
و علاقات سازجه بشكل مهين

طيب نيجي للسؤال
حد كان بيقول ان الرسايل موجوده في منتديات كتيره اشمعنا احنا!!
كلام جميل
بس انت الأول لازم تفهم وضعك ايه
انت منتداك اسمه بنات مصر
كتير بيسجل عشان هدف واحد و هو التعارف بالبنات

لو منتدى تاني مثلا اسمه افلام أو اسمه مسلسلات
الي بيسجل بيسجل بهدف و بنيه تحميل ملفات
فمافيش ضرر بين من رسائل الزوار

يبقى انت لازم تعرف مين زوارك قبل ما تحكم و تقارن
زي بالظبط فكرة الرسايل الخاصه بعد 100 مشاركة
لو كنت أنا اداري في منتدى شباب مصر مثلا
أو أي منتدى تاني مافيش فيه كلمة بنات
كنت خليتها مفتوحه برسايل زوار كمان
أنا ليه تجارب كتير في منتديات

لكن هي المشكلة ان في ناس بتسجل بنوايا سيئة
انت بقدر الامكان بتحاول تحكم و تسيطر على الوضع و تقلل المساوئ
لما بتحدد مثلا مشاركات للرسايل الخاصة
فرقت كتير جدا عن قبل ما نحدد
كان اي حد بيعمل اي عضوية و يراسل بيها
دلوقتي انت لما بتوصل ل100 مشاركة تفكيرك بيتغير
و مش هتضحي بعضويتك بسهولة
يعني بتعمل للعضويتك مليون حساب

معلش رغيت كتير
بس أتمنى تكونوا فاهمين القصد و السبب
وصدقوني دا مش اجراء تعسفي و لا غلاسه
بس احنا جربنا و شوفنا


منورين...

[بـقـآيـآ ح ــڻيـڻ დ]

بجد رأيك روعة يا طارق
انت فاهم بتعمل ايه هنا
ربنا يوفقكـ

[ღ Gի๐sτ ღ]

بس محدش من الادارة رد عليا

بتراقبو اخر كام رسالة بتببعت؟؟

+

بالنسبة لتبادل الاميلات ازاى يعنى

هو لو فلان راح قال لعلان هات اميلك ... هايدهولو لا

يبقى مش تبادل اميلات يامان ..ولو ضافو عالاميل على طول من غير مايدهولو .. دى تبقى حرية شخصية وقتها