اول مسرحية من علي مسرح بنات مصر

[لحظة عتآب]

السلام عليكم ورحمة الله وبركاته

هقدم لكم اول مسرحية من علي مسرح بنات مصر
المسرحية من تأليفي
اتفضلوا

　

　
　
النص:

　
المنظر الاول
(( العمدة قاعد ع الدكة ومأنتخ ومراته الحاجة رابحة رايحة جاية))

　
　
العمدة : يا حجيه يا حجيه انتي يا وليه
الحاجة رابحة: ايوة يا عمدة
العمدة : تعالي اهنيه بسرعة آني عاوزك
الحاجة رابحة: حاضر اطل ع الخبيز واجيلك حالا

الحاجة رابحة: ايوة يا عمدة خير
العمدة : شوفي يا وليه اني عارفك رطاطة الكلام اللي هجوله لكي ده اوعي تجوليه لحد خالص
الحاجة رابحة: حاضر من عنيا خير بجا
العمدة: طبعا حجيه انتي عارفة ان الكفر بتاعنا ده مساحته 50 فدان صوووح؟
الحاجة رابحة: ايوووة صوووح
العمدة: وعارفة ان منهم 20 فدان اراضي زراعيه
الحاجة رابحة: ايوة عارفة
العمدة : اولة امبارح كلمني راجل اعمال كابير جوي وطلب مني ابيعله 10 فدان من مساحة الكفر عشان مشروع ناوي يعمله وهيديني 300 الف دنيه كل دنيه ينطح دنيه انتي ايه جوولك بجا؟
الحاجة رابحة: جولي في ايه يا عمدة
العمدة : انتي طرشة يا وليه في اللي جولتهولك ده
الحاجة رابحة: انت اتجننت يا عمدة تبيع لمين طيب والناس اللي اكل عيشها الزراعة وعايشة عليها يضيع مستجبلهم كدا بالساهل وعلي ايديك لا لا لا لو عملتهيه هتشوف البلاوي اللي هتنحدف علينيه
وهتبجي انت السبب يا عمدة شوف بجا اهل البلد هيعملو اييييه مش بعيد يطخوك عيارين
العمدة : طب امشي غووري من وشي السعادي الله يسد نفسك يا بعيدة غووووري

　
المنظر الثاني

(( العمدة قاعد في اجتماع مع اهل البلد ع الدكة ))

　
العمدة : يا بلد اني هجول ليكم حاجيه فيها مصلحتكم اسمعوني بجا

فيه راجل اعمال متصيت ومقتدر عايز يشتري الــ 10 فدان الزراعيييه اللي فــ آخر الكفر وهيدينيه 300 الف دنيه ها ايه رأيكم
واحد من الموجودين : كلام ايه ده يا عمدة جاي تجولنا انك راح تبيع املاكنا اللي اكل عيشنا منها وبعد اكديه نشحت لا دا لا يمكن يحصل
العمدة : ما تسكت انت يا ابن ستيته العمشه انت يا خويااا محموج اوي كده ليه مانت كمان ياخووياا بتبيع محصولك لمستثمر اجنبي بيخليك
ترش له المحصول مبيدات ممنوعة بتجيب لأهل البلد بلاوي مستخبية مش هو بردوا اللي اشتري سكاتك بالتلافون المحمول اللي كنت
هتبيع نحاس امك عشان تشتريه اوعي تفتكر يا ابن ستيته ان العمدة فيه حاجه بتعدي من ورا قفاااه يا شيخ الغفر
شيخ الغفر: ايوة يا جناب العمدة
العمدة: خد المحمول من الواد ده وكسره علي نفوخه واسكعه قلمين والتالت علي قفااه وارميه برا المجلس
شيخ الغفر: حاضر ياعمدة
(( ويروح شيخ الغفر يضرب الواد ويرميه برا))
العمدة: المهم يا اهل البلد موافجين ع الحكااية دي ولا لع؟
اهل البلد كلهم في نفس واحد: مش مواافجين يا عمده
العمدة: روحوا الله يخرب بيت ابوكم الارض هتنباع يعني هتنباع ورجولكم فوق رجابيكم
(( ويمشي العمدة من المجلس ووراه شيخ الغفر ))

　
المنظر الثالث

(( العمدة قاعد مع راجل الاعمال ع الدكه ))

　
　
العمدة : نورت البيت يا باشا
رجل الاعمال: منور بيك يا عمدة ها ياه اخبار موضوع الارض
العمدة: لا ابدا كل حاجة عال بس اني كان ليا شرط
رجل الاعمال: ايه هو يا عمدة
العمدة : يعني انك تعلي التمن لــ 500 الف دنيه
رجل الاعمال: لا دا كتير قوي
العمدة: ولا كاتير ولا حاجيه بالنسبة للارض اللي هتاخدها
رجل الاعمال: اصل يا عمدة......
العمدة : ماعمداشي هاا هتدفع ولا هتروح
رجل الاعمال: هدفع يا عمدة
العمدة : علي بركة الله نكتب العقد

(( ولسا العمدة بيمسك القلم عشان يمضي العقد ويلاقي اهل البلد عاملين مظاهرة قدام بيته))

العمدة: عايزين ايه يا بلد حيوانات
ابن ستيته : لم خلجاتك وامشي يا عمدة احنا معدناش عايزينك
العمدة: امشوا من اهنيه لخلي رجالتي يقتلوكم فرد فرد يا شيــخ الغفر
شيخ الغفر: اهل البلد معاهم حق يا عمدة واني معاهم
العمدة: الكلام ده مش كلامكم فيه حد وزكم علي ميـــــــن ميـــــن
الحاجة رابحة من وراه: آني يا عمدة
العمدة: انتي !! وصلت لــ كديه يا حجيه
الحاجة رابحة: توصل لــ كديه واكتر يا عمدة لما اشوفك جدام عيني عاوز تبيع ارضي وارض ابوي وارض اهل البلد كلهم اللي هي اكل عيشهم
واصلا ماهيش ملكك انت بتحكم الناس بس يا عمده مش بتملكهم افهم بجا
العمدة: جبتي الكلام دا منين يا وليه انتي طول عمرك بقرة ما بتفرقيش ما بين الالف وكوز الدرة
الحاجة رابحة: البقرة كبرت يا عمدة وبقت تعرف تنهق وتنطح كووومااان
العمدة: دا ايه الجراءة اللي حطت عليكي دي يا وليه اذا كانشي ابوكي مات من الخضة
الحاجة رابحة: اووكتووم متجولشي حضة قول زي ما قال الدكتوور سكته قلبيه
العمدة: حاضر يا بت بديعة الهبلة لما اخلص من البلاوي دي هبجي افضالك
انتي يا بلد بقر الفلوس اللي هناخدها دي هتتوزع عليكم كلكم بالعدل
شيخ الغفر: وانت عمرك شفت عدل يا عمده دا انت حياتك كلها طولة لسان وظلم وافتري ع الغلااااابة
العمدة: يعني ايه اللي انتم عاوزينه دلوكيتي
ابن ستيته: ما تبيعش ارضنا يا عمدة
العمدة: خلاص فضناها مانيش بايعها انفضوا من جدامي دلوك انفضوا

(( ويدخل العمدة علي مراته يقلع الجلابية ويمسك المسدس ويقف ع السرير))

العمدة: ايه اللي هببتيه ده يا وليه والنبي لاطخك
الحاجة رابحة: ارمي الفرفر والبس جلابيتك وانزل من ع السرير و انزل كلمني زي ما اني بكلمك اكديه
العمدة: والله عال عال اوي اللي بيحصوول ده بقي حرمه تزعق لراجل
الحاجة رابحه: خلاص يا عمده اني كنت زعلانة منك من حاجه وانت خلاص قلت ان مانتش عاملها
العمدة: قصدك ع الارض لا هبيعها يعني هبيعها اللي قلتواا للبقر اللي كانوا قدام الباب ده كان عشان يمشواا لكن راجل الاعمال اللي بره ده مش هيسيب الكفر الا وعقد التمليك في جيبه
الحاجة رابحة: اكديه .. بتضحك ع الناس يا عمدة وبتقرطصهم وتلبسهم السلطانييه
العمدة: ايوووى هما اللي بلد بقر صدقوني علي طول هما حرين بقي
الحاجة رابحة: يعني هتبيع الارض يا عمدة
العمدة : ايوووووووة هنبيعها دول 500 الف دنيــه يا عالم اسيبهم يطيروا
الحاجة رابحة: عشرة 30 سنة يا عمدة اول مره اعرف انك نتن كدا عاوز تبيع بلدك عشان الفلوووس
العمدة:وابيع امي وابوووي كوومااان
الحاجة رابحة : بكرة تشوف يا عمدة اللي هيحصووول بلاوي هتحط فوق رووسنا
العمدة : ايه يعني اللي هيحصوول يا وليه
الحاجة رابحة: انته مرشح نفسك في انتخابات مجلش الشعب عن الدايرة دي ولو عملت حااجة مش ولا بد الناس مش هتنتخبك شووفت بجا
العمدة: ايووووة صووووح وايه العمل دلوكيتي
الحاجة رابحة: تلغي فكرة بيع الارض يا عمدة وسيبها للناس يسترزقوا منها وبطل افتري بجا
العمدة : احترمي نفسك يا وليه وقولي كلام غيردة
الحاجة رابحة: خلاص خلاص المهم هتعمل ايييييييييه
العمدة: سيبي الموضوع ده علي
الحاجة رابحة: اما نشوف يا عمده

　
(( ويخرج العمدة برا الاوضة لراجل الاعمال))

العمدة : اهلا يا بيه اهلا معلش يا بيه معينفعش نمضي العقد الليله
رجل الاعمال: ليه بس يا عمدة
العمدة: ظرووووف بجا اتفضل انت دلوك واني هبقي اتصل بيك
رجل الاعمال: ماشي يا عمدة....سلام عليكوو
العمدة: وعليكوو السلام ورحمة الله وبركاته

　
المنظر الرابع:

(( يوم انتخابات مجلس الشعب العمدة قاعد ع الدكه ومستني الهتافات اللي باسمه))

　
العمدة: محدش جه لييييه ولا سمعت حد بيهتف باسمي وبعدييين

(( وبعدين يسمع العمدة صوت ناس جايه يظئطط))

العمدة: ايووووة ايوووووة ايووووة ايووووووة هما دول اللي جايين ايه الهتافات اللي بيقولوها
اهل البلد: ولا عمدة ولا غيره سليمان باشا كسانا بخيره...ولا عمدة ولاغيره سليمان باشا كسانا بخيره
((وشايلين منشورات مكتوب عليها ))
لا للعمدة ...نعم لسليمان باشا

العمدة: وه وه وه وه ايه ده ايه اللي اني شايفه ده مش معقوووله
(( ويجري العمدة قدام اهل البلد ويوقفهم ))
العمدة: يا بـــــلــــد جري ايه انتم المفرووض تنتخبوا عمدة بلدكم هتنتخبوا مين غيروا
واحد من اهل البلد : ايوة هننتخب سليمان باشا احنا اتأكدنا ان انته ممكن تبيعنا بترااب الفلوووس وعمرنا ماهننتخبك
العمدة: استنوا بس يا جماعة دا انا ماليش في الدنيا غيركم
واحد من الموجودين: لك يوم يا ظالم يوم ليك ويوووم عليك يا عمدة دلوكتي انت اللي بتتحايل علينا معلش بجا عن اذنك
(( واهل البلد يسيبوو العمدة ويكملوا هتافات و يجري العمدة علي بيته من كسوفه))

　
المنظر الخامس

(( العمدة يوم نتيجه الانتخابات))

العمدة: يارب انجح في الانتخابات ليك عليا يا شيخ الغفر لو نجحت في الانتخابات دهيت لأجبلك عمة جديدة
شيخ الغفر: يارب تنجح .. وابقي هاتها عمة صوف يا عمدة عشان تبقي تدفيني في الشتا
العمدة: يا سلام ... عايز مصلحتك انتا هاا مااشي

((ويطلع الراجل اللي بيعرض النتيجة ويقول))

نتيجة الانتخابات
سليمان باشا : 99 الف صوت
العمدة : 1 صوووت

العمدة: آآآآآآآآآآآه قلبيييييييييي قلبييييييييييي اسندني يا شيخ الغفر صوووت واااحد معني كده انه صوتي اني استني استني
صووتي اني بس ... امال فين صوتك يا شيخ الغفر
شيخ الغفر : ايووووة مانا هقولك والنبي تجمد قلبك اني اديت صوتي لسليمان باشا
العمده: هوووووووووووووووووووووووووووووووووه قلبي قلبي آه آه
(( ويغمي عليه العمدة وينقلوووه لبيته))

　
المنظر السادس

(( العمده نايم ع السرير والحاجة رابحة قاعدة جنبه ))

العمده : آآآآآآآآآآآآآآه يااا حجيه شوفتي اللي حصل
الحاجة رابحة: اني قلتهالك يا عمدة وانت مصدقتنيش هتعك علي نافوخك قلتلي لع
العمده: اديه طلع علي جتتي طارت السلطة مني اني اتعلمت خلاااااص والنبي اتعلمت
اني آسف آسف يا بلد آسف يا ارض وسامحني ياا ربي انت عالم اني اتعلمت خلاااااص
آســــــــــف آســـــــــــف آســــــــــــف

　
　

{ستــــــــار}

يارب تكون ضحكتكم

ودادي

[♥..pure]

هههههههههههههههههههههههه

هههههههههههههههههههههههههه

هههههههههههههههههههههههه

بجد بقالى كتير مضحكتش كدة

مسرحيه جميله جدا يا لحظه عتاب

مضحكه وفى نفس الوقت بترمى لقضيه

الفكرة جميله والتنفيذ اجمل

تحياتى وتقديرى لكى

[yara5]

هههههههههههههههه
بجد مسرحيه جااااامده جدااااااا
ميرسي يا لحظه علي المسرحيه

[جميلة مصر]

هههههههههههههه

ميرسى لحظة عتاب عالمسرحية الجميلة

[الأميرة منة]

ههههههههههههه حلوة اوى ايمى

يااجاامد انت ايه المسرحية الجاامدة دى

ده انا لو قعدت من هنا للسنة الجااية ولا هااعرف االف سطر وااح

بجد حلوة ثانكس عالتوبك

[ماتركس]

السلام عليكم ياا لحظه عتااب بصراحه
ليكي مستقبل في التاليف عنجد مسرحيه جميله واسلووبك كمان جميل في الحووار
بجد ربناا يزيدك احننا مش هنقر عليكي هههههههههههههههه
ومنتحرمش من جديدك ياا لحظه عتاب

[special girl]

السلام عليكم

مسرحيه جامده اخر حاجه يا قمر

بجد كوميديا جميله خالص

موفقه دايما

[لحظة عتآب]

نورتوا صفحتي بجد
وانتظروا المسرحية الجديدة

ودادي