يوميات .. لؤى ومهجه .. الحلقه الاولى ..

[الأميرة منة]

هههههههههههههههه
حلووة اوى وانا بحب اللهجة الصعيدية بحب
اسمعها اوى
ثانكس عالتوبك

[Mo chahin]

‎‎ الحلقة الثانية

تانى يوم راحت بقى مهجه على الجامعه

اول اما خلصت اول محاضره

مهجه : يا ندى انا جعانه جوى تعالى نجيب اى حاجه ناكولها

ندى: خلاص تعالى يا مهجه نروح كافتريا الكليه

مهجه : لا دى كولها مليانه شباب ياختى انا مش هروح هناك

ندى : لا تعالى بس احنا ملناش دعوه بحد هناك

مهجه : طيب يلا اما نشوف

راحت مهجه وندى الكافتريا واول اما اعدوا كان اعد قصادهم مين عمنا لؤي بقى

لؤي اول اما شاف مهجه اعد يضحك بقى بصوت عالى

مهجه بصتله بقرف اوى وقالت

مهجه : هوه ماله الواد ده الى شبه الديك الازعر بيضحك ليه كده

ندى : احنا مالنا يا مهجه هوه بيضحك وخلاص

مهجه : ليه يا بت شايفنا ارجوزات جودامه ده واد حيوان وعايز يتهزج

ندى : بصى احنا ناكل ونمشى من هنا

مهجه : طيب احسن بردو انا جولتلك بيومك لاسود ده انا مش هاجى الكافتريا دى

قعدوا ياكلوا ومهجه كان السندوتش بيروح مبيرجعش هيا القطمه الاولى هيا الاخيره

خلصوا اكل ودخلوا قاعه المحاضرات

واعدوا

دخل طبعا وراهم الاستاذ الفاضل لؤي

وكانت معاه وحده صحبته

وشاف مهجه بردو واعد يشاور عليها ويضحك

مهجه اتنرفزت اوى طبعا والعرق الصعيدى طلع

مهجه : بصى يا بت يا ندى بيعمل ايه الواد ده بيضحك تانى

ندى : انت حضرتك بتضحك ليه

لؤي : ههههههههههههه لا ولا حاجه يا انسه ههههههه

مهجه : فرحان جوى وانت فاتح خشمك كده جاتك نيله عليك وعلى بوزك الفجرى

لؤي : وليه الغلط يا ااااااااا؟

مهجه : يا اااااااا ايه ما تنطج

لؤي : يا حجه هههههههه

مهجه : تعرف انك مش محترم وعيل جليل ادب وعايز تتربى

لؤي : انتى انتى انتى تربينى انا

وطبعا الاستاذ لؤي بيستفزها بمياعته وبالحركات الى بيعملها

ندى : طيب ممكن اعرف بتضحك ليه

لؤي : انتى مش شايفه جمبك تحفه فنيه بجد ههههههه

مهجه : تحفه فنيه ما تحطنى فى متحف الشمع يا خوى

انا تحفه وانت تبجى ايه بشعرك الى مخضوض بيه ده وبنطلونك الى هيوجع منك ارفع منطلونك وبعدين اتكلم

لؤي طبعا مش معاه غير انه يضحك هوه وصحبته

مهجه : يلا يا ولاا انت خد الفرخه بتاعتك دى وغور من هنا اتكشح يلا

لؤي : دى فرخه دى جنى صحبتى

مهجه : جنى ولا عفريت وانا مالى غور احسن افرج عليك الجامعه كلها

لؤي : انا مش ارد عليكى انتى مش من مستوايا

مهجه : مستوى مين يا بو مستوى انت حوساله وعره الشباب كمان ولو شفت وشك هنا هضربك بالبولغه

ندى : خلاص يا مهجه هوه فعلا مش محترم بس انتى بردو هزقتيه

مهجه : انتى مش شايفه حيلت امه بيقول ايه

ندى : معلش

المهم ندى هدت مهجه وخلصوا محضراتهم وروحوا

بعد اما خرجت مهجه من الجامعه علشان تروح

خرج وراها طبعا عمنا لؤي هوه وجنى صحبته بالعربيه بتاعته

واعد يرخم عليها ويدايقها

مهجه: انت يا واد احترم نفسك وامشى بعيد عن هنا بدل ماخلى يومك اسود

لؤي : بجد انا مش هسيبك انهرده هوه الضحك عليكى انهرده هخليكى تحرمى تكلمينى باسلوب مش كويس يا انتى

مهجه : والله انت شكلك كده جبته لنفسك فى يومك الجتران ده ونويت تحجز لنفسك سرير ونفر زياده فى المستشفى

جنى : الحق يا لؤي دى بتقول هتدخلك انت مستشفى

مهجه: دى ومالها دى ياعين تيزه والنعمه شكلك هتتجطع انهرده انت والدزمه الى معاك دى

مهجه: الحجونى يا ناس الولا ده بيتحرش بيا وبيجولى كلام جلت ادب وخدش حيائى الحجوووووووووووووونى

طبعا مهجه اعدت تصوت والناس اتلمت عليها وضربوا لؤي

ادوله علقه سخنه وجنى مش معاه غير انها تصوت

جنى : يا وحوش حرام عليكوا هوه مش قدكوا

مهجه : مش جدهم علشان يحرم تانى مره

كده هوه اتعلم الادب

ومشيت مهجه وجنى اتصلت بالاسعاف جم خدوا لؤي

بعد اما روحت مهجه عند بيت عمها

مرات عمها فتحتلها الباب بتقلها ازيك يا مهجه

مهجه طبعا مش ردت ودخلت وهى بتقول كلام كده مش مفهوم


( انا كان مالى ومال البلد بت الدزمه دى شكلى كده هتبجى وجعتى سوده ما انا
كنت فى بلدى وجاعده كويسه بس بردو مش فشيت غليلى اةةةةةةةةةة يا بوى )

مرات عمها دخلت قالت لعمها بقى

عمها راح لمهجه

عمها : مالك يا بنتى مرات عمك بتقول انك مدايقه

مهجه : ماليش ياعمى

( فى سرها طبعا بتقول : والنبى روح بعيد كده مش ناجصاك انت
كمان وكمان مرتك لحجت توصلك لسانها مش بيتبل فيه فوله ربنا ياخدها )

عمها : لا بجد احكيلى يا بتى

مهجه :الولاد عندكوا ياعمى البنات ارجل منهم يا بوى واد ياعمى مش محترم جل ادبه عليه

عمها : ليه يا بتى انتى عملتيلوا ايه

مهجه : معملتلوش حاجه والله

( وحكت الى مهجه لعمها حصل )

عمها : طيب ليه يا بنتى كده ده تلاقى الشباب بهدلوه خالص

مهجه : احسن انا كمان مش فشيت غليلى انا كان نفسى امسكوا من شعره الى ماسكاه الكهربه ده واجصهوله خالص واعمل فى الناس

جميله بادل ما الناس تتازى من شكلوا العفش يا رب يكون مات علشان ارتاح من خلجته الفجريه

طبعا لؤي اعد فى المستشفى حوالى 15 يوم ومش بيجى الجامعه خالص

ومهجه حكت لندى الى حصل

ندى : على فكره يا مهجه هوه غلط بس مش لدرجه انك انتى تخلى الشباب يموتوه كده خالص

مهجه : استفزنى جوى يا ندى والله خلانى فجت اعصابى

ندى: خلاص بصى انتى تيجى معايا نروح نزوره فى المستشفى

ونعتزرله ونهدى الموضوع ونصلح الى حصل

مهجه : انتى حسستينى بالذنب انا خلاص هروح معاكى بس مش هعتزر لحد انا هشوفه بس واطمن عليه

ندى : خلاص اوك هنروح انهرده بعد المحاضرات

مهجه : ماشى يا ستى

راحت ندى ومهجه المستشفى وجابوا ورد وهمه رايحين

دخلت ندى عند لؤي لوحدها وقالت لمهجه خليكى انتى هنا اما اندهلك ادخلى

مهجه : بس خلى فى بالك يا بت انا مش جايه معاكى علشان اعتزرله علشان ضميرى بيوجعنى بس مش اكتر

دخلت ندى

ندى : (فى سرها طبعا: يا لهوى ده لؤي مكسر خالص يخرب بيتك يا مهجه

ايه الى عملتيه ده فى الولا)

ازيك يا لؤي عامل ايه

لؤي: اهلا يا ندى انا خلاص مبقتش انفع تانى صحبتك المتوحشه شوفى عملت فيا ايه

ندى :معلش يا لؤي انت نرفزتها وكمان انا عملالك مفجأه ( ادخل ياسمسم )

ودخللت مهجه وتحصل المفاجأه


ونشوفكوا الحلقه الجايه

[تيا]

ههههههههه حلقه جميله
يا ترى مهجه هتعمل ايه وهتقول ايه
أنا حاسه انهم هيتخانقوا وهتكمل عليه
ف انتظار الحلقه التالته

[ندى مصطفى]

هههههههههههههههه
يستاهل علشان ضايق مهجه
بس انت لازم تقف و قفه مشوقه ؟؟؟
عندك احساس فنى عالى و دائما راسم البسمه على وجوهنا
حلقه بجد جميييييييييييييييييييله اوى
فى انتظار الحلقه القادمة

[~♥ Queen sozan♥~]

يا بووووووووووووى عليكى يا مهجة
دة انتى فزيعة
هههههه
بس بجد حلو اوى اوى اوى
يعنى عيزة اقولك انى ضحكت بجد
ومنتظرين الباقى

[حنـــــون]

هههههههههههههههههههههههه

لا جامده بئه المرادى جداااااااااااااا

بجد مش قادره والله هموت من الضحك

الحوار راااااااااااااائع الكلمات عجبانى جدا جدا

تسلم الايادى يامحمد ومنتظرين الحلقه الجايه

موفق دايما

[حروف مبعثره]

ههههههههههههههههههههههه
مهجه هتخش تخلص على الحبه الى فى فاضلين فى عم لؤى وهيموت وهيكون قضاء وقدر بقى
حد بردو يدخل نفسه مع الى مابيرحمش ههههههههههههههههه
جامده جدا يامحمد منتظرين الاجزاء القادمه

[Mo chahin]

‎

الحلقة الثالثة




بعد ما دخلت ندى وشافت لؤي مكسر خالص

ندهت على مهجه

ندى : ادخل يا سمسم

مهجه طبعا داخله وماسكه الورد وهى عامله نفسها غلبانه بقى ومكسوره لؤي شفها بقى وحصلت المفجأة

لؤي : يا ماااااااااااااااااااااااااامى الحقونى حوشوا المتوحشه دى خرجوها بره

صرخ طبعا كأن جاتله حاله صرع انصرفى لا تأذينى ولا أذيكى

مهجه : ايه يا واد انت مالك شفت عفريت ولا دينسور دخل عليك دول حتى اختفوا من زمان

ندى: اهدى يا لؤي مش كده دى جايه تعتزرلك

لؤي : لا مش عايز منها اعتزار ولا حاجه خرجوها بره . انا اسف قصدى اتفضلى اخرجى لو سمحتى

مهجه : انا جولتلك مش هاجى عند الواد الرمه دى بخلجته الملخبطه ده ولد امه ودزمه ومش راجل خالص

ندى : خلاص بقى انتوا الاتنين

هدت ندى الموقف واعدوا يتكلموا همه التلاته

دخلت بقى جنى

جنى : هاى لؤي ايه ده يا مامى ايه الى جاب المتوحشه دى هنا

مهجه : مالك ياختى اتخضيتى تفى فى عبك ولا اجيبلك طاسه الخضه

لؤي : اهلا يا جنى دى مهجه و ندى جم علشان نتصالح سوى وخلاص بقينا اصحاب

مهجه :يلا بجى يا ندى نمشى ما المثل بيجول اذا حضرت الشياطين ذهبت الملائكه واهى كتيبة شياطين جات

وهى خارجه زقت جنى وقعتها على الارض

وقالتها غورى بخلجتك العفشة دى

وبعد كم يوم خرج لؤي من المستشفى وراح الجامعه وطبعا اول اما شاف مهجه وندى راح سلم عليهم واعدوا يتكلموا وجات جنى

جنى : هاى شله فيه رحله مطلعاها الجامعه لشرم مين هيجى معانا

لؤي : كلنا طبعا جايين احجزيلنا معاكى كلنا

ندى : انا موافقه

مهجه : موافجه ايه روحوا لوحدكوا انا مش هروح مستحيل طبعا

ندى : ليه يا مهجه نغير جو كده كم يوم

مهجه : انسدى يا بت انتى واجفلى خشمك ده مش هروح جلتلك

طبعا كلهم مصرين ياخدوا مهجه وندى اتصلت بعمها علشان يقنعها

عمها : ماتروحى يا بنتى تغيرى جو كده مع صحابك

مهجه : فى سرها بتقول ( والله الراجل ده شكله عايز يخلص مانى ده شكله ما صدق يا سوادى علشان اريحه ليه انا مزهجاه للدرجه دى خلاص هروح واهو خلص من وشه ومن وش مراته الفجرى) خلاص ياعمى موافجه هروح

وبعد معاناه وافقت مهجه تروح الرحله

وفى يوم السفر حضرت بقى مهجه شنطتها

واتجمعوا هى وندى وجنى و لؤي وباقى اصحابهم عند الجامعه وركبوا الاتوبيس
وبعدين

نشوفكوا الحلقه الجاية ...

[اليسمينه]

هههههههههههههههههه
مهجه
انتى فاين
يامهجه
انتى فاين يابت
ههههههههههه
وينك يامهجه
البت ديه راحت فين
حدش شاف مهجه
هههههههههه
حلو الموضوع
بتاع مهجه
بس الا توبيس راح فاين
ههههههه
مستنين الحلقه الجديده
فى امان الله

[Mo chahin]

والله يا يسمينه مهجه دى تعبانى انا شخصيا هههه

اشكرك يا قمر لمرورك الجميل ..

تحياتى ..