يوميات .. لؤى ومهجه .. الحلقه الاولى ..

[بـقـآيـآ ح ــڻيـڻ დ]

هههههههههههههه
جميلة الحلقة جداااا
وحلوة ما تخدينى فومين دى
انا حبيت البت مهجة دى زى السكر والله
شكرا يا مستر ميروو ع الحلقة الجميلة
وبانتظاار 8

[حنـــــون]

ههههههههههههههههههههههههه

جميله اوى والله الحلقه انهارده

جاااااااااامد ياميرو

تسلم الايادى منتظرين الباقى

[حروف مبعثره]

والله مهجة دى عسل
وهتموت جنى ان شاء الله ههههههههههههه
متابعين يامحمد كل الحلقات جامدين جدا

[Mo chahin]

اقتباس
المشاركة الأصلية كتبت بواسطة PoCaHoNtAs





ههههههه عجباني اوي لهجتها مهجة

تسلم ايدك

متابعة

اه طبعا .. حمشه كده وناشفه .. مش طريه هههه ..

اشكرك يا جميل لمرورك الطيب ..

[Mo chahin]

اقتباس
المشاركة الأصلية كتبت بواسطة همسღ الجراح





يامى منك
يا مهجة يا مفترررررررررررررررررررررررررية
اية المفترسة دى
وكمان مبتعرفش تعوم هههههههههههه كسفتنا
بس بصراحة حلقة كويسى بردو
بس بلاش ضرب كدة اصل مفيش بنات بتضرب بعض
هههههههههه
اشمعنا بيضربو هنا مش فاهمة يعنى

همســ ؟؟

بلاش انتى والنبى .. مالك ومال مهجه بس ..

وبعدين خلى بالك هيا معانا هههههه ..

وانا خايف عليكي منها ..

وبعدين جنى هيا اللى حاطه نقرها منها ههههه ..

شرفتى الحلقه يا قمر ..

[Mo chahin]

اقتباس
المشاركة الأصلية كتبت بواسطة هدوء القمر

هههههههههههههه
جميلة الحلقة جداااا
وحلوة ما تخدينى فومين دى
انا حبيت البت مهجة دى زى السكر والله
شكرا يا مستر ميروو ع الحلقة الجميلة
وبانتظاار 8

جميله بوجودك الطيب ..

وشكلك هتبقى صديقه لمهجه .. بس خلى بالك من نفسك هههه ..

تحياتى لمرورك ..

[Mo chahin]

اقتباس
المشاركة الأصلية كتبت بواسطة حنون





ههههههههههههههههههههههههه

جميله اوى والله الحلقه انهارده

جاااااااااامد ياميرو

تسلم الايادى منتظرين الباقى

اشكرك لمرورك الدايم يا حنون ..

الذى اتمنى ان لا يحرمنى الله منه ..

خالص تقديرى وتحياتى لمرورك الطيب ..

[Mo chahin]

اقتباس
المشاركة الأصلية كتبت بواسطة soledad





والله مهجة دى عسل
وهتموت جنى ان شاء الله ههههههههههههه
متابعين يامحمد كل الحلقات جامدين جدا

والله انتى اللى عثوله يا سولى ..

واشكرك جدا جدا لمتابعتك الطيبه والتى تشرفنى دائما ..

تحياتى لمرورك المنير ..

[Mo chahin]

الحلقة الثامنة

وضيفه حلقتنا النهارده ..

الدكتـــورة .. ســـوزان ..

وخدوا جنى المستشفى بعد ما مهجه قرمتها
وكان فى الاستقبال الدكتــورة سوزان


سوزان بتشوف الحاله ولؤى واقف متنح من جمال وشياكة سوزان مهجه شافته راحت معديه من وراه وخابطاه فى ركبه من ورا راح واقع قالتله

ايه انت وجعت ؟






لؤى : انا نفسى اعيى انا كمان علشان الدكتوره سوزى الى تعالجنى
مهجه : سوزك جوم يا خويا واعدل عينك بدل ما افجعهم
سوزان : ايه نوع الحيوان الى عضها



كلهم ضحكوا وبصوا لمهجه


مهجه : يا سنينك الى وجفت
سوزان : ايه ده انتى يا مامى وسايبنك ازاى كده
مهجه : انتى شكلك بنت ناس وممكن تتجطعى على ايدى
سوزان : اوباااااا سيكيورتى طلعوا الكائن المتوحش ده بره



لؤى وندى هدوها وخدوها على الفندق
وفاقت جنى وخدوها معاهم بس وهيا رابطه دراعها

وفى اليوم الخامس من ايام الرحله قرروا الطلبه يعملوا حفله بكينى بارتى وممنوع اى حد يدخل الحفله دى من غير مايو


ندى بتسال مهجه


ندى: مهجه انتى هتروحى الحفله دى
مهجه : اتهببى يا بت انتى حفله ايه ياختى انتى عايزانى البس مايو لا مش ممكن طبعا روحى انتى
ندى: لا مش اروح انا محبش الحفلات دى
مهجه: جدعه يا بت كنت فاكراكى جليله ادب طلعتى مؤدبه ايوه كده تستاهلى انك تمشى مع مهجه بلا فخر
ندى: ماشى يا ستى مهجه تعالى طيب نروح نتفرج من بعيد
مهجه : تعالى اما نشوف ايه الى هيحصل فيها البكينى بارتى دى كانها مش حفله ده عرض ازياء


راحوا يتفرجوا على الحفله من بعيد مهجه اول اما شافت الحفله كأن لسعتها عقربه


مهجه : يادى اليوم لسود الملحوس بحبر اسود مطين
يا بووووووووووووووووووووى ايه ده البنات والولاد ملط كده من غير هدوم خالص ده مش بكينى بارتى ده ملط بارتى جله خشى بارتى سفاله بارتى فينك ياماى تيجى تشوفى الى اتحرمتى منه طول عمرك


ندى: مالك بس يا مهجه دى مايوهات عادى اتفرجى وانتى ساكته


مهجه: اسكت ازاى يا بت ده الى انا شايفاه عايز البلد كلها تاجى تلطم عليه بما فيهم العمده ذات نفسيه يا بوى يابوى
فينكم يا اهل البلد تيجوا تشوفوا الحاجات دى مش البنات الى عندينا الواحد متجوز وحده فاكر انها زينه بنات البلد وهى فى الحجيجه فرده شراب معفن منتن كمان اهوه هوه ده الى بيجولوا عليه مش هتجدر تغمض عنيك
لؤي جه طبعا


لؤي: مالكم يا بنات مش هتدخلوا الحفله ليه
ندى : لا معلش احنا ملناش فى كده
مهجه : بس يلا انت يا معفن احنا مش ندخل السفاله وجله الحيه دى خليك انت لوحدك
لؤي : خلاص متزعليش لو الحفله مش عجباكى احنا ممكن نخرج نروح اى مكان
جنى جات بتنادى على لؤي


جنى : لؤي يلا تعالى ارقص معايا
لؤي: معلش يا جنى احنا هنغير وخارجين انا وندى ومهجه لو تحبى تيجى معانا
مهجه: يادى النيله هى الفجريه دى ورانا ورانا
يا بت انا عملت معاكى زى بانوراما وسبتلك علامه وبردو مش محرمه
جنى : على فكره انا مش كلمتك خالص والله
مهجه: وعلى فكره بردو شكلك وحش جوى انتى حتى مافكيش ربع كيلو لحمه على بعضيه معضمه ومخشبه وشكلك وحش ويجيب العار اهوه انتى الى يشوفك المفروض يغمض
عنيه لانه هيجرف منك ونعملك اعلان ونجول فيه جنى مش هتجدر تفتح عنيك ولو فتحت عنيك هتتشنكل رجليك


ندى ولؤي ميتين من الضحك وجنى متنرفزه اوى وخايفه ترد العضه لسه بتوجعها


جنى : على فكره يا انتى انا مش هكلمك خالص خالص
مهجه : البت دى مش بتحرم يا ناس
ندى : بس يا مهجه جنى متزعليش خلاص بقه
لؤي: كفايه خناق ويلا بقى نخرج
ندى : هنروح فين ؟
لؤي : نروح سينما ونتعشى بره موافقين


كلهم طبعا وافقوا وخرجوا
دخلوا السينما واتفرجوا على فيلم جميل اوى ورومانسى
واما خرجوا من السينما كلهم مبسوطين اوى لاقوا مهجه عماله تعيط اوى


ندى : مالك يا مهجه بتعيطى ليه هوه الفيلم اثر فيكى اوى كده
مهجه : لا ياختى انا صعبانه عليا الجوطه بتاعت البطله ماتت وجعت من فوج السطح ومش لحجوها
لؤي: للدرجه دى انتى حساسه يا مهجه زعلانه على القطه
مهجه : ايوه يلا هى علشان مش علشان خرسه نستهتر بيها لازم نراعى حجوج الحيوان
جنى : بصوت واطى بتراعى حقوق الحيوان ومش بتراعى البنى آدمين ااااه يا ايدى
ندى: خلاص يا ستى متزعليش دى تمثيل


المهم بعد اما خرجوا من السينما راحوا يتعشوا فى مطعم
دخلوا جنى اعدت جمب لؤي ومهجه وندى اعدوا جمب بعض
جه الجارسون وقالهم تحبوا تاخدوا ايه جنى بقى اختارت اول وحده


جنى: هاتلى ستيك بالكارى وخضار سوتيه وعصير جريت فروت


مهجه : ايه ياختى ده انتى بتطلبى دى بلا كارى بلا بارى



جنى : سوفاج فلاحه
مهجه : اتهببى يا بت بلاسوفاج بلا نيله انت ياعم مش عندك لحمه وفراخ ورز وسلطه
الجارسون : ايوه طبعا
مهجه : خلاص جيبلنا كلنا زى بعض
الجارسون جاب الاكل واعدوا ياكلوا جنى عماله تاكل لؤي فى بقه وهوه كمان بياكلها ومهجه متنرفزه
مهجه : متلموا نفسكوا انتوا لتنين جاتكوم الجرف فى شكلكوا العفش
جنى : وانتى مالك متغازه ليه ؟
مهجه : انا اتغاظ اتنيلى انا جرفانه بس وانتى فاتحه بوجك كده كده والشوكه مش محوجه فيه جاتكم الجرف فى خلجتكم الملخبطه


جنى دخلت الحمام تصلح الميكب بتاعها ومهجه استغلت الفرصه وحطتلها شطه فى الاكل بتاعها وجت جنى تاكل وهى مطمنه


مهجه : فى سرها بتكلم (بصى جال تفتح بوجها كده اييه وهوه يدخل كبش بحاله جاتك نيله مبجاش انا مهجه بنت ام مهجه زينه بنات صعيد ان ما خليتك تتعلمى الادب وابطلك جله الربايه يا جنى يا بت ام جنى )


جنى اول اما حطت اول معلقه فى بقها صوتت


جنى : اه اه بقى الحقونى
ندى : مالك يا جنى فيه ايه ؟
جنى : ناااااااااااار بقى نار
لؤي : طيب خدى شويه ميه
مهجه : نار هيا فيت وراحت ماسكه ازازه الميه ونازله عليها طفوا معايا طفواا
جنى : اوعى انتى الى عملتى كده مفيش غيرك
مهجه : وحياه سيدى البلبولى ما عملت حاجه انتى بتتهمينى بالباطل هتخشى النار
جنى : لا انتى مفيش غيرك
مهجه : ايوه انا الى معاكى اعمليه يا ام سحلول
لؤي: طيب ليه كده يا مهجه ؟
مهجه : انت مالك انت ولا متغاز على حبيبه الجلب بتاعتك ؟
لؤي : لا بس احنا فى مكان عام عيب
مهجه : بص يلا يا دزمه انت انا لو وافجت انى اخرج معاكم علشان بعتبركوا كلكوا زى اخواتى وخصوصى انت وكمان معانا محترم و معانا ندى والاخ جنى
ولا انت فاكر انى عاشجه سواد عيونك المعفنه دى جاتك نيله فى شكلك العفش (ومهجه عكت الدنيا)
ندى : بس يا جماعه عيب كده يلا بقى نمشى




ومشيوا بعد خناقه حاره بين مهجه وجنى ولؤى وانتهى اليوم تعالوا نشوف حصل ايه فى اليوم السادس الى هو اخر يوم فى الرحله




انتظــرونا ..
فى الحلقه الجايــــه

[بـقـآيـآ ح ــڻيـڻ დ]

هههههههههههههه

بجد حلقة رووووعة

الحب ولع فى الدرة يا مهجة

عاوزة اعرف الـ حصل بسررررعة

تسلم يا مستر ميروو

ومستنين الحلقة على ناار