::: حجـــاب ... وعبايــة ::: واخرتها ؟؟

[hema elngm]

السلاام عليكم





موضوع انهاردة خاااص بالبنات لحد ماا هو زى ما شفنا فى العنوان كدة



الحجاب الجديد >> مش الحجاب نفسة انما طريقة لبسة


قيمة الحجاب فى انو غطى شعر الفتاة او المرأة >> انهاردة بشوف لابسة الحجاب

بس شعرها باين من قدام طب اية الحكمة؟؟

ان الناس تشوف شعرها ؟؟ طب ما تقلعة احسن واكرم انها تسؤ صورتة صح؟؟




النقطة التانية >> العبايات


كنا بنتكلم عن البنطلون ومدى العيب لما تلبس البنت البنطلون وخصوصا الضيق

دلوقتى دخلنا فى موجة العبايات اللى كانت ميزتها انها بتستر الجسم كلة

انما بعد التعديل بقت ..... العكس وكأننا بنضحك على نفسنا


طب اية لزمة الكلاام دة؟؟


لانك طول ما انتى ماشية وحد ببص علكى بتاخدى ذنوب

لانك بتكونى معرضة للتحرش او الاغتصاب

لانك بتكونى معرضة لكلاام الناس >> ومش بخلص بصراحة

لانك بتشوهى صورتك > صعب حد قبل تجوزك كدة >> ولو قبل مش هيحبك <<


طبعا دى كل وجهة نظرى للموضوع بما فية وطبعا قمة الموضوع فى النقط الللى فوق دى


يارت كل واحد حط وجهة نظرة فى الموضووع

وانا بجد خايف على البنات من نفسهم ومن اللى بيحصلهم




وربنا يسترهاا

[فرولة]

والله انا بنت بس بتخنق قوى من البنت اللى تطلع قصه من تحت الحجاب
والعبايات الجديده انا جبتها بس بلبس تحتها جيبه مش بنطلون وبتكون كويسه وحشمه
وربنا يهدينا
تسلم ايدك

[special girl]

السلام عليكم

موضوع مهم ياهيما

الحجاب فرض علي كل مرأه طبعا

ولكن للأسف نقدر نقول حاليا بقي موضه العصر

البنات بقت واخده الحجاب انه موضع وخلاص

يعني مش بتتلتزم به علي اساس انه فرض

لابتجرب كده شكله وبتكون ماشيه مع الموضه

السبب في ده قله الوازع الديني طبعا

وقله احترام الذات

البنت لو تحترم نفسها هتفرض احترام الاخرين لها.

وموضوع المعاكسه فهو بقي مع المنقبه كمان يعني موضوع بلا حدود

ومفيش حده له ابدا.

ربنا يهدي يا رب.

[فنانه باسلوبي]

السلام عليكم اخويه هيما ورحمه الله وبركاته..

كلامك صح والموضوع مش واقف عل العبايه وبس ..

حتى النقاب عليه الكثير من الملاحضات..

بس ده يرجع كمان لضعف الوازع الديني ...والتقليد الاعمى...ورغبه للفت النظر..

انا شخصيا لمى بنصح حد لابسه كده بسئلها..طب انتي مهتمه كتير ومتزينه في الشارع لمين ؟؟؟

بتنكسف ومش بترد اساسا..عشان عارفه غلط..

اهم شئ ان الحجاب يكون ساتر ونظيف ومرتب (مش ملفت )وبس دي وجهه نظر..

تقبل مروراتي ودمت بود..

[الأميرة منة]

موضوع جميل ياهيما
انا عن نفسى طبعا مابشجعش حكاية القصة خالص وغلط طبعا بس هى بتبقى
معجبة بشعرها فبتحب تبينه وطبعا ده غلط
اما عالعبايات انا بشوف بنات لابسنها فى الكويس وفى الوحش
انا شوفت واحدة لابساها ولابسة طرح بالهبل هههههههه والميك اب فظيع
ولابسة بنطلون وكنا فى المسجد كمان ساعة صلاةاالتراويح فى رمضان اللى فات بصراحة مش عارفة جاتلها الجراة ازاى اوكى دى نقطة

اللى بقيت اشوفه واستغربه النقاب بجد بص ماما شافت وحدة قبل كده كانت منقبة وكل حاجة بس ايه
بقى الكحل اللى فى عنيها ماشاء الله تحس ان عنيها مش باينا اساسا وكل شوية تعمل ان شعرها
بيقع والقصة تبان وياعينى غصب عنها وطبعا ده مش نقاب طب مايلبسوا حجاب طيب او مايتحجبوش
خالص مش عارفة لازمتها ايه بس عموما انا مابشوفش حكاية العبايات دى نتشرة اوى دلوقتى المنتشر
اكتر اللبس العادى الكاجوال يعنى

وبرده فى الاخر فى بنات سواء لبست عباية او نقاب او كاجوال بيبقى فى احترام للى لبساه
وميرسى عالطرح المميز
بالتوفيق

[تيتشر نفشه ツ]

اخي الغالي هيماا السلام عليكم
بصراحه معاك حق بجد وانا بأأيدك على كلامك من اوله لاخره
اقسم بالله انا بشوف بنات خارجين برا اكنهم رايحين فرح وممكن لو رايحين فرح مايعملوش فنفسهم اللي بيعملوه ده والله بجد بجد معاك حق ياهيما

وبعدين الهدف الرئيسي والاساسي اصلا من الحجاب والعبايه الستر الستر الستر مش رايحه الف ليله وليله

مالناش غير نقول لاحول ولا قوة الا بالله واللهم اهدي شبابنا وشباب المسلمين واهدي بناتنا وبنات المسلمين يارب

قول امين

اختك بنوته بريئه
وبالتوفيق