فكره برنامج (اجدد عضو )ارجو اشوف رايكم في برنامج الغلابه

[FarEdah]

منورة ياقمراية منتداكي
ومنورة الحلقة واجاباتك لزيزة

[countess]

يا هلا با الياسمينه


منوره المنتدى ويلا عايزين نشاط علشان نشوفك كدا من المتميزين

وبرنامجك جديد واحلى مافيه يا ماتركس بعرفنا عا الاعضاء الجدد وانوه احنا مش متجاهلينهم مبادره منك ممتازه يا احمد

[ماتركس]

السلام عليكم ورحمه الله وبركاته

هنبداثالث حلقه من حلقات برنامجكم اجدد عضووو
ودي عضوه اسمها (مهارات الحياة)معانا هنا
ودي كانت اجوبتها علي البرنامج اجدد
واللي عندو اي تعليق او اسئله علي (مهارات الحياة)اتفضلو قواللها
عايزها تطلع من هنا مصاحبه كل بنات المنتدي
يلا تعالو نشوف الاجوبه بتاعتها
واحنا هنا كلنال اخوات يا جماعه
عايز اللي استضيفو معايه هنا بعون الله عايزكم
تبقواا اخواتوو كلكم وعايزوو يطلع متعرف علي المنتدي كله
واللي يدخل يعلق او يرد عايزينو يعرفنا علي نفسه
ويقوالنا اسمه علشان العضو المضاف يعرفكم

معلومات العضو

مهارات الحياة
عضو مشارك

الاسم:
مهارات الحياة

السن:
22 سنه الله يحفظني

العنوان :
في إحدى الدول التي تقع على الخليج العربي

الدراسه :
إدارة أعمال ((بيزنس)) ..

اهتماماتك :
اممم فيه حاجاااات كتير أوووي ... أنا بهتم بالكتب إللي بتتكلم عــن طاقة الجذب وإزاي نعيش بإيجابيه بعيدا عن السلبيااااات.>> بيكفي كـــده .. مش من مره وحده تعرفوا كل حاجه هههه

هوايتك :
الرسم , القراءة , مشاهدة التلفاز .
دي الهوايات إللي بمارسها .
أما عن الهوايات إللي بحبها بس ما بمارسها فهي ..
الطبخ >> إن شاء الله حمارسو
الرياضه >> قريب جداااا

ياتري اتعرفت علي المنتدي ازاي؟
قلت في بالي .. يابنت إنتي بتحبي تتكلمي مسري .. والنت فيه كل حاااجه .. حتشوفي ناس مسريين أوي في منتدياتهم
وكتبت منتديات مسريه واخترت ده

ايه شعورك وانتي اول مره تدخلي المنتدي ؟
كنت فرحاانه .. بس لما شفت رقم عضويتي قلت واااو ..!!

اي قسم بتحبيه في المنتدي ولماذا؟
النقاش واليوميات وتطوير الذات...
النقاش لأنو الأحب ليا في جميييييييع المنتديااات
اليوميات >> حاجه جديده وكمان نتعرف ع الأعضاء فيه بطريقه جديده خالص.
تطوير الذات >> لأنو ذاتي لها حق إنها تتطور وتبقى أحسن عن قبل .. ولأني بحب علم النفســ لأنو حتى ف القرآن .. النفس مذكوره فيه .

ياتري ايه رايك في اعضاء منتدي بنات مصر؟
نصهم واضح وطاغي وجودهم جدددا ... والأغلبيه العظمى مالهومش وجود !

ياتري ايه رايك في المشرفين مغرورين والا انا بس اللي شايفهم كده؟
ههههه مش من إهتمامي .. المشرف حالو من حال العضو ..
ما بقاش فيه حاجه تميزه عن باقي الأعضااء

وايه رايك في الاداره؟
متعاونه .. مش كدب الكلام ده .. والدليل إني كتبت موضوعين في قسم الإقتراحات والشكاوي ولقيت الرد بسورعه

وياتري عندك انترنت في البيت والا بتدخلي سيبر؟
امممممممممممم ... تقدر تقول إني بشتري النت
يعني يمكن يكون سيبر >> مااعرفش أيه يعني سيبر

ايه سبب اختيار اسمك؟
لأني بتعلم مهارات الحياة إللي إحنا بنعيش فيهاا

ياتري هتقضي رمضان ازاي نووم والا مسلسلات؟
ههههههههههههههههههههههههههه
دهـ موضوع تاني خاااااااالص

ياتري ايه اكلتك المفضله؟
اممممممممممممممممممممممممممممممم
الأكل كلو أكلتي المفضله ههههههههههههه

وايه رايك في حب النت؟
نوووو ... خرابيط .. خزعبلاااااااااااااااااااااااااات

وياتري انتي بتحبي؟
لأهـ .. إن شاء الله بعد ما اتجوز ^_^

ياتري بتحبي التلفزيون اكتر والا الانترنت؟
التلفزيوووووووووووووووووون .. حط على قناة الجزيره الوثائقيه وانته حتعرف السبب هههههه , والا برنامج دكتور فيل على إم بي سي 4

ياتري ليكي اصحاب في المنتدي هناء والا لسه؟
لسسسسسسسسسسسسسسه ...

ياتري ايه رايك في الاعضاء مترابطين والا كل واحد منعزل؟
فيه كده وفيه كده .. أنا من النوع المنعزل ههه

ياتري ممكن تقوالنا الاعضاء اللي بتلفت انتباهك بس معا السبب؟
هدوء القمر .. الكل بيستضيفها ههه
همس الجراح .. دايما حزينه ومكسوره
ماتركس .. نشيط جدا
دي جيه داندانا .. طيب.
تيا - تانيا - خوات متفاهمات جدا
يارا5 .. طيوبه جدا
ميدو العثل .. غريب الأطوار
أحلى سمايل .. متعاونه جدا
وكتيييييير عسى ما نستش حـــد

ياتري ايه رايك في المصريين ؟؟
مظلومين ف الأفلام جـــــــــــدا
ما بحسش إنو الأفلام إتكلمت عن واقع أهل مسر !!

ياتري ايه رايك في الاعضاء المصريين اللي هنا بتحسي انهم بيعملو فرق والا عادي ؟
عادي ..

ياتري انتي هتستمري معانا هنا والا زهقتي مننا؟
لاااااااازم يجي يوم من الأيام وأسيبكوو
مش ممكن أكمل ..
لكل مرحله محطه معينه .
مش قصدي إني حسجل في منتدى تاني .. لكن حوقف مشاركاتي ف المنتديات .
هههههه أتخيل عمري 70 وأنا مشتركه في منتدى مختلط !
طبعا حشارك ف المستقبل بس في منتديات نسائيه فقطط

وممكن تقوالي لينا كلمه اخيره للبرنامج؟
الأسئله كانت حلوه .. وياريت تستمر تعزم أعضاء مش مشهورين زيي أنا يعني ^_^

وكلمه لااعضاء؟
ههههههههههههه ما فيش ...

وكلمه للمنتدي؟
غيروا الاستايل بقه

وفي نهايه الحلقه
بنشكر مهارات الحياه علي وجودها معنا
وربنا يديم بينا المحبه والاخوه في الله

السلام عليكم ورحمه الله وبركاته

قطعوها اسئله اوعو تسبوها

[FarEdah]

اختيار موفق ماتريكس
ومنورة مكانك مهارات الحياة

1- بمناسبة اسمك فيه ميزة جميلة ومحمسة ( اقدر اعرف اختيار اسمك جيه ازاي وايه كانت ظروف تسميتك بهذا الاسم)

2- في عالم البيزنس عادة بتكون المراة اقل خبرة واقل تفتحا من الرجل بسبب قلة الخبرة او الامكانيات الخاصة كانثى ليها مجالات محددة وكمان في حال نجحت في مجال مبتقدرش ع غيرو حتى لو نفسها فيه ( بالنسبالك هل واجهتكي ظروف حاولت انها تفقدك الحماس او عانيتي من عنصرية ذكورية في مجال عالم البيزنس)

3- بما انك في منطقة تقع ع الخليج العربي ايه رايك في التفرقة بين الرجل والمراة في مجلات معينة ومنها الوظيفية ؟ هل بتاثر تاثير ايجابي ولا سلبي ع المراة وبتحسسها بايه؟

4- مين ورا نجاحك وتطلعك للغد بطموح ومين قدوتك في حياتك الشخصية والعملية؟

5- ايه اهم مبادئك في الحياة وهل انتي من الشخصيات الي ممكن تغير مبادئها حسب ظروفها ولا عندك المبادئ لا تتجزاء مهما كانت الظروف؟

6- عرفت من خلال قرائتك انك بتهتمي بكتب التعلُم والمهارات ( حدثيني عن ابرز كتاب اضاف ليكي وكتاب قريتيه بس مقدرتيش تحققي الي فيه؟

7- حكمتك الي بتؤمني بيها وحكمة كنتي بتؤمني بيها بس لقيتها لا تمت للواقع بصلة؟

8- هل اصدقائك بيمارسو نفس اهتمامتك ولا مختلفة ، وهل الاختلاف في شخصياتنا بينا وبين اصحابنا بيكون ممتع ولا منفر؟

9- ايه رايك في المسلسلات الي بيزعمو انها رمضانية ؟

10- يومك الرمضاني شكلو ايه؟ ويختلف في ايه عن السنة الي فاتت ؟

/

اسفة طولت عليكي

تقبلي مروري واهلا بيكي في منتداكي ياعسل

[جميلة مصر]

منورة المنتدى وان شاء الله تفيدى وتستفيدى
حلقة جميلة اوى
تحياتى

[~♥ Queen sozan♥~]

السلام عليكم ورحمة الله وبركاته طبع احنا اتشرفنا با الاستضافة
وبمعرفتك يا قمر
وبجد والله اتعرفنا عليكى اكتر
نورتينا

بس لية
كودة

همس الجراح .. دايما حزينه ومكسوره

يا خلصتى جالك الاحساس دة من وين
ههههههههههههه
هو فعلا بكون مضيقة كدة سعات لكن انا مارحة جدااااااااا
والله بس مكسورة دى لاء مفيش حد يقدر يكسر همس غير ربها

لكن بكون فعا حزينة احيانا

بس نورتينا والله

اهلا بيكى يا غالية


وفى اية يا ماتركس هو الموضوع دة احتكار للى البنات
كدة الشباب هتقول ان فى تفرقة عنصرية هههههههههههههههههههه

[فتى المدينة المنورة]

حلقه جميله

واجابات اجمل

ومنتظرينك في حلقات جديده

[مهارات الحياة]

أولا بشكرك جدا على الأسئلة العميقه دي ... وعلشان خاطرك .. حجاوبك بأجوبه عميقة جــدا جـــدا ..
وبصراحــه مرورك على مقابلتي أسعدني ^_^


اختيار موفق ماتريكس
ومنورة مكانك مهارات الحياة
شكرا ليكي ^_^
1- بمناسبة اسمك فيه ميزة جميلة ومحمسة ( اقدر اعرف اختيار اسمك جيه ازاي وايه كانت ظروف تسميتك بهذا الاسم)
إللي أنا بعرفو إنو لما الواحــد بيسمي حالو بلقب ... يكون من باااااطن أعماقووو ...

حقولك القصه بقا من البدايه ..
أنا لما بختار ليا لقب في منتدى .. بحرص جدا إنو يكون راااكب عليــا ... يعني مش أي حااااجه والسلام .

وأنا من طبعي بديت كده من سنيييييين كده تقريبــا ... أحاول أقرأ في إزاي تعيش حياتك صــــــح وإزاي نفكر بمنطقيه بعيدا عن غلبة المشاعــر في تحكمنــا بالمواقف .. وحاجااااات تانيه حلوه .

الموهيم وخلال دول السنتين أنا كثفت مجهودي وطلعت بنتيجه رائعه وإن شاء الله تتحول إلى أروعـ مع الأيام ((بالممارسهـ)) ..

الموهيم ..

سامعه أنشودة (( غريبه مرت الأيام .. سريعه كأنها أحلام .. وصلنا لآخر المشوار .. تدربنا بعزم وإصرار .. الموهيم في نص دي الأنشوده المنشد بيقول إنو تعلم من معلمه مهارات الحياة .

إسمعيها ..

2- في عالم البيزنس عادة بتكون المراة اقل خبرة واقل تفتحا من الرجل بسبب قلة الخبرة او الامكانيات الخاصة كانثى ليها مجالات محددة وكمان في حال نجحت في مجال مبتقدرش ع غيرو حتى لو نفسها فيه ( بالنسبالك هل واجهتكي ظروف حاولت انها تفقدك الحماس او عانيتي من عنصرية ذكورية في مجال عالم البيزنس)

^_^ سؤالك حلــو ... على فكره أنا لسه طالبه ... لكن إذا كان قصدك على الشغلـ

أنا طموحي إنو أكون ثروه ماليه ومعرفش أيه

بس مش طموحي أبــدا إني أكتسح عالم الرجـــال !.

مش حتخلى عن أنوثتي مقابل البيزنسـ...

اممم أعتقد المرأه تقدر تعملـ كل حاجه بس أهممممم حاجه إنها محافظه على دينها ونفسها وبيتها ...

حقولك حاجه إذا كان البيزنس إللي أنا فيه أو نفسي فيه محتاج إني أكسر راس الرجاله ومـــــــاعرفش أيه ..

أنا حتخلى عن البيزنس دهـ على طول وأنا مغمضه كمــان وحختار حاجه تانيه تليق بمكانتي كإمرأه وماتضيعش أنوثتي .

ذكرتيني بمثال المرأه العامله ..

السيده خديجه .. كانت تاجره .

لكن ما كانتش بتعمل كل حاجه بنفسهــا .. لأنو فيه حاجات مايصلحش للمرأه إنها تعملها .. فعشان كده كانت بتعتمد على الرسول صلى الله عليه وسلمـ..

3- بما انك في منطقة تقع ع الخليج العربي ايه رايك في التفرقة بين الرجل والمراة في مجلات معينة ومنها الوظيفية ؟ هل بتاثر تاثير ايجابي ولا سلبي ع المراة وبتحسسها بايه؟

اممم ... أول ماابتدت المرأه بتشتغل عندنـا كانت مسموح لها تشتغل في 3 أماكن بسسسس ...((ده الكلام من شرط أهل البنت مش الحكومه نفسها))

يا إنها تشتغل ف المستشفى ((دكتوره أو ممرضه)) أو ف المدرسه ((مديره أو معلمه)) وبسـ..

أما دي الوقت الأهل تنازلوا كتير ... يعني عندنــا وزيره ودكتوره ف الجامعه ومحاميه ومحاسبه في شركه ومديرة شركه وحاجااااات ..

ما فيش تفرقه دي الوقت .. ما بحسش إنو فيه تفرقهـ ..

بس تعرفي أيه ..

لما كنت بدور على تدريب .. تبهدلت شويه .. تعرفي ليه ؟

علشان أنـــا لقيت مكانين للتدريب بس كلهم رجاااااله .. علشانـ كده كنسلت .

بس فيه بنات عادي بيكملوا !.

4- مين ورا نجاحك وتطلعك للغد بطموح ومين قدوتك في حياتك الشخصية والعملية؟

هههه حقولك على قصه ..

كنت قاعده مع صديقتي مره وحده قاعدين بنتكلم ..

فقالت إنو الأهل ربونا على حاجات إحنا لما نكبر نعمل بيها حتى لو كانت غلط ..

قلت لها تقدري تمسحي الحاجات الغلط وتكتبي بدالها إللي إنتي عاوزاهـ

دي الوقت حجاااوبك على سؤالك .

بصراحه .. أنــــــــــــــــــــــا.

أنا مؤمنه جداً إنو الشخص هوا إللي يقدر يخلي من حالو حاجه كبيره ف الحياه بس ما ننساش طبعا الإتكال على ربناااا

لأنو الشخص لازم يظن ظن الخير في ربنا علشان يوقف جنبو ويساعدو .

...

أنا شفت بعيني .. فيه ناس حاولت تساعد ناس تانيه علشان يرتقوا بحياتهم ويغيروا من تفكيرهم .. بس لاحياة لمن تنادي .

لأنهم مش عاوزين ..

يعني إذا عاوزه العالم إللي حواليك يتغير .. إتغيري إنتي الأول إلى الأحسن طبعا.

القدوه ف الحياة العمليه والشخصيه ..

يمكن تلاقي 600000 شخص .. تعرفي إزاي .

يعني من كل بستان زهره .. حد ف الجانب الروحي وحد ف الجانب الديني وحد ف الجانب الإقتصادي ... إلخ .

5- ايه اهم مبادئك في الحياة وهل انتي من الشخصيات الي ممكن تغير مبادئها حسب ظروفها ولا عندك المبادئ لا تتجزاء مهما كانت الظروف؟


أهم مبادئي في الحياة
مبادئي كتييييييره

بس ححاول أذكر لك الأغلبية العظمى
أولا : أنا ما بنظرش للناس على حسب فلوسهم وجاههم ومكانتهم ف المجتمعـ
تانيا : ما بغيرش موقفي من حاجه إلا إذا أقتنعت 100%
ثالثا : إذا حد قاللي حاجه عن فلان .. لازم أحط نسبة شكـ .. إنو يمكن يكون الفلان مظلوم أو حاجه زي كده .
رابعا : أنا مؤمنه إيمان كاااااااامل إنو كل إللي بيحصل لي ف الدنيا هيا خير حتى لو ما حسيت ف الوقت الراهن .
وحاجاااات كتيره أوي والله ^_^

6- عرفت من خلال قرائتك انك بتهتمي بكتب التعلُم والمهارات ( حدثيني عن ابرز كتاب اضاف ليكي وكتاب قريتيه بس مقدرتيش تحققي الي فيه؟
كتاب أضاف ليا : ذا سيكريت .. بس الكتاب أمريكي تقريبا يعني بعض المعتقدات بعيده عن الإسلام خالص .. يعني ماتصدقوهاش .

لكن الفيلم مترجم على أساس إسلاميـ..

أما الكتاب إللي ما أضاف ليا حاجهـ.. أو مافهمتوش بالأحرى (( رجال من المريخ ونساء من الزهره)).

7- حكمتك الي بتؤمني بيها وحكمة كنتي بتؤمني بيها بس لقيتها لا تمت للواقع بصلة؟
ما فيش حكمه معينه ..
8- هل اصدقائك بيمارسو نفس اهتمامتك ولا مختلفة ، وهل الاختلاف في شخصياتنا بينا وبين اصحابنا بيكون ممتع ولا منفر؟
لأ كل وحده بشخصيتهااا وكيانهااا
اممم ممتع علشان إحنا بنتقااااتل أحيانا على وجهات النظر

بس بشكل مرح مش حرب يعني هههه

وبيلقبوني (( خالف تعرف)) ..

9- ايه رايك في المسلسلات الي بيزعمو انها رمضانية ؟

عاوزيــن يكسبوا فلوس ..

10- يومك الرمضاني شكلو ايه؟ ويختلف في ايه عن السنة الي فاتت ؟

بيختلف جدا عن السنه إللي فاتت

تعرفي حاجه ؟ أنا فكري هناك على سجادتي وأنا بكلمك أقصد برد عليكي !

دي السنه عاوزاها غير عن كــل سنه وده الحلو في رمضان السنه دي .

يعني ف رمضان دهـ نشاطي على الإنترنت مش عاوزاه يكون أكتر من ساعه وحده بسـ

اسفة طولت عليكي

تقبلي مروري واهلا بيكي في منتداكي ياعسل

أسئلتك حلوه يا قمــــــر ..

[مهارات الحياة]

اقتباس منورة المنتدى وان شاء الله تفيدى وتستفيدى حلقة جميلة اوى تحياتى

شكرا ليكي ^_^

نورتي مقابلتي جمووول

اقتباس السلام عليكم ورحمة الله وبركاته طبع احنا اتشرفنا با الاستضافة وبمعرفتك يا قمر وبجد والله اتعرفنا عليكى اكتر نورتينا بس لية كودة همس الجراح .. دايما حزينه ومكسوره يا خلصتى جالك الاحساس دة من وين ههههههههههههه هو فعلا بكون مضيقة كدة سعات لكن انا مارحة جدااااااااا والله بس مكسورة دى لاء مفيش حد يقدر يكسر همس غير ربها لكن بكون فعا حزينة احيانا بس نورتينا والله اهلا بيكى يا غالية وفى اية يا ماتركس هو الموضوع دة احتكار للى البنات كدة الشباب هتقول ان فى تفرقة عنصرية هههههههههههههههههههه

دهـ إحساسي أعمل فيه أيه .. إنتي بتذكريني ببنت خاااالي من كتر ماهيا بتكون طول الوقت متضايقه صارت ماتعرفش بتكون متضايقه ليه هههههههههه حالتكو صعبه أوي الحياه حلوه يا بنت إنتي ^_^

اقتباس حلقه جميله واجابات اجمل ومنتظرينك في حلقات جديده

مشكور أخويــا

[~♥ Queen sozan♥~]

ههههههههههههههههههه
يا نهارى انتى للى بتقولى لى هموسة ان حياة حلوة ههههههههعععع
ما انا عارفة انا كان من كام سنة كدة كانو مسمينى الدنيا حلوة هههه
والله بجد

بس هو يمكن مش بكتب غير فى الوقت للى بكون فية حزينة
بس خلويص يا ستى هكتب وانا مبسوطة بعد كدة
واصلا الزعل بيقصر العمر وانا نفسى اعيش 100 سنة هههههههههههه
فا عشان كدة بحب اضحك كتير

ونورتي يا قمر
ومن انهاردة مش هزعل عشان متحسيش بكدة تانى
ماااااااااااااااسى مااااااااااسى
ههههههههه