يوميات (عبير وملك وأحمد وفادي )من تأليفي

[دلع بنوتة مصرية]

عبير وملك اصحاب جدعان في الكلية نبتدي من اول يوم في الكلية

عبير:ملك ازيك يا حبيبتي والله وحشتيني موووت فينك يا بنتي
ملك:ازيك انتي يا عبير والله لكي وحشة وبعدين انتي اللي فينك
ملك وعبير يحضنوا بعض
عبير:شوفي بقى عايزين كده نسلي بعض مش زي واحنا صغيرين هبال
ملك:طبعا طبعا احنا دلوقتي هنبقى احرار يعني محدش هيحكم علينا زي المدارس الهبلة هههه
عبير:ههههههههههههه
عبير وملك عملوا يوم جامد وضحكوا اوي وفرحو واتفقوا انهم يتعشوا مع بعضهم بليل
عبير وملك في المطعم يبتدي الحوار مع اميرة
ملك:اهلا ازيك انتي اللي عازماني يبقى انا مش هشيل هم الحساب واطلب اللي انا عايزاه
عبير: هو انت كل اللي همك بطنك وخلاص
ملك:خلاص خلاص متعصبيش بصي انت كلي وانا اتفرج يكفي اني اشوف الاكل بس
عبير:بس غريبة انت جسمك حلو ومش تخينة خاابلص ورغم ذلك بتموتي في حاجة اسمها الاكل انت بتعملي رجيم ولا ايه
ملك:لالالا انا كل يوم الصبح بجري كده على الكونيش بس بكون ملل لأني بكون لوحدي تيجي مع معايا بكرة حتى انتي كمان تخسي مع انك ابرة مش عرفة تخسي على ايه بس نضحك وخلاص
عبير:طيب انت جسمك حلو تخسي ليه خلاص بكرة مش جري نمشي بسرعة بس ونتكلم اتفقنا
ملك:اتفقنا
الصبح طلع وملك تتصل على عبير
ملك:الوووو سلام عليكم
عبير:وعليكم السلام ازيك يا ملك
ملك:ازيك يا عبير ايه يا بنتي اتأخرتي ليه انا مستنياكي
عبير:ايوة يا ملوك انا في الطريق مش هتأخر أكتر5دقايق وحكون عندك يلا باااي
ملك:بااي
خمس دقايق عبير مجتش عشر دقايق بردو مجتش ربع ساعة نص ساعة مجتش ملك قلقت جاامد راحت تدور على ملك ملقتهاش راحت اتصلت بيها
ملك:ايوة يا عبير انتي فين
أحمد:الووو مين معا
ملك:انت اللي مين واللي خلاك تاخد نمرة عبير
أحمد:انا اسمي احمد وبعدين عبير دلوقتي في المستشفى وانا ناوي اتصل دلوقتي على اهلها في المستشفى
ملك:ليه عبير اللي حصلها اتكلم
أحمد:الدكتور قال ان عبير خدت ضربة شمس قوية جدا جدا وداخت واغموا عليها ولحد دلوقتي عبير لسة مفقتش من ضربة الشمس
ملك:طيب قولي عنوان المستشفى بسرررررعة
أحمد:العنوان......................
ملك:طيب انا جاية حالا



هكمل بعدين لما اول حاجة اعرف رأيكم في الجزء ده

[دلع بنوتة مصرية]

أحمد:العنوان......................
ملك:طيب انا جاية حالا
ملك جت ووصلت المستشفى وهي قلقانة
ملك تدق الغرفة
ملك:انت احمد اللي كلمتني على الموبايل
أحمد:ايوة انا وحضرتك تبقي مين
ملك:انا اسمي ملك صديقة عبير عن اذنك انا رايحة اتصل بأهل عبير وبفادي وآه نسيت اشكرك انك نقلت عبير المستشفى
أحمد:لا ده الواجب بس يعني آسف على السؤال قصدك مين بأهلها ومين فادي لاموأخذه
ملك:أنا كمان آسفة على السؤال انت مالك يا رخم يا حشري سوري آآه عن اذنك
ملك تقول في نفسها يخربيت رخامتك
واحمد يقول في نفسة ايه قلة الذوق دي هي ليه بتعمل كده في ولاد الناس هو ده رد الجميل
ملك تتصل على تليفون البيت يرد اخو عبير
ملك:الووووووو مين معايا
اخو عبير:الوو انا محمد اخو عبير انت ملك صح في حاجة
ملك حكت لاهل عبير كل حاجة وهما جايين المستشفى
يجي احمد فرحان يقول لملك ان عبير فاقت ملك فورا تدخل جوا
ملك:حمدلله على سلامتك يا حبيبتي
عبير:الله يسلمك انا اللي جابني المستشفى دي ومين الواد اللي قاعد ده
احمد يقول في نفسة مش بقول قلة ذوق مبعرفوش رد الجميل
ملك تحكي لعبير على كل حاجة
عبير:مرسي اوي يا احمد لكن وااضح انك رخخم سوري
يوصل اهل عبير
ام عبير:عبير سلامتك الف سلامة قلتلك مليون مرة متنزليش الصبح والظهر لكن آدي جزاء اللي مبسمع كلامي مش عارفة اشكرك ازاي يا احمد
محمد اخو عبير :قومي يا بت يا هبلة ياللي بتستهبلي بس والله انا شمتان فيكي علشان بعد كده مفيش مقالب
عبير:ماشي ماشي يا محمد والله مانا سيبهالك
ملك:اهلا يا اونكل سامي بنتك عبير والله كويسة اهلا يا طنط اهلا يا محمد عبيط
محمد:انا عبيط يا ملك يا هبلة
احمد:طيب استأذن أنا بقى رايح الشغل

[دلع بنوتة مصرية]

ايه يا جماعة فين الردود

[دلع بنوتة مصرية]

اليوميات معجبتكمش ولا ايه

[الاء علاء]

يلا كملى يا قمر

حلوة

[Mysterious]

كملى حلوة اوى