خيرا تعمل شرا تلقي اوعي تعمل خير في بنت انتا ورايح تشتري بيض ..؟

[ماتركس]

السلام عليكم ورحمه الله وبركاته
مساء الخير
ومساء البيض
اولا وحشتوني جداااا
ثانيا عايزكم تدعولي انو اصحابي يرحمونا من اكل البيض في السحور لغايه لما كانو هيودنا في شربه ميه اليوم
تعالو نحكي قصه كل يووم يمكن تفهمو منها حاجه وتقدرو تناقشو معايه الموضوع ده
اليوم بعد ما خلصنا شغل صاحبي سيد قالي انزل جيب لينا من البقاله بيض علشان نتسحر
قوالتله والله العظيم يا سيد انتو شكلكم كده هتخلو الواحد يبقي فرخه في رمضان
كل يوم بيض في السحور طبعا اخد بعضي وقوالت لصاحبي خالد يلا يا خالد تعالي روح معايه
بعد محايله وبوس فوق الدماغ علشان ينزل معايه طبع المشوار بعيد قعد اتحايل علي
خالد علشان يجي معايه علشان نروح نشتري كرتونه بيض علشان نتسحر
راح خالد نزل معايه وروحنا جيبنا البيض واحنا ورجعين في نص الطريق قبلتنا بنت وواحد بيعاكس فيها
طبعا والبنت مش بايدها حاجه والواد طبعا مسيبهاش في حالها وقاعد يعاكس فيها
انا كنت شايل البيض روحت قوالت لخالد صاحبي يا خالد روح شوف الواد ده وهزقوو وخليه يبطل يعاكس في بنات
الناس حرام عليه خالد رد عليا قالي وانا مالي يا عم احمد متروح انتا قوالتله ياخالد خلي عندك
دم دي لو كانت اختك كنت هتسيبو يعاكس فيها كده
قالي لا يا احمد طبعا لو اختي مش هسيبو يعاكس فيها قوالتله طيب اعتبرها اختك يا اخي
قالي برضوه ماليش دخل بيها روحت انا بقي عملت فيها بقي انا الراجل بقي وقوالتله طيب خد كرتونه البيض
وانا هرحوالو انا قالي طيب هات يا حيله امك يارب تنضرب قوالتله اضرب مين ياد انتا متعرفش احمد الشريف
طبعا روحت للواد ده وقوالتله حرام عليك بنات الناس دي اللي بتعاكس فيها
كما تدين تدان طبعا الواد طلع لمض حبتين طبعا قعدنا نتخانق واتلمت علينا الناس والله ما بكدب زي ما بكلمكم
وطبعا الناس قالو في ايه قوالتلهم اخينا ده بيعاكس في البنت دي وحرام عليه اللي بيعملو ده
دي بنات ناس
طبعا في راجل كبير راح قال للبنت قالها قال الكلام اللي بيقوالو الواد ابو قميص ابيض
عليا انا ما انا اصلا القميص الابيض ده وش المشاكل كلها
طبعا كلو منتظر راي مين البنت عارفين البنت قالت ايه قالت الواد ابو قميص ابيض ده كذاب
وهوه اللي كان بيعاكسني والواد ده هوه اللي كان بيحوش عني
تصدقو بالله انا لما سمعت الكلام ده مكنتش قادر اشوف قدامي
يعني الظالم يطلع منها وانا اللي رايح اعمل كما امرنا دينا
انو الساكت عن الحق شيطان اخرس البس انا في الموضووع
والله مكنتش قادر اتكلم واخد كلام من الناس الكبيره يسم البدن اه والله العظيم
واللي يقوالي حرام عليكو واللي يهزق فيا
يعني بصراحه بقيت ملطشه
والله ما بكذب
روحت لصاحبي وانا حاطت وشي في الارض
قالي ارفع وشك يا عنتره وخد شيل كرتونه البيض
وقعد بقي يتريقو عليا لغايه لما والله خلوني هتجنن
ياتري يا جماعه في زمنا ده اللي يعمل خير شر يلقي بجد
ياتري يا جماعه الدنيا خلاص مبقيش فيها امان وكل واحد لازم يقوال وانا مالي ويمشي في حاله
وياتري ياما في الحبس مظلمين بجد
وايه رايكم في اللي يعمل خير في الزمن ده
ياتري خلاص الناس بقه كذابه للدرجه دي
انا عن نفسي تووبه لو طلعت باليل تاني
والله بكرا لاانزل الم البيض كله اللي في البقاله علشان منزلش تاني
اتناقشو في المووضوع براحتكم عندكم 300 صفحه اتكلمو براحتكم فيهم
منتظر رايكم الجميل في موضووعي المتواضع
سمحوني علي اسلوبي لاانه لا يليق بكم
اخووكم في الله
احمد الشريف




كل يوم بيض في السحور خلاص قربت ابقي فرخه

حرام والله العظيم نفسي اصحابي يطبخو زي وبلاش البيض

اللي هيموتني
نفسي اكل مكروونه
:cv51:


والله يا جماعه مش هلبس القميص الابيض تاني
علشان وشه وش مشاكل
نفسي في مره البسو متحصليش مشاكل

[sasow]

اهههههههههههههه
لاحول ولا قوة الا بالله عندك حق الى يعمل خير يقول لاء غلطان لحد مابقينا خلاص
عندنا الصح غلط والغلط صح مش معنى الى حصل ولقيت برده بنت ماشية فى الشارع وحد بيضايقها تسيبها وتقول لا انا عملت عنتر وطلعت كذاب ؟
اكيد دة هيبقى العيب اذا كان الناس بتغلط مش داعى اننا كمان نغلط عشان تفكيرهم الخاطئ وبعدين ماتزعلش داحنا فى رمضان حتى اخدت حسنات وماتجبش سحور تانى

[عاشقة الهدوء]

السلام عليكم ورحمة الله وبركاتو

اولا بحيك ياحمد على رجولتك وشجاعتك ودى شهامة ولاد البلد الجدعان الى بيخافوا على

عرضهم وشرفهم مش لاخواتهم او امهاتهم بس وكمان على شرف كل بنت مسلمه وده من

ادبك وتربيتك الدينيه السليمه الصحيحه وفعلا زى ما انته بتقول ان فى زمنا ده خيرا تعمل شر

تلقى بس انته خلاص دى مره بتعلمك انك تمشى جنب الحيط وكمان انته فى غربه فلازم

تحافظ على نفسك شوف صاحبك سيد قاللك ايه وانا مالى هههه اعمل زيوا طلع اشطر منك

وبعدين القميص الابيض ينفع فى اليوم الاسود وكمان ياحمد هى الدنيا ماشيه كده وطول

ماانته عايش فيها ياما هتشوف والدنيا هى الى هتعلمك وتسلم ياخ عنتره على موضوعك

ومتنساش المره الجايه لما تروح تجيب الفراخ متجبشى البيض تقبل مرورى

[~♥ Queen sozan♥~]

السلام عليكم ورحمة الله وبركاته

اولا كدة انت راجل يا ماتركس والله
يعنى الله ينور عليك صعيدى صعيدى
وهو دة الرجالة والله
ان للى البنت عملتو دة شغل بنات تافهة وربنا يحفظك منهم
لان البنات دى ملهاش حاكم اكيد يعنى دى زى للى بتقول انا عيزة اتعاكس
وربنا يحميك ويحفظك و ترجع للى بلدك با السلامة


انم موضوع البيض دة ربنا يكرمك كدة وتتجوز وتاكل مكرونة برحتك

ولى الحديث باقية

غدااا ان شاء الله

[countess]

فعلا الواحد بيبقى نيته سليمه على طول بيا خد على دماغه

مش عارفه ليه هو ندرة الخلاق ولا ايه ؟؟؟؟؟

على فكره البيض مالوه فيه بروتين ههههههه


تشكرات على نقاشك يا احمد الواقعي جدا جدا جدا

[monmona]

اولا كل سنة وانتوا طيبين و لامضان كريم

مش عارفة والله اقولك ايه بس جايز البنت اتلخبطتت ما بينكم ولا حاجة وعن موضوع خير تعمل شرا تلقى فمش دايما الحكاية بتبقى كدة انت عملت خير النهاردة بنية طيبة اكيد هيترضلك في يوم من الايام

[نعنوشة]

شكرا علي موقفك الجميل ده جزاك الله خيرا عليه و يا رب يكتر من امثالك وياريت ما تتاثرش من الموقف ده و يا رب يخليك كده علي طول و متزعلش من الموقف ده بصراحه موقف نبيل منك انا بشكرا عليه

[فراشه الحياه]

معلش يا احمد اهدأ كل حاجه في الزمن ده اتغيرت حتي انك تعمل خير اتغير . و بعدين انت مستغرب ليه الناس دلوقتي كلها كدابه حتي اقرب الناس ليك بقو كدابين ده انت ممكن تلاقي ابن عمك كداب ( مقصدش ابن عمك ده مثال ) اما حكايه البيض فهو احسن من مفيش انت بس تنقيلك واحده امارتيه كده و اتجوزها هتعملك كل يوم اكله شكل و يا اما تعالي مصر و اتجوز واحده من بلدك ولا انا غلطانه ؟؟
ربنا معاك يارب:Ts_011:

[m7bobh]

الشي الي سويته حلو وهذا دليل على طيبت قلبك ولاتقول الدنيا مافيه خير بلعكس الدنيا فيه الخير

مثال الي سويته مش خير طبعا خير وانت من النااس الي فيهم الخير
..

وعلى ان كل يوم سحوركم بيض انا بسوي لكم مكرونيه ههههه^_^

[فنانه باسلوبي]

السلام عليكم ورحمه الله وبركاته..
بجد شئ مؤسف وحاجه تصعب على اي انسان عنده غيره على محارم ربنا..
معلش هو كده الي خير بقى قليل لكن موجود..وانته كنت عملت الي عملته لله ولحد متعرفوش..

ربنا هو الي هيديك الاجر ويكتبه انشا الله ..لانك عملته بدافع سامي وبدون مقابل

والمفروض تفتخر بكده وكمان صحابك يرفعو روسهم بصاحب شهم ...

وكمان ماتلتفتش لحكايه النتيجه العكسيه لانها مش من مستواك خالص..ومكنتش منتظر ان حد يشكر فيك

والامر بالمعروف واجب..

ولنا في نبينا محمد صلى الله عليه وسلم اسوه حسنه بأبي هو وامي..فقد كان يدعو للخير ويخشى على قومه وينصحهم

ولايجد الا القذف والشتم والسب...

فلا تلتفت خلفك اذا كنت ترضي الله ثم نفسك..

فمن طلب رضى الله بسخط الناس..رضي الله عنه وارضى خلقه ..ومن طلب رضى الناس بسخط الله..سخط الله عليه واسخط عليه خلقه..

والبيض ياعم نعمه ربنا وفي كمان بدائل في السوبر ماركت لو كنتو مثلا مش بتعرفو تطبخو...

بتكون اكلات جاهزه بس محتاجه تحضير واضافات بسسيطه ممكن تفيدكو معن مافيش اطيب من اكل ست البيت

ماما او زوجه او اخت....ههههههههه

والقميص مالوش ذنب خالص والتشائوم لايجوز..

وربنا مايوقعك مره تالته مع الاشكال دي الي معندهاش دم خالص ومش بتخاف من ربنا ولا من عباده

بايعه نفسها كده..سوري يعني لو شوفتها كنت خنقتها و خلصت عليها...لانه في وقت فضيل ماينفعش انها

تكون وقحه بالشكل ده

تقبل مروري..

دمت بود