لحظآت الفشل [ ارجوو الدخول ]

[ε s я α α]

بسم الله الرحمن الرحيم
السلام عليكم و رحمة الله و بركاتهـــــــ
تحية طيبه
انا كنت بفكر اكتب الموضوع ده اصلا من بداية الشهر بس مجاليش الشجاعة
لحظآت الفشل فى حياة كل منا
متكررة بشكل غريب ...
فعلا بشكل غريب ..!
انا هقولكم بعض لحظات الفشل فى حياتى
مثلا :
-
لما أعمل توبيك و ميكونش فيه غير ردين بس
و حوليه يكون فى توبيكات مليانة ردود بالهبل
يبقى ده اسمه ايه؟؟
-
يبقى ده اسمه انى فاشلة
و توبيكاتى مش مميزة
-
لكن فى بعض الناس بتنظر الى الامر للناحية اللى عما بيقنعوا نفسهم
انهم مش فاشلين
-
مثلا فى اللحظة اللى فاتت دى
بيقولوا ان توبيكهم مميز لدرجة ان الناس بتعدى عليه و مبتبقاش عارفة تقول ايه
-
لكن لو الناس دى اعترفت بحقيقة نفسها
بجد هتعرف تتعامل مع الناس
و انا اول الناس اللى تعترف
-
انا انسانة فاشلة
فعلا لو الفاشلين اعترفوا انهم فاشلين
هيرتاحوا
و احدى مظاهر الفشل قريبة منى
لما اعمل الموضوع ده و الاقى رد او ردين
هندم انى كتبته
عشان كده حطيت كلمة ارجو الدخول
و بليز ردوا
عشان ممكن احس انى فاشلة
اكتر مانا حاسة
يلا سلام
و ان شاء الله تلاقوا موضوع جديد منى
و بليــــــــــز ردوآ

[رحيق الجنه]

تحياتى ليكى
كلمة الفشل كلمة كبيرة جدا نطلقها جميعنا على اى شئ
هى اكبر بكثير عن عدم وجود ردود كثيرة
عزيزتى وجد لديك ردين و50 مشاهدة اذا فانتاج 52 شخص قرأ الموضوع
رد منهم 2 واستفاد منهم 10
اذا فقد وصلنا للمطلوب
ليس الهدف من الموضوع الرد لكن الهدف منه الاستفادة
مثلا انا كتبت موضوع زمان لقيت فيه 3 ردود و 300 مشاهده
اذا انا فاشلة؟؟؟
لا يمكن اطلاق الفشل على اى شئ انتى مميزة لانك كتبتى واجتهدتى ووضعتى بصمه فى هذه الصفحات
تحياتى لك
دمتى بكل خير

[sa7rat el klop]

فعلا مش معني ان موضوعك يكون فيه ردود كتيرة ان هو حلو بالعكس ممكن يكون موضوع جميل ومفيد جدا بس مثلا مفيهوش مجال للنقاش انا شخصيا بقرا مواضيع كتير هنا في المنتدي و بتفيدني جدا بس ساعات مش برد لو حاسة ان ردي مش هيضيف للموضوع وعموما في اي حاجة تانية متحاوليش تحسسي نفسك بالفشل والاحباط لانك كدة عمرك ما هتتقدمي بالعكس خلي عندك دايما امل وثقة في نفسك عشان تقدري بجد تكوني احسن
ارجو ان تتقبلي مروري

[sฝeet αηgeℓ]

لا لا بجد زعلتينى منك يا اسراء
لو هو دا الفشل يبئا انا كمان فشله معاكى
سدقينى الحكايه مش كدا هيا في عوامل اساسا بتجذب الاعضاء للمواضيع
وممكن فعلا نكون بنبذل مجهود كبير في مواضعنا بس منلاقيش ردود كتيره دا مش معناه
انو احنا الفاشلين لا لا انتى عرفه لو لقيتى رد واحد او 2 بس ممكن فعلا تكون ردود
بكل صراحه وتحسى انو في حد ابدى اعجاب بمواضوعك فدا كفايه واللهى يا اسراء
لانو في ناس قدرت مجهودك وابداعك ومش تبصى للعدد خالص وفعلا احيانا
الناس بتدخل المواضيع بس متردش بس بتستفيد وممكن كمان يعجبها الموضوع ..
بس اوعى تحكمى على نفسك بالشفل بسبب الموضوع داا وبعدين فين ثقتك بنفسك
يا سيرا ..عشان انا عرفاكى كويس وعرفه اد ايه انتى مليانه ابدعات بجد وانسانه جميله وذكيه
فمش عيزاكى ابداا تييئسى وتشوفى نفسك فاشله لانك مش كدا بالمرة بجد كل كلامى دا مش مجاملات
حقيقة واللهى

[Mo7aMaD 3aLa2]

موضوع مهم يا اسراء

وعلفكرة انا رديت عشان هو مهم مش علشان كلمة ارجو الدخول

تحديدا فـ النقطة دى ...انا بقولكـ بكل ثقة ان عدد الردود لا يعتمد تماما على جدية الموضوع او اهميتة

يعنى لو كان عدد الردود قليل مش معناة ان الموضوع فاشل ... ممكن تكونى كتبتية بطريقة مش جذابة

ممكن تكونى طرحتى فكرة اقل بكتير من فكر القارئ فـ ميردش...او اعلى بكتير من فكرة ...فـ ميعرفش يرد

يعنى يحتوى على اخطاء...لكن مش فاشل

ومع افتراض ان الموضوع فاشل ...فالفشل دة اول خطوة نحو النجاح

ولو شفتى حد موضوعة فى مشاركات كتير دلوقتى ...اكيد قبل كدة كان اقل بكتير ومع الوقت بدأ يزيد تدريجيا

..

[҉ آنينُ صمتـﮯ ҉]

لا لا ي قمر مش معاكي في كدا

لو كان النجاح واقف علي الردود هبقي انا فاشلة معاكي

طيب انا فيه مواضيع كتير بتبقي مشاهدات بس ومن غير ردود بتبقي زيرو

هي فعلا حاجة تدايق بس مش توصل لدرجة الفشل

:vb39:

**

يعني مثلا لو عد الردود قليل مش بيبقي الموضوع مش كويس

هو حسب القاري

او ممكن تقولي كسل

:teehee:

يعني انتي مثلا لو دخلتي موضوع ومردتيش عليه

سببه ايه انك مردتيش .....




**

مش معاكي بس الردود في مواضعيهم قليله

كله بيمر بدا

بس الفشل كلمة صعبة اوي

**

وزي مقالت رحيق

ليس الهدف من الموضوع الرد لكن الهدف منه الاستفادة

**

وانا مع محمد

وعلفكرة انا رديت عشان هو مهم مش علشان كلمة ارجو الدخول

**

وزي مقالت سويتي

لو هو دا الفشل يبئا انا كمان فشله معاكى

**

بس كدا ي قمر انتي ملكيش حق تقولي كدا

دمتي بود

[FarEdah]

عارفة ياقلبي
دي حالة احباط بتصيبنا كلنا في لحظات معينة وخاصة لما تكوني انتي كاتبة الموضوع وتعبانة فيه او جيباه بعد مقريتيه وعجبك او ايا كان تعبك في الشيء
بتتمني كلمة شكر مش عشان تعبتي لا عشان افدتينا

يمكن مع كثرة التوبيكات بيخلي في قصور عندنا اننا نهتم بالكل بس بجد انا من الناس المقصرة جدا في الرد لاني باخد وقتي اوي في القراية وفي اختيار التوبيكات الي يترد عليها بس بجد بتعب اوي عشان النت عندي مزهقني دي حاجة والصفحات تقيلة اوي حتى لما تيجي تنشني ع توبيك وعايزة تقولي رايك تلاقي العطل الفني عندك احبطك

انا بعتزر من كل الي عديت ع متوبيكاتهم ومحطتش رد بس تقصير مني والجميع يستحق الشكر لانهم افادونا بمعلومة او راي

/

تحياتي ليكي وللجميع

[ماتركس]

السلام عليكم ورحمه الله وبركاته
اختي الغاليه
عمرو ما المنتديات هيه اللي هتحدد لينا انو احنا ناجحين والا فاشلين
الفشل والنجاح في حياتنا الشخصيه وفي دراستنا وفي عملنا
هوه ده اللي يحدد ليكي انك ناجحه ام فاشله
علشان المنتدي مش تقييم لينا علشان يحدد لينا انو احنا فاشله او ناجحين
المنتدي عباره عن قاعه مليانه اشخاص
في اللي في القاعه دي كل بعض الاشخاص بيبقو حزب معا بعض
طبعا دووال محدش بيرد غير علي بعض والناس اللي بيعرفهم بس
وفي حاجه تاني عمرو ما هيبقي العضو الجديد زي القديم
كلنا عدينا بالمرحله دي وادي بقينا احسن من اي حد
كلنا جينا هنا مكناش معروفين في المنتدي
وكنا مثلك بس الواحد مننا مستسلمش وقدرنا نتاقلم وقدرنا نثبت نفسنا في
هذا المكان القيم
يعني عايز اقوالك حاجه هيه مسئله وقت
وكل عضو بيقوال كده لكن لما تتاقلمي علينا اكيد هتلاقي اكتر من رد
والسلام عليكم ورحمه الله وبركاته
بالتوفيق

[بنت العبد]

السلام عليكم ورحمة الله وبركاته
دكتوره اسراء انا اختلف معاكى جدااا فرايك بان الشخص صاحب موضوع بلا ردود
انه فاشل لا طبعاااا الفشل كلمة اكبر وافظع من انك تضعيها لموضوع بسيط زى دا
الفكره فموضوع الردود ان الموضوع قد يكون غايه فالاهميه والقيمه ولكن ينفصه
التشويق للقارئ وفى الحاله دى الرد او الاثنين اللى انتى وجدتيهم يجب ان يكفوكى
وايضا الموضوع قد يكون ذات قيمه ولكن ليس تبعا لميول البعض فلا يدخله او يرد عليه
اذن من يهمه الموضوع سوف يرد ويجب ايضا ان يكفيكى لان فكرتك وصلت
الى من يهمه الموضوع ويؤثر فيه وهو هدفك ..
فعلى سبيل المثال اجد الكثير من الموضوعات بنظري ليست لها قيمه او لا تحتوى
على فكره مفيده واجد لها اكثر من مائة رد هل معنى ذلك ان الموضوع مهم ؟لاااااا طبعا..
ناس كتير لا تتحدث الا فالتفاهه ولا يجذبها الا التفاهه والامور السطحيه
غالبا الموضوع التافهه ولكن جذاب يجذب فئه كثير من الاعضاء
والموضوع القيم يكون ممل بالنسبه لهم او حتى اعلى من مستوى الفكر للكثيرين..
حبيبتى قيمة الموضوع ليس بعدد الردود واوقات كثيره اجد مواضيع غايه فالقيمه
وعدد الردود ضئيل جداا فاتعجب ..
لا تشعري بالفشل لمثل هذا الموضوع ولكن اكتبى ما يحلو لكى اكتبى ما يثير قلمك ويشغل فكرك
ولا تجعلى عدد الردود هو المقياس ولكن قيمة الردود وافكارها هى المقياس ..
اشكرك دمتى متالقه