بتعملوا ايه في العيد .......؟

[۩۩ elMagic ۩۩]

]



صباح الفل ع اجدع اصحاب ف الدنيا
العيد جيه وقولت اجى النهارده
واقولكم كل سنه وانتوا طيبين
وهتعملوا اييييييييييييييييه ف العيد
يلا كل واحد يدخل ويحكيلنا يومه ازاى وبيبقى عامل ايه ف العيد
مستني اشوووف كل واحد بيعيد ازاااى؟؟؟


احـــــــــــــــــــــــــمد البرنس

[tota.egy2050]

ازيك يا الاول يا احمد
كل سنة وانت طيب
فكرتك دى حلوة وعجبانى جدا ع فكرة
عشان كده حبيت اعلقلك ع الموضوع
طبعا اول حاجة الواحد بيعملها انه يروح يصلى العيد
ويسلم ع اللى يعرفه وهو رايح وهو جاى
ويرجع يفطر مع اهله وبعدين ينامله شوية لانه طبعا بيفضل صاحى طول الليل
وبعدين بخرج يعيد على اهله عشان يلم العيدية ويخرج مع اصحابه
بس مش بنعمل زاى معظم الناس الى بتروح تزور المقابر فى العيد
وابقى احكيلنا على مغامراتك فى العيد
تقبل مرورى

[be with me]

كل سنة وانت طيب اخى وبعمل اية بالعيد بلم العديةة ههههههه اتقبل مرورى اخى

[Reem on line]

كل سنة وانت طيب يا احمد . بروح اصلي العيد وبرجع افطر وبعدين انام وبعدين اقوم زي اي وقت اكتب في اجندتي او اقرا اي كتاب او اقعد ع النت . عندينا هنا مفيش عيد زي مصر وكل قرايبي واهلى عندكم بمصر . فين العيد؟

[جوليت صاحبة الجمال الساحر]

اولا ميرسى على الفكرة الجنان وانا بقى يومى كان مشحون جامد اول جاجة صليت العيد وسلمت على كل اللى اعرفهم وبعدين رجعت اعد على الميل وفطرت ونمت ولما قمت رحت مدينة ترفيهة وبعدين على المطعم ورحت الخليج شوية بسسسسسسسس

[miss emo girl]

اولا سنكس ع الفكرة
ثانيا فى العيد بفضل ع النت
واخر يوم بروح حفلة

[۩۩ elMagic ۩۩]

ههههههههههههههههه
شكرا لمروركم يا احلى اعضاء
كل عضو فيكوا له بروجرام مختلف عن التانى يارب يكون عيد سعيد عليكم جميعا
انا البروجرام اللى عجبنى هو بتاع نونا بحر ولاكن هههههههههههههههههه
كل سنه وانتوا طيبين

[۩۩ elMagic ۩۩]

انا بقى
طبعا اولا بروح اصلى العيد وبعد كده افطر وبعد كده اورح لقرايبى علشان الم العديه هههههههههه
وبعد كده باخرج مع اصحابى بنروح نصيع مع بعض ههههههه
وعلى العصريه كده بأخد اختى الصغيره بروح افسحها شويه لحد المغربيه وبليل بقا يعنى ممكن اقعد على النت او اخرج بره اكمل السهره مع اصحابى يعنى على حسب الحاله بس كده

[دقات قلب]

ازيك يا احمد

كل سنه وانت طيب

احنا بنروح طبعا نصلى العيد وبعد كدا بنعيد ع اللى نعرفه والى منعرفوش كمان هههههههههه

وبعدين طبعا بناااااااااااااااااااااااام لأننا منمناش خالص من قبلها بيومين وبعد كدا بصحى

من النوم وبعيد ع كل أصحابى وبعدين أفضل قاعده فى وش النت وبس

والنهرده صحيت فطرت طبعا لوحدى ههههههههه شوفت أخواتى سايبنى ازاى افطر لوحدى هههههههههه

وقاعده فى وش النت وبعدين هتغدى ع الساعه 4 ولا 5

وبليل هخرج مع أختى وولاد أختى ودا هيبقى يومى التانى

ههههههههههههههه

وع فكره فكرت التوبيك جميله اوى وعجبتنى

تسلم ايديك

[۩۩ elMagic ۩۩]

اقتباسالمشاركة الأصلية كتبت بواسطة دقات قلبازيك يا احمد

كل سنه وانت طيب

احنا بنروح طبعا نصلى العيد وبعد كدا بنعيد ع اللى نعرفه والى منعرفوش كمان هههههههههه

وبعدين طبعا بناااااااااااااااااااااااام لأننا منمناش خالص من قبلها بيومين وبعد كدا بصحى

من النوم وبعيد ع كل أصحابى وبعدين أفضل قاعده فى وش النت وبس

والنهرده صحيت فطرت طبعا لوحدى ههههههههه شوفت أخواتى سايبنى ازاى افطر لوحدى هههههههههه

وقاعده فى وش النت وبعدين هتغدى ع الساعه 4 ولا 5

وبليل هخرج مع أختى وولاد أختى ودا هيبقى يومى التانى

ههههههههههههههه

وع فكره فكرت التوبيك جميله اوى وعجبتنى

تسلم ايديك

شكرا لمرورك الطيب
منوره الموضوع والله
ويارب يكون عيد سعيد عليكى ان شاء الله
تعرفى انا النهارده فطرت لوحدى زيك والله