وفرى لنفسك كلامك

[tefa]

يمكن دى اول مشاركة ليا هنا
وانا حاسس انى هستريح اوى هنا

دى أغنية من كلماتى
انا بألف شعر غنائى
يمكن انا ملقتش شعر غنائى هنا كتير
معظم اللى بيكتب هنا خواطر

يارب تعجبكم


وفرى لنفسك كلامك ... مش هحبك ايه اللى جابك ؟
كنتى خليكى فى مكانك ... او تشوفى حد غيرى تنسى بيه
يعنى ايه سيبتيه عشانى ... فاكرة من غيرك هعانى ؟
حد غيرى لو مكانى ... كان يقولك قد ايه مخدوعة فيه

لما حس بوقته ضايع قال لنفسه خلاص كفاية
هو عايش كل همه ازاى يعيش مليون حكاية
يعنى زيك زى غيرك حب عاشه وقال يفارق
وانتى راجعة بكل طيبة للى حبك م البداية

كنت بحلم ابقى ليكى .. عشت عمرى العين عليكى
قولت أكمل عمرى بيكى .. وانتى خدتى كلامى عادى وروحتى ليه
لما سابك راجعة ليا .. قولتى تنسى غرامه بيا
ليه بتجرى وانتى جاية .. انهاردة ولا بكرة جرحى منك مش ناسيه

لما حس بوقته ضايع قال لنفسه خلاص كفاية
هو عايش كل همه ازاى يعيش مليون حكاية
يعنى زيك زى غيرك حب عاشه وقال يفارق
وانتى راجعة بكل طيبة للى حبك م البداية



مستنى آرائكوا



كلمات ........... مصطفى النقيب

[أنــســان]

أيها المبدع حارت الكلمات خجلي في التعبير
وتلاشت عبارات الشكر والتقدير
ولم تسعفني بلاغة الأسلوب في الرد والتصوير
جف القلم وصمت الكلام وحار الفكر والوجدان

دام لنا دوام شاعريتك العاصفة
بكل ما تحمله نفسك من رقي..

[tefa]

اقتباس المشاركة الأصلية كتبت بواسطة أنــســان أيها المبدع حارت الكلمات خجلي في التعبير وتلاشت عبارات الشكر والتقدير ولم تسعفني بلاغة الأسلوب في الرد والتصوير جف القلم وصمت الكلام وحار الفكر والوجدان دام لنا دوام شاعريتك العاصفة بكل ما تحمله نفسك من رقي..

بجد انا اللى مش عارف ارد عليك أقولك ايه
انت احرجتنى بجد

وياريت يبقى فى اهتمام بالقسم دا اكتر من كدا
نورتنى بجد

[special girl]

السلام عليكم

كلمات رائعه منك

بجد جميله جدا كلماتك

مبدع دايما

تحياتي لك...

[tefa]

اقتباسالمشاركة الأصلية كتبت بواسطة speciel girlالسلام عليكم

كلمات رائعه منك

بجد جميله جدا كلماتك

مبدع دايما


تحياتي لك...


منورانى يا سبيشيال

كلك زوق والله

تسلمى على مرورك ياقمر

[The heart]

كلمات جميله في غاية الروعه والابداع
تدل على موهبه عظيمه فيك
ننتظر منك المزيد ومن إبداعك

[A . y . a]

بجد حلوة اووي

استمر .. ربنا يوفقك يارب

ميرسي ع التوبيك ^^

[فيروزه]

	جميــــــــــــــل جداااااا روعه بجد وتسلمــ ايديــــــــــــك واستمر وربنا يوفـــــــــــــقك علي طوووووول تقبل مروري

[simsim96]

اسمح لي ابدي اعجابي بقلمك وتميزك واسلوبك الراقي وتالقك .... تقبل مروري

تحياتي لك ودمت بود

[tefa]

اقتباس المشاركة الأصلية كتبت بواسطة the heart كلمات جميله في غاية الروعه والابداع تدل على موهبه عظيمه فيك ننتظر منك المزيد ومن إبداعك

شكرا اوى على مرورك ياقمر
نورتينى بجد