لو الشبكة والمهر على البنت

[be with me]

سؤال محيرنى
حبيت ااناقشة معاكو يا احلى اعضاء
المهم اية راءيكم لو كانت الشبكة والمهر على البنت
يعنى اتنين بيحبوا بعض كدا وعساسيل ههههه
وهو راح اتادملها واتفقوا ان الشبكة والمهر على البنت
سؤالى بقىالشاب حيطلب كام من اهل العروسة
حق شبكتة ومهرة
وطبعا مش شبكتة دهب وكدا
نفرض انة مبلغ من المال
مش عارفة فكرة هفت عليا وانا نايمة
قمت عرتها عليكوا
معروف ان اهل العروسة بيكسروا سط العاريس بمطالبوا
لو بقىاتعكس الحال حتنتقموا مناا ولا اية
انا لو ولد انتقم
انا بهدى مش بشعلل
ربنا يعلم ههههه
يلا اسيبكوا بقى ترودوا عليا
واتمنى الموضوع يعجبكو
تحياتى لكم

[فيروزه]

	بقا كدا يانونا انتي عايزه تقوي الرجاااله علينــــــــــــا بقا دا اسمه كـــــــــــلام هههههههههههههههه طب شوفي هيقولوو ايـــــــــه دا ما هيصدقوو بالتوفـــــــــــــيق ياقمر تقبلي مروري

[~♥ Queen sozan♥~]

السلام عليكم ورحمة الله وبركاته

والله لو الشبكة علية
مفيش مشكلة انا عندى دهبى الحمدلله من وانا صغيرة بابا بيجبلى
فا مش هجيب وهوفر ههههه

بس انتى كدة بتفتحى عين الرجال يعنى كمان مش هيجيب الشبكة

طيب يجيب الدبلة لى هتكون عليها اسمو
يعنى مش معقول هنجبهالو هى كمان

شكرا على موضوعك
ومظنش اى راجل يقبل ان خطيبتو تجيب الشبكة

[be with me]

ههههههه نورتى فيروزة
وجودك اسعدنى
نقوى مين بس
هما كدا مفترين
ويقولوا علينا احنا اللى مفترين وهما غلابة
اما اشوف رد الغلابة
ههههههه وكمان دا للكل بنات وشباب يعنى
نورتينى تانى حببتى

[be with me]

همس حببتى انتى كدا يعنى ريحتيهم خالص
يعنى لو حد سمعك
كدا حيجيلك
اكتبى الشقة على العروسة
هههه
نقلبها مسلسل عايزة اتجوز
هههههههه
يلا مية مية
كدا حنقضى على العنوسة
خالص
وحيعينونى وزيرة لحل الازمة
ههههههههه
نورتى ياقمراية ولوجالك
حد
بليز
احجزياة اخوة
احنا اخوات يعنى
ههههههه
نورتينى ياقمر

[ملكة بمملكة الحب]

والله موضوع جميل ياقلبي تشكري عليه
بس والله يانونا دلوقتي لو اب جاه لبنته عريس ماهيصدق يبقى نفسه انه يجوزها لو ببلاش علشان يستر عليها وبعدين الناس الاغنياء هم اللي بيطلبوا لكن الغلبانين عارفين ظروف بعض وبيقدروها
انا لو ولد هطلب المهر 75000 اقل مافيها

[be with me]

ههههه ملكة معرفش انا لسة متخطبطش ولا اتجوزت يعنى انا شايفة انا المهر كدا عالى قوى ولا دا العادى اللة اعلم المهم مش الاغنياء بس لاء برضة والفقرا يلا ربنا يسطر على جميع بنات المسلين
والنبى لو عندك عريس جوزينى اخوة
ههههههههههه
يلا
انا اللى حعمل الجزء التانى من عايزة اتجوز
ههههههههه بهزر ياجماعة
نورتينى يا حببت قلبى وجودك اسعدنى

[محمد الشريف]

لاأتصور مطلقا أن يقبل عريس ذلك الوضع المعكوس

فالشبكة وحفل الزواج ومكانه وما شابة ذلك من مظاهر

ليست هى المحك أو الركيزة الرئيسية فى الزواج ، لكن

جوهر الزواج الاختيار الأمثل قدر الإمكان للزوجة أو الزوج

بحيث تتوافر المودة والرحمة بينهما كما أمرنا الله تعالى

وأنا لست من أنصار المبالغات فى مسألة المهور أو المظاهر

فى الزواج فالسعادة وراحة البال وإضفاء الطمأنية والأمان

لكلا الطرفين هى صفات إنسانية لاتشترى ولا تقدر بمال فالمال

وسيلة وليس غاية مهمها تعاظم قيمة هذا المال .

ودعائى خالصا لله أن يسعد كل عروسين فى سبيلهما لبناء عش

الزوجية القائم على تقوى الله والتراحم بينهما .

مع تقديرى

[ملكة بمملكة الحب]

[quote=نونا بحر ولاكن;1810061]ههههه ملكة معرفش انا لسة متخطبطش ولا اتجوزت يعنى انا شايفة انا المهر كدا عالى قوى ولا دا العادى اللة اعلم المهم مش الاغنياء بس لاء برضة والفقرا يلا ربنا يسطر على جميع بنات المسلين
والنبى لو عندك عريس جوزينى اخوة
ههههههههههه
يلا
انا اللى حعمل الجزء التانى من عايزة اتجوز
ههههههههه بهزر ياجماعة
نورتينى يا حببت قلبى وجودك اسعدنى[/quote]
لا والله ده العادي يعني ده انا كده براعي ظروف البنت
لا والله الفقراء بيقدروا اهم حاجة يستروا على بناتهم
والله انا بدور انا مش عارفة هيه الرجالة اتعمت ولا ايه
معلش اصل سوق الجواز شاحح اليومين دول
مافيش قدامنا غير انه احنا نعمل اعلان لاصحاب القلوب الرحيمة مطلوب عريس ......ونكتب المواصفات هو ده الحل الوحيد
ايوة الله يخليك اعمليه
وانت بقى طلعتلك اخت من ابوكي اللي هو انا ونبحث احنا الانتنين مع بعض تاخدي واحد وانا اخد اخوه
هههههههههههههههههههههه بهزر والله محدش ياخدوا على محمل الجد اللي ربنا كاتبه هيحصل
انا اللي مبسوطة والله انو انا في صفحتك والله ربنا يعلم
ربنا يرزق كل بنات مصر والله

[be with me]

استاذ محمد انا فاهمة قصدك وعارفة كل اللى قلتة وعارفة انة استحالة يتبدل
بسمافيها حاجة يعنى
لو سبحنا بخيالنا
شوية
وكل قصدى ان اى اسرة دلوقتى بيجلها عريس بتنتقم منة
متفلسة كمان
هههه
بمعنى تمصمصة من اللى واة واللى قدامة وخصوصا بالمهر والشبكة
كل قصدى بقى لو الوضع اتعكس انوا حتعملو فينا كدا برضة
ولا لاء
بمعنى حتنتقموا
وشكرا ليك