انتخابات منتدى بنات مصر

[خارج عن القانون]

بما اننا فى منتدى ديمقراطى

ودوله ديمقرايطه (يقال عنها ذلك ^_^)

والاداره بتدور ع مشرفين جدد

فانا فكرت فى حاجه ممكن تحقق تقدم لجميع الاقسام

وهو ان الاداره تفتح مشروع الانتخاب ع الاشراف فى كل قسم ع حده

ويتقدم الاعضاء اللى عايزين يبقوا مشرفين

والاداره تقوم بالتصفيه بين الاعضاء جميعا

وتترك لكل قسم 3 او 5 اعضاء ويتوقف هذا العدد ع عدد الاعضاء

المرشحين للقسم وايضا ع حجم القسم وعدد مواضيعه

وبعد التصفيه تقوم الاداره بعمل موضوع استفتاء فى كل قسم لوحده

وهذا الموضوع يكون كصندوق الاقتراع

يختار فيه الاعضاء مشرفهم الذين يرو فيه مستقبل متقدم للقسم


شروط التقدم للاشراف

1- ان يكون للعضو ما لا يقل عن 500 مشاركه

2- ان يكون له ما لا يقل عن 10 مواضيع متميزه فى القسم المراد الاشراف عليه


شروط الاقتراع

1- ان يكون العضو عنده ما لا يقل عن 250 مشاركه


ملحوظات

1- ع الاداره مراقبه اى بى الاعضاء حتى لا يكون هناك وسيله للتزوير

2- ع الاداره تقليل او تزويد عدد المشاركات او الموضوعات السابق ذكرها اذا رات فى ذلك الاستفاده للجميع

3- مده فتره الانتخابات تكون اسبوع وتكون فى مجموعه منتديات يعنى اسبوع كامل ل بنات مصر نقاشات حوارات مواضيع عامه تبادل اراء بكل منتدياته واقسامه مره واحده

واسبوع اخر ل منتديات الاعضاء - ترحيب - تعارف - يوميات بكل منتدياته واقسامه مره واحده

4- بعد انتخابات المشرفين ندخل ع انتخابات المراقبين

5- لو اثبتت التجربه نجحها يمكن فيما بعد الانتخابات ع الاداره ذات نفسها


* رجاء ادعولى انى ما اتحظرش

[ε s я α α]

فكرة حلوة اوى يا استاذ محمد
و متخافش مش هتتحظر
دنا عملت قبل كده حجات فى الادارة كان من حقها ان هى تحظرنى
بس انا الحمد لله متحظرتش
بالتوفيق

[sadmoon]

عاشت الديموقراطيه

[ماتركس]

السلام عليكم ورحمه الله وبركاته

محمد عكاشه ممكن يكون ردي ضدك

لااسباب مينفعش تكلف عضو بمهمه علشان الاصوات

العضو ده متعرفهوش مين وايه قدرات ومستمر معنا والا لا

الاداره هيه الل بتختار علشان هيه الي بتقدر تحدد قدرات العضو ده ايه وكويس والا مش

كويس ومستمر ولا بيغيب كتير

والاهم من ده كله علشان الاداره عندها صلاحيات كتير اوي بتقدر تطلع علي العضو من

كل جوانبه اجيبلك مثل يا ستاذنا لو عضو مسجل وعنده 300 مشاركه

ونازل بعت رسايل للبنات وتعارف بالله عليك ده ينفع مشرف

طبعا النقطه دي مش بيشفها الاعضاء علشان معندهمش صالحيات بتطلع عليها الاداره

الاعضاء مش بيشفو غير مواضيع وردود ب لكن مش دووال اللي هيتحدد بيهم الاشراف فقط

الاشراف لازم اخلاق واحترام مش علشان عضو نزل موضوعين جامدين وردين كويسين يبق

نعمل منه بطل لا

الاشراف ليه حقوق كتير اوي منعرفهاش احنا كاعضاء يعرفوها الاداره فقط

مثل تاني لو عندك ف رئاسه الجمهوريه مش بيبق ليها شروط والا لا

شهادات واخلاق واحترام والا هنجيب اي حد من الشارع ونقوالو اترشح لاانتخابات

رئاسه الجمهوريه لا هنا برضوه فيه نقاط كتير اوي

منعرفهاش احسن حل الاداره لما يكون بدها مشرفين هيه اللي تختارهم

بالتوفيق في فكرتك يا محمد

ده راي الشخصي

وارجو متزعلش اختلاف الراي لايفسد في الود قضيه

[♥..pure]

السلام عليكم

هى فكرة حلوة يا محمد

ورأى ماتركس كمان صح

بس ممكن عشان نتفادى اى ثغرة ممكن يتقال عليها

ان الاعضاء اللى هيتم انتخابهم يكونوا مرشحين من الادارة نفسها

بمعنى ان القسم الفلانى الادارة شايفه ان فيه خمسه ينفع يبقوا مشرفين عليه

يبقى تمام يتم انتخابات الخمسه اللى الادارة قالت عليهم

وهكذاا ،،، ويبقى كدة الادارة اختارت ناس واثقه فيهم فعلا

وكمان حققنا النظريه << دة لو اتوافق عليها يعنى >>

بس حلوة حكايه انتخابات الادارة دى

هههههههههههههه

بالتوفيق ،،،

[SiLver Spectra]

طيب هي الفكرة حلوة انك تجربها
لكن تم تجريبها سابقا

خلينا نحكي من البداية
زمان كان في موضوع لطلب الاشراف
كان المنتدى لسه فاضي زي اي منتدى جديد بيدور على أي عضو يحطه مشرف
يخش العضو و يقول لو سمحتوا عايز ابقى مشرف
النتيجة بعد كدا لما بقى عندك أعضاء كتير كويسين و ناس طلبت اشراف و حطيتها و بعدين اكتشفت انهم مش كفاءة
اضطرينا نلغي الفكرة و نقفل الموضوع
الموضوع دا كان بيخلي ناس تزعل لما العضو يطلب اشراف و ما تاخدوش و تاخد واحد تاني طلب اشراف!!
غير انه بيجبلك اي حد و انت أكيد عارف الناس الي بتكون دون الكفاءة

طيب انت بتقول الاداره تختار الكويسين
يبقى الموضوع خلص
طالما الاداره هتنقي من ضمن الناس الي مرشحه نفسها
يبقى تاخدهم كلهم في الاشراف ليه ننقي من ناس كويسه!!
(كلمة ادارة كناية عن الادارة و المراقبين و اصحاب الشأن)

فكرة التصويت اقترحوها قبل كدا بس مراقب الي اقترحها
الي كانوا هيصوتوا هما المشرفين
بس طبعا الموضوع ما مشاش
لأن اولا لو هتعمل تصويت بين ناس كويسه هتلاقي كل طرف بيقول لاصحابه تعالوا صوتولي
و دا بيحصل في اغلب المسابقات
بتقلب صحوبيات أكثر منها كفاءات
و حتى لو هتراقب الاستفتاء ..هتلاقي مافيش تشابهات في الآي بيهات بس كلهم اصحاب بيصوتوا لصالح بعض!!
في ناس انت بتشوفهم كويسين و مالوش اصحاب كتير في المنتدى بس واحد دماغه حلوة و بيكتب حلو
ازاي أحطه في استفتاء مع واحد عادي بس منتشر في المنتدى!!
يبقى الفكرة بتعارض مبدأ الكفاءة

هديك مثال اقرب
ما ينفعش نشبه المنتدى بنظام دولة
حتى نظام الدولة نفسه كبار الدولة بيختاروا افراد بيتعدوا على الصوابع عشان ياخدوا منصب واحد فقط

لكن المنتدى ممكن تشبهه بوضع شركة
هل الموظفين في الشركة بيتم تعيينهم حسب استفتاء!!
أكيد مش منطقي اني أعمل استفتاء
بيتم في الغالب اختيارهم عن طريق لجنة
اللجنه بتحدد يا تقبل يا ما تقبلش
فرضا اللجنة قبلت 6 و شافت انهم كفاءة
يبقى هل من المنطقي تعمل استقتاء عليهم من قبل كل موظفي الشركة!!
طب ما هما ال6 كويسين ما تاخدهم كلهم!!
ممكن اللجنه تختار منهم على حسب الميزانية بتاعتها
لكن الاشراف عندنا مش بقلوس و لا له اي ميزانيات
و الاقسام كتير
طب ما تاخد ال6 طالما انت شايف انهم ناس كفاءة
ليه بقى تعمل استفتاء و وجع دماغ

و زي ما ذكر ماتركس في أمور غير مرئية للاعضاء
في واحد فعلا تقول عنه كويس و محترم
تكتشف بعد كدا ان كل عضو بيختلف معاه في النقاش بيبعتله رساله يشتمه فيها!!
و تتكرر كذا مره

يبقى الاشراف مش مجرد لون أزرق و خلاص
انت أحيانا بتحط واحد في منصب الاشراف بدون ما تطلع عليه كويس
و تجيلك منه مشاكل و شكاوي و مضايقات

فكرة اللجنة موجوده
أي حد بيتم تعيينه أو تمييزه قبلها بكون مكلم ناس معينه باخد رايهم و بشوف مين شايفينه كويس و يستحق
يبقى انت مثلا طلعت ب5 كويسين على اي أساس تعملهم استفتاء و تاخد واحد منهم!!
طب ما تاخد ال5 و وزعهم على الاقسام

الفكرة في انك لو لاقيت حد كويس بتحطه
ممكن الفتره الحالية اتأخرنا كتير في التعيين بس لأن أوقات دخولي مع أوقات دخول الناس الي بستشيرهم مش متظبطه

و على فكرة في فكرة افضل فكرت فيها قبل كدا و كنت هنفذها قريب
و هي عمل قسم خاص لطلب الإشراف
بيبقى عبارة عن استماره بيمليها العضو في طلبه
الاستماره فيها اسئلة شامله
كنت هنفذ الفكرة فعلا
بس سألت ناس كتيرمن الي بحب استشيرهم
كتير منهم رفض ..لأن أي حد هيقدم..انت لما بتختار حسب نظرتك بتلاقي ناس بتضايق
اشمعنا فلان و أنا لأ
غير ان في ناس كفاءة مش بتقدم
و حط تحت الكفاءة مليون خط
لأن اصحاب الكفاءة دول أهم ناس
و دول مش بستناهم لما يطلبوا أنا الي بروحلهم عشان أكسبهم

فكرة تعيين الناس بالطلب بتبقى موجوده في اي منتدى جديد بيدور على اي عضو يجذبه بالاشراف
لكن اي منتدى فيه عدد كويس من الأعضاء بيعتمد على الكفاءة و الاختيار

و عمرك ما هتاخذ حظر يا عكاشه طالما انت ماشي كويس في المنتدى
بالعكس هتبقى على عيني و راسي طالما انت في السليم
بالتوفيق....

[الملكة كيلوباترا]

هى الفكرة جميلة

بس زى ماقال سيلفر وماتركس

الادارة هى اللى تحدد وتختار مين هيبقى مشرف