اللى عاوز يتغير ويكون افضل واللى افضل يكون افضل بكثر

[big bốss]

بسم الله الرحمن الرحيم

بجد عاوز اتغير للأحسن .. انا مش عارف اعمل ايه !

انا عاوز اتغير

جملة سمعتها كتير جداً خصوصاً من ناس للأسف مش عندها العزم الكافي إنها تغير نفسها
وللعلم فإن التغيير مش مجرد كلمة او امنية او رغبة فقط

فعليك اولا ان تعلم
(إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)

الشيخ عبد العزيز بن بازس:
ما تفسيـر قـول الحق- تبارك وتعالى -في سـورة الرعـد: (إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)؟
ج: الآية الكريمة آية عظيمة تدل على أن الله- تبارك وتعالى -بكمال عدله وكمال حكمته لا يُغير ما بقوم من خير إلى شر، ومن شر إلى خير ومن رخاء إلى شدة، ومن شدة إلى رخاء حتى يغيروا ما بأنفسهم، فإذا كانوا في صلاح واستقامة وغيروا غير الله عليهم بالعقوبات والنكبات والشدائد والجدب والقحط، والتفرق وغير هذا من أنواع العقوبات جزاء وفاقا قال - سبحانه -: (وَمَا رَبُّكَ بِظَلامٍ لِلْعَبِيدِ)

شوفوا معايا كدة وبصراحة

انت كسلان او مش عاوز تكلف نفسك عناء قرار التغيير اعرف انك هتفضل طول عمرك كدة ومش هتتغير الا لو ربنا حكم بما يريد !

لانه وببساطة شديدة التغيير هو قرار واضح وصريح واستعداد حقيقي انك تعرف انت عاوز تبقى ايه
ولازم تعمل ايه وتقوم فعلا تعمله عشان تتغير

هدفنا
التغييير........او التطوير......لانه الحل عشان حالنا يتبدل.....طول ما احنا فى وضع السكون عمرنا ما هيحصل لينا اى جديد او اى تطوير
كلنا بنحتاج نتغير كل ثانيه للاحسن

وعشان يجي القرار والهمة دي كان لازم يكون فيه تدخل من الخارج
والتدخل ده كان من عند ربك لما أرسلك رسالة واضحة لازم تؤمن بيها بجد من قلبك عشان تلاقي قرارك
واللي بيه هتلاقي تغيير في تفكيرك واللي هيغير حياتك كلها تغيير جزري

انت لازم تتغير وتقوم وتعمل لان الدافع قوي

انت لو ما اتغيرتش هاتتعب في الدنيا اوي

لو ما اتغيرتش مش هترتاح نفسيا

لو ما اتغيرتش هتموت وانت كدة وتبعث وانت كدة وتقضي حياتك كلها في النار ( عاوز ده ؟ )

الموت يقين مفيش مفر منه وانت في اختبار حاول تنجح

لازم نتغير احنا الاول ونكون التغير الى احنا عاوزين نشوفه فى مجتمعنا
وكلنا نقدر
وكلنا لنا دور
ولازم نشارك
وهنشارك
وهنخرج طاقتنا
وهنحقق ذاتنا
ولما كلنا نبقى التغير........صدقونى هنحكم العالم كله

- هاتقولي ما عندكش العزم او مش قادر تاخد قرار بعد كل ده -
* هاقولك انت ما آمنتش بجد وما خفتش بجد وما حسيتش انك في مسؤولية بجد *

- هاتقولي والله حاسس بس مش عارف -
* هاقولك انت لما تبقى عاوز تشرب بتقوم تشرب *
* لما بيكون عندك حاجة مهمة اوي انت مقتنع انه لازم تعملها زي انك تدرس حاجة معينة أو تزاكر حاجة معينة انت بتقوم وبتعملها / عشان انت بجد امن بيها وآمنت انك لازم تعملها *
* يبقى لما تقولي انك فعلا مؤمن وحاسس وانت مش عارف تقرر وتقوم تنفذ يبقى انت بتكذب عليا وبتكذب على نفسك *

الحل الوحيد عشان انت تتغيير هو : انت !

انت قرر انك هاتتغير

يإما تستحمل اللي هيجرالك لو ما اخدتش القرار ده

قوم بجد العمر والزمن مش هيستناك

كمان شوية ! لا يبقى انت بتستعبط وبتضحك على نفسك انت مش عاوز تتغير ولا حاجة
قوم واثبت انك عاوز تتغير كلها ايام وهترتاح بعد اما تتغير فعلا ما تأجلش ما انتش عارف لو اجلت يمكن تنسى
يمكن تموت
يمكن تنشغل
قوم دلوقتي اتغير

طب ياعم قولي اعمل ايه
قولي كدة واحد اتنين ثلاثة
انا قررت اتغير بس ايه بقى المفروض اعمله ؟

( ايوووووة هو ده اللي انا عاوز اوصل معاك ليه )

نبتدي بقى :

أول حاجة نعملها قول لنفسك انا بجد مستعد ( اؤمر نفسك انت اقوى منها مش هي اللي اقوى منك )

ادعي ربك ( يارب ساعدني انا متوكل عليك لا حول ولا قوة لي الا بك يارب انا هبدأ وأجاهد للتغيير مش هاقدر انفع نفسي الا بيك وبمساعدتك وتيسيرك للأمور عليا يارب )

ولما تشترك هتلاقى ملف خاص ليك هنتابعك فيه

ونقولك ونساعدك فى التغير

هنلاقى فى ملفك التطوير الذاتى او التنميه البشريه بمفهومها الواسع
والفلسفة
وعلم النفس
والاجتماع
والتوظيف
والدين
وكل حاجة بتشمل حياتنا وتخليها احسن

لما كل واحد فينا يبدأ بنفسه ويغيرها وان شاء الله ده معانا سهل وبالتدريج
هتلاقى صوت نفسك بيتكلم هنا ......بس هتلاقى صوت تانى بيرد عليها وبيقولك الحل بشكل مبسط ولذيذ

فهنا فى ملفك الخاص فى المجموعه اكتب مشاكلك اكتب مش عارف اتغير وعاوز اتغير ومش قادر
اكتب وناقشنا وتلاقى اللى يساعدك ان شاء الله
اكتب اى رد اكتب طبيعة يومك المهم انك تاخذ القرار وتتغير معنا بجد
اكتب حتى ولو كلمه الحمد الله
المهم انك تتغير وتحس من داخلك انك عاوز تتغير

منتظركم معى
فى شباب هيتغير

[ڪــــبرياء الروح]

جزيت الجنه

[نـــواف]

جزآك الله خير ونفع بك
وجعل ماقدمتة في موآزين حسناتك

[big bốss]

جزاكم الله خيرا