الاهلي والترجي(ماذا حصل بين الجماهير؟؟؟

[Rogena]

صباح /مساء
الخييييييييير

طبعا كلنا عارفين المبارة واتفرجنا على المطش وكان مطش جميل جدا
بس ايه اللي حصل بعد المباراه ؟؟؟؟؟؟؟
انا ماعنديش اي تعليق انا هسبكو تتفرجو على الصور بس
اتفضلو




















ما ذنب هذا المواطن الغلبان
ها هو المصري

يهان برة وجوة



وده خبر حبيت انكو تعرفوه
أرسلت هيئة إستاد القاهرة الدولى بعد ظهر اليوم، الاثنين، خطابا رسميا للنادى الأهلى تطالبه بسداد ما يقرب من 165 ألف جنيه هى قيمة "تلفيات" التى حدثت أمس، الأحد، فى مباراة الأهلى والترجى التونسى فى ذهاب الدور قبل النهائى لبطولة دورى أبطال إفريقيا التى انتهت بفوز الأهلى (2_1).

وكانت بعض جماهير الترجى قد أقدمت على أعمال شغب شديدة فى إستاد القاهرة بعد إحراز الأهلى هدفه الثانى، مما جعل الجماهير التونسية تحدث تلفيات كبيرة فى الإستاد وتحديدا فى مدرجات الدرجة الأولى.

وقال اللواء عبد العزيز، أمين رئيس هيئة إستاد القاهرة، إنه أرسل اليوم مذكرة تفصيلية للأهلى تتضمن قيمة التلفيات التى حدثت أمس، مشيرا إلى أن جماهير الترجى أحدثت تلفيات تقدر بـ150 ألف، فيما أحدثت جماهير الأهلى تلفيات تقدر بـ15 ألف جنيه.

وتابع عبد العزيز أمين لـ"اليوم السابع": الأهلى هو المسئول أمامنا عن هذه التلفيات، لأنه هو الذى قام باستئجار ملعب إستاد القاهرة، لذا فهو مطالب بدفع قيمة هذه التلفيات، مشيرا إلى أن الإستاد لن يستضيف أية مباراة أخرى للأهلى، إلا بعهد سداد هذا المبلغ، لأن الإستاد لا يمكن أن يتحمل هذه الخسائر، موضحا أن شغب جماهير الترجى وصل للحمامات الموجودة فى الإستاد.

وأوضح مدير هيئة إستاد القاهرة الدولى أنه تم تحرير محضر بأعمال الشغب التى شهدتها مباراة الأمس، وقال اللواء عبد العزيز أمين إن الأهلى سبق ودفع كافة المستحقات المتأخرة عليه الخاصة بالتلفيات التى أحدثها جمهور خلال الفترة الماضية.

(وطبعا لاعبين الترجي خرجو من الملعب تحت حمايه مكثفه من ظباط الشرطه ولم يتعرض لهم اي واحد من جمهور الاهلي وده العادي من جمهور الاهلي العظيم بس ليه الشعب المصري هو اللي بيحصلو كده في المباريات يعني المفروض اننا نخسر علشان نحفظ كرمتنا ولا ايه يعني علشان احنا شعب طيب يحصل فينا كل ده طب ليه!!! انا عوزه حد يجوبني على السؤال ده لو سمحتو اللي عندو اجابه يجوبني)

[البرنس رامى]

الأخت روجينا
بداية اشكرك على طرحك وعلى موضوعك
طبعا انا مش عاوز اقول غير حسبنا الله ونعم الوكيل فى الحكومه بتاعتنا اولا هى السبب
فى كل اللى بيحصل لنا ده وهى اللى مابتحميناش ومخليانا جبناء وكمان فى الأمن المصرى ازاى
يخلو مجموعة المخمورين دول يدخلو الأستاد أصلا لازم يكونو حرصاء على المواطن المصرى اولا
وبعدين كروة ايه وبتاع ايه وقلة ادب ايه بصراحة الكورة دى ملهاش اى لازمه عندنا مش عاوزين كورة ولا عاوزين كؤوس ولاعاوزين اى مسابقات عاوزين الكرامة يا حكومه ويا وزير الداخلية وارحمونا بقينا
شعب جبان والبركه فيكو اشربو بقى اللى بيحصل من شلة أوباش حشرات ولا ليهم اى لزوم يضربو عامل بكل قسوة ولا دين ولا ملة لهم دول مش بنى أدميين دول شلة وساخة ولا حول ولا قوة الا بالله العلى العظيم
حرقو منا منهم لله بجد حسبنا الله ونعم الوكيل وانا من شويه سمعت ان العامل توفى زاد غلى وغيظى بجد
لعنة الله على كل مخرب بلا قلب
وشكرا لكى روجينا مرة اخرى والله المستعان

[ARAGON]

كل هذه الاشياء احتقان في الصدور

ملء في الصدور (حقد) الله أعلم،

ندعوا الله للجميع بالهداية

لكن دائما هنالك سبب

الجميـع ....... يقف أمامه

ولكن السؤال دائما إلى متى؟

ونقول في النهاية حسبنا الله ونعم الوكيل على من يحرض أي شخص على فعل مثل هذه الأشياء

[M@HMOUD]

هذه هى مصر

لا تعليق

[game010]

فعلا لاتعليق....

[Rogena]

ميرسي على المرور الجميل وفعلا معاكو حق
وهو فعلا لا تعليق
لانو مش طبيعي اللي بيحصل ده
المصري اتهان في بلده وبره بلده
طب ايه اللي المفروض نعملو نبطل الكوره يعني
ولا نخسر علشان نحافظ على كرمتنا!!!
انا بجد مش فاهمه ليه احنا من وسط كل الدول العربيه ؟؟
مش هقول غير حسبي الله ونعم الوكيل
وميرسي مره تانيه على المرور
نورتو الموضوع
تحيااااااااتي

[2hlaoy4ever]

بسم الله الرحمن الرحيم

اولا مشكور اوى اختى على الموضوع والطرح الرائع

ثانيا يجماعة لازم نحدد دول مجموعة اقلاء من تونس

والشباب دووول كانوا مخمورين فى حاله سكر ومكنوش عرفين يعملوا اية

انا اليوم دة كنت فى الاستاد وشفت جمهور الترجى ابل الماتش

فيهم الكان مش فى وعية زى الناس دية

وفية منهم محترمين كانوا بيهزروا معانا

الجمهور التونسى محترم جدا وبيحبونا جدا

بس دول مجموعة اقلاء مخمورين وتم اعتقلاهم من الشرطة

واهم حاجة ندعى للعسكرين المصابين بشفاء انشاء الله

واحب اقول لاخ برنس رامى

حكومتنا ملاهش زنب اخوى الغالى

الحكومة لو كانت ادخلت وضربتهم كان الموضوع تطور وهتحصل مشكلة زى مشكلة مصر والجزائر

وكانت هتكون اكبر والشرطة بتعتهم كانت هتضرب الجمهور المصرى والنادى الاهلى هناك فى تونس

بس الشرطة تصرفت بعقلانية اعتقلت المشاغبين وحكمت عليهم ب4 ايام على ذمة التحقيق

وجارى التحقيق مع اعتزار رسمى من الاتحاد الكرة التونسى

وشكرا لموضوع واسف على الاطالة

[ღ Gի๐sτ ღ]

اولا شكرا عالموضوع

ثانيا من وجهة نظرى ان السبب فى كل دة من البداية خالص الامن . لان الامن لو كان عاملهم بشدة وهما داخلين الاستاد زى مابيعامل جمهور الاهلى والزمالك والجمهور المصرى . مكنش حصل اللى حصل ولكن هما عاملوهم بانسانية زى ماقال اللواء اسماعيل الشاعر احنا مفتشناش جمهور الترجى زى مافتشنا جمهور الاهلى لاننا فتشنا جمهور الاهلى بتفتيش اصعب واكبر وانما عاملنا جمهور الترجى بانسانية لانهم ضيوفنا

ودة مش غريب على اسماعيل الشاعر ولا الامن المصرى . لان الضيوف يبقو بشر ولازم يتعاملو من امن مصر بانسانية

اما احنا ............... مقدرش اقول عشان محدش يزعل منى





اقتباسالمشاركة الأصلية كتبت بواسطة 2hlaoy4ever
حكومتنا ملاهش زنب اخوى الغالى

لا ليها ذنب لانها لو كانت فتشتهم بقوة واخدت الشماريخ منهم ومدخلتش السكرانين مكنش حصل اللى حصل
بعدين انت لو مصرى وشافوك سكران هايسجنونك . اشمعنى دول سابوهم يسكرو ويدخلو الاستاد وهما سكرانين من غير مايتسجنو زى المصرين ؟ ولا اللى بيشرب خمرة دلوقتى بيمشى فى الشارع سكران عادى من غير ماحد يكلمة

الحكومة لو كانت ادخلت وضربتهم كان الموضوع تطور وهتحصل مشكلة زى مشكلة مصر والجزائر


الامن المفروض كان يعاملهم بالمثل .. زى ماكان بيضربنا جمهور الاهلى . يبقى مفيش مانع لما يضربهم جمهور الترجى

مفيش مشاكل . تحصل مشكلة تحصل مجزرة . ربنا قاللك البادىء اظلم .

وكانت هتكون اكبر والشرطة بتعتهم كانت هتضرب الجمهور المصرى والنادى الاهلى هناك فى تونس

بص .انت قلتها بنفسك . لو ضربناهم كان الشرطة بتاعتهم هايضربونا فى تونس

معنى ذلك ان الشرطة التونسية مش هاتتحرمنا وهاتضربنا بالجزمة لاننا بنضربهم ومش هايعملو حساب اخوة واشقاء

يبقى لية احنا كمان منتحرمهمش ونضربهم بالجزمة لانهم ضربونا . ونعمل حساب الاشقاء
ولا السبب التانى هو السبب الخوف والجبن من شرطة وجمهور تونس



بس الشرطة تصرفت بعقلانية اعتقلت المشاغبين وحكمت عليهم ب4 ايام على ذمة التحقيق

قصدك خوف وجبن . لو كان عقلانية . يبقى لية ضربو جمهور الاهلى لما بيولع شماريخ


وجارى التحقيق مع اعتزار رسمى من الاتحاد الكرة التونسى

مش مهم التحقيق . المهم السجن والعقاب .
والاعتذار مش بيفيد لان الكلمة مبتلزقش
وهاستفاد اية انا لما يجينى عاهة وتعتذرلى

متزعلش من كلامى بس دى وجهة نظرى وانت ليك وجهة نظرك واحترمها

[Rogena]

ميرسي على المرور الجميل
انا عملت الموضوع ده علشان
كل واحد يقول رئيو ووجهة نظرو
بس ياريت محدش يخرج عن نطاق الموضوع
وميرسي مره تانيه على المرور الجميل

[بنتك يا مصر وافتخر]

اولا اشكرك على الموضوع بس دول كانوا قله وربنا يهديهم بس المهم تحموا اللاعبين لما يروحوا يلعبوا هناك
ويا ترى ده هيحصل؟؟؟!!!