عندما يحتاجون لي يجدوني ولاكن..

[فنانه باسلوبي]

السلام عليكم ورحمه الله وبركاته..

اتمنى من ربنا انكو تكون بأتم الصحه والعافيه والرضى..

اللهم لك الحمد حتى ترضى ولك الحمد اذا رضيت ولك الحمد بعد الرضى ولك الحمد على كل

حال حمد يليق بجلال وجهك وعظيم سلطانك..

يتبادر لذهني سؤال دائم..لم اعثر له عندي اجابه محدده..حتى قررت طرحه علي اجد تفسيرا

له ربما كان امامي ولم الحظه..

اعلم اني اطلت الكلام لكن ستعلمون الان ما اقصد..

وهل تواجهون ما اواجه؟؟؟؟؟؟؟

لما بيجي عندي اي حد...بت ..ولد...كبير ....صغير.....اعرفه...ما اعرفوش..قريب......غريب


يشتكي من مشكله عنده..بيكون مدايق...الدنيا ظلمه ف عينيه...

باسمعه وبشاركه..وبفتح عينه عالنور الي مش ملاحظه..وبحسسه انه واهم..وعنده امل كفيل بأنه مايحملش هم

ويدايق..وبقعد اشرح له نصايح وحلول كتير اوي عشان يخرج من مشكلته..ديه,,

وبلاقي من السهل اني اوجد ليه طرق يخرج بيها من ازمته..لحد ما اقنعه وينجح في تجاوز المشكله..ايا كانت

وبقدر اواسيه..بكل الطرق..

ولمه ينعكس الموضوع...

ابقا انا ف مشكله...بحس بعظمتها وانها مستحيله الحل..وبتختفي الحلول من قدامي

وبتظلم الدنيا عليه...وبلاقي الحل بصعوبه..وبفضل كاتمه مشاكلي عشان مش يبقى باب النجار مخلع..ههههههه

وبس كده..باخد وقت دايما علشان احل اي مشكله تخصني..شخصيا..ومش بالقي الحل بسرعه..

وممكن الوم نفسي..

الكلام ده مش على طول طبعا..ولافي المشاكل العاديه..

انا باتكلم عن الماشكل الكبيره حبتين..وربنا يكفيكو جميعا..

ياترى في حد زيي؟؟ وليه ممكن يحصل لي كده؟؟

هل الموضوع ده من رأيكم طبيعي؟؟

تهمني ارائكم بجد..

ودي.

[فيروزه]

	مش عارفه احنا ليه كدا لما حد يجي يحكلنا مشكلته تلاقيني ع طول نلاقي الحل بس اول ما نقع في مشكله تلاقني ولا عارفين نفكر حتي يمكن علشااان ديما بنشوووف ان مشكلنا دي كبيره وتفكيرنااا بيتجه للمشكله ع طووول مش للحل وممكن يكون الحل قدام عيننا كمــــــــــان بس الموضوع عايز مننا شويه تفكيرر اكتر وتركيز وميـــــــرسي ع الطرح الجميل دااا ويارب مزيد من التوفيق

[ماتركس]

فنانه باسلوبي

اللي ايده في النار مش زي اللي في ايده في الميه يا اعتماد

انا هقوالك مثال صغير حياتنا زي مباره كره القدم لما يبقي الاعب في الملعب

واحنا بنتفرج من بره ومن التلفزيون نقعد نقووال شوط الكوره يا عم ما الجون فاضي

اهوه هيه كده حياتنا احنا في مشكله غيرنا بنبقي شايفين كل حاجه في المشكله

لكن في مشكلتنا بيبقي الواحد فينا مثل الاعم مش شايف حاجه لكن معا اني الحل قدمنااا

بس بيبق تفكرنا مشتتت ومش مركزين

بس هوه ده وجهه نظري يا اعتماد

[~♥ Queen sozan♥~]

السلام عليكم ورحمة الله وبركاته
بصى كلنا كدة
بنعرف نحل لى الناس وتيجى عند مشاكلنا نعوز الناس لى تحلها
لان بتكونى مشغولة با المشكلة
وبتكونى مركزة فى المشكلة با منظور واحد
وكمان كلنا بنحمل بعض يعنى انتى بتحلى مشاكل غيرك
وغيرك بيحل مشاكلك
دة تكامل سبحان الله ربنا عملو

تحياتى على موضوعك

[rehoba]

انا اتفق ما ماتركس فى الراى دايما الى على البر عوام والى بيسمع المشكله

بيحكم اكتر من الى جواها انا زيك يا فنانة باخد وقت جامد فى حل مشاكلى

وان شاء الله تتحل كل مشكلك شوفى حد تكونى بتثقى فى رايه واحكى مشكلتك

ومش شرط عشان بتحلى مشكلهم انك متشتكيش وتقولى على الى مضايقك

كفايه انك تلاقى حد يسمعك وتفضفضى معاه دا فى حد ذاتة مريح

تمنياتى لك بالتوفيق

[ساحر الأحزان]

قد تكون المشاكل كثيرة

وتجتاز حياتنا سوء كانت

صغيرة ام كبيرة

ولكن يجب ان نحاول ان نجاوزها

بصبر وايمان

اشكر لكى حسن كلماتك

[حياتي ذكريات]

السلام عليكم

دي طبيعه في البني آدم على فكرة

وده بسبب انك لما تكوني في مشكلة بيبقى عقلك شبه غايب

مش قادره تفكري في حل مناسب ليكي

عارفة لو اتعرضت عليكي المشكلة دي قبل ما تجيلك

كنت هتلاقيلها حل بس عشانك فيها هتحسي ان تفكيرك مش معاكي

امال هما عملو الاستشاره في المشاكل ليه

عشان الانسان ما بيكونش واعي وقت ما بيمر بأزمة

بتنسيه كل اللي في باله وبيبقى مش مركز في اي حاجه

وشايل هم المشكلة وخلاص

تسلمي على موضوعك .. تقبلي مروري واحترامي

دمتي بخير

[فنانه باسلوبي]

اقتباسالمشاركة الأصلية كتبت بواسطة فيروزه

	مش عارفه احنا ليه كدا لما حد يجي يحكلنا مشكلته تلاقيني ع طول نلاقي الحل بس اول ما نقع في مشكله تلاقني ولا عارفين نفكر حتي يمكن علشااان ديما بنشوووف ان مشكلنا دي كبيره وتفكيرنااا بيتجه للمشكله ع طووول مش للحل وممكن يكون الحل قدام عيننا كمــــــــــان بس الموضوع عايز مننا شويه تفكيرر اكتر وتركيز وميـــــــرسي ع الطرح الجميل دااا ويارب مزيد من التوفيق

السلام عليكم ورحمه الله وبركاته: فيروزه..

فعلا عندك حق الواحد مننا بيفضل مركز على المشكله

وينشغل بيها عن رؤيه الحل ..وبيفضل مكبر الموضوع عشان موضوعه..

فمش بيلاحظ الحل وبيكون مصدوم..وعاجز..

ربنا يبارك فيك وميرسي على مرورك ورايك الجميل.. ودي

[فنانه باسلوبي]

اقتباسالمشاركة الأصلية كتبت بواسطة ماتركسفنانه باسلوبي

اللي ايده في النار مش زي اللي في ايده في الميه يا اعتماد

انا هقوالك مثال صغير حياتنا زي مباره كره القدم لما يبقي الاعب في الملعب

واحنا بنتفرج من بره ومن التلفزيون نقعد نقووال شوط الكوره يا عم ما الجون فاضي

اهوه هيه كده حياتنا احنا في مشكله غيرنا بنبقي شايفين كل حاجه في المشكله

لكن في مشكلتنا بيبقي الواحد فينا مثل الاعم مش شايف حاجه لكن معا اني الحل قدمنااا

بس بيبق تفكرنا مشتتت ومش مركزين

بس هوه ده وجهه نظري يا اعتماد

السلام عليكم ورحمه الله وبركاته يا : احمد الشريف..

فعلا كلام حضرتك ف الصميم..بجد الواحد بيبقى عامل دوشه لما هوه
خارج الموضوع..ولو قدر ربنا واتحط فيه بيهمد ومش بيشوف الي غيره شايفه

عشان حاسس انه مش ممكن حد ينظر للمشكله بتاعته بنفس منظوره ليها

وعلى قولتك الي ايده في النار...المسئله ان اعصاب صاحب المشكله بتبقى تحت ظغط
وتوتر..لكن غيره بيكون عادي يعني ورايق وبيفكر براحه..

كويس اني مش لوحدي كده..دي وجهه نظر ممكن تحصل عادي يعني...

ميرسي لرايك الجميل..

ودي..

[فنانه باسلوبي]

اقتباسالمشاركة الأصلية كتبت بواسطة همسღ الجراحالسلام عليكم ورحمة الله وبركاته
بصى كلنا كدة
بنعرف نحل لى الناس وتيجى عند مشاكلنا نعوز الناس لى تحلها
لان بتكونى مشغولة با المشكلة
وبتكونى مركزة فى المشكلة با منظور واحد
وكمان كلنا بنحمل بعض يعنى انتى بتحلى مشاكل غيرك
وغيرك بيحل مشاكلك
دة تكامل سبحان الله ربنا عملو

تحياتى على موضوعك


وعليكم السلام ورحمه الله وبركاته: ياهمس الجراح...

بجد نورتي..كلامك جميل جدا وعمري مافكرت كده..فعلا ياسبحان الله (التكامل)

فعلا بنلاقي ان كل واحد فينا بيحل مشاكل غيره وممكن غيره يحل مشاكله..

دا انا مره كنت قريت خبر..ان مصحه نفسيه بتأهل اطبائها من فتره والتانيه..وبتفحصهم

عشان وارد انهم ممكن يتأثرو بالمرضى ومشاكلهم اثناء علاجهم لهم..يعني دي معلومه

كنت مستغربه منها بقول ازاي طبيب يحل مشاكل الناس النفسيه وميحلش مشاكله ؟؟؟

دحنا فعلا ربنا مهيئنا لبعض ودي نعمه..ولما الواحد يندوش بمشكلته يبقى مش مركز
ويحتاج الي يساعده..

ربنا يبارك فيك ..

ودي..