قرار نهائى ..عمرو أديب على "الحياة" نوفمبر المقبل

[simpaolo]

علم اليوم السابع من مصادر مطلعة بقنوات الحياة، أن الدكتور السيد البدوى رئيس قنوات "الحياة" قرر البدء فى تنفيذ بنود العقد المبرم بينه وبين الإعلامى عمرو أديب، والخاص بتقديم برنامج على قناة الحياة.

وأوضحت المصادر أن برنامج الإعلامى عمرو أديب سيرى النور فى نوفمبر المقبل، أى بعد 6 أسابيع من اليوم وسيحمل عنوان "البيت الكبير.. مصر"، وسيشاركه معظم فريق العمل الذى كان معه فى برنامج القاهرة اليوم الذى كان يذاع على الأوربت.

وأشارت المصادر إلى أن الدكتور البدوى أعطى تعليمات صريحة لمسئولى قنواته بتذليل جميع العقبات أمام الإعلامى الأشهر عمرو أديب ليظهر بالشكل اللائق، والمناسب لكونه نجما إعلاميا كبيرا.

ومن جانب آخر، أوضح رامى لكح أحد قيادات حزب الوفد أنه اجتمع بالدكتور البدوى لمدة ساعة، ناقشا فيه كافة الأحداث التى وقعت خلال الأيام القليلة الماضية، ومنها أزمة الدستور ، مشيرا إلى أن البدوى أكد على احترامه الكامل للكاتب إبراهيم عيسى.

[ڪــــبرياء الروح]

يسسسسسسسسسسسلموا

[simpaolo]

انا من جمهور عمرو اديب

و حاتابعه من اى قناة

و لو الخبر صحيح يبقى قناة اوربيت هى الخسرانة

[SiLver Spectra]

طبعا هو مكسب كبير للمحطة
كفايه الرعاه الرسميين بتوع البرنامج
هو على أد فرحتي بظهورة في محطه مفتوحه على أد قلقي
لأن السيد البدوي لسه من كام يوم طارد ابراهيم عيسى من الدستور بعد ما اشتراها
طبعا البدوي مش هيقدر يفتح بؤه مع عمرو أديب
بس هي المشكلة في الايام
يعني في الأول البدوي هيقوله تعالى بس و احنا هنديك الي انت عايزه
لكن بعد مرور الايام بتبدا تطلع النوايا و السياسات بتظهر
لكن برضو مع عمرو ما أعتقدش انه هيقدر يحجمه

و كمان اسم البرنامج مش حلو
ايه (مصر البيت الكبير) دا
اسم القاهرة اليوم اقوى بكتير
لكن طبعا مش هيقدروا ياخدوا الاسم القديم الا بإذن من أوربيت و دا ما اعتقدش انه هيحصل

أهو عمرو قاعد يقر على نفسه و يقول احنا اقدم برنامج و البرنامج الي اسمه عمره ما اتغير و بتاع


يلا أهو الواحد يفصل الوصله
أنا الوصله دي كنت جايبها عشان قناة اليوم
لو طلع عالحياه يبقى خير و بركه بلاها وصلات
مع ان الحياه مستفزه شوية بالرغم من انها القناة رقم واحد في مصر
بس اعلاناتها مستفزه كلها العاب موبايل و نغمات (بحس اني طفل)
غير قنوات زي الام بي سي اعلاناتها ارقى

بس هما بيدوروا على المكسب و خلاص

شكرا على الخبر

[ARAGON]

شكرا على الخبر


المفروض يبقى اسمه

كايرو توداي



كان يبقى افضل .. شوية

بس مش عارف فيه اسم بالطريقة دي ولا لا

[SiLver Spectra]

ههههههههههههه
ممكن يا أحمد
أهو أي حاجه بعيدا عن اسم مصر البيت الكبير (اسم مستفز جدا)
أنا هبعت رساله لعرمو أديب اقوله
هو رقمه سهل
0107755555
:france-flag:

تمشي و الله كايرو توداي
مع انه بيتناول أخبار مصر كلها مش القاهرة

فكر كدا يا احمد و قولي عشان تبقى رساله واحده الي نبعتها هههههههه

[خليك في حالك]

ربنا يوفق لكل خير عمر اديب اعلامي كبير وهيكون اضافة كبيرة لقناة الحياة

[فتاه من الزمن الجميل]

انا بقول لو يعتزل ويقعد في البيت احسن ليه ولينا

[P R ! M O]

شكرا على الخبر

[simpaolo]

SiLver Spectra

عندك حق بالنسبة للوصلة .. لأن اغلب اللى بيشتغل فى اوربيت و خصوصاً من المصريين بيشتركوا علشان عمرو .. و ده كمان غير العرب اللى متابعين لعمرو مش للمحطة و فعلاً يا ريت تبعت لعمرو رسالة باسم الموقع و اعضاءه علشان يغير الاسم

Deşpeяằdŏ

صحيح الاسم وحش اوى .. اما الاسم اللى انت اقترحته ما اظنش حينفع لأنه فرانكو اراب

يا ريت تفكر فى اسم افتكاسة يدل عن مصر