هتزوجوني والا ............... والا لا .....؟

[ماتركس]

السلام عليكم ورحمه الله وبركاته
مساء الخير عليكم كلكم
وحشتوني كلكم ايه اخباركم واخبار النفسويات تبعيتكم
الكل تمام والا زعلنين من اصحابكم والا ايه ظروفكم
ندخل في الموضوع عالطووال مش عايز ارغي كتير
كتير جدا في مجتمعنا دلووقتي بنشوف المنحرفين والصايعين
ومعندهمش سلوكيا فكريا واخلاقيا وحتى عقائديا
إما بسبب سؤ تربيه او بسبب المجتمع والأنحراف الأخلاق
لما ا يكون الشاب منحرف وبيجيب يجي مليون مشكله كل يوم لااهله
تذهب امه لأختها او لأي حد من جيرنها
المجنون الصايع اللي معرفش ايه ده عمل وعمل وعمل
وتروح اختها ترد عليها او جراتها
اسمعي كلامي وانا اختك زوجيه وبيعقل مفيش الا المرآه تعقله وتخليه زي الساعه
يعني منحرف يبقي زوجوه يعني صايع يبقي زوجوه
قال يعني وبيعقل طيب واذا ماعقل
واغلبيا تلاقي الشاب اليومين دووال عايزني اعقل يبقي زوجوني
والبعض الأخر يقول زوجوني وإلا بنحرف وده النوع المضحك بقي
ياتري صح الزواج هوه الحل لكل لكل شاب منحرف وصايع أخلاقيا وسلوكيا
ياتري تكون الفتاة بنات الناس موضوع تجارب انو الشب ينصلح والا مينصلحش
ويا تري المرأه لديها المقدره على اصلاح الزوج
اسئله كثيره ترودني
بس هذه النقاط المهمه ارجو النقاش في الموضووع باكمله
اخوكم في الله
احمد الشريف

[ساحر الأحزان]

اخى الفاضل

هذة مقولة غير مقبولة

وكثيرا مثل هذة الزيجات

محكوم عليها بالفشل

يعنى هى بتزوجة لجل يعقل

ولا لجل مراتة تصرف علية

واحد بهاى الاخلاق

كيف يتغير اخى العزيز

اعتقد صعب حدوث ذلك

تحياتى لموضوعك القيم

[AnGeL SenSe]

مساء الخير عليك يارب يا احمد

ندخل في موضوعك


ياتري صح الزواج هوه الحل لكل لكل شاب منحرف وصايع أخلاقيا وسلوكيا


وهوا بيكون تلات ارباع الحل يعني هوا بيكون عايش حياة استهتار

وصايع في كل حاجة الجواز ممكن يلمو شوية لو هوا اساسا عايز يتغير من جواه

في مرات كتير اوي بيغير الجواز الراجل الي بيكون صايح او مش كويس



ياتري تكون الفتاة بنات الناس موضوع تجارب انو الشب ينصلح والا مينصلحش

في ناس بيخدوهم تجارب ودا طبعا حراااام ومينفعش بس لو همن متاكدين ان البنت دي

هتغير من حال ولدهم بعد الجواز دي مفهاش حاجة لانهم ماخدنها لانهم عارفين انها

هتقدر علية وهتغيرو للاحسن



ويا تري المرأه لديها المقدره على اصلاح الزوج

اكيد هتكون قادرة انها تغير من جوزها واكيد للاحسن اذا كان هوا من اساسا

عايز يتغير من جواه بس لو هوا راضي بكدا مش هتقدر تغيروا حتى وان عملت اية

بس بالاصرار معاه بالكلام بطريقة كويسة عشان يقتنع يعني تشوف الاساليب الي بتخلي

حوزها يتقبل الكلام والنصيحة عشان تقدر تغيروا

واكيد الست بتحب تغير من جوزها للاحسن واكون احسن واحد قدام الناس

حتى وان كان دا تعب عليها

واهم حاجة لو جوزها كان صايع واي محاولة مفدتش معاه

مش قدمها غير حل واحد بس

تصلي دايما قيام اليل وتدعي ان ربنا يغيروا وهوا اكتر واحد

قادر على تغير الانسان وان اراد شيئا قال له كن فيكون



بجد موضوع نقاشي جميل جدااا يا احمد

ومن ضمن مواضيعك الجميلة والهادفة

بجد تسلم ايدك ومجهودك

تحياتي

[~♥ Queen sozan♥~]

السلام عليكم ورحمة الله وبركاته

عجبتنى اووووووووى موضوع لو متجوزتنيش
هنحرف دى ما تنحرف انت حر شباب لا تعليق عليهم
نناقش الموضوع

اولا كدة البنات مش فران تجارب يا ام اتجوزت وربنا يهدية
يا ام حياتها تضمر عشان خطرو
ومفيش اهل هيرضو بكدة
ازى يعنى يكون صايع وكمان منحرف وهى تقرر ان هى لى هتصالهو
انا مقتانعة با مقولة
من شابة على شئ ما علية
او
الطبع غالب على التطبع
ومش معقول حاجة فى جناتو طول عمرو هى هتيجى تغيرها
لاء ما لازم عقلنا يفكر ويميز فين الصح وفين الغلط
انا اعتقد ان هيكون جواز فاااااااااشل جداااااااااا
ولو نجح هينجح فطرة بسيطة

وكمان كل فتاة عيزة الزوج الصالح لى يعنها على طاعة الله
ويكونو بيت صالح
مش لسة هتتجوزو وتقعد تصالح فية
هو اة الشاب بعد الجواز بيتغير لى الاحسن
والبنت كمان
لكن تغيير اجابى
وبيكون سلبيات بسيطة سهل جداا انها تتغير
لكن مش هيتغيرو لى درة ان لى اتربو علية كام سنة
يروح كلو مرة وحدة


دى وجهه نظرى

شكرا على موضوعك
همس

[DR.SMA]

مظنش ان الي زي ده ممكن ينصلح حالة بعد الزواج
كل الي هيحصل انههيعمل اسرة مصيرها الفشل
ويمكن يكون في طفل
يبئى هو كدة دمر حياة اتنين
ابنه
وام ابنه
ودة رأيي
لأن مفيش انسان بيتغير بعد ما يوصل للسن ده



مشكووور
الموضوع فعلا يستحق النقاش

[محمد الشريف]

العزيز / أحمد

سبحان الله يهدى من يشاء ويضل لا من يشاء

وسبحانه القائل : من اهتدى فلنفسه ومن أضل فعليها

وسبحانه القائل :

" والذين جاهدوا فينا لنهدينهم سبلنا وإن الله لمع المحسنين "

فليس الزواج ما يصلح شأن أى معوج ولا يعرف سوى الضلالة

فلو كان الأمر منه رجاء فلتكفلت الدولة بزواج كل شقى ضليع

فى الإجرام وسفك الدماء والنصب والاحتيال والنشالين وتجار

المخدرات ووفرت على نفسها عناء السجن وتوابعه ، فالعبرة

بالتقوى وعدم أذى الخلق وعن خبرتى وممارساتى فى مجال

عملى شاهدت ولمست بنفسى حجم قضايا الطلاق والخلع

نتيجة الخداع الذى وقعت فيه زوجات عديدات انطلى عليهن

مظهر العريس ثم سرعان ماتكشفت الخبايا وسوء النية وللأسف

لم تظهر إلا تحت وطأة الظروف والمصادفات فإحدهن وقد

أصابها الذهول تحدثنى أنه تقدم لها بأنه صاحب شركة تصدير

واستيراد واتضح لها أنه نصاب ومن أرباب السوابق ...

وغيرها وغيرها وغيرها ... من هنا وبلا استفاضة فى الشرح

أقول : لن يستقيم ظل عود أعوج ، وسبحان الهادى

وتقبل أطيب تحاياى

[Basma9]

موضوع جميل فعلا يا استاذ احمد
رد الاخت AnGeL SenSe عجبني فعلا وقالت المختصر المفيد
لو الشخص نفسه عاوز يتغير شاف ان خلاصه في الطريقة دي يبقى هيتغير :053:
ويتجوز بقى وربنا يباركله مادام فكر ان الجواز هيحفظه ويحصنه فعلا

بس هقولك عن تجربة شفتها قدام عيني وللامانة اخويا!!
كان زي اي مراهق بيفرح باي حاجة واي فكرة يشوفها قدامه هوب تلمع في عينيه هوب عاوز ينفذها
حتى لو مش ملائمة ليه ..

في سن العشرين تقريبا كان لسة طالب وبيشتغل برضو شغل طياري
ليه صحاب من النوع اللي اهلهم بيجوزوهم بدري دول
طبعا برغبة الشباب نفسهم كمان ..
وفجأة اتجوز 4 من صحابه فالفكرة لمعت في دماغه
جه قال لوالدتي نفس جملتك : جوزوني والا هنحرف ههههههههههه
طبعا من كتر ما كرر الجملة دي امي خافت ليكون جد وقالت ربنا يحفظه ابني ههههههههه
عاوز يحصن نفسه ايه المشكلة مادام هو فكر كدة يبقى لازم نساعده

وفعلا خطبناله واحدة هو بيحبها ولما حس انه اتزنق ووراه مسؤولية وهم مايتلم بعد التخرج اتخنق
من فكرة الجواز نفسها ههههههههه ولقى انها مش مجرد فكرة حلوة وللا هو هيحصن نفسه بس
ولا الحكاية بالحلاوة اللي كان شايفها دي كلها هههههههه

لحد ما البنت الحمد لله نفدت بجلدها وفشكلت الخطوبة لما حست انه مش مرتاح!
وهي للامانة لا تعبت فيه ولا حاولت تغيره على ما اعتقد لانها كانت صغنطوطة وهي نفسها طايشة :surrender:
واخويا لا اتغير ولا حاجة وقاعد يتنطط من فكرة لفكرة

بس اللي ممكن يخلي الشاب يتغير فعلا انه يشتغل ويتحمل مسؤولية نفسه الاول
ويتعلم من الحياة نفسها بنفسه مش يتعلم في بنات الناس
وده اللي حصل مع اخويا برضو لما اشتغل شغل جد وشاف واتعلم من الناس عقل وركز وبقى عارف هو
عاوز يعمل ايه وبعد ما كان مطيور ع الجواز بقى هو اللي شايف ان الجواز مش مناسب ليه دلوقتي مع انه
كبر في السن اهو وعقل :053:

لان على ما يتغير على ايد بنت الناس ممكن البنت دي تكون وصلت لاخرها واتعلمت منه صفات مش كويسة
زي العصبية وغيرها
وده حصل مع اختي وخطيبها فعلا
زي ما هو اتعلم منها هي كمان اتعلمت منه لا اراديا وهو معترف انه هو اللي غيرها وهي اللي غيرته
وهو اللي يحاول يقلل من عصبيتها دي ومن الصفات اللي خدتها منه هههههههههه



طبعا انا رغيت كتير بس حبيت اعزز رأي بحاجات شوفتها
واختصار رأي زي رأي
الاخت
AnGeL SenSe

انه لو عاوز يتغير فعلا وشايف انه ده سبيله الوحيد ومعترف انه في طريق مش صح
يبقى يتوكل على الله ويتجوز اللي يثق في عقلها ويبقى عارف
انها هتغيره فعلا

لكن لو عاوز يتجوز لفكرة الجواز بس
يبقى كدة هيظلم بنت الناس فعلا لانه مش قد مسؤولية نفسه
فازاي هيتحمل مسؤولية بنت الناس

وازاي بنت الناس هتتحمله اصلا :surrender:



تقبل مروووووووووووري

[ماتركس]

اقتباسالمشاركة الأصلية كتبت بواسطة ساحر الاحزاناخى الفاضل

هذة مقولة غير مقبولة

وكثيرا مثل هذة الزيجات

محكوم عليها بالفشل

يعنى هى بتزوجة لجل يعقل

ولا لجل مراتة تصرف علية

واحد بهاى الاخلاق

كيف يتغير اخى العزيز

اعتقد صعب حدوث ذلك

تحياتى لموضوعك القيم

ساحر الاحزان

رايك جميل وصح يا ساحر مووضوع الزواج

مشروع كبير جدا ومش لازم يبدا باستهتار

منورانا يا ساحر دايما بردودك الجميله

[be with me]

انا وجهة نظرى
ان الانسان المستهتر اللى عايش كل حياتة استهتار متحملش مسؤلية
مجرد بتزوج بيعقل بمعنى انة
حيتحمل مسؤلية
بيت وزوجة ووظيفة
وطفل بالمستقبل
اكيد لازم يعقل
لانة حينشغل ببيتة وبحياتة
وحينسا اللى كان بيعملة
ودا كبعا مش على طول بياخد
وقت وخصوصا اول شهر بيبقا
فى مشاكل
علشان يقدر يظبط نفسة
ويسعد زوجتة
بس طبعا فى مش بيتغير وبيشرد زوجتة واولادة
ومش همة شىء خالص
بس دا قليل
انا مع المقولة دى
تحيتى نونا

[فيروزه]

	والله اسم الموضوع مضحك نوعااا مااا يعني بس والله دا الي بيحصل دلوقتي ال هنحرف لو ما تجوزتش وع فكره لو اي بنت مثلا مغلبه اهلها شو يه يقولولهاا لازم تتجوزي وكــــــلام كتير كداااا بس ع فكره عمر الجواز ما بيصلح حد يعني والمفهوووم دا غلط بصراحه الجواز دا بيبقا ستره للبنت عمومااا وساعات في ولاد ربنا بيهديهمـ بعد الجواز علشان بيبقا متحمل مسؤاليه بيت وعيله وكدا بس مش ديمااا بيتصلح حاااالهم وربنا يهدي الجميع ويصلح جميع شبـــاب المسلمين اللهم اميــــن وبجد ميرسي ع الموضوع الجميل داا وربنا يحميك يارب