أشهر جمل بيقولوها الاب و الام فى مصر

[M@HMOUD]

امشى جاتك مشش فى ركبك .


* جتها نيلة الى عايزة خلف تيجى تتفرج .



*ذاكر ياموكوس مش فالح غير فى الهيافه والكلام الفاضى.



* ربنا يرزقك بعيل يوريك اللي ورتهوني.



* هات كيس عيش وانت راجع.



* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .


* هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج).


*أوعا حد يضحك عليك ويقولك جرب السيجارة دي.



*ابقى ورينى مين حينفعك فى الاخر من شوية الصيع الى انت مشيلى وراهم .



* قوم اقرا لك كلمتين ينفعوك .



* وطي المدعوق ده شويه .



* انت فاكرنا نايمين على ودانا ؟



*لما ما ترضاش تاكل في البيت:طبعا مانت اتعودت علي اكل بره .



*ياريتك تحفظ دروسك زى مانت حافظ الاغانى.



* عيـــب ... لازم تحترم اللي أكبر منك .



* لو شفت خناقه ما لكش دعوة بيها .



* كريم دا عيل بايظ وماتمشيش معاه تاني .



* مين منى دي انتى كل يوم تصاحبي واحدة جديدة ؟.



* انته مبتكلش جزر ليه .. اجيبلك برتقانه. طب كل سلطه .



* يبني بأسلوبك ده مش هتعيش معاك واحده .



* قومي ساعدي امك ده اللي هيتجوزك أمه داعية عليه.



* اوعى حد غريب يديلك حاجه تاكلها و تشربها و تاخدها منه .



* يا ابني حرام عليك الى بتعمله فينا ده.



* انا سايبالكوا البيت وماشية ومش حتشوفوا وشي تاني .



* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.



* وانت فاكر احنا مستنيين منك حاجه .



* المسلسل مش هينفعك ...قوم .



*ماتقعد يابنى تكمل أكلك , انت كلت حاجة!!!
(طيب ماهو انا لو جعان أو الأكل عاجبنى إيه اللى هيخلينى أقوم يعنى , هو انا غاوى جوع مثلا )
.



* كفايه رغي في التليفونات .



* كل على مهلك .. وامضغ كويس ... وما تكلش وانت واقف .. وكل من قدامك ما تحفش .



* اطفي التلفزيون وقوم ذاكر ولا و خش اوضتك .



* بلاش تمشى حافى البس شبشب وانته داخل الحمام .



* ما فيش مذاكرة على المزيكا .. وازاى بتذاكر و البتاع ده شغال جنبك .



* افرد ظهرك .



* لم شراباتك.



* ماتكلش فى ضوفرك.



* كنت فين لحد دلوقتى يا صايع.



* ماتتأخرش علشان عندك كلية بكرة بدرى.



* انا مش عارف انته طالع لمين.



* انا : ياماما بقه ايه ده ؟؟؟
ماما:مووو لمـا يــــــخدك .



* ادلعى ياهبة فى ايامك المهببة .


* ده منظر اودة بني آدم ، انت عايش فيها ازاي؟.



* هو انا الخدامه الى ابوكم جبهلكم .



* الى يطلع من الاوضه يطفى النور وراه .



*أبوك عندك أهو اتصرف معاه .



* اللي بيشيل قربه مخرومة بتخر عليه لوحده ..



* لو مش فاهم حاجه ارفع ايدك و قول للأستاذ مش فاهم .. متتكسفش .



* البس فنله قطن تحت ودفي سدرك ودخل التيشرت في بنطلون البيجامه وانته نايم .



* يأبنى المذاكره مابتخلص .... نفسى اشوفك مره ماسك كتاب.



* اعمل حسابك مش حندخلك جامعه خاصه.



* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .



* مالكش دعوة بالسياسة .. وماتمشيش في مظاهرات .و امشي جوا الحيط :d:d .



* احمد ربنا الاكل الى مش عجبك ده فى ناس مش لقينه .



* التهديدات المخيفه والمرعبه : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .



* قومي سخني الأكل لأخوكي.



* ابوكم كان دايم بيطلع الاول على الفصل... " لما كلهم كده امال مين الى بيطلع الاخير .


* ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.



* و أخيرا ::


ضرب امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا ( ٌٌقال يعنى كان بيعرف يركز والناس ماشيه حوليه فى الشارع )

[A7mEd MAJIK]

هههههههههههههههههههههههههههههههه
جاااااااااااااااامد

تسلم الايادى

[dinan]

ههههههههههههههههههههههه
ههههههههههههههههههههههه واللهى موضوع جميل ومضحك جدا يسلموا

[احلى عيوون]

ههههههههههههههههههههههههه
تسلم الايادي
نايس توبيك

[بنت بسيطه]

هههههههههه رائع هو دة الى بيحصل ههههه

[M@HMOUD]

[ELgeneral gEmY]

	تعرف كل ده بيقلوه فى جمله وحده كل يوم اصبح تصحى تلاقى الشريط اشتغل بس تعلرف هما حنينين اوى شكرا يا معلم على الترياءه تسلم

[{rody}]

هههههههههههههههههههههههههههههههه
والله عندك حق
تسلمى

[Rogena]

* مالكش دعوة بالسياسة .. وماتمشيش في مظاهرات .و امشي جوا الحيط :d:d

ايه التطور ده مش كانت جنب الحيط قبل كده هههههه
و الكلام ده ما بنسمعوش غير في مصر
ماهو طوبعا نحن نختلف عن الاخرين ههههه
ميرسي ياميدو بجد موضوع جاااامد
سلمت الايادي

[Princess Noran]

توبيك رائع يسلموووووووووو