عايز تتكلم عن مصر تعالي اتكلم واحناء هنسكت..........؟

[ماتركس]

السلام عليكم ورحمه الله وبركاته

وحشتني الكتابات في هذا القسم الجميل

اليوم انا جايب مووضوع لكي اسكت من يتكلم في حق مصر وهوه مش من ابنائها

اللي خلاني اكتب الموضوع ده

لفتني مواضيع بعض الاعضاء كثير جدا بيغلطو في حقنا كمصريين

وكل واحد عايز يتكلم في السياسه ميقدرش يتكلم غير في سياسه مصر

سواء كان مصري او غير مصري

لكن لو اي حد يتكلم في سياسه دولته ميقدرش علشان دولته هيه الدوله اللي لايوجد بيها اخضاء

ومصر بيها كل الاخضاء

كل واحد ليه في السياسه او ملهوش فيها تلقيه مجيبش غير سياسه مصر وشعب مصر

كل واحد عايز يشتم ميشتمش غير في مصر

كل واحد عايز يعرض موضوع ويتكلم عنه مفيش غير علي مصر

التحرش خلاص الدول كلها مش موجود فيها تحرش والتحرش مش موجود غير في مصر

السرقه الول كلها بقيت مش موجود فيها سرقه والسرقه مبقتش موجوده غير في مصر

الشعب جعان ومش لاقي شغل مفيش غير شعب مصر هوه جعان وباقي الدول شبعانه

الشباب الصايع مفيش شباب صايع غير في مصر

العرب عايزين يحاربو مفيش قدامهم غير مين غير مصر هيه اللي تبقي في الوش

ليه احنا اللي رئيسنا وحش وكل رئساء وملوك الدول التانيه هماء اللي كويسين

يا جماعه يا تري مش كل النقاط دي موجوده في كل الدول والا لا

مش كل دوله فيها اخضاء ومميزات والا لا

ليه كل واحد لما يجي يعرض قضيه وميكنش مصري ليه يلزق القضيه في مصر

يا ريت كل واحد بيتكلم علي سياسه دوله غير وعن اخضاء دوله تانيه ياريت يصلح من اخضاء دولته وبعدين

يجي يتكلم علي مصر

واحنا ليه يا مصريين بنعطيهم الحق من الاساس انهم يتكلمو عن دولتنا ورئسنا وشعبنا

اللي عايز اوصلو ليكم يا جماعه اني اقوالكم قبل اي حد يتكلم عن عيوب وسياسه دوله مش دولته

ياريت يصلح من عيوب دولته هوه الاول وبعدين يجي يتكلم عن مصر

وياريت كل واحد يكون مصري ميتكلمش في حق بلدنا كلمه مش كويسه

ده احنا لازم نفتخر انو احنا مصريين

وشعبنا اطيب شعب

وارضنا ام الدنيا

ورئيسنا هوه حامي بلدنا

وياريت رساله لكل واحد مش مصري ياريت ميتكلمش عن دولة غيره ودولته بها العيوب والاخضاء

ومصر ليست ملطشه لكل جاهل ولكل صاحب علم لكي يتكلم عنها

مصر ام الدنيا وهتفضل ام الدنيا

وكل شخص يتكلم في حقك يا مصر ولايعرف قيمتك انك ام الدنيا يكون جاهل العلم

وياريت كل واحد مش يقراله خبر في الجريده يبقي خلاص يقوال فهمت في السياسه

يا ريت يا جماعه نبطل اللي فينا ده ونعرف قيمه بلدنا

ام الدنيا

مصر ام الدنيا

اخوكم

ماتركس

[ملاك الصمت]

أحمد بجد موضوع جممممممممممممممميل جدا انا ملاحظه مصر هي اللي في الصوره
يعني بجد خلاص احنا بقينا في نظرهم حقن تجارب ياريت بجد يفهموا ان كل بلد فيها الوحش والحلو بمعني مصردي دوله كبيره جدآآآ وحضارة عظيمه جدآآآحضاره
اتبنت من آآلف السنين فراعنه بنوها صح فكروا فيها كحضاره فكروا لقدام
كانوا شايفين هي هتبقى إزاي كانوا فاكرين إن اللي هيجوا بعدها هيحفظوا عليها بس ياخساره اتخيلوا غلط مش دي مصر اللي ربنا ذكرها في كتابه الكريم خمس مرات
مش دي مصر اللي الكل اتعلم منها كل العلوم مش دي مصر اللي ولدت أحمد زويل ونجيب محفوظ والشعراوي ومجدي يعقوب مش دي مصر اللي كبرة وربت مش دي مصر اللي اتربينا في حضنها مش دي اللي الناس الطيبه اللي بجد كاوا بيحبوها فدوها بدمهم وحرورها مش دي الغاليه البلد الطيبه اللي الكل لقىفيها
الآمان ولاايه ياعالم مهما كانت مصر فيها حاجات وحشه بس اصلها طيب مهما كان
فيها مشاكل بس كل بلد فيها الحلو والوحش مافيش حاجه كامله في الدول الكمال لله مش برضوا امريكا اللي حاكمه العالم مش فيها البطاله والفحش كله مش امريكا برضوا فيها كل حاجه حرمها ربنا مش برضوا امريكا فيها نسب التحرش أعلى نسبه مش برضوا امريكا اللي نسب المرض فيها كبيره مش مصر بس دول عربي كتتتير
اللي ميرضيش ربنا كتتتتير بس مافيش حديقول يعني عشان عندنا حرية رأي يبقى نتحاسب عليهامصر مش ناقصها حاجه غير إن أهلها يكونوا معاها مصر عملت كل
حتجه لنا ومحدش ينكر مصر ياناس يلي مش عاجباكم مساحتها اصغر من سكانها
بتحاول تكفي احتياجات سكانها على اقد ماتقدر بس هي عاوزه من اهلها هيتموا بيها
يقفوا جنبها مشيهربوا منها على دول تانيه انا مصريه وافتخر بكدا بس عايشه في السعوديه وبحترم اهله السعوديه بس لو ماما وبابا خيروني هختار بلدي لانها محتاجني أكتر من أول مصر في شغل كتير محتاجه للنجار والمهندس والطيار والبنى والسمكري وغيره يحطوا ايدهم معاها عشان نبني بلدنا مش نهرب منها وقول مافيش شغل لا في شغل بس اللي بيحصل مش شبابنا يدورفي نظاق البلد او القريه اللي عايش فيها وبس ولو مالاقاش وزهق لاخالص انا هسافر ودى اللي حصل مع والدي وانا بعترف وبتكلم بصراحه هو دى بجد اللي بيحصل من شبابنا
سامحوني بس أهلى وناسي اللي انا منهم عاوزلنا نهتم ببلدنا شويه مش معنى كدا مصر وحشه مصر أجمل بلده كفايه ناسها الطيبه ياريت بجد كلنا نحب مصر من قلبنا عشان نعرف نديها ونحافظ عليها ياريت كلنا بجد نخلي بلدنا آمانه في ايدنا
نعاليها مدام عايشين وكملوها مصر حلوه وبتحلو بناسها واحنا بنحب شعوب العالم بس ياريت مصر تتفتكروها بالخير


محبتكم ملاك الصمت

[فيروزه]

	موضووع رائع ويسعدني اكون من اول الي يشوفو الموضوع اولا هرد ع الموضوع دا مع اني مش مصريه بس فخوره جدا اني نصي مصر انا هفسرلك كلمه مصر بالنسبه ليااا م/ موده ومحبه معطاءه ص/ صبر بلد صبر شعب ر/ رحمه ورح طيبه الشعب المصري عموما بيتميز بقلب رحيـــمـ جدا طيب هكلمك في الموضوع انامعاك ان كل بلد في المساوء وفي الحسنات وفي الحلو والوحش اكيد بس لما تلاقي فجاءه كل النـــاس تتكلم عن بلدك بالطريقه دي اكيد هتتحمق وهتزعل وهتقولي طب هي بلدي عيبها ايه علشان كل الناس تتكلم عليها بالطريقه دي ليه كل المصايب والمشاكل مش بتحصل غير في مصر دا في بلدان بيحصل فيها بلاوي ومش بنسمع عنها اي حاااجه طب دا يبقا ايه ؟؟ والعيب دلوقتي من مين ؟؟ هقولك راي ومحدش يزعل الشعب هو الي عامل في نفسه كداا والله بسم الله مشاء الله اي حاجه تحصل بالليل مثلا تلاقي الشعب كله عنده خبر بيها الصبح لا الصبح ايه بس الفجر شوف يااحمد احنا الي بنرفع بلدنا واحنا الي بنزلهاااواحنا الي بنحافظ عليها واحنا الي بنهينها سواء من كلام النــاس من الاحقاد من الاعداء من اي حد بس دلوقتي الناس بقت تستني تسمع حاجه علشان تزود عليهااا وتتكلم فيهااا مش تدافع عنها دانت نفسك لو قعدت اسبوع من غير ما تسمع خبر سواء وحش اومفاجي او غريب عن مصر هتستغرب هي وصلت معانا لكداا يبقا العيب عيب بشر مش عيب بلد واحنا الي بنعمل البلد طولت عليك اوي بس موضوع رائـــــــع

[Fire Heart]

اقتباس
المشاركة الأصلية كتبت بواسطة ماتركس

ياريت يصلح من عيوب دولته هوه الاول وبعدين يجي يتكلم عن مصر
وطبعا هو ده اللى لازم يحصل مش كل من هب ودب يتكلم عن بلدنا وبلد آبائنا وأجدادنا لازم قبل ما يتكلم يعرف مين هيا مصر دى وبعدين يتكلم

وياريت كل واحد يكون مصري ميتكلمش في حق بلدنا كلمه مش كويسه
وهو دا اللى المفروض يحصل بس هتقول لمين؟ ولا حياة لمن تنادى أما يعنى فكرك مين اللى مخلى سمعة مصر زى الزفت (سورى فى اللفظ) فى أروبا وأمريكا و و و و و

ده احنا لازم نفتخر انو احنا مصريين

وشعبنا اطيب شعب

وارضنا ام الدنيا

ورئيسنا هوه حامي بلدنا
طبعا كل دا مظبوط 100% محدش ينكر

وياريت رساله لكل واحد مش مصري ياريت ميتكلمش عن دولة غيره ودولته بها العيوب والاخضاء
يستحسن برضه

ومصر ليست ملطشه لكل جاهل ولكل صاحب علم لكي يتكلم عنها
والله أنا معرفشى اللى بيتكلم عن مصر ده ليه مش بيتكلم عن دولته اللى مليانة حاجات أسوأ من اللى موجودة فى مصر؟؟؟!!!!

مصر ام الدنيا وهتفضل ام الدنيا
بالتأكيد 100%

وكل شخص يتكلم في حقك يا مصر ولايعرف قيمتك انك ام الدنيا يكون جاهل العلم
والله يا كابتن اللى بيتكلم عن مصر ده (لو كان منها) يبقى ميستحقش يعيش فيها أصلا ولا يحمل اسمها أبداااااااااااااا

وياريت كل واحد مش يقراله خبر في الجرنان يبقي خلاص يقوال فهمت في السياسه
هى السياسة عندكو يعنى خبر فى الجرنان ولا إيه؟؟؟؟؟؟؟

يا ريت يا جماعه نبطل اللي فينا ده ونعرف قيمه بلدنا
ياريت برضه

ام الدنيا

مصر ام الدنيا

أخى الفاضل ماتريكس
وعليكم السلام ورحمة الله وبركاته
عارف أنا كنت لسة هكتب موضوع شبه ده بس لما لقيتك كتبته قلت ماشى كويس برضه أهو الواحد يتناقش برضه مش مشكلة
بصراحة موضوع فى غاية الأهمية تسلم على الطرح الراقى

[نانـــــو]

انا ليا رد يا احمد بس استاذنك الاول فى عرضه ممكن اجاوب بصراحة مطلقة ولا لاء

[ماتركس]

اقتباسالمشاركة الأصلية كتبت بواسطة nano&memoانا ليا رد يا احمد بس استاذنك الاول فى عرضه ممكن اجاوب بصراحة مطلقة ولا لاء

نسرين

احنا كلنا الحمدالله هناء تحت شعار اختلاف الراي لا يفسد في الود قضيه

واللي عنده اي كلام لازم يقوالو

منظرين ردك يا نسرين

[тoкα..♥]

مصممين برضو تضايقونآ >> إوعآ تفهم غلط ^^
والله مآحد بيحس بقيمتهآ غير لمآ يبعد عنهآ
وإحنآ إللي سيبنآ الفرصة لكل النآس تتكلم في شؤون دولتنآ
إذآ كآنو من أبنآءها وبيطلعو يفضحو الدنيآ عــ الفضآئيآات
مش عآيز الغريب بئآ يعمل كدآ
والله مش هلومه لو عمل كدآ بصرآحآ ,,
أنــآ لو شآيفآ عيب فـ بلـدي هصلح لو أقدر ,, مقدرش أكلم غيري وأتعآون وهقدر ,,
لكن الأسلوب الي مآشيين بيه دآ بصرآحآ مش عآجبني ,,
هآتلي دوله وآحده شعبهآ قلبو طيب زي شعب مصر ,, مفـــيـــش ,,
الغــلـط مش في الدوله والله ,, الغلط على اللي غرقوهآ ولسه بيقولو بيحبوهآ ,,
بقينآ دوله تآبعة بعد مآكنآ أقوى دوله فــ 73
ولآ فــي حد نســي ؟!
بــس برضــو هتفضل مصر هي مصر هي أم الدنيآ هي منبع الحضآرآت
هي أسآس كل الأسس ,,


""بــعــدت وكــنت هعمـل إيه من إخــتآر غربتــو بإيديه لكـن حبك دآ منستهوش وعــآش فيــآ ""
تحيآتي عـ الموضوع ,,

::

::

[نانـــــو]

انا مش ضد الى يعرض الحقيقة انا ضد الى يعرضها
ناقصة هتقولوا شعب مصر مظلوم هقلك لا هو الى شعب سلبى
لو فى اى حد هنا من المحلة هياكد كلامى المحلة بقت حاجة تانية خالص حصلت فيها تطورات بشكل سريع بقت جميلة جدا لو تكنكيل ينزل المحلة لانه منها وسابها فترة هيعرف
الفرق بين زمان والاول يعنى المسئولين بيتحركوا مش واقفين زى ما احنا بنعرض ونقول ايه احنا بنعانى من ايه نقول برضه اتعملنا ايه ده الحق قول الى ليك والى عليك فى الصور
دى اكياس زبالة مرمية قدام المدرسة من الى رميها مش الاهالى لو كل واحد حاط زبالته فى كيس وعلقها بمسمار قدام بابه بتاع البلدية هيجى ياخدها انما بالمنظر ده يقرف اى حد
ويجيب
اى مرض للى يقرب منها الصور الى انت جايب الطالبة بتهرب منها احنا مش هنمسكهم من ايديهم علشان يتعلموا وللعلم ان مناهج مصر صعبة جدا عن الدول العربية
واظن ان فى كتير هنا من الدول العربية ممكن ياكد كلامى وحطوا مقارنة بين المناهج النقطة التانية انتوا بتكلموا عن الانحلال فى الافلام اوك الافلام دى لو مكنش ليها تسويق فى
الدول بدون تحديد اسماء مكنتش زادت انا مش بدافع عن الافلام لانها فعلا افلام منحلة انا حبيت قبل ما نحكم على شعب غيرنا نشوف شعبنا
انتوا ضد الرئيس يكفى اوى احنا فى عصره مفيش اى حروب خارجية وتعامله كويس مع الشعوب الباقية اى كانت على النقيض الدول العربية كلها مع بعض منازعات
وزى ما قلتلك المشكلة الوحيدة ان شعبها سلبى لو كان كل واحد تمسك بحقه قدام اى جنسية تانية وعمله كرامه مكناش بقينا محط للشفقة من باقى الدول
مرسى يا احمد على اجمل توبيك واعذرنى على صراحتى الى هتزعل اعضاء بس من حق كل واحد يدافع عن بلده وانها تبقى محط اعجاب لباقى الشعوب
انت لما نزلت توبيك عن دبى كنت فرحان انك شفت ده بس من جواك زعلان لانك انت كمان عايز تحط حاجات زى دى لبلدك وده طبيعى بايدك وبايدنا كلنا هنبقى احسن
فى حاجة ممكن تفتخر بيها وترد بيها على اى واحد يهين مصر
ذكر اسم مصر خمس مرات في القرأن الكريم

(اهبطوا مصر فأن لكم ما سألتم ) سورة البقره

(ادخلوا مصر ان شاء الله امنين ) سورة يوسف

(وأوحينا إلى موسى وأخيه أن تبوءا لقومكما بمصر بيوتا) سورة يونس

(قال ياقوم اليس لي ملك مصر ) سورة الزخرف

(وقال الذي اشتراه من مصر) سورة يوسف

يكفى ده اووووووووووووووووى عن اى حاجة تانية ممكن نفتخر بيها يكفى ان ربنا كرمنا عن باقى الشعوب العربية اسفة على الاطالة يا احمد

بجد توبيك اكتر من رائع

[DR.SMA]

انا من المحله يا نسرين
وهرد عليكي
انا كنت بسافر بره كتير لاني كنت عايشه في السعوديه
ولما كنت بلاجع كان عادي مفيش تغيير
بس من حوالي 3 سنين بدا تغير جميل يحصل
سافرت سنه ورجعت لاقيتها حاجه تانيه خالص
بجد التطور الي حصل فيها رائع
يمكن الي عايشين فيها ميحسوش اوي بده
لكن لاني كنت مسافره وغبت عنها فتره
فشوفت الفرق واضح
وده كنت بتكلم فيه قريب
في حاجات جميله كتير حصلت
وفي حاجات اكتر لازم تحصل
بس المشكله ان الي بيتكلم بيسؤا الصوره وبس
يعني مش مشكله وحل
لا مشكله وقله ادب وخلاص
طيب انت اتكلمت عن المشكله ايه رايك تقول حل
بدل ما انت عمال تتكلم على الفاضي وخلاص
شكرا على الموضوع يا احمد
موضوع جميل ويتحق اكتر من الشكر بكتير
تحياتي ليك
اختك سمـــــا

[~♥ Queen sozan♥~]

السلام عليكم ورحمة الله وبركاته

افحمنى موضوعك يا ماتركس
بجد ممتاز وواضح حب جدااا لى بلدك وحكومتك
واحنا مش هنقف سكتين لى شخص مهما كان يجى يقول فى حق بلدنا حاجة
او يقول نص كلمة علية لان احنا منها وبنعشاااااااااااااااااااقهااااااااا
هى الكيان لى احنا عيشين عشانو
مينفعش نسمع فيها حاجة ونسكت لان حقها ندافع عنهاااا
بروحنااااا

" الشجرة المثمرة هي التي يهاجمها الناس"

يعنى لو مكانتش مصر ولادة وبتطلع اجيال نفخر بية
مكانوش حولو كل المحاولت الامميتة دى لى تغيب عقولنا
وقتل علمائنا فى الخارج والداخل ايضا
لو مكانتش مصر هى حماية العرب مكانوش قالو مصر لى تقود
الوطن العربى
لو مكانتش مصر أم الدنيااا مكانش فية دول عربية
وطبعا معروف انجازات بلدنا فى العوام الماضية
ومحدش يقدر ينكر فضل مصر على الجميع ...

ولـــــــــــــــــــــــــــــــــــــــــــــــك ـــــن
من حق اى مصرى فاهم ومدرق وحامل جنسية البلدى وعايش فى طرابها
وطالع عينو فيهااا من حقو يتكلم عنها
ومن حقنا نطالب با احسن حال فى كل الاحوال

ولا اطيل عليك

هقول كلمة وحدة

من حقنا التغيرررر ومن حقنا الارتقاء با بلدنااا طول ما فينا نفس
ومن حقنا نحلم

لان لو بطلنا نحلم نموت


تحياتى ليك
همس الجراح