::: فعاليات المنتدى :::

أهلا وسهلا بك إلى منتديات بنات مصر.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

آخر 12 مواضيع
حل جميع مشاكل إيقاف الفوتوشوب وإستعادة الإعدادات الافتراضية-Restore Photoshop default
الكاتـب : JUST AHMED - آخر مشاركة : اميره باحجابى - مشاركات : 2 -
البطل المزيف....قصة قصيرة
الكاتـب : مارد الغضب - آخر مشاركة : يحيى الفضلي السودان - مشاركات : 2 -
الوفاء
الكاتـب : يحيى الفضلي السودان - آخر مشاركة : اميره باحجابى - مشاركات : 6 -
كوكب جديد
الكاتـب : يحيى الفضلي السودان - آخر مشاركة : اميره باحجابى - مشاركات : 4 -
لا تقلقى - بقلمى
الكاتـب : الفارس الخيال - آخر مشاركة : اميره باحجابى - مشاركات : 5 -
سهل نخسر بعض
الكاتـب : شاعر الحب الحزين - آخر مشاركة : اميره باحجابى - مشاركات : 12 -
غموض عاشق - بقلمى
الكاتـب : الفارس الخيال - آخر مشاركة : اميره باحجابى - مشاركات : 2 -
حز في قلبي
الكاتـب : يحيى الفضلي السودان - آخر مشاركة : اميره باحجابى - مشاركات : 3 -
خط الزمن
الكاتـب : ahmed 22 - آخر مشاركة : اميره باحجابى - مشاركات : 7 -
إزاي تضيف التأثير الدرامي بالفوتوشوب - Create a Dramatic Color Effect
الكاتـب : JUST AHMED - آخر مشاركة : اميره باحجابى - مشاركات : 2 -
انا حاسس بيك
الكاتـب : ahmed 22 - آخر مشاركة : اميره باحجابى - مشاركات : 5 -
السلام عليكم
الكاتـب : يحيى الفضلي السودان - آخر مشاركة : اميره باحجابى - مشاركات : 9 -

إضافة رد
 
LinkBack أدوات الموضوع انواع عرض الموضوع
قديم منذ /11-30-2010, 05:57 PM   #1

 

 رقم العضوية : 59147
 تاريخ التسجيل : Nov 2010
 المكان : alex
 المشاركات : 54
 النقاط : The Queen Mero will become famous soon enough
 درجة التقييم : 50
 قوة التقييم : 0

The Queen Mero غير متواجد حالياً

أوسمة العضو
افتراضي يوميات بنات اخر شقاوة.....

::الحلقة الاولى::



ريتاج بتتصل بملك على الفون.

ريتاج : الوووو .

ملك : الووو .. ايوة.

ريتاج : ايوة .. ازيك يا ملوكه.

ملك : الحمد لله .. ازيك انتى يا عسل.

ريتاج : الحمد لله تمام .. إيه؟!

ملك : ايه ايه انتى موش جايه المدرسه بكره ولا ايه ؟

ريتاج : والله مكسله اوى مش عارفه كده مالى.

ملك : لا يا توتى بليز تعالى بلييييييز .. ده بكره اول يوم هتسبينى لوحدى .

ريتاج بأستهبال :لا اتحايلى عليا شويه .

ملك بعصبيه :بقولك ايه هتيجى يعنى هتيجى فاهمة .

ريتاج: طيب طيب خلاص يالهوى عليكى .

ملك : هيييييييه هتيجى هتيجى.

ريتاج :طيب روحى جهزى اللبس علشان بكرة ..سلام.

ملك : سلام يا عسل.

تعريف للشخصيات الرئيسيه :

ريتاج: بنت جميله وذكيه تبلغ من العمر 15 سنه فى الصف الاول الثانوى العلمى هواياتها كرة السله والقراءه هاديه جدا



ملك: بنت جميله وذكيه تبلغ من العمر 15 سنه مع ريتاج فى نفس الفصل
هواياتها القراءة وهى رسامه وعصبيه جدا جدا ومندفعه ومتسرعه
وبتكره المقالب خالص ورومانسيه جدا ومتقلبه المزاج




شاهى: بنت قلبوظه وشقيه اوى وبتحب تعمل المقالب موت زى عنيها وبالذات فى ملك هيا مع ملك وريتاج فى نفس الفصل



نكمل القصه :
فى احدى مدارس مصر الجديده قبل طابور الصباح تقابل الاصدقاء من جديد

ملك : شاهى ..ريتاج وحشنى مووت ازيكو يا عيال

شاهى : عيال احنا عيال ماشى ماشى هنردهالك يا ست ملك

ريتاج : اسكتى بقى .. ازيك انتى يا ملوكه انتى كمان وحشتينى (اكنهم مش لسه متكلمين امبارح)

ملك: والنبى يا شاهى مش عايزين مقلب من مقالبك السخيفه دى

ريتاج : اه بلاش مقالبك دى يا سخيفه

شاهى : ايه ده انتو الاتنين عليا ماشى ماشى والله لهتشوفو ..

ويسمعو صوت الجرس

شاهى : ايه ده الجرس رن .. احنا لحقنا

ملك: على رأيك



ولما طلعو الفصل بدأت مقالب شاهى فى مدرسه المنطق

ريتاج : ملك مزهقتيش الست دى عماله تلوكلوك من الصبح وانا مش فاهمة حاجه

ملك: شويه كمان وهطق

تنط شاهى من وراهم وتقول : بتخططو لايه من ورايا

ريتاج : ابدا زهقانين

شاهى : طيب استنو عليا وانا هضحكو دلوقتى

ملك : هتعملى ايه

شاهى : هتشوفى ... يا استاذه يا استاذه

المدرسه : نعم يا شاهى فى ايه

شاهى : انا مش فاهمة حاجه يا استاذه

المدرسه : مش فاهمة ايه يا شاهى

شاهى : مش فاهمة المعادله دى

المدرسه بأستغراب : معادله ايه

شاهى : دى يا استاذه اللى على السبورة .. وبعدين حضرتك وافقه ليه اتفضلى اقعدى اقعدى يا استاذه

المدرسه بحسن نيه : شكرا يا شاهى

ويادوب جايه تقعد يعينى راحت شاهى شدت الحبل اللى كانت رابطاه فى رجل الكرسى وهوووب وقعت المدرسه على الارض

والفصل كلو فى صوت واحد : ههههههههههههههههههاى

وقامت المدرسه وهيا متضايقه اوى : مين اللى عمل كده ايه الكرسى ده اكيد مكسور



ومر اليوم الدراسى وريتاج وملك وشاهى مروحين مع بعض

ريتاج : يوم ممل اوى

ملك : اه بس الا المقلب اللى عملتو البت شاهى ده هههههههه

شاهى : يلا اى خدعه عدو الجمايل

وقطع صوتها موبايل ملك

ريتاج : مين بيتصل

ملك بفرحه : ده كريم



كريم ولد فى كليه شرطه بيحب ملك وملك بتحبه ذكى جدا وعصبى شويه دمه خفيف



نرجع تانى للقصه

شاهى : يوووو انا مش بحب كريم ده خالص

ملك : اسكتى بقى علشان هرد عليه

شاهى : يووووووو

ملك : الو

كريم : ايوة يا حبيبتى

ملك : ازيك يا كريم

كريم : الحمد لله تمام ازيك انتى

ملك : كفايه عليا انى اسمع صوتك

كريم :وحشتينى

ملك : ......

كريم : مالك اتكسفتى

ملك : شويه

كريم : حبيبتى بتتكسف يا خواتى

ملك : هههههههههههه

كريم : طيب يا حبيبتى انتى فين

ملك : انا مروحه البيت

كريم : ترجعى بالسلامه رنى عليا لما توصلى

ملك : اوكى

كريم : طيب يا حبيبتى انا بس حبيت اطمن عليكى

ملك : اوكى

كريم : يلا ترجعى بالسلامة ..باى

ملك : باى

شاهى : خلصتى

ريتاج : فى ايه براحه على البت

ملك : دا انتى رخمة بجد

شاهى : انتى ارخم ... طيب انا وصلت سلام اشوفكو بكره

ريتاج : سلام

ملك : باى

ريتاج : مالك يا بت سرحتى فى ايه

ملك : هه لا ابدا مفيش

ريتاج : لا حول ولا قوة إلا بالله العلى العظيم

ملك : سبينى بقى يا توتى

ريتاج : وكمان بتدلعينى ياسعده يا هناه

ملك بأستعباط : هو مين ده

ريتاج : لا والنبى شوفو البت

ملك : توتى يلا باى اشوفك بعدين

ريتاج : اوكى خدى بالك من نفسك

ملك : اوك وانتى كمان

وفضلت ملك ماشيه سرحانه وبعدين رنت على كريم وطلعت البيت..

مستنيه ردودكم ورائيكم ياقمرات فاليوميات عشان اكلمها..

واشوفكوا فى الحلقة التانية







  رد مع اقتباس
قديم منذ /12-02-2010, 08:18 AM   #2

 

 رقم العضوية : 60432
 تاريخ التسجيل : Dec 2010
 المشاركات : 2
 النقاط : naree will become famous soon enough
 درجة التقييم : 50
 قوة التقييم : 0

naree غير متواجد حالياً

أوسمة العضو
افتراضي

جااااااااااامده موووووووت بليز كمليها







  رد مع اقتباس
قديم منذ /12-02-2010, 08:03 PM   #3

 

 رقم العضوية : 59147
 تاريخ التسجيل : Nov 2010
 المكان : alex
 المشاركات : 54
 النقاط : The Queen Mero will become famous soon enough
 درجة التقييم : 50
 قوة التقييم : 0

The Queen Mero غير متواجد حالياً

أوسمة العضو
افتراضي

مرسيه ياقمر على مرورك
ومن عيونى هكملهالك طبعا
بس يارب تعجبك
::الحلقة الثانية::



بعد ما كل واحده رجعت بيتها
نروح لبيت ريتاج ونشوف ايه حصل هناك
دخلت ريتاج الفيلا بضجه وهى بتقول
ريتاج : ياناس يا عالم انا جيييييييييت
اخوها مازن بأستهبال : نورتى البيت



مازن اخو ريتاج عمره 18 سنه وسيم جدا وطيب وحنون وبيحب اخته
وبيحب يضايقها وبيخاف عليها ودايما ابدا يحب يدايقها




ريتاج : طبعا نورت البيت يا خويا موش انا اخر العنقود
مازن وهو بيطلع لسانه : اخر العنقود مين يا بيبى انتى فاكره انك هتاخدى حب بابا منى لا انسى
ريتاج بدلع : بابا .. شوف ابنك ده
الاب : بس يا مازن سيب اختك فى حالها



الاب (محمد) حنين اوى وبيحب اولاده وبيحاول يعوضهم عن نقص الحنان بعد فقدان الام وهى توفت فى حادث ومتزوجش بعدها عنده شركه استيراد وتصدير



مازن : تحت امرك يابابا
ثم يكمل هامسا لريتاج: ليا كلام معاكى بعدين يابيبى
ريتاج : هتعمل ايه يعنى
مازن : هعمل ايه اصبرى عليا بقى
وقام يجرى وراها وهيا قامت تجرى
مازن وهو بيجرى : هعمل ايه ها خدى هنا يا بت
ريتاج : ههههههاى ياسلام يا بطئ
وقفلت عليها باب غرفتها
مازن : يا خوافه ماشى
ريتاج : اسكت بقى
وراحت غيرت لبسها وصلت ونامت

ثانى يوم فى المدرسه كانت ريتاج قاعده مع ملك قبل الطابور
ريتاج : شاهى اتأخرت كده ليه
ملك : يا سلام على اساس انها بتيجى بدرى اصلا
ريتاج : على رأيك
ورن جرس الطابور وهما فى نص الطابور جت شاهى وهيا مش قادرة تاخد نفسها
ملك : شوشو فى ايه يا بت ؟
شاهى : ياااه على اللى حصلى انا كنت ماشيه ...
وقبل متكمل جملتها طلعت مدرسه _يعنى يا شاهى كلامك بيتقطع كتير مرة كريم ومرة مدرسه مهزله يعنى _
المدرسه : شاهى جايه متأخرة وبترغى مع اللى جنبك
شاهى : سورى يا استاذه .. انا مليش دعوة هما اللى اتكلمو معايا
المدرسه : طيب اسكتو واسمعو النشيد الوطنى
تحيا جمهوريه مصر العربيه
شاهى : واحد فول واتنين طعميه
ملك وريتاج : هههههههههه يخرب عقلك



وعدت حصه ورا حصه ورا حصه لغااايه مجيه البريك ونزلوا
ملك : حد عايز حاجه من الكافتريا
شاهى : اه انا عايزة عصير وشيبسى وكيك و...
ريتاج : بس بس كل ده
شاهى بطريقه تخوف : اه حد عنده مانع
ريتاج بخوف _البت خافت ياعينى _: هو انا قلت حاجه
ملك : ههههههههههه
شاهى بنفس الطريقه : وانتى كمان بتضحكى على ايه ياختى
ملك : هاا لا مفيش انا اسفه والله_ وانتى كمان خوفتى لاحول الله يارب شاهى عامله رعب فى المنطقه والمناطق الجاورة _
شاهى : اه بحسب ناس تخاف متختشيش



وعدت كام حصه كده وبعدين جه مدرس الرياضيات
وشاهى تكره حاجه اسمها رياضيات
ولازم تزهق المدرس فى عيشته
دخل المدرس
المدرس : صباح الخير ازيكو يا تلاميذ
شاهى : صباح ايه يا استاذ احنا بقينا الضهر
المدرس : طيب يا لمضه ...اتفضلو اقعدو
شاهى : شكرا يا استاذ
المدرس : نبدأ بس الله توكلنا على الله
شاهى : انت جاى تخطب
المدرس : شاهى كلمه كمان وهتنزلى تحت للعميده
شاهى : سورى يا استاذ
وبرضو مش رحمت المدرس كل ميقول كلمه تتريق عليه لغايه
المدرس : شاهى اخرجى برا واستنينى عند مكتب العميده فاهمة
شاهى : لا يا استاذ اسفه خلاص ونبى اخر مرة
المدرس : بقول اخرجى مسمعتيش
وانتوا فاكرين انها هتسيبو لا مسبيتهوش برضو
فضلت وملت كيس ميه وبعدين والاستاذ نازل على السلم
هووووووووب ولبسو بقى محتاج يتحط فى الشمس



وخلص اليوم على خير ومحصلش حاجه تانى
وهما ماشين مروحين بيتهم
رن موبايل ملك طبعا شاهى هتفرقع
ملك : كريم بيتصل
شاهى : يوووووووو
ريتاج : شاهى بطلى رخامه
شاهى : والله شكلو هيوديكى فى داهية فى الاخر
ملك : داهية تاخدك




تابعووووووووووونى عشان اكمل









  رد مع اقتباس
قديم منذ /12-03-2010, 07:29 AM   #4

مشرف قسم القصص سابقا

 

 رقم العضوية : 6821
 تاريخ التسجيل : Sep 2008
 العمر : 42
 الجنس : ~ رجل
 المكان : مصر _ قنا
 المشاركات : 1,621
 النقاط : شريف القناوى has a reputation beyond reputeشريف القناوى has a reputation beyond reputeشريف القناوى has a reputation beyond reputeشريف القناوى has a reputation beyond reputeشريف القناوى has a reputation beyond reputeشريف القناوى has a reputation beyond reputeشريف القناوى has a reputation beyond reputeشريف القناوى has a reputation beyond reputeشريف القناوى has a reputation beyond reputeشريف القناوى has a reputation beyond reputeشريف القناوى has a reputation beyond repute
 درجة التقييم : 3061
 قوة التقييم : 2

شريف القناوى غير متواجد حالياً

إرسال رسالة عبر Yahoo إلى شريف القناوى
أوسمة العضو
افتراضي

اختى الغاليه
اولا اود اعبر عن اعجابى بالاسلوب الجميل لليوميات هو خفيف وسريع ويحمل الواقعيه حاجه بتمر بيها البنات فى مراحل عمرهم اتمنى انك تكملى اليوميات ويكون ليها معنى وفائدة لكل الاعضاء ولو محتاجه اى مساعدة او استشارة انا موجود
وفقك الله وتقبلى مرورى البسيط بين عبير صفحاتك
اخوكى القناوى







  رد مع اقتباس
قديم منذ /12-03-2010, 10:41 AM   #5

عضو ذهبي

 

 رقم العضوية : 51888
 تاريخ التسجيل : Jul 2010
 العمر : 23
 الجنس : ~ بنوتة
 المكان : عربية وافتخر
 المشاركات : 1,268
 الحكمة المفضلة : ثق بنفسك أو علىالأقل تعايش مع نفسك بالثقة حتى تصبح حقيقة
 النقاط : رنيم الشوق is a splendid one to beholdرنيم الشوق is a splendid one to beholdرنيم الشوق is a splendid one to beholdرنيم الشوق is a splendid one to beholdرنيم الشوق is a splendid one to beholdرنيم الشوق is a splendid one to beholdرنيم الشوق is a splendid one to behold
 درجة التقييم : 810
 قوة التقييم : 0

رنيم الشوق غير متواجد حالياً

إرسال رسالة عبر ICQ إلى رنيم الشوق إرسال رسالة عبر AIM إلى رنيم الشوق إرسال رسالة عبر MSN إلى رنيم الشوق

أوسمة العضو
افتراضي

والله القصة مرة حلوة يسلمو يدج واحلى شئ هو اللهجة المصرية مرة حلوة يسلمو







  رد مع اقتباس
قديم منذ /12-03-2010, 01:01 PM   #6

do'udo

مشرفة قسم الالعاب سابقا

 

 رقم العضوية : 25310
 تاريخ التسجيل : Jul 2009
 الجنس : ~ بنوتة
 المكان : U A E
 المشاركات : 6,824
 النقاط : ĶǎnDO̳̿uChǎ ツ has a reputation beyond reputeĶǎnDO̳̿uChǎ ツ has a reputation beyond reputeĶǎnDO̳̿uChǎ ツ has a reputation beyond reputeĶǎnDO̳̿uChǎ ツ has a reputation beyond reputeĶǎnDO̳̿uChǎ ツ has a reputation beyond reputeĶǎnDO̳̿uChǎ ツ has a reputation beyond reputeĶǎnDO̳̿uChǎ ツ has a reputation beyond reputeĶǎnDO̳̿uChǎ ツ has a reputation beyond reputeĶǎnDO̳̿uChǎ ツ has a reputation beyond reputeĶǎnDO̳̿uChǎ ツ has a reputation beyond reputeĶǎnDO̳̿uChǎ ツ has a reputation beyond repute
 درجة التقييم : 433404
 قوة التقييم : 217

ĶǎnDO̳̿uChǎ ツ غير متواجد حالياً

 

 

 

 

أوسمة العضو
افتراضي

حلوة جداااااااااااااااا
تسلمممممممممممممي







  رد مع اقتباس
قديم منذ /12-03-2010, 07:13 PM   #7

مشرفة ديكورات وأثاث سابقا

 

 رقم العضوية : 49445
 تاريخ التسجيل : Jun 2010
 الجنس : ~ أنثى
 المكان : السعوديه
 المشاركات : 10,530
 الحكمة المفضلة : اتقي شر من احسنت اليه
 النقاط : احلى عيوون has a reputation beyond reputeاحلى عيوون has a reputation beyond reputeاحلى عيوون has a reputation beyond reputeاحلى عيوون has a reputation beyond reputeاحلى عيوون has a reputation beyond reputeاحلى عيوون has a reputation beyond reputeاحلى عيوون has a reputation beyond reputeاحلى عيوون has a reputation beyond reputeاحلى عيوون has a reputation beyond reputeاحلى عيوون has a reputation beyond reputeاحلى عيوون has a reputation beyond repute
 درجة التقييم : 9423
 قوة التقييم : 5

احلى عيوون غير متواجد حالياً

 

 

 

 

 

أوسمة العضو
افتراضي


قصه رووووووووووووعه
تسلم ايدك حبيبتي
متابعين معاكي







  رد مع اقتباس
قديم منذ /12-04-2010, 10:46 AM   #8

 

 رقم العضوية : 59147
 تاريخ التسجيل : Nov 2010
 المكان : alex
 المشاركات : 54
 النقاط : The Queen Mero will become famous soon enough
 درجة التقييم : 50
 قوة التقييم : 0

The Queen Mero غير متواجد حالياً

أوسمة العضو
افتراضي

مرسيه على مروركم ياحلوين
::الحلقة الثالثة::



اخذت ملك فى البكاء وهى فى حضن صديقتيها المقربتين وراحت فى تذكر ما حدث

ملك : الـــو
كريم : ايوة يا حبيبتى
ملك : ازيك يا كريم
كريم : الحمد لله يا حبيبتى ازيك انتى
ملك : انا الحمد لله تمام
كريم : ملك .. انا عايز اقولك حاجه بس متردد
ملك : فى ايه يا كريم قلقتنى
كريم : انا هسافر برة مصر
ملك : ايه هتسافر ليه
كريم : علشان الشغل مانتى عارفه انى بشتغل مع بابا فى الشركه
ملك : طب ودراستك
كريم : هحول ورقى هناك
ملك : يـــاه ده انت مطول بقى
كريم : اه هطول
ملك : طب وانا
كريم : لازم نسيب بعض يا ملك
ملك وهى تنزل دمعه ساخنه من عينها : ايه نسيب بعض
كريم : بابا مصمم انه يجوزنى بنت عمى
ملك : يعنى هتتجوز بنت عمك
كريم : لازم نسيب بعض يا ملك
ملك : بس انا بحبك
كريم : وانا كمان بحبك بس الظروف اقوى منى ومنك
ملك : اتمنى انى اموت على انى اسيبك
كريم : وانا كمان .. سلام يا ملك للأبد
ملك : .................. سلام يا كريم وربنا يوفقك فى حياتك الجديده
كريم : بس انا عايزك تعرفى حاجه واحده انى هفضل احبك مهما حصل
ملك : وانا كمان والله بحبك
كريم : سلام
ملك : ....سلام
ثم اخذت فى البكاء

طبعا اصحابها راحو معاها البيت علشان يخففوا عنها بس هيا فضلت سرحانه ودموعها فى عنيها

ريتاج : ملك ... ملك ..هالو حد سامعنى ولا انا بكلم نفسى
شاهى : انا قلتلك بلاش يا ملك الولد ده وانتى صممتى مش انا قلتلك فاكرة ...
ريتاج مقاطعه : ايه يا بنت اسكتى مش هيعمل حاجه الكلام ده بالعكس هيزيد حالتها دى
ملك : شاهى لو اتكلمتى فى الموضوع ده تانى بجد هنخسر بعض
شاهى : هنخسر بعض علشان عيل ولا راح ولا جه
ملك : شــــــاهى
ريتاج : خلاص بقى ..
شاهى : ماشى هعمل نفسى مش واخده بالى
ايه مش هناكل ولا ايه انتو معندكمش اكل يا ملك ولا ايه
ريتاج : لا مش هناكل هنا تعالو نخلى رجب _ السواق _ يوصلنا لمطعم
شاهى : خلاص اوكى
ملك: شاهى .. انتى مفيش حاجه تقوليها الا وفيها اكل
شاهى : ههههههه يابنتى احلى خمس حاجات فى الدنيا تلاته الاكـــــل
ملك وريتاج: هههههههههههه
شاهى:طب بقول ايه بقى انا جعانه هتغدونا ولا ناكل برااا
ريتاج:لا يلا نأكل برا احسن انا قايله لدادى انى ممكن اتاخر
شاهى: وانا كمان..
ملك: طب اصبروا لما اقول لماما
اول ماقالت ملك هقول لماما ريتاج افتكرت مامتها المتوفيه اخذت تقول فى سرها :وحشتينى اوى يا مامى وحشتينى اوى

رجعت ملك بعد خمس دقايق
ملك:يلا وافقت..
ريتاج وشاهى: يلااا




فى السياره التى يملكها والد ريتاج
ريتاج : رجب ودينا على المطعم
رجب : حاضر يا آنسه
شاهى : حط اى اغنيه يا رجب
ملك : حط اغنيه الله يخليهم بتاعت وائل جسار
شاهى : لا يا ستى احنا عايزين اغنيه روشه مش عايزين نتنكد .. حط اغنيه تسلم بتاعت تامر عاشور
واخذت فى الغناء مع الاغنيه
روح يلا العب غيرها ومتجيش وتجبلى
يجى ميت حاجه اتقالت ومفيش حاجه كملت
كلامنجى اوى وبتحب تبان واحد غلبان وانا باجى عليك
كلامنجى وعمال على بطال اللى بيتقال بتغير فيـــه
تسلم وفر على نفسك اى كلام علشانى تسلم
ريتاج : بــس صوتك وحش اسكتى بوظتى الاغنيه

كانت العربيه ملفته للنظر وكان صوت البنات عالى كمان



ولما وصلو المطعم جه الجرسون

الجرسون :ايوة طلابتكم يا آنسات
ريتاج:انا عايزه .............
ملك:وانا زيها
شاهى:اما انا بقى فهاتلى .... و..... و..... بس كده
الجرسون:اى خدمه تانيه؟؟...
ريتاج:لا شكرا...
بعد ماراح الجرسون التفت للبنات وقالت :بنات شايفنين الولدين الى هناك الواد الرخم ده كل شوى يبصلى ويغمز
شاهى:قصدك الى لابس تشيرت سماوى ده
ريتاج:ايووه عليكى لمبه محروقه<<عليكى نوور يعنى
فى نفس الوقت جه الولدين
احمد ابو تى شيرت سماوى _: لو سمحتى يا انسه هيا الساعه كام
ملك : اوف على اليوم
شاهى : روح يلا العب بعيد
على _التانى _ : ايه يا انسه احنا بنقولكو الساعه كام مش بنقول تعالو العبو معانا ماتش كورة
ريتاج : الساعه واحده ومعاها عيل
البنات التلاته : هههههههههههه
احمد : ده انتى دمك خفيف بقى
ريتاج : وانت دمك تقيل
احمد : ليه بس محنا كنا حلوين مع بعض
شاهى : روح يلا اركن بعيد والا
احمد : اركن ليه شايفانى تاكسى .. وبعدين ايه والا دى هتعملى ايه يعنى
ريتاج : عايز تشوف هتعمل ايه
احمد : اه عايز اشوف
قامت ريتاج وقفت ببرود واخدت كوبايه مايه من قدامها وطششششششش فى وش احمد
احمد: ايه ده انتى عارفه انتى عملتى كده فى مين انا هوريكى انا هوديكى فى داهية
على : احمد يلا يا احمد خلاص مش مشكله دول عايزين يتمنظرو بس
بعد ما مشيو من قدام البنات واحمد يتوعد لريتاج

احمد : والله لوريها البنت المفعوصه دى
على : هتعمل ايه
احمد : هتشوف اما خليتها تندم وتعيط ليل نهار مبقاش انا احمد شهاب



نرجع للبنات بعد ما مشى احمد وعلى البنات قعدو يضحكو ويضربو ايديهم فى ايد بعض
ملك: ايه ده ايه الجراءة دى يا بنتى يالهوى
ريتاج : هههههههههه اى خناقه
شاهى : لاء جدعه يا بت هههههههههه شوفتو منظره لما الميه جت عليه ياااى
واخذ الكلام شاهى وريتاج بعيدا عن ملك تمام واخذت هى تفكر فيما حدث مع كريم
فى نفسها:ليه يا كريم كل ذنبى انى حبيتك فين وعودك ليا بس انا الى غلطانه علشان صدقتك جرحتنى وكسرتنى عمرى فى حياتى ماحبيت حد قد ماحبيتك (وبعدين رجعت تلوم نفسها)اصلا انا الى غبيه مكانش المفروض اصدقك من هنا ورايح عمرى ماهصدق حد الرجاله دول ملهموش اماان...
.

عاوزه تفاعل ياحلوين عشان اكمــــــــل











  رد مع اقتباس
قديم منذ /12-04-2010, 11:19 PM   #9

عضو ذهبي

 

 رقم العضوية : 36393
 تاريخ التسجيل : Dec 2009
 العمر : 37
 الجنس : ~ ذكر
 المكان : مصر حببتى
 المشاركات : 1,871
 النقاط : جبل الخير has a reputation beyond reputeجبل الخير has a reputation beyond reputeجبل الخير has a reputation beyond reputeجبل الخير has a reputation beyond reputeجبل الخير has a reputation beyond reputeجبل الخير has a reputation beyond reputeجبل الخير has a reputation beyond reputeجبل الخير has a reputation beyond reputeجبل الخير has a reputation beyond reputeجبل الخير has a reputation beyond reputeجبل الخير has a reputation beyond repute
 درجة التقييم : 2134
 قوة التقييم : 0

جبل الخير غير متواجد حالياً

إرسال رسالة عبر Yahoo إلى جبل الخير
أوسمة العضو
افتراضي

رووووووووووووووووعه

سلمت اناملك

ودى وتقديرى







  رد مع اقتباس
قديم منذ /12-06-2010, 11:53 AM   #10

 

 رقم العضوية : 59147
 تاريخ التسجيل : Nov 2010
 المكان : alex
 المشاركات : 54
 النقاط : The Queen Mero will become famous soon enough
 درجة التقييم : 50
 قوة التقييم : 0

The Queen Mero غير متواجد حالياً

أوسمة العضو
افتراضي

::الحلقة الرابعة::




طبعا احمد كان يتوعد لريتاج بشده


احمد : انا هورى البت المفعوصه دى شغلها كويس
على: خلاص بقى يا احمد خلى عقلك كبير وبعدين هتعمل ايه يعنى
احمد : هعمل ايه انا هخليها تركع تحت ركبتى وتعيط بدل الدموع دم
على : ياسلام كل ده علشان رشت عليك شويه ميه
احمد : الحكايه مش شويه ميه بس خلاص انا اخدتها طار شخصى ..عارف انا هعمل معاها ايه بكرة لو جت المطعم
على : هتعمل ايه
احمد : هرسم الحنيه والندم والاسف و....
على : و ايه
على : واللى يحضر الجن يعرف يصرفه
على : يعنى ايه مش فاهم
احمد بخبث : مش مهم
رجعو البنات التلاته كل واحده على بيتها بعد ماقعدو يضحكو على احمد وعلى
شاهى اتصلت بملك

ملك : الـــو
شاهى : ايوة يا جميل
ملك : فى ايه
شاهى : فى مسأله صعبة فى الفيزيا مش عارفة احلها
ملك : قصدك اول واحده
شاهى : ايوة عليكى لمبه محروقه
ملك : انا بقى فضلت وراها لحد ماحلتها
شاهى : طب ايه الحل
ملك : تدفعى كام ؟
شاهى : ادفع بوكس فى سنانك
ملك : لا لا خلاص حلها ياستى .......
شاهى : طيب عايزة حاجه
ملك : ياسلام هيا خلصت حاجتى من جارتى السلام عليكم
شاهى :
ملك : عايزة سلامتك ياستى سلام
شاهى : سلام
قفلت ملك الخط مع شاهى ودخلت عليها رنا



رنا اخت ملك عندها 10 سنين عسوله خالص وعاملة زى البسكوته ورقيقة جدا



ملك : ازاى تدخلى من غير ماتخبطى ع الباب
رنا : اسفه يا ملك ... اصلى كنت عايزة اتكلم معاكى شويه
ملك : عايزة ايه يا مصيبه
رنا : مصيبة ...طب خلاص انا ماشيه
ملك : رنا انتى عارفه انى مبحبش كده انطقى عايزة ايه
رنا :انا قاعده لوحدى ومش لاقيه حد اتكلم معاه
ملك بحنيه : يعينى ..عايزة تتكلمى فـ ايه ياحبيبتى
رنا: اصحابى بيضايقونى ف المدرسه
ملك : بيضايقوكى ..ليه
رنا : عشان مش عندى اصحاب وهما بيغظونى
ملك بحنيه اكتر : ملكيش اصحاب يا حبيبتى
اومأت رنا موافقه فأخذتها ملك ف حضنها ومعرفتش تعمل ايه معاها




فـ المدرسه
ملك : ازيك يا ريتاج
ريتاج : الحمد لله تمام ...بقول ايه ايه رأيك نروح المطعم تانى النهاردة بعد المدرسة
ملك : ليه
ريتاج : اصل الاكل بتاعه عجبنى اوى
ملك : الاكل بردو ولا الواد بتاع المطعم
ريتاج : واد ايه ده ااااااااه الواد اللى رشيت علية ميه ... لا طبعا انتى اتجننتى ده واد مغرور اوى
ملك: ياراجل
ريتاج : ياست
ملك : انا معنديش مانع الدور والباقى ع اللى جايه دى
شاهى : بتقولو ايه من ورايا
ريتاج : ايه رأيك يا بت لما نروح المطعم بتاع امبارح
شاهى : ليه ..عايزة تشوفيه ...هو وحشك

قالتها وهيا بتغمز لملك ثما انفجرا فى الضحك لما شافو ريتاج من كتر الكسوف بقى وشها زى الطماطم

شاهى : اصلا امبارح كان باين عليكى انه عاجبك
ريتاج : اسكتى بقى
ريتاج : خلاص مش رايحه
ملك : بس انا عايزة اروح
شاهى : وانا كمان
ريتاج : طيب اوكى
بعد المدرسه راحو البيت غيرو لبسهم ولبست احلى لبس عندها
شاهى : ايه ده ايه القمر ده
ملك : بس بقى ياشاهى متكسيفهاش
شاهى :هههههههههههههه طيب
ولما وصلو المطعم لقو احمد وعلى هناك موجودين
احمد : مش قلتلك هتيجى
على : ماشى ياابو العريف
احمد هو كمان كان متشيك ع الاخر ولابس اللى ع الحبل
واول ما البنات قعدوا راح لهم هو وعلى
احمد : هاى يابنات
شاهى : هاى ورحمة الله وبركاته فى ايه يا اخ
احمد : لا مفيش انا بس كنت عايز اكلم الانسه وهو بيشاور على ريتاج
ريتاج : مفيش كلام بينا ..وبعدين تكلمنى بتاع ايه اساسا
على : يلا ياعم من هنا دول كلهم لمضين
ملك : بقولك ايه احترم نفسك
احمد : استنى يا على ... بصى يا انسه المفروض تيجى تعتذرى ليا ع اللى حصل منك امبارح
ريتاج : هو ايه اللى حصل اصلا
احمد : انا هعمل نفسى مش واخد بالى بس انا حبيت اقولك اسف لو كنت ضايقتك امبارح ...سلام
ريتاج : مالك قفشت كده ليه
احمد : اعمل ايه ما انتى واصحابك نازلين تريقه من الصبح ..دى غلطتى انى جيت اعتذر
ريتاج : خلاص احنا اسفين يا سيدى
احمد : لا لا ولا يهمك ...خلاص مدام اصتلحنا كلنا انا هعزمكوا ع الغدا كلكم
ملك : ايه لا طبعا مش موافقه
شاهى : انت هتبقشش علينا
ريتاج : استنوا بس يابنات ... معلش يا استاذ مرة تانيه ان شاء الله
احمد وهو بيمد ايدو يسلم عليها : خلاص انا اسف على فكرة انا اسمى احمد
ريتاج وهيا بتسلم عليه : عاشت الاسامى يا احمد ..انا ريتاج
احمد : الله ريتاج اسم جميل اوى اوى
ملك : اوووووووووف
احمد : طيب هشوفك تانى بكرة
ريتاج : اه طبعا
احمد : انا سعيد بمعرفتك جدا ..واسف اذا كنت عطلتك ...سلام
ريتاج : انا اسعد .. ولا عطلتنى ولا حاجه ...سلام
وطبعا اول ما احمد وعلى مشيو انهالت الفتاتان على ريتاج بالاسئله الغاضبه والمحتجه
ازاى تسلمى عليه ؟؟ازاى تقوليله اسمك ؟؟؟ ازاى...؟؟ازاى..؟؟
وهيا كانت ف دنيا تانيه دنيا الحب والغرام اصلها طبت







  رد مع اقتباس
إضافة رد

الكلمات الدلالية (Tags)
اخر, بنات, يوميات, شقاوة


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
**** يوميات بنات مصر **** الجزء الرابع big bốss منتدى يوميات الاعضاء 66 11-01-2012 12:10 PM
يوميات بنات اخر شقاوة زهرة الحب قصص - روايات - حكايات ...منقولة 8 12-14-2010 10:04 PM
يوميات بنات شقاوة بس اخر حلاوة رشه جريئه قصص - روايات - حكايات ...منقولة 7 06-06-2010 08:41 AM
شقاوة بنات جامده جدا عاشقة هانا صور - كاريكاتير - مناظر - خلفيات 16 01-18-2010 03:18 AM
شقاوة.بنات وصلت شقاوة.بنات منتدى الترحيب بالاعضاء الجدد 10 08-07-2009 02:40 PM


الساعة الآن 07:28 AM


Powered by vBulletin® Version 3.8.7
Copyright ©2000 - 2019, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w