كتبت اللى بتحبه ...ورسمت اللى بحبه

[aaesha]

لوحاتي ...رسوماتي....شاهدين على موهبتي
من طفولتي لشبابي .....كنت عاشقه لفرشتي
حتى البليته والألوان..... عليها بصمتي
.............
وجت في الأخير عزيزتي صحبتي
اللى دايما تقلي عن المجال ده أبعدي
أصلك لو دخلتي مش هتتوظفي
وهيا كانت عاشقه وموهوبه للعربي
وأنا كنت دايما أقلها أبعدي
....................
وسبحان ربي واللى حصلي
أنا دخلت عربي وهيا بقت فني
وأنا بقيت أكتب اللى بتحبه
وهيا بقت ترسم اللى بحبه
أصل كل حاجة مكتوبه ومقسومه عند المولى
علشان كده لازم على كل حاجه نرضى


إهداء مني لعزيزتي صحبتي

[قرب كمان]

اه والله بتحصل فعلا

انا كمان من صغرى بتمنى طب - لكن غيرت مجالى لصنايع املا فى الهندسة - وولاسف دخلت جامعة غير الهندسة واخر سنة فيها كمان بتخرج مراقب جودة ---- حاجة بعيدة عن اللى كنت عايزها بس ادام ربنا اختارها ليا يبقى موافق ونتوكل على الله



وفكرتينى باغنية جوايا احساس بتاعة تامر كلها برده نفس المود :d


بجد تسلمى على الكلامت اللى عجبتنى


بانتظار جديدك

[البرنس رامى]

تأتى الرياح بما لاتشتهى السفن عزيزتى

وعموما ربنا يوفقك ويوفق صاحبتك

وان شاء الله تكونى مبدعه فى العربى وفى الفن كمان اجعليه هوايه وخلاص

وعلى فكره اغلبنا كده المهم تمنياتى لكى بالتوفيق

[aaesha]

فعلا والله ((قل لن يصيبنا إلا ماكتبه الله لنا))

ومين عارف يمكن يكون ليا مستقبل فيه افضل من الفنون وهتفضل هواتي هيا دي فعلا

اسعدني مروركم الكريم واعجابكم بكلماتي البسيطة..
دمتم بخير