تفجير المفاجات عن ملف تنظيم كاس العالم : مصر كان معها اصوات بالجملة وخسرناها بسبب الهرج والمرج

[ღ Gի๐sτ ღ]

هشام عزمي المسئول عن ملف مصر لكأس العالم 2010 يفجر مفاجأت كبيرة جدا مع محمد شبانة على مودرن كورة
بيقول انه جمع 4 اصوات من اوروبا وفي صوت ممكن يجي من بلاتيني قاله انه هيدي المغرب ولو المغرب موصلتش الجولة التانية هيدي مصر
و بلاتر ادى جنوب افريقيا
جمع اصوات من تركيا و اسكتلاندا و بلجيكا
كان مسئول عن اصوات اوروبا و امريكا الجنوبية والشمالية
وابو ريدة مسئول عن افريقيا
و سحر الهواري عن اسيا
و ماجد سامي (صاحب نادي ليرس ) مع نيوزلندا
وقال حاجات تاني كتير من ضمنها
ان في الكونجرس الافريقي في تونس المفروض مصر تعرض ملفها في الكونجرس وكان الاعضاء هناك بتوع ملف مصر
جاء اتصال لعلى الدين هلال وزير الشباب ساعتها بيسأله انت ليه معرضتش ملف مصر عن كأس العالم
والمعلومة المؤكدة اللي جاتله ان هاني ابو ريدة نسى وكان بيفكر في الانتخابات
وعلاقته وحشة بسمير زاهر و هاني ابو ريدة

وقال كلام خطير جدا
(((( سمير زاهر او هاني ابو ريدة مع حياتو اتصلوا بالفيفا قالولهم شيلوه من اللجنة المنظمة لكأس العالم 2010 بعد ما هشام عزمي جاله جواب من الفيفا انه من ضمن اللجنة المنظمة ))))
وبسبب خوف حياتو من عزمي بسبب خوفه من اسمه ودخلوه الانتخابات ضده
وابو ريدة او زاهر عشان يدخلوا ابو ريدة مكانه في الفيفا

:Ts_011:
ياعينى ياعينى ياعينى عالولا

بقى جايين تتخانقو وقت الملف

وانت ياعم عزمي جاي تتكلم بعد 6 سنين

كنت ناسى انت كمان صح

وطبعا الصوت بصوتين

يعنى مصر تاخد صوت . معناة ان المنافس نقص صوت

+

معني ان بلاتينى يديك صوت . يبقى صحاب بلاتينى كلهم هايتبعو سياستة ويدى مصر الصوت

---------
عمار يامصر

كسبنا اصوات فى الجولة الاولى . وكنا هاناخد بلاتينى وكل من يتبع بلاتينى فى الجولة التانية

يعنى كنا هانكون بالمنافسة القوية جدا والبطولة اما فى مصر او جنوب افريقيا والاقرب مصر لان كل من فى اوروبا يدعم بلاتينى وبلاتينى كان هاياختار مصر

اما الله اعلم اية اللى حصل في المصريين ... اللى جوة
خربو الدنيا ., معرفش عملو اية مع بعض
سحبو كل الاصوات وخلونا
0
مرة تانية
0
تالتة
0
رابعه 0

ادخل جوجل واكتب 0
هاتلاقى ملف مصر يطلعلك فى اول صفحة

ومعنى ان احنا خسرنا بلاتينى يعنى ال10 اصوات اللى المغرب خدوها كانو من فضل مصر

لان المغرب خدت اصواتها من فرنسا واسبانيا وطبعا كل اللى كانو معانا والسبب فى دة كلو اكيد بلاتينى
لان بلاتينى الناس كلها بتجرى وراة

يعنى من الاخر

لو كان الافاضل المصرين المسؤلين عن ملف مصر , لو كان احترمو نفسهم جوة الفيفا

كان زمننا دلوقتى عدينا ال 14 صوت واكتسحنا التصويت

ولكنهم للاسف
فاكرين نفسهم فى مقر اتحاد الكورة , مش مقر الفيفا

طبعا حقهم , اول مرة في حياتهم يدخلو مقر نضيف زيمقر الفيفا وميعرفوش ان كل حاجة بنظام

مش زي عندنا اتخانق واضرب وكسر واعمل واخرب ولا حد من الصحافة هايشوفك عادي

وفعلا كان عندة حق ابن همام لما قاللنا انسحبو من الملف من بدرى لاننا داخلين نهرج ونلعب

منهم لله اللى اختارو كل من كان فى الملف وكل من كان فى الملف

بعتين واحد سياسى لا يفهم حاجة فى الكورة يمسك ملف الكورة

وسبحان الله

فى عز ماجنوب افريقيا تروح بنيلسون مانديلا للفيفا بنفسة

وقطر دلوقتى تروح بامير قطر بنفسة وزين الدين زيدان

امريكا نفسها راحت بكلينتون

واحنا مستخسرين يبعتو واحد زي حسنى مبارك

عليه القيمة , اكبر من انة يروح المقر الفيفا

احنا رايحين رحلة

مش رايحين نقدم ملف كاس عالم

واحنا نقول خدنا العلامة التاريخية 0 لية

:no:

[ARAGON]

هههههههههه/،،

لو كنا دخلنا باستاد القاهرة بس .. كنا ها ناخد اكتر من الصفر ده ..

شكرا على الخبر والتوضيحات ..

ونشوف بكره .. بس اكيد الناس دي طالعه

علشان في نية مصر اكيد تستضيف كاس عالم ثانيه

واكيد عايزين يمسكوا الملف الجاي .. علشان يقولوا احنا عندنا خبرة باللي فات

ووها نعرف نتعامل :d


شكرا يا الحبيب

[ღ Gի๐sτ ღ]

بس والله على فكرة مصر تستحق

انا لا اصدق ازاي مصر تجيب 0 اوالمغرب 10

اكيد بالفلوس لان الراجل دة بردو لما كملت الحلقة فى الاعادة النهاردة

قال ان الفيفا طلبو فلوس مقابل الاصوات ولكن مصر لن تتوافق

-

وعلي فكرة

النهاردة واحد مسؤل كبير فى الفيفا كان موجود ومستقيل دلوقتى

لسة مطلع تصريح فى جريدة ماركا العالمية الاسبانية ,. ان الفيفا اداهم تعليمات خاصة بعدم التصويت لمصر وبعدين قالك كان نفسى مصر تنظم البطولة لانها لو كانت نظمتها كان هايكون احسن تنظيم فى تاريخ كاس العالم

خاصة ان االمباراة النهاية هاتكون فى استاد متحرك عند الاهرامات وهايعملو سلم متحرك وحاجات كلها متحركة واللى يرفع الكاس هايرفعو من فوق الاهرامات وحاجات جامدة

وكان من وجهة نظرة ان ملف مصر هو الاقوى فى الموجودين

وبردو المسؤل المصرى قال تقرير الفيفا اعلن ان ملف مصر كان اقوى ملف كفنيا ويستحق

ولكن التصويت جاء علي الانتماء والفلوس

والغريب
ان الراجل مالدينى دة , اعلنها صراحة
مصر اتظلمت , وان بلاتر لايهمة النجاح ولكنة يختار علي اللى يعجبة فقط