من صفحاااااااات فتاة

[الحان الورد]

السلام عليكم ورحمة الله وبركاته

صفحاااااااااااات فتاة

بالمصري الفصيح\عاوزة اتجوز

حلو العنوان كده زي مايكون فيلم عربي قديم قديم قوي يمكن قبل ظهور السينما والتلفزيون....بس هو بصراحة فيلم هندي مش عربي وكوميدي كمااان .

واحدة صاحبتي كانت لسهة متجوزة قريب وكنت لسه حاضرة فرحها من اسبوعين اتصلت عليا عشان تطمن على سيادة حضرة سعادتي انا بقه مسكت صاحبتي وقعدت اهزءها..ايه الصحوبية دي احنا مجوزينك ليه؟؟ مش عشان تشوفيلنا في اصحاب جوزك والا قرايبه حد يجوزنا صحوبية دي ولا خيبة ...

وكل شوية صاحبتي تحاول تقاطعني وتسكتني وانا ابدا منطلقة زي الصاروخ..لحد ماراحت موقفاني بصرخة..يابت اسكتي بقه جوزي بيسمع من السماعة التانية وعايز يتاكد انك كويسة ورقيقة جايبلك عريس!

وفي لحظة واحدة انقلبت طريقة كلامي 180 درجة وبقيت ارق من ارق وحدة في الدنيا وانا بقول ..انتي صدقتي ..انا كنت بهزر معاكي انتي عارفاني رقيقة طول عمري دانا ارق من بنات السينما اللي طالعين اليومين دول.

واسمع صوت جوزها وهو بيحاول يكتم صوت ضحكته على السماعة التانية وصاحبتي بتقولي وهي تصك اسنانها..عارفة عارفة ...هو انت حتقوليلي

المهم اتفقنا على معاد ولما اقول معاد يمكن تعدي على الرجالة بسهولة اصل اكتر حاجة يعملهايستحمى>>ومش دايما كمان<<ويخلي امه تغسله القميص والبنطلون واخته تكوي له الهدوم ويشغل كل اللي خلفوه علشان طلعة سعادته البهية
لكن في بيت العروسة>>اللي المفروض انها انا<< الوضع مختلف ...هيييييييييصة
غسيل حيطان تلميع الارضيات تنظيف السجاجيد وتنظيف الستاير والشبابيك وكل دا طبعا على راس العروسة واللي خلفوها...

المهم جا البيه المحروس هو واهله..لمحته وهو داخل وياريتني ماشفته ياسلاااااااام ..زي مايكون لامم كل اللي على حبل الغسيل ولابسه على بعضه...وبقيت متاكدة انه ماعندهمش في البيت مرايات وان امه واخته عندهم عمى الوان ..البيه لابس قميص اصفر وبنطلون ازرف وبلوفر اخضر وفوق ده كله كرافتة من النوع عديم الالوان يمكن كان لونها ابيض ايام الانجليز وهو وارثها من جد جده..

قلت في نفسي..مش مشكلة بيقولو الراجل مايعيبوش الا جيبه واهو يبقى عريس ملون زي التلفزيون الملون مشرق كدا ومقبل على الحياة ..هو صحيح اذنيه مخاصمة راسه خالص واسنانه بيحبوا بعضهم لدرجة انهم راكبين فوق بعضيهم ..بس خلقة ربنا يعني
المهم العقل والشخصية.

واول مادخا بابا راح واقف>>اسم الله عليه مؤدب يعني<<..
وانطلقت امه تعرفه زي مانكون في برنامج مسابقات..الدكتور سامي..علاج طبيعي
قام هو مكمل تقديم المحروسة والدته..وبقلد فنانين كمان!
ايه الهبل ده بااااااااااااااه!!....هو احنا عاملين برنامج مواهب ...بابا عداها وقال له ..اه اهلا وسهلا اتفضلو....وبص لماما بصة..ايه الخيبة اللي جايبينها دي !

المشكلة انه العريس انطلق يحكي عن صولاته وجولاته في عالم التقليد والخيبة امه منشكحة ومبسوطة اوي على انجازات ابنها في الحياة...وفجاة بص في الساعة وبص لبابا وقال...ياعمي ممكن اسال سؤال وتجاوبني بصراحة؟..بابا رد عليه بقلق..ايوه يابني خير ان شاء الله...قال ..هو التلفزيون دا بيشتغل ولا عطلان ?بابا فوجىء كدا وقاله..بيشتغل يابني بيشتغل!

فجاة البيه المحترم راح قايم وفتح التلفزيون وقعد يقلب القنوات لغاية لما لقى مباراة>>ماتش بالعربي<<لنادي الزمالك ..وبابا وماما قاعدين مذهولين..وبعد شوية اتحمس وعلى صوته..شوت ياعم!!ايوه كده!....ايوه كده يااااااااه الحكم ده حمار ابن.......
وبابا وماما قاعدين.
ماما حبت تحرجه بالذوق كده وقالت له..والله يابني انا مش عرفة ازاي تتابع الكورة اليومين دول دا حتى الزمالك بقاله مدة لعبه مش كويس خالص.

الواد فجاة سكت ولف على ماما بالتصوير البطىء كده...وعينه احمرت لدرجة ان ماما خافت
وراح رافع صوته..لاااااااااااا !
بقولك ايييييه الا الزمالك اتكلمي براحتك على اي حد على امي...على ابويه...عليا انا شخصيا لكن الزمالك لا لا لا فاهمة! وراح باصص على امه وقايل..قومي ياماما! لنا لايمكن ادخل بيت الزمالك يتهان فيه!!
يابن 60 في 70 !!....بصراحة انا وقعت على الارض من الضحك ..صدق اللي قال هم يبكي وهم يضحك.

الجميل انو صاحبتي جاية تاني يوم تسالني عن رايي ..قلت انت اكيد بتستهبلي!!
وحكيت لها عن اللي حصل..لقيتها بتقول..المهم انه مايعلافش انك اهلاوية!!

ولما اصريت على الرفض ..صاحبتي ده قاطعتني وماكلمتنيش من يوميها ...لانه ازاي ارفض
عريس لقطة زي ده!!...
صحيح ازاي؟؟!!

طلعت فوق السطوح هز الهزا كمي
كل البنات اتجوزت وانا قاعدة جنب امي

[همسات دافئة]

ميرسي ياقمر علي التويك النايس ده


تحيتي لكي

[الحان الورد]

شكرا ليكي همسات دافئة على مرورك

[**لسة صغيرة**]

هههههههههههههههههههههههههههههههههههههههههههههههههه ههههههههه

ميرسي رؤي*
عالموضوع
ههههههههههههههههه

[الحان الورد]

تسلي يالسه صغيرة على مرورك
تورن الصفحة

[A . y . a]

هههههههههههههههههههههههههههههههههههه
ايه يابت الجمال ده
مرسي يا روره يا بحببيتي ع التوبيك الجميل

ايـة

[الحان الورد]

اقتباس المشاركة الأصلية كتبت بواسطة اية هههههههههههههههههههههههههههههههههههه ايه يابت الجمال ده مرسي يا روره يا بحببيتي ع التوبيك الجميل ايـة

نورت الصفحة يااية بمرورك
ده جمالك
تسلميييييييييي