Live It Right

[حياتي ذكريات]

اقتباس
المشاركة الأصلية كتبت بواسطة Mo7aMaD 3aLa2





حلوة اوى فكرة الموضوع يا دعاء

مهم جداا ان كل شخص يتخذ قرارة بنفسة

وغلط جداا اننا نبنى قرارات بناء على تجارب الاخرين

لان التجربة فـ حد ذاتها من اسس صناعة القرار الصحيح ...

ونتيجة التجربة بتتغير من شخص للتانى

اعتقد ان الشخصية هى الاساس فـ موضوع اتخاذ القرار

موضوع الانسان مسير ولا مخير كنت بدرسة و قريت عنة فـ الثانوى

اصل كنت واخد فلسفة مادة ادبية :Ts_011:

كان فى فلاسفة كتير وكل واحد لية رأى ...بس انا اقتنعت برأى بيقول ان الانسان مسير ومخير فـ نفس الوقت

مسير بدليل انة مش بيختار اهلة مش بيختار بيئتة اللى بينشأ فيها مش بيختار مجتمعة

ومخير فى افعالة ...

كان فى رأى جميل اوى للامام محمد عبدة

...كان بيقول فيما معناة ان الانسان حر فـ افعالة لكن بشرط رضا الله عن هذة الافعال ...بمعنى انى هعمل حاجة معينة بكامل ارادتى وفـ نفس الوقت هتكون هى دى الحاجة اللى ربنا كاتبلى انى اعملها

..موضوع مميز يا دعاء

وبرنامج رائع طبعا يا ميشو

فيه حد ياخد فلسفة مادة أدبية دي ماده بتشقلب التفكير كله ومعقده
:bigsmile:
وجملة الامام محمد حلوة وهو ده المعنى من التخيير والتسيير
في دنيتي وفي قراراتي اكون مخيرة وبراحتي لكن عند ربنا بكون مسيرة
لان في النهاية كل حاجه مكتوبة في صحائف
وزي ما قلت غلط اني ابني قراراتي على تجارب غيري
كل واحد كان ليه ظروفه وكان في بيئة مختلفة عن التاني
ممكن تكون واقع في نفس المشكلة انت وحد تاني وحلها واحد
لكن تناسب وظروف وزمان شخص وما تناسبش التاني

شكرا ليك على مرورك يا محمد وردك القيم
نورت الموضوع
دمت بخير ،،

[حياتي ذكريات]

اقتباس
المشاركة الأصلية كتبت بواسطة T o 2 a





بعد مـآقريت الردود والموضوع إتعقدت ,, طب أرد أقول إي يعني ؟؟
قآلو كـل إللي مكن يتقـآل ,, بـس مـوضوعك مهم أوي يـآ دعـآء ,,
غـآلبآ مبعتمدش على نفسي في أي قرآر ,, بحب الإستشآرة ,, وبحسهـآ أحسن وأفضل ,,
فيه غيري مـر بتجـآرب ممكن يلحقوني قبل مـآ أمـر بيهـآ ,, وممكن بردو يكـون كلآمهم غلط ,,
بـس حب التجربه بردو حـآجـآ فطرنـآ عليهـآ ,, يمكن لمـآ نجرب نـآخد إحنـآ القرآر السليم ,,
ويمكن بردو منستفدش أي حـآجـآ ^^ ,,
مـوضوع حـلو أوي يـآ شيمـآء لسه وآخده بآلي منو دلوقتي ^^
بآلتوفيق يآ قمرآتي !~

حلوة ما بنستفدش اي حاجه دي :054:
انتي اي مشكلة بسيطة بتواجهك او موقف بتاخدي منه فكرة تعينك
مش شرط يكون قرار مصيري او صعب اي موقف قصادك حتى لو شفتيه مش
انتي اللي اتحطيتي فيه بتاخدي وعي
بس حاولي قرارتك كلها ما تكونش معتمده على الاستشاره حتى لو اللي قدامك
فاهم وواعي خليكي في مرة انتي حطي قرار بنفسك
مش مشكلة يطلع غلط بس هتحسي ان بقى ليكي شخصية مستقلة تعرف
تاخد قرارتها وتفهم نفسها
يمكن حتى لما تكبري وتلاقي مشاكل اكتر بتواجهك وما فيش حد جنبك تاخدي رايه
مش هتعرفي تاخدي قرارات سليمة لانك ما اتعودتيش على كده من زمان
المسألة مش صعبة خالص تفكير بسيط وبس

شكرا ليكي يا تقى على مرورك
منورة يا قمري
دمتي بخير

[غرم]

فكرة جميله وجديده يا شيماء ويارب احسن

[!Love]

حلة أويي الحملة دي يا شيماء ..
بجد الحياة متبقاش حياة لو عيشناها غلط ..
وأنا معاكي بإذن الله

[misho]

اهلا بكم في ثالث حلقة من برنامج
live it right
و معانا النهاردة ضيف مميز فيما يطرح
و له حضور جميل بردوده و مواضيعه
معنا

محمد قاسم

موضوع اليوم بعنوان

<<اهدار الوقت>>

بسم الله الرحمن الرحيم
من اكبر الاخطاء التى قد يقع فيها الشباب وقد لا ينتبه لها هى مشكلة اهدار الوقت
وانا شخصيا اعترف انى كنت احد هؤلاء وامنت حقا ان
(الوقت كالسيف ان لم تقطعه قطعك)
اعلم عزيزى الشاب بأن كل يوما يمر عليك هو بمثابة ضيف مر عليك ولن يعود اليك ثانيتا
فأنت وحدك من بيدك ان تجعل من ايامك كنزا تزداد منه يوما بعد يوم
او كطيف دخان مر من امام نافذتك!!
فحياتنا انا وانت..
كمجموعه من الحصى لى ولك بينما انا اقوم ببناء بيتا جميلا وكل يوم يمر اضع فيه جديد تقوم انت بألقائها فى البحر!!
فلم لا نعمل على تقسيم اوقاتنا..ونقضيها فى كل ما هو مفيد
علينا اولا ان نحدد ما هى اهدافنا فى الحياه والتى نرنوا اليها؟؟
ثم نقوم بتقسيم اوقاتنا للعمل على تحقيقها.
-اعط وقتا كافيا لعملك حتى تتقنه..فقد قال رسول الله صلى الله عليه وسلم
( إن الله يحب إذا عمل أحدكم عملا أن يتقنه )
-ابحث فى ذاتك عن هواياتك واجعل لها حيزا من الوقت..لا ترد هديه اهداك الله اياها.
-اجعل وقتا لاصحابك..لاكن لا تنس اهلك فان لهم عليك رحما.
-اجعل وقتا لنفسك فأنت دوما بحاجه الى ترتيب افكارك ومحاسبة نفسك..فلا تدعها تشتاق اليك.
-واهم شىء وقبل كل شىء اجعل الكثير من وقتك لذكر ربك..
فبذكره ستكسب خيرى الدنيا والاخره..وتسير فى طريق حياتك مطمئنا
هادىء البال..الم تسمع قوله تعالى
(( الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللًّهِ الا بِذِكْرِ اللَّهِ تَطْمَئِنُّ الْقُلُوبُ )) سورة الرعد ...
-اخيرا وليس اخرا لا تضع وقتك فى الندم على ما فات فأن ما فات قد مات..
وتعالى من دلوقتى نعيشها صح:Ts_011:
بقلم/محمد قاسم

[هزوره المصريه]

أولا نرحبـ بالضيفـ الراقى جدا / محمد قاسم
أختيار موفق وجميل ياشوشو
والحلقــه جميلــه ومهمه جدا فالوقتـ كالسيف أن لم تقطعــه قطعكـ
كلّنا يحاول بقدر الإمكان أن يوازن بين حياته الشّخصيّة
وعلاقته مع أسرته وأصدقائه وساعات عمله وعبادته.
والاحتفاظ بالتّوازن صراع دائم،
لكنّه غير مستحيل، فالكثير من العظماء
عاشوا حياة متوازنة، وليس هذا فقط، بل رغبة
الله لنا أن نحيا حياة متوازنة.
والحياة المتوازنة تبدأ
بمعرفة أين يريدنا الله أن نذهب، وما هي خطّته لذلك، وكيف
نتمِّم خطّته. لذا يجب علينا استخدام وقتنا (هذه العطيّة المقدّسة التي منحها الله لنا)
بحكمة، وعلينا أن نتذكّر بأنَّ الوقت حياة، ونحن نصرف الوقت أو نصرف حياتنا،
سواء عملنا فيها شيئاً مفيداً أَم لا.
وعلى هذا يريد لنا الله أن نستغلّ وقتنا بالشّكل الأفضل لكي نُتمِّم خطّته لحياتنا.

وآخيرا تسلم الأيادى يامحمد على الطرح المميز
وتسلم أيدكـ ياشوشو على الحلقه والأختيار
وأكيـــــــــــــــــد هنعشها صح

[ماتركس]

ميشووو

حلقه جميله يا ميشوو

واختيار مميز منك قاسم من الشخصيات العاقله والناضجه

منور يا قاسم باشا

موضوعك جميل يا محمد والله وانتا كلامك صح الوقت اذا لما تقطعه قطعك

عارف يا محمد في الاول لما كنت في مصر مكنتش بحسب ليها

بس بجد لما سافرت بقيت كل حاجه بنظام وكل حاجه نعملها في حياتنا لازم نحسبها

علشان كل لحظه في الدنيا دي محسوبه علينا سواء لعبنا فيها سواء كنا اشتغلنا فيها

كل حاجه هنتسئل عليها يوم القيامه وعلشان الواحد مننا لازم كل حاجه في حياتنا يخطط ليها

ويحسب ليها ومنضيعش وقتنا وخلاص وكل حاجه لازم نعمل ليها الف حساب

تسلم ايدك علي موضووعك يا محمد

بجد تستاهل خمس نجوم يا نجم

[тoкα..♥]

جـآمد يـآ بـآشـآ ,, مـآشيه ومحدش عآجبك إنتي يـآ شـوشو ,, كـل ضيف أحلآ م إللي قبلـو ,,
نيجي لمـوضوع محمد بـأهـ ,, مـوضوعك جميل يـآ قـآسم ,, حكـآيه الوقت مهمة ,, بـس أنـآ من النآس إللي مبتعرفش تدير وقتهـآ نـهـآئي >> الإعترآف حلو هع
دآيمـآ يتقـآلي إعملي جدول ,, ويتقـآلي إن إهـدآر الوقـت هتحـآسب عليه ,, بـس حـآجـآ مبقتش بإيدي وصعـب أغيرهـآ !!
نـآيس مـوضوع يـآ قـآسم إنتـآ وشـوشو ,,

[Sєяєєη●•ʚɞ]

حلقة جميلة يا شوشو
وكلام محمد جميل جدا
الوقت مهم جدا ومش اى حد بيعرف يقدر قيمتة وممكن نلاقى نفسنا بنضيع وقت فى حاجات مالهاش لازمة
لان ادارة الوقت وتنظيمة مهمة جدا
انا لما بنظم وقتى بتلاقى نفسى بعمل حاجات كتيرة جدا ومهمة عكس اما مابنظمهوش بلاقى الساعات عماله تجرى ورا بعض وماعملتش حاجة
بجد موضوع جميل جداااااا
بشكركم عليه......:278:

[رووكه]

جميله قوى الحلقه

والضيف مميز قوى فى اختيار الموضوع اللى كله مش بيقدر

يتحكم فيه بطريقه صح

يمكن كل حد منا بيتعامل مع الوقت بطرقته وحاسس انه صح

فبجد كل كلامك انا استفدت منه

نيجى للاهل اهم حاجه وهما بعد ربنا على طول والمفروض اننا نفضل

جنبهم فى اى وقت يحتاجونا فيه

عباده ربنا فديه بقى من اهم الحاجات اللى فى الوقت

لما توقف قدام ربك فى كل اذان بوقته وتحس انك على اشتياق فى مقابله ربنا

يمكن دول اهم حاجتين فى الوقت عندى

قـــــــــــــــــــــــــــــــــــــــــــــــــ ــــاسم

اسلوبك راقى تنسيق افكار والترتيب جميل جداا احيك عليه ودائما

بتفدنا فى اى موضوع تكون فيه

misho


وانتى يا مون دائما تتحفينا بضيوفك

المحترمين

موفقه وربنا يوفقك دائما