البيوت اسرار

[ست الملك]

زمان وأحنا صغيرين كنا نسمع الكلمة دى من اللى اكبر منا ان البيوت اسرار ولو حصل ايه فى بيتك أياك الكلام ده يطلع بره وكانوع من التحذير كان يتقال لنا لو حاجة اتعرفت الكلام حيوصلنا والعقاب مالهوش حل وكنا بطبعانا بنسمع الكلام مش خوف وبس لا لان من النادر ان كان يحدث اى خلاف ويظهر امامنا كاطفال . ونفس الشئ بالنسبة للجيران او الاقارب لو حد سمع صوت تعالى من خلف الابواب ابتعد عن المكان او انتبه الى شئ اخر او لاتتفوه بكلمة مع اصحاب الخلاف بعد ذلك ولا تشعرة انك استمعت له حتى لاتسبب له الاحراج .
ااااااااااااه كان زمان الله يرحمك ياأدب ويغفر لك ياتربية !

تعالو معايا نشوف الوضع بقى ايه الايام دى نقدر نقول الايه اتعكست والا اللى مايفضحش نفسة ويحكى مشكله امام الجميع يبقى حيتحسد ويتقر عليه لانه خالى المشاكل وان حياه بدون مشكلة حياه كئيبة

النهاردة تلاقى الجارة تحكى مصايب جوزها مع جارتها والزميلة تحكى مع زميلتها فى العمل او فى وسائل المواصلات العامة وعلى عينك ياتاجر الكل مطرطق ودانة وبمنتهى البساطة والسلالسه تحكى ادق تفاصيل خلافتها مع زوجها قد تصل الى امور تمس الحياء لكن عادى الست تعبانة وعايزة تفضفض وتطلع اللى جواها يعنى تفرقع من الغيظ .وايضا نفس الكلام يقع على الرجل هو ايضا يعنى ياانت ليس ملاكا لاسمح الله تلاقى الراجل من دول يزهق من رتابة حياتة ويبدء يدور على حد يسمع لع وطبعا مافيش احسن من الجنس الناعم لانها هى اللى صدرها حنين ويمكن يقدر يلاقى معها اللى مفتقدة مع زوجتة ويدخل فى تفاصيل يكاد العقل يشل منها اشياء يحكيها قد يكون بها بعض المصدقية واشياء اخرى من وحى الخيال حتى يستميل المستمعة له ويكسب الشفقة وامور اخرى والكل يعلم بدون الدخول فى تفاصيل والغريب انه بيزهق برضة من الزميلة او الصديقة ويلجأ الى اخرى يعنى الزهق مش واقع على الزوجة فقط ايضا على اصحاب القلوب الرحيمة اللى استمعت له وطبطبت على كتفة وقالت له معلش .

ياجماعة فين الدين وفين الاخلاق واين الحياء من كل هذا وليه كل واحد بيرمى بلاءهه على غيره الزوجة تعترض على حياتها الزوجية وتتهمة فى رجولتة والزوج نفس الشء البحاث عن التجديد يصور زوجنته على انها امنا الغول ومنعدمة الانوثة وليس بها مايرغبة بالرغم لو نظر لنفسه يجد انه هو المفتقد لكل شئ

ليس المرأة وحدها المسؤلة عن انحراف زوج فهو ايضا من دخله شئ يكون لديه الاستعداد المناسب متى سنحت له الفرصة بذلك واكيد وبعد ان كانت هواية اصبحت عادة ويليها العبادة !

ياترى الكلام والحديث والفضفضة هو اللى بيهدى من المشكلة فى حد ذاتها وان كل واحد يظهر الطرف الاخر بصوره بشعة ليبرر موقفه فى افعالة وانه من حقه ان يفعل مايرغب لان الكل اجمع انك مظلوم دون السماع من الجانب الاخر ؟ وياترى فى حل للمشكلة دى خاصة اذا علمت الزوجة ان زوجها شوه انوثتها اما النساءمن حولها سوء زميلة الزوج او صديقتة على النت او على الجوال او الزوج يرضى على نفسه ذلك بعد ماتفضح امره امام الجيران وزميلاتها بالعمل وان رقبته باقت زى السمسمة ويقدرش يبص لست ويعكسها بضحكة او سلام ؟
ياريت اخذ رأى اللى بلاقى الموضوع بالنسبة له غير محرج

[عذب المشاعر]

اولا احب اوجه تحياتى على موضوعك الاكثر من الرائع لانه انتشر فى الاونه الاخيره دى بنسبه كبيره اوى وان احنا بشر لابد من كل تعامل بينا لازم يكون فيه من الاتيكيت والتعامل الجيد مع بعضنا البعض سواء بين المراه وزوجها او الاب مع اولاده او الجار مع جاره لان رسولنا الكريم وصى بسابع جار اما بالنسبه الزوجه مع زوجها فهو فى وضع دقيق جدا يعنى لابد من تبادل التفاهم والاحترام حتى لو كان الحب مش موجود بينهم مينفعش تكون الخلافات على مسمع ومرئى الجيران لانها المشاكل مش هيكون ليها حل بهذه الطريقه بل بالعكس المشاكل هتكبر بينهم وهتوصل لطريق مسدود لكن المشاكل تنحل بهدوء وبتفاهم مع الزوج وزوجته ولو مكنش ليها حل بينهم يلجئوا لللاكبر منهم وهو الاب والام ويعرضو عليهم المشكله وطبعا هيكون ليها حل وبطريقه مهذبه لكن عرض المشاكل على الجيران والاصحاب كل واحد مش بيفكر زى التانى كل واحد هيعمل انه حلال العقد وبدل مايحلها هيخربها وبكدا مش هيستفادو اى حاجه غير ان الناس هتتكلم عليهم بطريقه غير مهذبه خصوصا لما يكون عندهم اولاد من كثرة الخناقات والصراخ هيطلعو معقدين وهيتعودو على الهمجيه ومش هطول عليكى عزيزتى بان كل انسان عنده مشكله مع زوجته يحلها بتفاهم وهدوء حتى يوصل لحل يرضى الطرفين وبكدا مفيش اى حد يعرف عنهم حاجه ويبقا بجد شعارنا البيوت اسرار وبدون افشاء اسرارنا قدام الناس لان لاالدين ولاالعقل يسمح بحاجه زى دى تقبلى مرورى

[ماتركس]

المتألقة / ست الملك

مووضوعك جميل وكمان طريقه كلامك علي مووضوعك فيها تواضع

كي توصلي لينا المعلومه بخفه دمه

ندخل في الموضووع انتي كلامك صح يا ست الملك المووضوع دلووقتي بقي كل واحد اي

شي تحصل في بيته

يجري يحكيها للناس معا اني كما ذكرتي انو البيوت اسرار ومينعفش كل حاجه تتقال مهما كان

لازم افراد الاسره كلهم يبقو مترابطين ومش اي حاجه تحصل لازم نروح نقوالها للناس

ونفضح نفسنا مهما كانت المشكله

لازم يبقي في نقاش بين افراد الاسره ويبقو حذرين حذرا تاما انو المشكله متطلعش بره

مهما كانت المشكله سواء كانت صغيره او كبيره لازم يبقي في تعاون بين افراد الاسره

علشان الناس دلووقتي مبقتش زي زمان كل قلوبهم حقد وحسد وكره

بجد موضووعك جميل يا ست الملك

بجد تستاهلي اجمل خمس نجوم لمووضوعك القيم ده

بالتوفيق اليك

[big bốss]

موضوع جميل وفيه فكر عن عادات ذميمه فينا


لازم تتغير


والله لو المشاكل الاسريه فضلت بين الزوجين ومطلعتيش بره


مش هيكون فيه مشاكل خالص

لكن اللسان هو الى مودين فى داهيه وكتر الكلام


وخصوصا المراه مفيش حاجه بتستخبا فى بقها


تحيتى لموضوعك

[دمعه حائره]

عندك حق ست الملك
المشكله دى بقت منتشره جدا
واحنا اتربينا على ان البيوت اسرار
وعيب نخرج اسرار بيتنا برا
لكن الايام دى بقى العيب انك تخبى
لكن الاصول عمرها مابتضيع وخصوصا
لو اتمسكنا بيها هاتلاقى لسه اللى بيعرفها
ويعمل بيهالانها مش بس من عادتنا وتقاليدنا لكن
دى اصول الدين الاسلامى اللى بيحث الزوجه الاتفشى
باسرار زوجها لاحد وطبعا العكس للرجل
ربنا يهدى الجميع
وتحياتى واحترامى ليكى ست الملك

[~♥ Queen sozan♥~]

السلام عليكم ورحمة الله وبركاته
موضوعك مميز يا ست الملك
وزى ما كلنا عرفين السر لو طلع من بين اتنين خلص مش سر
ولازم نحافظ على اسرار بتنا
عشان نعرف نحافظ على اى سر تانى
وشكرا على موضوعك

[حياتي ذكريات]

السلام عليكم

مفروض اللي يحصل في البيت ما يطلعش لبره
ما بحبش الناس اللي بتعد تقول خصوصياتها وكل حاجه عنها
فيه حاجات لازم تبقى في البيت ما تطلعش منه
حتى لو الناس كلها بتتكلم اتكلم انا ليه !!
اللي عايز يفضح نفسه يقول دي حرية شخصية في النهاية
والضرر مش هيجي عليا هيجي كله على اللي قال الكلام
واللي مش عايز يكون أحسن ليه وأنفع
هو حاجه جميلة لما الناس تعرف عني وعن بيتي كل حاجه بالتفصيل !!
واسرار البيت من اكتر الحاجات اللي بتأذي الشخص لو اتعرفت
لان الناس بتحب تتكلم وتقول فممكن الموضوع يتطور لاكتر من اللي اتقال
وتحصل مشاكل عائلية
فليه نتكلم من البداية

شكرا على الموضوع الجميل
خالص تقديري

[مجدى الششتاوى]

الرائعه ست الكل موضوعك راقى وجميل جدالكن المشكله اصبحت تتفقم بشكل مخييف ربنا يهدينا جميعا